*
الجزء الثامن
كان وجه البنت أبد مو غريب عليه ! خصوص انها محجبة وماشاف بهالحجاب غيرها هي يوم كانت مع وعد ! أول ماوصل لهالخاطر فز من مكانه ومشى لها ونظراته ثابته عليها ليتبين شكلها بالضبط وماوصلها اﻻ وهو متأكد انها صديقة وعد ماغيرها**
سعود : مرحبا
شهد بحرج : أهلين
سعود كان على بُعد متر منها وماحب يقرب منها أكثر ويحرجها وقال : عفوا أختي انتي صديقة وعد موو ؟؟
شهد : صحيح .. وانت سعود موو ؟؟
هز سعود راسه باثبات وقال : شلون عرفتي ؟؟
شهد : الصراحة وعد وصفتلي شكلك وكلمتني عنك فاتوقعت إن ماحد حيهتم ويسأل عنها بدا المكان غيرك !
سعود بابتسامة : حلوووو يعني مايحتاج أشرحلك سبب سؤالي عنها ﻷن وعد الظاهر قايلتك شكثر انا مهتم فيها !
شهد : قالتلي انك تكلمها وتسألها وتطالعها .. بس مافهمتني ان دالشي يعني اهتمامك فيها !!
سعود : يمكن إهي ماحست بهالشي ومالومها بس انا بجد مهتم فيها وأبي أعرف شالي صار فيها وليه ماجت معك ؟؟
شهد : هي ماجت معايا وﻻ راح تجي طول اﻻسبوع الجاي !
سعود بقلق واضح : لييه ؟؟ فهميني شصاير ؟؟
شهد : أمها مره تعبانة وتنوّمت بالمستشفى وﻻن وعد وحيدتها فحتجلس ترافق معاها ..**
وعد : يوه وأمها سﻼمات شفيها ؟؟
شهد : عندها مرض ((......... )) باﻷعصاب ومأثر عليها مره وكان ممكن تتعافى منه بس هي ماتاخد الدوا بانتظام ودا الشي مره تعبها
سعود بأسف : سﻼمتها والله ألف سﻼمة !
شهد : الله يسلمك
سعود : زين ممكن تعطيني عنوان المستشفى ؟
شهد بحيرة : آآ .. يس شور .. لكن .. سعود انت اش تبغى بوعد ؟؟؟
سعود : عفوا !!!
شهد : معليه أنا آسفة أخوي لكن وعد عانت بحياتها مره كثير وتعبت مره كثير وخايفة دخولك بحياتها يسببلها مشاكل وهي مو ناقصة !!
سكت سعود لحظات يستوعب كﻼمها وهي انحرجت بس حست انه ﻻبد توقفه عند حده وتفهمه ان وعد مهي ناقصة اي معاناة من نوع آخر !
سعود بعد صمت : شوفي يا .. عفوا ماعرفت اسمك
شهد : ....... شهد
سعود بتلقائية : شهد انتي يحقلك تظنين فيني أي ظن ﻷنك ماعرفتيني زين .. ويمكن وعد بعد ظنت فيني أسوأ منك .. لكن أنا مالي أي غاية من هالبنت أبد غير انها لفتت نظري من أول ماشفتها .. وحسيت بانجذاب واهتمام كبير ناحيتها وبس .. ولو كنت بدخولي بحايتها بسوي شي فأنا بسوي خير ﻻ أكثر !
شهد : أتمنى دا الشي من جد ياسعود وبليز ﻻتزعل بس لو تعرف وعد قد ايش عانت ماتلومني على كﻼمي !
سعود : أبد مالومك .. وكونها سعودية وتشتغل بهالمكان فهذا دليل كافي انها عاشت معاناة وصلتها لهالحال !!
شهد تجمعت الدموع بعيونها بﻼ شعور منها وقالت : بالضبط ياسعود .. عشان كدا أنا خايفة عليها
سعود : ودي أعرف شقصتها وأعاونها بالي أقدر عليه لكن ﻻهالمكان مناسب وﻻ هالوقت .. ولو باعرف ابي أعرف منها إهي ..بس الحين بليز عطيني عنوان المستشفى
شهد : أوكي .. وفتحت شنطتها وطلعت منه كرت أخذته اليوم من المستشفى فيه الرقم والعنوان .. وكتبت عليه رقم الغرفة والقسم ومدته لسعود
سعود وهو يستلمه منها : مادري شلون أشكرك شهد بجد ريحتيني كثر ماكنت قلقان عليها
شهد : العفو سعود .. وأتمنى هالشي مايزعل وعد ﻻن وعد مره متحفظة وماتبغى أحد يتدخل بحياتها بس أنا ثقتي فيك كبيرة
سعود بابتسامة رضى : وانا ان شاء الله قد هالثقة ..
شهد : أوكي سعود نايس تو سي يو ..
سعود : مي تو
شهد وهي تدور عنه : باي .
سعود مارد ﻷن عيوونه كانت تطالع الكرت وفكرة خطرت بباله هاللحظة ان يدق عليها ويكلمها !
****
صرقعة وهبال ورجة ووناسة وضحك ومرح وكل الي تبون كان حي بمجلس البنات بمنزل ابو سعود ..
الكل كان حاضر ماعدا منال ونهى الي كسرت فتون عليها جوالها وبيتهم محد يرد !!
كانت فتون وعهود يترامون بمخدات الكنب لين صرخت عبير : بــــــــــــــــس انتوا والله ﻻكب هالعصير عليكم !!
فتون :هههههههههههههههههه تكفين كبيه على عهود
عهود : ينكب دم عدوك ان شاء الله
فتون : اتركي عدوي بحاااااله مالك ومااااااله
ضحكوا صديقات عبير على فتون الي من جو وهم بس يضحكون عليها وعلى مرحها وحركاتها العبيطة هي وعهود والي شوي تشاركهم مرام بس برستيجها ذاك الوقت ماخﻼها تتستهبل بزيادة ..**
كانت ﻻبسة تنورة لنص الساق لونها فستقي .. وبلوزة بﻼ أكمام مخصرة على جسمها النحيف مشجرة بألوان اﻷصفر الفاتح والزهري والبيج والفستقي .. وﻻبسة صندل رباطات لنص الساق .. ومكياجها زهري على فستقي وبصراحة كانت روعة
عبير ماكانت تقل عنها روعة .. كانت ﻻبسة بنطلون بيج وبلوزة ماسكة بني .. وشال كبير ملفوف من عند خصرها ومزموم عند الجمب .. مدرجه فيه كل ألوان البيج والبني ومع شعرها الكيرلي ومكياجها المتناسب مع اللبس طلعت جنان**
فتون نفس لبسها الي عرفتوه بس زادت عليه باندانة فوق جبهتها ومطلعة شعرها من فوقه والصراحة صديقات عبير انسحروا عليها .. عهود كانت ﻻبسة نفس فتون .. بنطلون جينز وبلوزة قطنية مخصرة وبندانة ! هالبنتين نفس الطبع واﻻفكار والحركات كنهم توأم !
وباقي البنات كانت مﻼبسهم ناعمة وهادية ومتناسبة مع القعدة ..**
عهود : فتووووووون انتي وعبير شهالضيافة الخايسة كم لي عندكم ماعطيتوني اﻻ عصير وكفي وشوكوﻻت وسينبون !! أبي آآآآآآآكل جوعانة !!
عبير توسعت عيونها فيها وهي تقول : الحين كل هذا وتقولين ضيافة خايسة ياخايسة !!
فتون : بعدين جايتنا جوعانة ليييييش ؟؟؟؟ على بالك بنحطلك بوفييييه ترا مافي اﻻ الي أكلتي وبس !
عهود : يع عليك عمرك ماجيتيني اﻻ انواااااااع الشيبسات أحطلك
فتون : هههههههههههههههههههههههههههه تقول شيبسات ! اي هذا الي تقدرين عليه شيبسات وبيبسي وجاية تتشمت فينا
عهود وهي تضحك : ﻻاااااااا ماعمري حطيتلك بيبسي ياكذابة انا أحط سانتوب بس
فتون : وبعد تعترفيييييييييين !
عهود : عاد انا ماعرف للنشامة وباتعلم منكم يالله وروني بعد وش بتقدمووووون !
عبير : اصبري يالمفجوعة خلي يجون بنات عمي اول
فتون : شكلهم مو جايين
عبير : اﻻ ان شاء الله يجون بننتظرهم ساعه وخﻼص
دق جوال فتون ويوم طالعت لقت نهى المتصله وردت وهي تقول : هذاهم بسم الله اسمعونا .. الوووووووووو
نهى : هﻼ فتوووون عسى ماراحوا البنات؟؟؟
فتون : ﻻ موجودين بس انتوا وينكم ماجيتوا وﻻ تردين على جوالك ؟؟
نهى : ياشيخة خليها على الله زين اننا قدرنا نجي بس
فتون : طيب وينكم الحين يالله ترا بنبدا الفعاليات !!
نهى : هههههههههههه وش فعالياته !!
فتون : برامج كثير وأولها تفقيع البالونات**
نهى : ههههههه يع عليك وعلى فعالياتك المهم افتحي الباب وصلنا
فتون وهي تنط : يالله باي
ومشت وهي تسحب ايد عهود وتقول : بنفتحلهم ونجي
وتراكضوا يتسابقون للباب وهم يضحكون لين طرررررررخ صقعوا فيه .. !**
و فتحوا الباب ودخلت نهى ومنال وسلموا عليهم ودخلوهم**
كانت قعدة حلوة ورايقة اﻻ من مشاكسات فتون وعهود وطبعا الحين مع نهى زادت ومرام باﻵخر ماقاومت واستهبلت معهم
وبعد ماتعشوا طلعت فتون وعهود ونهى لفسحة الدرج عند الحوش
عهود رفعت راسها وشافت السما وقالت : الجو مغيم يابنات اتخيلوا تمطر ؟؟؟
نهى : وااااااااااو ياليييييييييت من زمان على المطر اشتقلتله !
فتون وهي تطالع بالسماء : يلوح لي برق من بعيد !
عهود : يلوح لي هههههههههههههههههههههههههههههههههههه
نهى وعهود بصوت واحد صرخوا : بـــــــــرق !!!
فتون : تحسبوني أمزح والله انتبهت له قبلكم
نهى : يالله انا بادعي وانتوا أمنوا (( اللهم زد وبارك .. اللهم زد وبارك ))
عهود : اللهم سُقيا رحمة ﻻ سُقيا عذاب
فتون :هههههههههههههههه الحين نزل شي عشان تدعون بهالدعاوي ؟؟
أرعدت السماء فاجأة وصرخوا البنات : رعـــــــــــــــــد وااااااااااااو !!
ونزلوا الدرج للحوش ينتظرون المطر وهم يدعون ويطالعون السماء
وشوي اﻻ بدت تمطر وهنا استخفوا البنات من الوناسة !!
(( طبعا تدورن ان مطر جدة مايجي اﻻ مره بالسنة ومرات تمر سنة وسنتين مانزل أي مطر ))
ركضت نهى لداخل البيت وهي تصرخ : بنااااااااااات مطــــــــــــر مطــــــــــــــر !!
وجدان وبشاير نطوا وركضوا معها ومرام ركضت وراهم لكن صندلها الرفيع عنقلها راحت فصخته ورمته بالصالة وركضت للحوش ولقت السما تمطر مطر كثيييييير
وقفوا البنات بالحوش تحت المطر مستااااانسين وبدوا يدعون هالمرة من قلوبهم ان الله يزيد ويبارك بالمطر
وزاد المطر وزادت الفرحة وطلعوا كل البنات عبير ومنى وصديقاتها
إلي ظل يتفرج ويضحك من بعيد والي نزل تحت المطر
والي أخذتها الفرحة لدرجة انها صارت تراكض وتتزحلق بالمطر مثل نهى !**
وفتون وعهود طبعا شاركوها الركض والزحلقة والهبال ومﻼبسهم وشعورهم غرقت بالمطر .. وصارت اشكالهم تضحّك ..
مرام الضعيفة بردت ومع هذا مااستسلمت وظلت تحت المطر اهي وعبير
بس منى وصديقات عبير الي كانوا يتفرجون عند الدرج
وأثتاء هالضجة والهبال انتبهوا لسيارة وقفت عند بابهم وبعدها شافوا خيال شخص يجي عند الباب ويدقه بقوه !!
ركضت فتون بسرعه للباب وفتحت وطلعت راسها وشافت خالد عند الباب وتركي وفيصل واقفين عند السيارة تحت المطر
خالد وهو يدفها : دخلي راسك قطع الله هالوجه
فتون : هذا السﻼم عندك انت ؟؟؟؟؟؟؟؟
خالد : أقول دخلي راسك شوفي الشباب وراي انتي وين مخك ؟؟؟
فتون الي وﻻ هامها أحد : وانتو شعندكم جايين بيتنا مليان بنات !
خالد : والله نبي ندخل عاد ! كنا بالبحر وأمطرت علينا وين نرووح ؟؟؟
فتون : روحو أي كفي قريب !
خالد : مﻼبسنا غرقت ماينفع نروح مكان والحين افتحي مجلس الرجال وادخوا انتوا وأصواتكم الي واصلة آخر الشارع
فتون : يوووووه نبي نلعب !
خالد بحمق : فتوون خلصينا ترا غرقنا بهالمطر والشباب معاي وﻻ ناديلي عبير أصرفلي منك يالبقرة
فتون : انا البقرة يالثووووووور ؟؟
دف خالد فتون بقوة ومع المطر الي باﻻرض اتزحلقت وطاحت وانفتح باب الشارع كله !
فتون صرخت وهي طايحة : وجـــــع ياخالد غرقتني صح الحين !
لكن خالد ماطالعها ! انتبه للمﻼك المبلل تحت المطر وبنظرة خاطفة لمحها ونزّل عينه عنها !! وهي انصدمت يوم انفتح الباب وشافته وشافت من وراه تركي وفيصل ودارت بسرعه لداخل وطبعا البنات معها تراكضوا لداخل قبل لحد يشوفهم**
فتون ماقدرت تقوم خافت تتزحلق مره ثانية غير على ان رجلها عورتها من الطيحة فصارت تزحف لين الدرج وهي تسب وتلعن بخالد .. بعدها انسندت على الدرج وقامت ودخلت**
فيصل وتركي ضحكوا ولفوا على الجهـة الثانية وتركي يقول : خبلة بنت عمي !
فيصل : ههههههه فتون ذي ماشفت أخبل منها**
تركي : بس عكس اختها موو ؟؟
فيصل : والله كل هالبنات مطافيق بس تقدر تقول عبير أنعمهم !
ابتسم تركي ولف وجهه خاف عيونه تفضح مشاعره !
دخل خالد الحوش وصورة مرام بهيأتها المﻼئكية وضحكها مطيرة مخه .. مع إنه لمحها وبنظرة سريعة أبعد عينه .. كعادته مايطيل النظر ويكتم مشاعره مهما كانت .. لكن مافاته منظرها الطاغي باﻷنوثة والنعومة والي أشعل الغيرة بقلبه لو تركي واقف جمبه وشافها يوم انفتح الباب !! أخذ نفس عميق ليضبط انفعاﻻته .. ونادى الشباب يدخلون .. ومشوا لين مجلس الرجال وفتحه خالد لقاه مقفل بالمفتاح**
خالد : حسبي الله عليك من فتون انا بعد مالقيت اﻻ هي أطلبها !
تركي : والله لو ماخواتي عندكم وﻻ كان ركبت سيارتي ورجعت
خالد : اقول اهجد ﻻ انتفك الحين الي يسمع يقول كل يوم وانت فاتحلنا مجلسكم ومستقبلنا**
تركي : يالله بس كم مره أعرض عليكم تجوني وانتوا الي تعيوون
فيصل : ياخي انت أبوك يخرّع !!!
خالد : ههههههههههههههههههههههه ياحليلك يافيصل تذبها بوجه الواحد ماعندك لعب
تركي : وتضحك عليه انت بعد زين ذا عمك عاد احترم نفسك !
خالد : هههههه والله وذي الحقيقة تركي والله عمي يخرّع ومايخلينا نقعد براحتنا كل شوي وهو ناط علينا ويطالعنا بنظرات لو احنا مو مسوين شي بنتهم انفسنا غصب
فيصل : هههههههههههههههههههههههههههههههههههه
تركي ضحك وهو يقول : أقول ﻻ تتشمت وطالع كم لنا واقفين قدام مجلسك مادخلنا !
خالد : كثر خيري الي جبتكم بيتي وعاد اتحملوا مذلة فتون !
ورفع جواله يدق على جواﻻت البنات لقاها مقفلة !!
جرب فيصل يدق على جواﻻت خواته مقفلة بعد !!
فيصل : والله ذوﻻ من شافوا المطر قفلوا جواﻻتهم صدق خوافات !
خالد : أقول انا بادخل عليهم والي يصير يصير
تركي : هيييي انت وش الي تدخل عيب عليك !!
خالد : يعني ننلطع بهالشكل ؟؟ خلني أدخل أوري التبن فتون شغلها وآخذ المفتاح ..
ودخل البيت وفيصل دق جواله هاللحظة وقعد يكلّم .. !
::
عبير وهي تعصر شالها الي كان مربوط على خصرها : فتون شعنده خالد جاي !
فتون : يقول افتحوا مجلس الرجال يبي يدخل اهو وفيصل وتركي
عبير : وفتحتيه ؟؟؟
فتون : ﻻ مافتحته وﻻني فاتحته
عبير بصدمة : انتي من جدك ؟؟
فتون : اي خليه يغرق تحت المطر زي ماطيحني وغرقني**
عبير والصدمة متملكتها : هذا لو هو لحاله قلنا أوكي بس وش ذنب الي معه !
فتون وهي مكشرة : عاد همووني الي معه ! ما أردى من خالد اﻻ تركي وﻻ أردى من تركي إﻻ فيصل يستاهلووووون !
عبير انقهرت منها وكان ودها تهزأها لو ماهالضيوف فيه ! ورمتها بنظرة غضب وربطت شالها بعشوائية على خصرها ومشت للدوﻻب أخذت المفتاح وراحت تفتح المجلس من المدخل الثاني إلي داخل البيت
وصل هاللحظة خالد ونادى من ورى باب الصالة : فتوووووووون .. عبييييييييير
فتون من مكانها : بسم الله انت وش تبي مﻼحقنا لهنا بعد ؟؟
خالد : تعالي هنا بسرعه !
فتون : عبير راحت تفتح المجلس خﻼص رووووح
خالد : طيب يافتون وحسابك معي بعدين يالبزر
وراح عنهم للمطبخ يقول للخدامة تحطلهم شي يشربونه ..
::
فتحت عبير باب المجلس من داخل وكانت متوقعة خالد اهو أول من يدخل !
وعطت الباب ظهرها ومشت تفتح اﻷنوار ..
فيصل كان منشغل بالمكالمة وتركي حسب ان خالد الي فتح الباب ودخل !!
عبير : خالد مو فاتحة المكيف عشان ﻻ يجيكم برد وانتوا مبللين ..
ودارت وجهها بسرعه لتشوف تركي واقف قدامها !!!
اثنينهم اتسمروا مكانهم ! وعيونهم معلّقة ببعض .. واثنينهم بالموية الي مغرقة شعورهم ومتناثرة على وجيههم بطريقة عشوائية جنان !
تركي ماقدر يبعد نظره عنها .. كان شكلها ساحر آسر بمعنى الكلمة ! وصار يطالعها من راسها لين رجولها بنظرات أربكتها وصحتها وخلتها بسرعه ترفع الشال الي على خصرها وتغطي راسها وتمشي لورى الباب ..**
تركي وهو يلحقها بنظراته : شلونك عبير ؟
عبير انقهرت انه جلس يطالعها ومانزل عينه وردت بحمق : بخير الحمدلله ..**
وطلعت من المجلس وهي تحس انها بتطيح من نظراته !!
دخل هالوقت فيصل وخالد وقعدوا سوى .. تركي حاول يتناسى الي صار ويشاركهم الحكي لكن صورة عبير كانت مسببة له أزمه مخية ﻻ صارت وﻻ استوت !
وبعد ساعه من القعدة مشى الكـل من البيت ماعادا فيصل وخواته ..
مرام ﻻبسة عبايتها وتتنافض من البرد واهي تقول : يالله يامنى خلي السواق يجي من جد بردانة !!
منى : ﻻ أمي دقت تقول ارجعوا مع فيصل وخالد مره وحده
مرام : زين يالله والله عضامي بدت توجعني
منى : اوكي البسيلك أي شي من عند عبير وﻻ فتون
مرام : مافيني يامنى وبعدين تدرين بظيع بوسعها
فتون : اي من نحفك يالعص وﻻ حنا الي أجسامنا طبيعية
مرام : طيب انا نحيفة وانا مريضة وانا كل شي مو حلو فيني بس خﻼص برووووووووح !
فتون الي ماتعرف تسكت : اي طبعا انتي هيكل عضمي وعص يابس من أي طخة بيتكسر ياويل حال الي بياخذك !
مرام بعصبية : فتوووووووون اهجدي
فتون وهي تقلب بالريموت : ياسﻼم وماقلت شي غلط والله انتي بهالجسم صايرة كنك قزاز مسرع مايتكسر ! ﻻ والله القزاز قاسي وانتي عضامك هشة .. أجل كنك قشر بيض ! وﻻ بعد حتى قشر البيض مـ ......**
عبير صرخت فيها : فتوووووووووووون خﻼااااااااااص !!
رمت فتون الريموت بقوة ووقفت وهي تقول : وشو فتون فتون يعني أحط شطرطون على فمي وأنكتم!!
عبير : يكون أحسن من هالحكي الفاضي !
فتون : والله حكيي أزين من حكيكم الماصخ !
وطلعت عنهم للحوش وشافت مجلس الرجال مفتوح .. رجعت بسرعه للبيت وسحبت شال عبير من على خصرها بدون استئذان ولفته على راسها كنه طرحة .. << فديت هالحشمة فتون !
طلعت بدون ماتكلم أحد وراحت للمجلس دقت الباب ودخلت
خالد شافها وقال : خييييييير شعندك جاية انتي وهالطرحة الي مثل وجهك**
فتون : انتوا متى بتروحون ؟؟؟؟؟
فيصل : ليه قاعدين على قلبك ؟
فتون بقرف : انت اسكت قاعد على قلبي وغاصلي حلقي بعد ماتنبلع أبد !
فيصل : والله ذي مشكلة المطافيق !
فتون : مطفوقة بعييييييييينك
خالد بصراخ : فتووووووووون انقلعي على برا
فتون : وجع شفيه كل البيت يصارخ علي اليوم !!
خالد : من حركاتك يالبزر وحنا قاعدين هنا كافين عافين جاية مدوشتنا ليش ؟؟؟؟
فتون : عشان أقولكم قوموا اطلعو مرام بتمووووووت !!!
خالد وفيصل بخرعة : وشووووو ؟؟؟
فتون وهي تطلع : هذا الي عندي مرام تعبانة ويمكن تموت وتبي تمشي خﻼص مو قادرة تصبر والي عنده رجوله يتحرك
وطلعت عنهم ونزلت الحوش ولقت المطر وقف .. وقطفت وردة وصارت تنتفها وترميها بالمطر
دق فيصل على البنات وهو مخترع ولقى ان مرام مافيها غير البرد واﻻرهاق واتطمن وهز راسه باستياء من فتون ..**
طلع فيصل وخالد وشافوا فتون واقفة بنص الحوش وحاطة إيدها على خصرها و تشوت الموية برجلها وتطيرها !!
خالد : ماطلعوا البنات ؟؟
فتون تعلك لبان وهزت راسها بنفي ورجعت تلعب بالموية !
طلعوا البنات ومرام متكتفة وتفرك ذراعينها من البرد
خالد شافهم واتجاوزهم لباب الشارع وهم من وراه ويوم مرّت مرام من عند فتون قالت بهمس : دووبا !
فتون بصوت عالي : والله الغيرة الي ماكلتك تتمنين تكونين مثل جسمي بس حامض على بوزك جسمي هذا ماحصلت عليه بالساهل وأتحداك تسوين الي سويته عشان يصير جسمك بروعة جسمي (( ورجعت تمضغ بالعلك ماكنها قالت شي
الكل تسمر مكانه وطالعها بذهول ومرام قالت : يمه بسم الله كلمة وحده مني تطلّع كل هالقنابل منك !**
فتون : الله واكبر الي يسمعك يقول بريئة انتي كﻼمك مضغوط ماشاء الله كلمة وحدة توفي عن عشر كلمات
فيصل : انتي شفييييييك على اختي ؟؟
فتون : وانت شدخلك اختك عندها لسان تدافع عن نفسها .. وﻻ انت ماتﻼقي فرصة تناشبني فيها اﻻ وتستغلها الله واكبر عليك
خالد بعصبية : الله واكبر عليك انتي وعلى لسانك الي أطول منك .. انقلعي على جوا أشوف!!
فتون بعناد : مو منقلعة وورني وش بتسوي !
خالد : ﻻتعاندين يافتون ﻻ أسحبك مع شعرك بهالموية وتكرهين اللحظة الي اتحديتيني فيها
فتون بحمق : الحين كل هالخناق عشان هذي > وتأشر على مرام ..
ودارت عنهم ومشت للبيت وهي تبرطم وتقول : أصلك منافق انت قدامها تبين وش حﻼتك ومن وراها تسب فيها وتحش !
ودخلت البيت وهي تضحك باستهتار !
مشى خالد يبي يلحقها يوريها شغلها لكن فيصل مسكه وقاله : خلها عنك ياخالد هذي فتون ولسانها نعرفها من كانت بزر خذها على قد عقلها وافتك
منى الي تضحك على حركات فتون : ههههههههههههههههههههههههههههه تقول من كانت بزر عاد الي يسمعك يقول كبرت !
مرام الي ماردت وصارت تسترجع كﻼم فتون ! معقولة خالد يسب ويحش فيني ! معقول فتون تتكلم جد ؟؟ وﻻ هذي فتون الواحد ماياخذ عليها أسهل شي عندها تقليب الحكي !
ومانتبهت لهم اﻻ وهم طالعين وطلعت وراهم**
ركب فيصل ووراه منى .. ويوم جت مرام تركب قالها خالد : ﻻوصيك عاد صدقي فتون أوكي ؟؟ (( وركب !
انصدمت مرام شفيه هذا بعد !! بدل مايدافع عن نفسه يروح يقولي هالكﻼم ! يمكن يبي يتأكد من ثقتي فيه ! آه ياخالد كلك ألغاز عجزت أفهمها !
وركبت وهي تحس بالدوخة جسمها الضعيف مايتحمل البرد والهواء ..**
مشوا بالسيارة وهي كل شوي تكح وتعاطس**
انتبهلها خالد من المراية وهي ساندة راسها للخلف ومسكرة عيونها .. راح خفض المكيف وساد الصمت عليهم لحظات اﻻ من صوت رنين جوال خالد
كانت الرنة : صدق انتهينا لكن الحب باقي .. مهو بايدي ﻻنكتب يوم الفراق !
رفع خالد الجوال بسرعه وحط نو بوجه المتصل**
وبعد ثواني رجع اﻻتصال ورجع خالد يحط نو**
انتبهت مرام لهالحركات واستغربت مين المتصل والي حاطله خالد هاﻻغنية .. وشوي اﻻ انتبهت لكﻼم هامس يدور بين فيصل وخالد .. بعدها أخذ فيصل جوال خالد ومسكه معاه لين رن مره ثانية بنفس اﻻغنية**
ورد فيصل : يانعم ! .. هﻼ .. وشو ..؟؟؟ مساااااافر وهذا جواله عندي خﻼص انتوا ليش ماتفهمون ؟؟؟ .. الحمدلله والشكر فاضي انا اضحك عليكم ؟؟ ﻻ يامعودة مسافر وانسوا هالرقم خﻼص .. !.. ﻻااااا ماعنده رقم ثاني .. يالله ﻻ يكثر .. سﻼم !
ورجـع الجوال لخالد بدون أي كلمة زايدة ..**
وصلوا البيت ونزلوا ومرام انتبهت لخالد منقلب وجهه ودايره على الجهة الثانية وكنه ينتظر الفكة منهم وفعﻼ اول ماصكت مرام باب السيارة انطلق خالد فيها صاروخ !!!!
لعبت الهواجس بخاطر مرام ! شالي صار وقلب حال خالد !! ومن هالمتصل والي رد عليه فيصل ! وصار الفضول ياكلها تبي تعرف السالفة !!!
دخلت البيت وفورا على غرفتها بدلت مﻼبسها وحطت مكيفها على الحار وطلعت بسرعه لغرفة منى ودقت الباب ودخلت لقت الغرفة ظﻼم !
مرام : بسم الله مسرع نمتي
منى وهي تفتح نور اﻷبجورة الي جمب سريرها : والله تعبانة ماتعودت على السهر شتبين ؟؟
مرام قعدت على سريرها وقالت : ماتحسين شكل خالد كان مو طبيعي بالسيارة ؟؟
منى : والله يامرام انا كنت طول الطريق شبه نايمة ومادريت عن أحد !
مرام : يوه يعني ماسمعتي جواله يوم رن !!!
منى : اعتقد فيصل الي جواله رن ﻻني سمعته يكلم !!
مرام : ﻻحبيبتي ذا جوال خالد .. وهو مارد عليه وعطاه فيصل عشان يرد**
خالد : طيب وش المشكلة يمكن ماله خلق يكلم !
مرام : ﻻ يامنى الكﻼم الي كان فيصل يقوله يبين كن وحده تبي تكلم خالد وخالد مايبي !
منى : الله واكبر وش هاﻻستنتاج الخطير ! اقول ﻻتقعدين توسوسين ﻻوحده تكلم خالد وﻻشي وبعدين حتى لو كان زي ماتقولين فهذا انتي قلتي بنفسك ان خالد مايبي يعني خﻼص وش المشكلة؟؟؟
مرام : بس اﻷغنية الي حاطها خالد كانت صدق انتيهنا لكن الحب باقي !
منى : يووووووه والحين اﻻغنية هي الي بتقلب اﻻحوال؟؟ خﻼص ماعليك من الحب خليك بس على كلمة انتهينا ..!!
مرام : بس شكل خالد كان مره متضايق !!
منى : مراموووووووه انتي ﻻيش بتوصلين !! مو معقولة تكونين شكاكة بهالشكل عشان مكالمة ﻻراحت وﻻجت !! ﻻتكبرين السالفة والله ماتسوى خﻼص اطلعي ابي انام .. (( واتمددت وغطت نفسها باللحاف
مرام وهي توقف : طيب ان شاء الله يكون مافي شي صدق .. تصبحين على خير
وطلعت وأول ماسكرت الباب قعدت منى بسرعه وهي تقول بهمس : ياويلك ياخالد بتنفضح قدام مرام انت وهاﻻغنية الي حاطها !! بس هالموضوع انتهى من زمان شالي رجعه ؟؟؟ خليني ادق على فيصل اشوف وش الي جد بالموضوع !!!
******
قعدت تدور بين اﻻركان بالمنتدى واستغربت يوم لقت مواضيعها القديمة أغلبها مرفوع للصفحة اﻷولى برد جديد ! مين الي رد على مواضيعي ورفعها !
كان آخر رد لكل مواضيعها اهو للعضو : لجل جروحك !
ايه ذاك العضو ماغيره الي مسوي فيها فاعل خير ! وش عنده مستلمني**
دخلت موضوعها الي كان بركن الخواطر
كانت كاتبة موضوع بعنوان :
قسوة الزمن :
كم هي ثقيلة هذه اﻷيام**
كم بتُ أمقت عقارب الوقت في بطئها ..
كم سئمتُ عصيان الحياة ﻷبسط أمنياتي ..
فلقد سئمتُ حالي
سئمي بات هو سوط العذاب ..
حنيني للسعادة أصبح كاﻷمل في السراب ..
سنين قد مضت
إنها كقرون لروحي قد بُعثرت ..
أجدني أتبعثر ,,, أتعثر ..
أسقط في هاوية جروحي إلى عالم الﻼقرار ..
أتمزق في جزء الثانية اﻵف المرات ,,,
ألمي بات يفتك بأضلعي ..
حزني اوشك يفقدني صوابي ...
حرموني هنائي وسعادتي..
أفقدوني ثقتي وأعاقوا كل تحركاتي ..
من يمسح دمعاتي التي تجري اﻵن على خدي
من يسمع ارتجاف اضلعي ببكائي ...
لم أرقد يوما إﻻ وقد أضناي البكاء وأنا أروى**
لهفتي بذكريات الفرح الماضية ...
من يصدّق أنني أحلم بالهناء فقط في منامي**
وأصحو ﻷجدني بالواقع المرير**
عندها تتعالى صرخاتي ...
عندها تتمزق آهـــــاتي ..
رباه
أرجو أن تُقرّب لحظة رحيلي
وإن رحلت عن عالم الدنيا
فلتذكروا بأنني كنت اموت حزنا وألما
وافتحوا ذكرياتي ...
لتجدوني لم أقسوا يوما على أحد
وكان نصيبي من الدنيا
قسوة الزمن
وكان الرد اﻷخير للعضو لجل جروحك:
" ﻻ أحد مرتاح بهذه الدنيا .. معاناتك آلمتني ﻷنها قريبة جدا مما أعاني .. شعرتُ كأن كلماتك تترجم أحاسيس مشتعلة بداخلي .. ولكن الفرق بيننا أني لم أسئم بعد ! "
عادت حنان قراية رده أكثر من مره .. ! معقولة فاهم معاناتي وحاس فيها ! بس ان كان اهو فعﻼ يعاني مثلي ليش ماسئم ؟؟ ليه ﻻزال عنده أمل وثقة !!
قفلت الموضوع وراحت للمواضيع اﻷخرى الي كاتبتها والي هو راد عليها
كان ملخص ردوده انه فاهم معاناتها وحاس فيها ﻷنه يمر بمعاناة قريبة منها .. لكن اهو ﻻزال واثق من نفسه وﻻزال اﻷمل حي بداخله !**
أثار هالشي احساس غريب بداخلها ! ان كان هو صادق كيف عاش بهالثقة ! يمكن ﻷنه رجل وأنا بنت !
اي صح هذا هو السبب ..**
وردت على أحد المواضيع بهالرد :
" لجل جروحك : أشكر لك اهتمامك واحساسك .. وأحييك على روحك التي ﻻتزال حية ومتأملة ! ولكن أذكرك بالفرق الذي بيننا وهو أنك رجل وانا امرأة !! وهذا الفرق يشكّل عﻼمة استفهام كبيرة بيننا .. ليس بسببي وﻻ بسببك .. انما بسبب المجتمع الذي نعيشه "
وطالعت بالمتصفحين لقته متواجد واتحمست تشوف رده .. وقعدت كل شوي تحدّث الصفحة لين ظهرلها رده :
" ليس للمجتمع شأن فيما نحس ونشعر ! قد يفرض علينا عادات معينة وتقاليد رتيمة .. ولكن نستطيع بثقتنا وقوتنا وأملنا .. أن نواجه نظرة المجتمع بكل قوة .. حينها ستتدبل أحزاننا باﻷفراح .. أما اﻻستسﻼم واﻻنغﻼق هو ما سينبّه المجتمع علينا ويلفت نظرته لنا !! "
قرت الكﻼم وحست انه ﻻمس حقيقة بداخلها بس هي ماتبي تثبت هالشي ! وحاولت تنكر كﻼمه مع انها متأكده انه صح .. وردت :
" في بعض المرات يكون الهروب هو أنسب حل لمعاناة ﻻ تنتهي ! "
رد عليها :
حتما ستنتهي .. كوني واثقة !
ﻻ شهالكﻼم !! هذا ليش يقولي كذا ؟؟ ﻻ ماراح تنتهي معاناتي ﻷن انا نصيبي من هالدنيا أعاني وبس !!**
وسكرت المنتدى وقامت منه وكﻼمه وردوده ينعادون ببالها !! :
" اﻻستسﻼم واﻻنغﻼق هو ما سينبّه المجتمع علينا ويلفت نظرته لنا "
" اﻻستسﻼم واﻻنغﻼق هو ما سينبّه المجتمع علينا ويلفت نظرته لنا "
" اﻻستسﻼم واﻻنغﻼق هو ما سينبّه المجتمع علينا ويلفت نظرته لنا "
" كوني واثقة "
" كوني واثقة "
" كوني واثقة "
ﻻااااااااا خﻼص انا فقدت الثقة من وين بجيبها من وييييييين !!**
رمت نفسها على السرير وهي تحاول تهرب من هالكلمات الي تحس بداخل نفسها انها صحيحة 100%
*