رقم بنت في جواله ؟ عمري ماتوقعت اعيش هالموقف ورقمها غريب

[الشك خناق]

رجع زوجي من السفر
ومن غير مايحس لقيت هالرقم عنده
بدايه 07
وبعدها 965
وبعدها خمس ارقام ِِ00000
من وين هالرقم بموت من الشك وبالاخص انه مسجل بسم بنت

ماوجهته بس بموووووووووووووووووت من القهر
وساكته وودي اعرف من وين هالرقم
دقيت على الاستعلامات وماقدروا يساعدوني
والمشكله الرقم مو سعودي
حتى لما فرضت انه زايد رقم بالغلط
دقيت ولقيت ان الهاتف الثابت معد ما ادخل اول خمس ارقام يقول ان الرقم غير صحيح

والرقم مكون من عشر ارقام


وهو بعد مارجع من سفرته ماتغير هو هو
بس الشك يقتلني
مع العلم انه محترم
ومو راعي سوالف
او يمكن انا غبيه وهو راعي سوالف مدري
ماعاد ادري عن اي شي امشي مثل المجنونه
واحس بألم مغروس في صدري
مع العلم انه حذف الرقم قبل كم يوم
ساعدوني

 

[طيبه شريرة]

الله يفرج همك ويهدي بالك لاتستعجلي الامور يمكن



يكون ضنك مو بمحله وخاصة انو مو متغير من ناحيتك

 

[احلى بطه]

حبيبتي والله ما تستاهلين بس هاذوله الريايل ما يملي عينهم غير التراب الله يكون بعونج

اعتقد انها وحده الدليل انه مسح الرقم عشان ما اتشوفينه انزين ليش ما عطيتيه حق حد من اهلج يدق ويتاكد

وبعدين اقولج لا تبيني لريلج انج كشفتيه خليج طبيعيه والله انج بتندمين وانا اقولها لج لاني مجربه

حاولي اتشوفين وين الخلل اللي موجود بينكم وصلحيه اقرأي القصص اللي بالمنتدى والله انج بتستفيدين

خليج من لعبة دور المحقق كونان والله يهدي زوجج ويسخره لج

 

[سكن الليل]

استغفر الله العظيم اختي الله يوسع صدرك ويهدي بالك ان اعرف وحده من صديقاتي صار لها نفس الموضوع مع ان زوجها معروف باخلاقه لكن الشيطان موجود نصيحت انك تاخذي الرقم وتدقي عليه وتتاكدي بنفسك او اعطي احد من اخوانك يدق الرقم اذا كان من برا وفهميه ان الرقم اذيه على جوالك اذا كنت خايفه ما تفضحي زوجك بس لازم يكلم قدامك وتسمعي الصوت وتتاكدي بعدها تقدري تواجه زوجك والله يكون في عونك ويارب يكون الموضوع كله مو صحيح وتطمني

 

[haven]

حبيبتي جايز انه بالغلط مخزن الرقم لا تشين فزوجك وتدمرين حياتج
دام انه ما متغير معاج وحذف الرقم ليش تعذبين روحج وتعيشن فالشكوك
حاولي تتقربين منزوجج اكثر وانتي املي عينه عشان ميشوف ع وحده غيرك

 

[اسماء]

وليه تشكين وتعذبين نفسك

ممكن هو رقم بنت كان يبي منها شغلة يوم كان مسافر

ولما رجع مسح الرقم عادي

تعوذي من الشيطان والله يريح بالك

 

[الشك خناق]

والله مدري امس شافني ماسكه جواله
وارتبك وصار يسوي حركات لاشعورية
بس ماقدر يقول خليه
لانه مو متعود يمنعني منه
بس بين على وجهه الارتباك
شكان يبي منها
وليش خزن اسمها واللي معور قلبي اسمها ممكن خليجي وممكن شامي ( نوره)


الله يكون بالعون

 

[شيخه الزين]

شوفى ياقلبى لا تبحثين ورى اشياء مستوره عنك ولا تدورين وراه احسن لك اسالى مجرب ياما لقيت وماقدرت اغير شى بس تعبت انا صدقينى عيشى حياتك وواجيهه وحسسيه انك واثقه فيه ومايسويها جربى والله يوفقك

 

[m2008]

ابعدي الشك عنج

 

[نور الوعد]

الله يكون في عونك اختي انا مريت بمثل اللي مريتي فيه بس حالك احسن من حالي انا ادري عنه يكلمها كل يوم وتتصل فيه بس اذا هو في الشغل...........كل ريال وراه سر

 

[الدكتورة الحلوة]

في بداية حياتي الزوجية صار لي هذا الموقف، اكتشفت انه رقم حساب
الخلاصة مش كل رقم في الجوال معناه رقم هاتف ، ممكل رقم معاملة ، ممكن رقم عضوية ، ممكن رقم سري للبنك ، ممكن رقم حساب مثلا وحدة فقيرة / ارملة /وحدة مسجون ريلها / محتاجة ، و أحد عطى رقم حسابها في البنك لزوجك علشان يودع صدقة بالسر مثلا ، و ما صارحك عشان تكون بينه و بين ربه بس ، صراحة هذي الاشياء صارت لي و الحين اتحسف على الايام الي احترقت فيها اعصابي و انا اشتغل كونان !!
الله يريح بالك ، و صدقيني ، اكبر دليل على خيانة الزوج ، عيونه ، كلامه ، مشاعره ، انت تقدرين تكتشفين على طول ، و الاشياء المادية حوالينا مجرد اثباتات

خلي مشاعرك متيقضة بس بدون ردود افعال ، في يوم من الايام بتتوضح هذي الامور

 

[الشهرزاد]

السلام يا أم يوسف يا حبيبتي
يمكن يكون موضوع تافه و إنتي تاعبه حالك.... حطي جميع الإحتمالات الإجابيه في دماغك و خلي الخيانه هو الإحتمال الأخير عشان تعرفي تفكري برويه و رزانه و ما تشككيه في شيء قولي لأخوك يدق علي الرقم قدامك و يسأل يمكن تكون شركه و هي مديره و لا موظفه ...لا غير الله يعين و إحنا معك في أي وقت إدا حتجتينا..... . يكون خير إنشاء الله​

 

[wishes]

اختى الكريمه

دام هو انسان محترم وطيب معاكِ
خلاص انسي الرقم
مافي داعي لهذي الحيره

وانصحك ماعاد تفتشين أغراض زوجك الخاص
بجد ما يجوز هلحركات
لكل شخص له خصوصيه
ليه دايم تحطون النوايه الشينه

 

[Nonaya]

عزيزتي لاتتسرعي ولاتحرقي دمك
انا باول ايام زواجنبا بحكم شغل زوجي بالمستشفى
كنت غيوووووره لابعد الحدود وكان لغيرتي اسباب
ومع اني اثق في زوجي والحمد لله لكن الشيطان يوسوس لك
ولقيت مره اسم بنت ورقم مسجل بورقه وكان ابو الشباب نايم
بصراحه ماقدرت ورحت اكلمه مين هذي وليه مسجل اسمها
ورد علي بعصبيه لانه كان نايم وقال لي هذا واحد يبغيني اسوي موعد لزوجته
انا انحرجت كثيييييييييير

وتاسفت اني سويت كذا بس كان شي طبيعي واعتقد اي وحده مكاني بتسوي نفسي

الحين انا اكثر رواقه من قبل لاني واثقه فيه الحمد لله
بس ثقه بدون غفله لاني مؤمنه وعارفه ان الانسان يمكن يتبدل
ويتغير بس واثقه فيه ومو واثقه باللي حواليه
بنات الايام هذي بعضهم منزوعين الحيا تغازل وتغوي عيني عينك

ولو شفت رقم ومسجل باسم بنت اروح له وانا رايقه وابتسم
وبطريقه مشاغبه اساله منو هذي يلا اعترف ومره قال لي هذا اسم
محل اتعامل معااااه والحمد لله ربي يعمي عيون زوجي عن النظر الحرام
ويبعد عنه بنات الحرام وازواج الجميع يااااااااااااااااااارب

الله يوفقك وطمنينا

 

[ريم 666]

ياقلبي انتي

مدام زوجك ماتغبر عليك ليه تتعبني حالك ونفسك

وبعدين ماشفتي شي ؟



اتركي الاوهام واسعدي زوجك وعوضيه يالغلا

انبسطي ودعي الشك هو وزجك وفي حضنك استغلي هالنقطه وابدي حبك وغرامك.

 

[أنا حرهـ]

هو مجرد شك
ليش تدمرين حياتك علشان شك
كبري عقلك وانسي الموضوع اريح لك .

 

[حبي وسام]

اختي ام يوسف ..ليش ماسالتيه عن الرقم يمكن رقم محل كان يتعامل معه كثير من الحلات في اسماء بنات ...الله يهديك وسعي صدرك وبعدين انتي تقولين ماتغير معي خلاص احمدي ربك وانسي الموضوع مو لازم كل شغله تحرق اعصبنا ..لازم نغفر ونسامح ...الله سبحانه وتعالى غفور رحيم ظ ......تحيات حـــــــــــــــــبي وســــــــــــاااام

 

[الوفاء ديني]

الله يكون بعونك حبيبتي

 

[ام غلاتي]

اذا االاستعلامات ماطلعوه هذا دليل برأته
لاتخلي الشيطان يخرب حياتك
صلي بجوف الليل ان الله يسخره لك

 

[نارديان]

مساءالخير حبيبتي اناكنت مثلك اشك بزوجي على اي رقم اشوفة وبالاخير اصير غلطانة وظلمتة لاتعبين نفسك وتوكلى على ربك