رح اجن من زوجى لاقو لى حل مدرى كيف اتعامل معه

احصائياتى
الردود
13
المشاهدات
2K

زوجه تائه

New member
معلومات زوجه تائه
إنضم
6 أبريل 2016
المشاركات
298
مستوى التفاعل
1
النقاط
0
رح اجن من زوجى لاقو لى حل مدرى كيف اتعامل معه
زوجى الشمالى الشرقى او الشرقى الشمالى
مدرى اتعامل معه ولا اعرف احدد هو اى نمط حتى اعرف احدد خطوتى


رجل جاف لابعد الحدود
ما يحب الالتصاق او اللمسه الحنونه
اذا مدحت رجولته قالى لا تمدحين ويعصب
اذا مدحت اخلاقه يقول لا تنفخينى
اقوله ودى ولدك يطلع زيك يقولى لا ان شاء الله ابيه احسن من
اقوله ليه تخاف ربك وتصلى بوقته
وحافظ ربك
وبار بولديك
منت اذى ولا متسلط
حنون وحساس
قالى لا ما ابيه على
حتى المدح ما يحبه
ما يبادر اذا تميعت ولو اقعد شهر ما قرب
لازم انا اللى ابادر وانوع
ولا يحب البوسه
واذا جيت ابوسه يعطينى خده وكم مره احلف ما ابوسه ومع ذالك ارجع ابوسه واحضنه
مع انه حساس وطيب بقوووه بس عيبه جااف
لى فتره وانا اعامله برقه وكلامى معاه كله همس
افرفش اذا جاء
وابتسم واطلعه من جووه اذا شفته متضايق
واوقات يقولى مالى مزاجك
ومع ذالك ما ازعل ابتسم وانسحب عنه
اذا جاء من العماره
اعطيه كاس مويه او شيء بارد ينعشه مع ابتسامه تشق الوجه
وادلعه واركض اجيب الشاهى له
يقولى شكرا
او يعطيك العافيه
واذا دعيت له ما يأمن لازم اقوله قل امين
حتى لما يجى يطلع ابوسه وادعى له احلا الدعوات
استودعك الله دنيتى
او تاج راسى
رسايلى كلها رقيقه وتحمل معانى حلو
حتى لما يدفشنى بكلمه قاسيه انسحب من عنده
او معصب ويهاوشنى انسحب وما اعصب عليه او ارد عليه
لما يهدا
ارجع له واقوله تراى متضايقه ليه قلت لى كذا
ترا اخذت بخاطرى منك
يعتذر منى اوقات واوقات يقولى مو قصدى وهم اعتبره اعتذار وما ازعل منه
حتى كذا مره اقوله ترا انا ما احب الزعل
مجرد ما تناظرنى وتبسم ارضى
اقوله احتاج كلام حلو تعطينى طاقه يقولى
انا اعبر لك بالافعال
طيب ضم ما تضم
بوسه ما تعطي
ولا كلام لين القى
يحب النوم بدرى ولا يطيق السهر
حتى لو احاول اشاركه نشاطه يقولى وليه تشاركينى
هذا ما منه هدف
تخيلو مره قالى
شكلى بخليك تداومين علشان تصرين ع الصامت
حتى ما اتكلم معاه
مع انه كان معارض فكره انى اشتغل نهائى
والحين يقولى قدمى شهادتك واشتغلى
وكل مره والثانيه يكلمنى عن التعدد
وفوايده وحتى اذا تناقشت معاه يقهرنى
واخر مره كلمنى عن التعدد من يومين وعن اصحابه اللى عددو وصارو احسن مع حاريمه
قلت له اذا بتعدد ليه وانت تحب زوجتك وهى تحبك ومو مقصره معاه
قال نجدد بالجنس
قلت اذا بتجدد عطها فلوسك اللى بتدفعها مهر وخلها هى تجدد لك
وترا الحين فيه الحين عمليات تضيق وحتى فيه ترقيع للبكاره
قالى تراك مجنونه لا تسوينه
ناظرته وقلت ادرى مجنونه
بس كونك تزوج وتعاشر ذيك الثانيه وتجي لمى وتعاشرنى وتقولى احبك وانت حبك بالافعال
اسمح لى مارح اصدقك وبكرهك
قالى والله المره تفكيره غريب
قلت ايوه وحتى تفكيركم يالرجال غريب
قال حتى لو ما تطيق الرجال اذا قاله بعرس تنجن
حسد وحب تملك
انتم عندكم حب التملك حتى لو ما تحبه
قلت لا انا عندى حب واحبك وتحبنى
وما ارضى تكون بيننا دخيله والله لا يجيبها لنا
قلت ولو انا مكان مره صاحبك
كان انفصل عنه واترك له العيال
قالى اذا انفصلت بتاخذ له واحد شايب او له اطفال
ومتزوج يعنى ما استفادت
قلت لا يا حبيبي
ليه اقدر اخذ لى واحد صغير ويرض وراى قال
ولا ما تحصل ونادر تصير
قلت يكفى
ادق ع خطابه واقوله
دورى لى رجال ابغى اتزوج
وتراى جنسيه وما اشبع
واحط عليها خطين
اقوله والله ما اتم اسبوع الا جاين عشر
واتنقى اللى ابغى منهم ولا اتشرط عليه ما ياخذ على
واصغر منى بعد
قالى انتى الحين ورانا نتكلم بهاذا الموضوع
قلت مدرى عنك
قالى انا وانت خطين متوازيين من التفكير عن التعدد ولا يمكن نلتقى
قلت ايه
بعده استفزنى وقال
اذا بغيت اتزوج هذيك الساعه جيت اقنعك
قلت حسبي الله ونعم الوكيل
لازم تنكد على

ااااااه منه
لما يجى ينام اروح لعنده اعطيه بوسه من غير ما الصق فيه واقوله تصبح ع خير حبيبي
واليوم لما سكر باب الغرفه
رحت لعنده قلت وانا اعاتبه
يجيلك نوم وانا ما بستك حبيبي
قالى ترا مليت
انا اللى مليييييييييت وتعبت
ناظرت فيه نظره عتب وقلت طيب
ورحت طلعت وسكرت الباب وقبل لا اسكره قلت له تصبح ع خير
ورد وانتى من اهلى وهو يضحك
اهى ضحكته اللى ما اعرف ايش يقصد فيها
ما ابيه يقول زعلت
واذا زعلت يقول مده بوزه ويزعل معى
لازم ابين له ايش مضايقنى منه برساله وارسلها له
ويتغير ويستجيب ويعتذر
اما باسف
او يحط لى فيس بوسه
او ورده
وامشيها وارضى
وادعيله
ومن بكرا يقولى او يرد على يا نظر عينى
او حبيبتى
مره او ثنتين
ويرجع يصير
جااااف وقاسى
يحب ينرفزنى وحتى لما يطلبنى طلب
اقوله ابشر من عيونى يقولى لا من الدولاب
او من المطبخ
ويبتسم ويضحك اهى
ادرى انه يتونس اذا شافنى مستفزه ويضحك على اوقات

قررت انى ما ابوسه بكرا ابد
ولا اقرب صوبه ولا اضمه اخدمه من عيونى
واضحك له واتكلم معاه حتى ما يقول زعله
بس مارح اقرب صووبه ولا اتلامس معاه
ابشوف اذا بيفقدنى مع انى اشك



متى يلين معاى ويصير هو المقبل لى
ومدرى اذا هو شمالى او شرقى
بيتوتى هو بقوه مع انه قبل يومين صارح لى انه يكره هاذا الشيء بقوه
ويقولى انى مجرد ما اخلص عمار والبيت
بطلع مارح اجلس بالبيت ابد
قلت ليه وانا بصراحه مبسوطه من جلسته بالبيت واذا طلع افقده واشتاقه له
قالى اجلس علشان انتقدكم انا ما احب اضيق على نفسى قلت
وفعلا لما كنا في الرياض اول كان دايم راعى طلعات ووناسه
اصحاااااابه كثااار بقوه ما شاء الله
واثق من نفسه
دقيق بمواعيده
يلبس الالوان الصارخه او يلبس بدله ما يهمه
مع ان اهله واخوانه نادر ما يلبسون
ما يحب الشماغ
بس يحب الستر وعنده اسلوب الاقناع
ويخطط للمستفبل ودايم عنده هدف لازم يحققه
بالله هاذا كيف اتصرف معه
وهل هو شمالى شرقى
ولا شرقى شمالى



ادرى طولت عليكم والكلام ملخبط بس من حرتى والله
بس قلت افضفض مالى غيركم
واستشيركم
 

شمس بيني وبينك

متميزه قسم الانماط الشخصيه
معلومات شمس بيني وبينك
إنضم
27 يونيو 2013
المشاركات
1,592
مستوى التفاعل
16
النقاط
0
صباح الخير








انتي جالسة تسجلين اهداف وضربات قوية داخل زوجك -


( هو من بره صخر ومن جوه قزاز)


ماعليك من ردوده وسخريته - انتي بتحفرين الصخر الي داخله شوي شوي


استمري بنفس التعامل لكن بنصحك بشغلة -



خلي اسبوع او 10 ايام - احبك وحبيبي وفدى ذا البسمة وانت النسمة والحياة ومسجات وبوسات

يعني كثفي حب ومدح

والاسبوع او 10 ايام الي بعدها - اخدميه بس بدون حبيبي وحياتي واحبك وتصبح على خير



تبسمي له وقدميله طلباته بدون دلع


اول 10 ايام بيستغربك ويراقبك من بعيد ويعمل انه ماصدق بعدتي عنه -


انتي اثقلي هو يحب الثقل في المرأة


يعني مرة كذا ومرة احبك وكذا ..




فترجعي بعد 10 ايام تدلعي واحبك واموت فيك



فيقوم يصير لين معك -شوي شوي فقط



بعدها ب10 ايام تنسحبي وهو بيبدأ يعطي ويقتنع بدلالك له

الي من وجهة نظره غير منطقي -


اذا غرقتيه طول الوقت بيخاف ويستغرب


ويظن انك تبي تعلقيه وتعوديه وبعدين ممكن

في اي وقت تهجريه فتتعبيه عشان كذا هو بيصد عنك بقوة


وزاني بين الطريقتين - بتعطي نفسك وبتعطيه مساحة



يحس بالامان من دلالك ويقتنع فيه - وكمان تقدري تستقبلي منه عطاء وحب

لكن ارجوك ماتضغطي عليه كثير يصير مثلك نسخة في العطاء لانه رجل ومختلف

امدحي عطائه لك وشجعيه -لما يعطيك ويقرب منك

فتعوديه انه الي بيعمله صح ..

بس لاتضغطي عليه يعاملك بنفس طريقتك







( اعطي شوي وكثفي ثم انسحبي شوية وخذي راحة ثم ارجعي كثفي ثم انسحبي وريحي )



انتي ممتازة بس محتاجة - توازني مع الشمالي اذا هو شمالي فعلا


النوع هذا حجر وصخر من بره لكن حساس من الداخل ويقاوم بقوة




موفقة واستمري
 

زوجه تائه

New member
معلومات زوجه تائه
إنضم
6 أبريل 2016
المشاركات
298
مستوى التفاعل
1
النقاط
0
ابشرى يا احلى شموسه عطيتينى دافع
وقوه اتحمل واصبر
انا من تحليلى له تساوى فيه الشماليه مع الشرقيه
لكن في تعامله وطريقته اشوفه شمالى
وفصيله دمه A- علشان كذا احترت فيه
هل هو شمالى او شرقى
 

زوجه تائه

New member
معلومات زوجه تائه
إنضم
6 أبريل 2016
المشاركات
298
مستوى التفاعل
1
النقاط
0
شموسه يسعد مساك

بسألك سؤال
معقوله الشمالى اللى عندى علشان عرف نقطه ضعفى من موضوع التعدد صار كل فتره وثانيه يذكره قدامى حتى يستفزنى ويثير غيرتى

زوجى يكون ابن خالتى وتخيلي
خطبته لى صار لها 4 سنوات بمعنى اصح علقنى
وهو اللى جاء وخطبنى من امي من غير راي احد من اهله او تأثير احد من الثانوى
وكان يقولى اشياء كان يشوفها بي وانا صغيره ما كانت افكر فيها او اتذكرها علما انى ما كنت اشوفه ابد ولا اتذكره الا نادرا بس هو حاطنى في باله مع انه ما كان يحتك
قلت له قبل فتره عن موقف سواه لى في ملكتى
لما طلعت امى عساه بالجنه من عندنا وتركتنا
لحالنا وكنت بكامل كشختى
ولابسه كعب عالى
قالى قومى خلينى اشوفك زين قمت ومشيت قدامه وانا كنت خجوله
وقالى اخلعي جزمتك خلينى اشوف طولك هنا تلون وجهى لانى كنت قصيره بقوه وعصبت الصراحه منه ليه يقولى كذا ويخرب كشختى
فكيت الجزمه اعزك الله وقفت وانا محرجه
وقالى خلاص وهو مبسوط انا قلت له ومدرى كيف قلته
طيب وقف خلينى اشوف طولك
وضحك من قلبه ووقف وصرت عشره عنده
مت من الاحراج اكثر
قالى اصلا كنت اعرف انك قصيره واتذكر هذا الشيء ويعجبنى قصرك
وتزوجنا ما انتظر اربع اشهور بعد ما خلصت الاختبارات مباشره في عز البرد
وقالى من اول زواجى انا كنت حاطك في بالى انت ووحده ثانيه من بنات عمه
لو ما وفقت فيك كنت افكر فيها
ولما شفتها اللى حاطها فى باله كانت عكسي تماما
وقلت له شفتها
قالى الحمدلله اخذتك انت ولا اخذته
هذا دليل انه شمالى اكثر منه شرقى
لانه كان حاط خطط مدروسه من بدايه عمره
ههههه

هل ممكن زوجى يفكر يهدم حياه 15 ؁ عشناها مع بعض
خطط حاطها في باله
يعدد
ويفرط بحبه لى وحبى له
لان تكراره للتعدد ومزاياه خلتنى اخاف يتزوج
هو حالف وقالى انه لو فكر يتزوج يشاورنى لانه ما يقدر يفرط بي ولا يمكن يخون الوفاء والثقه اللى بيننا ويسويها من غير ما ياخذ رضاى
وقالى تطمنى ما افكر اتزوج الحين
فهل ممكن بعد ما يرتاح من العمار وهمه ويستقر ماديا يتزوج لمجرد التغيير
 

نوووناااا

New member
معلومات نوووناااا
إنضم
23 مايو 2016
المشاركات
434
مستوى التفاعل
4
النقاط
0
الله يسخر زوجك الك ..مبين عليكي انسانه حبابه .........ما عندي خبرة بهالمواضيع ...بس ما حبيت اطلع بدون تعليق**
 

ريمة 2

متميزة النمط الشمالي
معلومات ريمة 2
إنضم
5 فبراير 2016
المشاركات
2,722
مستوى التفاعل
23
النقاط
0
الإقامة
بلد المليون ونصف المليون شهيد
انا شرقية عندي بنتي الصغيرة طول النهار لاصقة فيا ماما انت مليحة ماما انا احبك احيانا ابغى اضربها خاصة لما اكون مشغولة او اقرا **
الحب بالنسبةللشرقي افعال اعملي اللي يريحو و ثقلي روحك شوي**
 

Nadaaaa

New member
معلومات Nadaaaa
إنضم
26 مايو 2016
المشاركات
39
مستوى التفاعل
0
النقاط
0
احمدي ربك ياريمه ماشفتي اللي عندي الله يصبرني بس ويسخرلك زوجك واثقلي عليه ترا التقل صنعه
 

زوجه تائه

New member
معلومات زوجه تائه
إنضم
6 أبريل 2016
المشاركات
298
مستوى التفاعل
1
النقاط
0
يا ديمه وانا اصلا ايش بسوى
مو كل اللى بسويه يريحه ويرضيه
ولما ابغى منه بعض الحب تقولى لى اثقل
ليه انا قلت ابغاه طول الوقت يتصلق ويعطينى
انا ابغى منه البعض


وللمعلوميه انا شرقيه جنوبيه
لكن لست كما انتِ
 

ريمة 2

متميزة النمط الشمالي
معلومات ريمة 2
إنضم
5 فبراير 2016
المشاركات
2,722
مستوى التفاعل
23
النقاط
0
الإقامة
بلد المليون ونصف المليون شهيد
يا ديمه وانا اصلا ايش بسوى
مو كل اللى بسويه يريحه ويرضيه
ولما ابغى منه بعض الحب تقولى لى اثقل
ليه انا قلت ابغاه طول الوقت يتصلق ويعطينى
انا ابغى منه البعض


وللمعلوميه انا شرقيه جنوبيه
لكن لست كما انتِ
حبيبتي اختاري الوقت المناسب كي تعطي و تاخدي**
 

همسه رقيقه

New member
معلومات همسه رقيقه
إنضم
18 يونيو 2016
المشاركات
5
مستوى التفاعل
0
النقاط
0
مرحبا
بصراحه انا ماعندي خبره في الشخصيات
لكن بقولك نصيحه
كل الي تسوينه يدل على انك حبوبه و رقيقه و كله صح سوا كان شرقي ولا شمالي ولا جنوبي لان الانثاء لازم تكون لطيفه و تقطر حنان وحب مع الثقه بالله ثم بالنفس و ما تنتظر شي في المقابل خلي تصرفات تنبع منك لان هذا طبعك لا تنتظري شي الله لن يضيع اجرك وراح تشوفين نتايج الي تسوينه من تقرب لزوجك عاجل او اجل

لكن ناقص حاجه مهم (النيه )
خلي نيتك في كل الي تعملينه تقرب من الله خالصه لوجه و طمع في رحمته و رضاه

لا تعلقي قلبك في غير الله
لا تعلقي قلبك وتفكيرك في ردات فعله للي تسوينه سوي الخير وارميه في بحر لان طبعك نبع الطيب والخير

والله يوفقك ويسخر قلب زوجك لك كما سخر قلب الرسول محمد صل الله عليه وسلم لسيده عائشه رضي الله عنه
:16:
 

زوجه تائه

New member
معلومات زوجه تائه
إنضم
6 أبريل 2016
المشاركات
298
مستوى التفاعل
1
النقاط
0
همسه رقيقه
كلامك درر وفعلا لازم ما اغفل النيه وهى رضى ربي
لكن ارجع واقول زوجى الآن
هو وحيدى بالدنيا بعد الله
فقدت امى من تسع سنوات
وفقدت ابوى من شهر
الله يرحمهما ويغفر لهما ويسكنهما فسيح جنته
واصبح مالى بعد الله الا بيتى واسرتى
لهذا ربما عندى هوس مفرط وخوف زائد
وربي لا يشقينى ولا يدخل الضره بيننا
وان يطمس عينيه عن غيرى من نساء الدنيا
وياجرنى في مصيبتى ويخلفنى خيرا منها في
زوجى وابنائى
اللهم آميين
 

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه