ركن الآراء والشكاوى والاقتراحات

[om.ahmad]

اخواتي الحبيبات..

أوجدنا هذا الموضوع.. ركن الأراء والشكاوى والاقتراحات..لخاص بالمقترحات الخاصه بركن مول ومركز الملكات التجاري لتطوير الركن وحل المشاكل التي تواجه الأعضاء..

أتمنى أسمع آرائكم والمشاكل إلي تواجهكم..وأقتراحاتكم..

أتمنالكم التوفيق..

 

[شهد الكويت]

مرحبا انا من الكويت واغلب البضايع موجدةبالامارات والسعودية والبحرين اتمنى تنظموا شوى بالسوق ونحاول كل وحدة عندها بضاعة يكون عندها وسيط بدول الخليج عشان نستفيد كلنا وما تصير حصريا على بعض الاماكن لانى بصراحة تعجبنى اشياء واجد بس ما اقدر اشتريها لانهاما توصل للكويت وشكرا

 

[om.ahmad]

هلا عزيزتي..شهد..
كلامج..صح..
بس كل تاجره..يبالهم..مندوبات ..عشان يوصللج البضاعه..

وأن شاء الله..بثبت موضوع.."طلب مندوبات التسويق والمبيعات وطالبات العمل لهذه الوظائف"..

وأن شاء الله نحصل مندوبه في الكويت..عشان تسهل عليج..الشراء...

والله يوفقج الجميع يا رب..

 

[~رحماك ربي~]

أختي أم شهد
من واقع خبرتي البسيطة بالتجارة من 3 سنوات
مسألة المندوبات مسألة عويصة
تأخير و سرقات و زيادة سعر
يعني أرسل الأغراض للمندوبة تاخذهم و تختفي !!!!!
و أرجع أرد فلوس البنات أو أطرش لهم وحدة وحدة و فوق هذا سمعتي اللي تروح
أو في بنات أمينات و شاطرات ما شاء الله عليهم بس عمولتهم راح ترفع سعر السلعة و بعض السلع سعرها ما يتحمل زيادة و هذا يخلي الزبونة تتذمر من الأسعار
ترى على فكرة بريد الكويت ممتاز جدا في التوصيل يعني تخيلي أنا أرسل لزبوناتي بالبريد العادي اللي المفروض ياخذ أسبوعين
كلها 4 أيام و الأغراض واصلة عندهم و يتصلون فيها بعد
فرررررق عن باقي مكاتب البريد
و سعر الشحن دينارين و 300 فلس لأول نصف كيلو و كل نصف كيلو إضافي 300 فلس !!! طبعا بحريني يعني كويتي أقل
فالتعامل بين التاجرة و الزبونة بشكل مباشر ( من وجهة نظري ) أفضل من الوساطات و المندوبات

 

[غموض**]

سؤال أخوتي عن البيع والشراء على النت

السلام عليكم أخواتي حابة تفيدوني كيف أشتري احول فلوس عن طريق النت ياليت تعلموني و بالتفصيل الممل تعرفون الشغلة تخوف ..

وسؤال ثاني كيف أعرض المنتج اللي عندي أو البضاعة عن طريق النت وهل يتوجب أني أضع صور للمنتج تحياتي لكم:icon30:

 

[om.ahmad]

عزيزتي..غموض...
إذا كنتي بتشترين من محل مثل ..
http://www.spiegel.com/
لزم تكون لبطاقه فيها فلوس..مثل أرمكس..تمنحج ها البطاقه..أنتي تحطين فيها الكميه إلي تبينها..بس ياخذون منج رسووم الأنهم يسول بريد في أمريكا وفي بريطانيا..

أما إذا شتريتي..عند بنت..في المنتدى..
تحوليها عن طريق الصراف..أو يوم تسلملج البضاعه..تعطين السايق الفلوس..بس على حسب كل تاجره..

أتمنى أني وصلتلج المعلومه..
موفقه..