رفض زوجي السلطوي !!

[إحسآآس بريء]

السلام عليكم و رحمة الله و بركاته ...
بنات ابي مساعدة الله يرضى عليكم ...
انا شرقية زوجي شرقي ....
بحكي لكم اللي صار و رجاء ابي حلول علمية من متخصصات مابي اراء و بس ... ابغي شي استفيد منه ...

المهم انا متزوجة لي سنة ... و للحين زوجي بدولة و انا بدولة ... و ام زوجي سافرت لابنها قبل اسبوع و انا للحين ماطلعت اوراقي ....

قبل يومين اخبرت زوجي اني بروح زيارة لبيتهم انام ليلة عندهم عشان اغير جو انا و اخته و منها اونسها شوي خصوصا لما سافرت امها ... رد علي : الله ييسر .. بس انتبهي ..
قلت له الحمد لله انا مرتاحة و الكل يعرف حدوده طبعا ..

ثم قلت له : اختك تمزح معايا تقولي انتبهي ماتجي تنامي عندي بعدما سافرت امي ... قلت لها لا ، ان شاء الله ضروري اجي ...

قالي : لأني انا اصلا قلت لامي زوجتي تنام عندكم بوجودك بس ..

المهم كان الكلام عادي ومابين لي و لا شي و مرت يومين ع اساس اروح بكرا .. و فجر القنبلة قالي لا تنامين ببيتنا .. بس روحة جلسة مساء و ترجعين ... قلت له ليش .. فيه سبب ؟ انا ابي اعرف سبب الرفض ..

قالي يمكن فيه سبب و يمكن لا ...
قلت له كيف يمكن فيه و يمكن لا ...
قالي كذا .... انا مو مرتاح ... و قالي الموضوع تكلمنا فيه سابقا .. مافي تنامين باي بيت فيه رجال اجانب حتى لو اخواني .... لما كانت امي موجودة عقليا ماهي مناسبة اقولها لا زوجتي ما تنام عندكم ... لكن الحين أمي ماهي موجودة لا ... و اختي اعتذري منها ... قولي لها اي شي ، او صارحيها زوجي ما أذن لي !!!!!

انا ما قلت شي ... و خلاص انهينا المكالمة كما ننهيها في افضل حالاتنا .. لأني ما احب ابين له ضعفي او توتري بسبب تحكمه في كما شعرت ... وددت لو يعطيني اي سبب و يربطه بحبه لي ... لكن للأسف كان هذا الأسلوب العقيم الذي أكررررررررره ..

انا الحين حاسة اني متصعبة و متنرفزززززززززززة مررررة ... ما احب يرفض كذا بدون ما يشرح لي الاسباب ... انا زوجته مفروض يكون واضح و صريح معايا ... الحين صار عندي تخوف منه ما ادري ليش ... هذا الغموض مايحسسني بالاماان ابدا ... ايييش اسوي الحين و كيف اتعامل مع الموضوع ... و الله انا حايرة جدااا ... افاتحه و لا ما افاتحه بالموضوض و مشكلتي اكررررره المناقشات و الجداال كره العمى .... و ماعندي نفس الحين اناقش و ماابغى هذا الموقف يؤثر على حياتنا مستقبلا ..... او يحسب اني امرأة ضعيفة ممكن يمشب كلمته علي بهذي الطريقة ... انا عنيدة و ما احب حد يفرض علي شي .. لكن رغم هذا اتمالك نفسي عشان ما تطلع مني كلمة ممكن اندم عليها لاحقا .. و احاول احسب خطواتي قبل الاقدام على اي قرار ....


رجاااااااء سااعدوووني يا اهل الخبرررررة ... الله يسعدكم دنيا و اخرة و الله يجزااكم جنة الفردووووس ..

 

[امل الغروب]

اختي انا متزوجه لي 18 سنه ماشاء الله رجال بشكل عام يكرهون العناد.وهو قال لك سبب يغار عليك حتي من اخوانه والغيره ماتجي اﻻ من المحبه صدقيني لو مايحبك ماغار عليك ابد ماشاء كلكم شرقيين تفهمين طبعه

 

[نور1406]

اهو كان صريح معك وما يحتاج يكون اكثر صراحه من كذا قال ما احب تنامين في بيت فيه اجانب وثانيا هذا بيت اهله وشي يخصه ما يحتاج يبرر لك لو بيت اهلك مو مشكله بس بيت اهله اهو حر بقراره

 

[إحسآآس بريء]

لا ما قال يغاار علي ... تمنيت لو يقول ... عشان اربط رفضه بحبه لي و خوفه علي ... لكن اللي ماعجبني الأسلوب و الطريييييقة ... و مو مسألة شي يخصه او ما يخصه .... مسألة أسلووب و رفض غير مبرر !!!

 

[ميم السمر]

لا تطوليها وهي قصيرة قالك ماحب تباتين في بيت فيه رجال اجانب وش تبين اكثر من كذا تبرير بعدين فعلا ترا مو حلوة تباتين في بيت زوجك ولا زوجك موجود ولا امه اصلا اهلك شلون يقولون لك روحي

 

[نوف 36]

ياعمري انتي كيف الاسلوب الي توقعتيه والطريقه الي متوقعتها

لو قال لك ياحياتي لا تنامين عندهم وماله داعي تغيرين مكان نومك بترضين وتوافقين اكيد لا
بتحنين وتزنين الا راحتي من راحتك والا عادي والا ليله ماتضر بس قطع عليك كل هذا
بعدين هو ابخص بااهله وبيته واخوانه فخليك واثقه فيه وخلي هالامور تعدي

 

[إحسآآس بريء]

الله يجزاكم خير يابنات ع الرد و المساعدة .. مشكووورااات ..

 

[نور1406]

كثير من الازواج ما يحب يعطي اسباب لرفضه واذا كل موضوع بتدققين عليه بتصير لك مشاكل انت في غنى عنها