معلومات راجيه الرضا
- إنضم
- 18 فبراير 2017
- المشاركات
- 14,541
- مستوى التفاعل
- 9,665
- النقاط
- 113
رسالة من زوج ..والرجل أيضا يريد الأمان
رسالة من زوج عن موضوع الأمان.
يا شيخ محمد النساء اللي بيكلموك عن الأمان مش فاهمين إن الأمان ده ليه طرفين، طرف من الزوج وطرف من الزوجة.
كل كلامهم منصبّ على طرف واحد وكإن الزوج هو المشكلة بمفرده، وإن الزوجات دول معندهومش أخطاء ومش بيغلطوا إلا الغلط العادي.
يا مولانا أنا عندي أربعة من الأولاد ومتمرمط في شغلي علشان أوفّر لزوجتي وولادي حياة كريمة، أنا فعلاً بادخل البيت شبه مقتول بسبب الكذب والغش والخداع اللي موجود في التجارة وحضرتك سيد العارفين.
تخيّل لما بارجع بيتي ممكن مراتي متبطلش كلام عن المصاريف والمقارنة بأختها وزوج أختي وفلان وعلان، ودايماً تكلمني إن اكتبلها حاجة باسمها علشان الأمان!!
وكل ما اقولها حاجة أو انبهها لحاجة ودا باعمله قليل جداً، علطول تهاجمني وتقولي انت مش عاجبك حاجة وأنا نفسي مش عاجباك.
مع إني متابعك كويس وفاهم دماغها وبحاول أنفذ اللي انت بتقوله وبقولها تسمع كلامك وتعمل بيه علشان نكون أحسن لنفسنا وولادنا، وفي الآخر حاسس إنها لا عايزة تسمع ولا تتعلم ولا تتقدم ولا تتطور ولا حاجة.
هي بتهاجم بس، بتعيش المظلومية باقتدار، وكل شوية تردد كلمة الأمان وكإنه مفقود مع إني عمرى ما هددتها إنها هاتجوز تاني ولا عايز أصلاً اتجوز تاني والموضوع ده مغلق بالنسبالي.
يا مولانا الزوجات محتاجين يقفوا بصدق مع نفسهم ويبطلوا يعيشوا المظلوميات ويرضوا بقضاء ربنا ليهم، ويبعدوا عن المقارنات ويفهموا ان احنا كأزواج عايشين في غابة بره اسمها الحياة.
احنا مش موظفين بنطلع الصبح وبنرجع آخر النهار، دا احنا متمرمطين والله علشان نجيب الجنيه وطالع عين اللي خلفونا في متابعة الولاد وتنفيذ طلبات الست اللي عايزة الأمان بشكل دائم ومستمر ولا نهائي!
يا شيخ محمد الله لا يسيئك خليهم يخفوا علينا شوية ويحسوا بينا زي ما احنا بنجتهد إننا نحس بيهم ونعمل اللى نقدر عليه.
انتهت.
قناة التليجرام
#الأسرة_أمن_وأمان
يا شيخ محمد النساء اللي بيكلموك عن الأمان مش فاهمين إن الأمان ده ليه طرفين، طرف من الزوج وطرف من الزوجة.
كل كلامهم منصبّ على طرف واحد وكإن الزوج هو المشكلة بمفرده، وإن الزوجات دول معندهومش أخطاء ومش بيغلطوا إلا الغلط العادي.
يا مولانا أنا عندي أربعة من الأولاد ومتمرمط في شغلي علشان أوفّر لزوجتي وولادي حياة كريمة، أنا فعلاً بادخل البيت شبه مقتول بسبب الكذب والغش والخداع اللي موجود في التجارة وحضرتك سيد العارفين.
تخيّل لما بارجع بيتي ممكن مراتي متبطلش كلام عن المصاريف والمقارنة بأختها وزوج أختي وفلان وعلان، ودايماً تكلمني إن اكتبلها حاجة باسمها علشان الأمان!!
وكل ما اقولها حاجة أو انبهها لحاجة ودا باعمله قليل جداً، علطول تهاجمني وتقولي انت مش عاجبك حاجة وأنا نفسي مش عاجباك.
مع إني متابعك كويس وفاهم دماغها وبحاول أنفذ اللي انت بتقوله وبقولها تسمع كلامك وتعمل بيه علشان نكون أحسن لنفسنا وولادنا، وفي الآخر حاسس إنها لا عايزة تسمع ولا تتعلم ولا تتقدم ولا تتطور ولا حاجة.
هي بتهاجم بس، بتعيش المظلومية باقتدار، وكل شوية تردد كلمة الأمان وكإنه مفقود مع إني عمرى ما هددتها إنها هاتجوز تاني ولا عايز أصلاً اتجوز تاني والموضوع ده مغلق بالنسبالي.
يا مولانا الزوجات محتاجين يقفوا بصدق مع نفسهم ويبطلوا يعيشوا المظلوميات ويرضوا بقضاء ربنا ليهم، ويبعدوا عن المقارنات ويفهموا ان احنا كأزواج عايشين في غابة بره اسمها الحياة.
احنا مش موظفين بنطلع الصبح وبنرجع آخر النهار، دا احنا متمرمطين والله علشان نجيب الجنيه وطالع عين اللي خلفونا في متابعة الولاد وتنفيذ طلبات الست اللي عايزة الأمان بشكل دائم ومستمر ولا نهائي!
يا شيخ محمد الله لا يسيئك خليهم يخفوا علينا شوية ويحسوا بينا زي ما احنا بنجتهد إننا نحس بيهم ونعمل اللى نقدر عليه.
انتهت.
قناة التليجرام
#الأسرة_أمن_وأمان
اسم الموضوع : رسالة من زوج ..والرجل أيضا يريد الأمان
|
المصدر : الزوج والزواج
