رحنا عمره وخربناها

[بنوتاتي غيرررر]

السلام عليكم ورحمه الله
بنات انا مره مقهووووووووووووره من زوجي كنا متفقين نروح عمره لوحدنا
بس ام زوجي قالت تبي تروح انا ا وزوجي حصل بيني وبينهم مشاكل فاتفقت ان خلاص مالي علاقه فيهم بس سلام وتكون علاقتي سطحيه يعني مانسافر مع بعض ولا انزل لهم كثير كحد للمشاكل لاكن يوم قال ان امه تبي العمره قلت انا وده بس مو معي كلن لوحده وهو ثاروعصب انتي ماتحبين امي ولاتبينها معنا
ومن هالكلام طبعن هي بتموت وتروح معنا بس منعتها اشياء خارجه عن ارادتها انتم تعرفون وش الي يمنع المره من العمره
قام قال لي ابي خواتي يروحون معنا قلت خلاص مارفضت طبعنا هو يبيني ارفض عشان يمسكها علي وتفاجا لما وافقت وسكت ماقال لخواته الا لما جينا نمشي يعني ماكان حريص على روحتهم معنا وقالو مايمدينا نتجهز وراح وخلاهم ولما قلت له ليش مااخذت خواتك قال هذي عمره خالصه لوجهك انتي بس ؟؟؟؟؟؟؟انا هنا طرطعت قلت له لا مو خالصه لوجهي امك منعها شي اقو مني ومنك وخواتك لوك حريص قلت لهم من زمان بس انت ماتبي احد يروح معك وتهاوشنا هوشه مره كبيره بنات انا مره مضغوطه احس اني بنجن من الي حولي
كلهم خونه حتي زوجي ناكر للمعروف
مثل اهله وتخيلو ينزل يفطر
مع خواته وابوه طبعن امه مسافره
ويتركني افطر لوحدي
ماحسيت
برمضان
ابد جو البيت جو مشاكل وخناق
وحوسه مقدر كذا انا ابي ارتاح ولا يتسحر
معهم وانا اتم لوحدي
حرااااااااااااااااااااااااااام والله
انا قلت له بروح لاهلي افطر معهم
وانت ظلك مع اهلك
وانبسط ع الاخر هو موافق
بس انا ودي افطر انا وزوجي
لوحدنا مثل الناس
اتمنا اني
القى حل عندكم:dunno:​

 

[غبووش]

ادعي ترى الدعاء في رمضان مستجاب
بس انتي الله يهداج المفروض ما كنتي تتكلمين عن خواته خلاص سدي الموضوع
بس بما انه صار واستوى الله يصلح ما بينكم
وتمنى الخوات يفيدونج

 

[خلية نحل]

حبيبتي هذولا الرجال لازم تصبرين ولاتنسين الدعاء
ولازم تقددرين امه واهله لان رجلك باين عليه حاشم اهله لذالك احشميهم علشان يحشمك
وحتسبي الاجر

 

[قلب ذاكر]

حبيبتي بدال جو النكد اللي انتي عايشه فيه سوي اي شي معك وانزلي افطري معهم مره او مرتين وهو بعدها راح يحس على دمه ويتسحر معك على الاقل لان اكيد والده موجود الاب يحب يشوف ولده يفطر معاه انتى في بيت معاههم انا في منطقه غير منطقة اهله وزوجوي يروح يفطر مع اهله لا تغصبينه خليه على هواه الرجال ما يحب مرته تتامر عليه احتسبي نزولك عندهم لوجه الله والله ييسر امورج ان شاء الله ويسعدك مع زوجك يارب لا تنكدين على نفسج الرجال يجي بالسياسه افهمي !! يعني شوي شوي وبهداوه مو غصب وهواش ولوي ذراع
حاولي تراضينه باي طريقه .. اعتذري منه .. موعيب الزوجه تعتذر لزوجها .. وعقب اخذي اللي تبينه بالراحه والاسلوب السنع .. تسحروا برى البيت على يوم .. عيشي اجمل لحظات حياتك مع زوجك وخلى عنك النظره المتشائمه خونه وغير هالكلام
وطمنينا عليك .......موفقه حبيبتي

 

[مس رسم]

صحيح مالك حق تتكلمي عن اهلة لان الرجال اكثرهم يكرهون المره اللي تسب اهلهم حتى لو كانو غلطانين انا كنت زيك دايما تبي ورانا وين مانروح وانا اتضايق وبالاخير يتفركش كل شي وتصير مشكلة المهم اللحين طلعلي قلب اللحين عشان ما اخسر زوجي ادلع وارفع بأمه واهلة وذا قال سبحان مغير الاحوال وش صار ؟ اقولة ما يكفيني انها جابتك لي يا بعد الدنيا انت واهلك ||| المهم هو يذوووووب ويبدا يصير معي عسل
حاولي انك تكسبينة من خلال اهلة وامه بالذات لو كان بالتمثيل لانه السعادة دائما تصنعها الزوجة الذكية ؟؟
تمنياتي لك بالتوفيق

 

[حبيبت رشيد1]

:icon30:انا مع الاخت عليكي يا اختي الجوء الي الله والصلاة ثلث اليل وكثرة الدعاء والاستغفار وقراءة القران

ادعي ترى الدعاء في رمضان مستجاب
بس انتي الله يهداج المفروض ما كنتي تتكلمين عن خواته خلاص سدي الموضوع
بس بما انه صار واستوى الله يصلح ما بينكم
وتمنى الخوات يفيدونج

 

[دانة طيبة]

ادعي ترى الدعاء في رمضان مستجاب
بس انتي الله يهداج المفروض ما كنتي تتكلمين عن خواته خلاص سدي الموضوع
بس بما انه صار واستوى الله يصلح ما بينكم
وتمنى الخوات يفيدونج

كلام اختي صحيح كان طنشتي الموضوع واشتريتي راحة بالك

يعني بالنهايه هو مابيعترف انه غلطان

 

[صعبة المراس]

يا الزينة يا الطيبة،،
اعقلي وبتنصلح أحوالك، أقصد خليك رزينة وعاقلة وتعاملي بثقل لا تتنرفزين وتصارخين ووتصرفين مثل الأطفال ، فأغلبنا مع الزوج ما نقدر نمسك أعصابنا وهذا أكبر خطا..
وبصراحة هو يحب يفطر مع أهله لأنك تنرفزينه لو أنت هادية ما فضل عليك غيرك.
حبيبتي ،،
لا تعطين الأمور أكبر من حجمها إذا مافطر معك بالعكس أفضل لك حتى تذكري الله وتدعين على راحتك ، فلابد في كل أمر يضايقنا شي إيجابي لصالحنا.
الغالية ،، ما للزوج خلقنا ، بل تنتظرنا أمور أكبر وأعظم فهل أعددت لها العدة؟؟؟

 

[ناناسي]

حبيبتي بدال جو النكد اللي انتي عايشه فيه سوي اي شي معك وانزلي افطري معهم مره او مرتين وهو بعدها راح يحس على دمه ويتسحر معك على الاقل لان اكيد والده موجود الاب يحب يشوف ولده يفطر معاه انتى في بيت معاههم انا في منطقه غير منطقة اهله وزوجوي يروح يفطر مع اهله لا تغصبينه خليه على هواه الرجال ما يحب مرته تتامر عليه احتسبي نزولك عندهم لوجه الله والله ييسر امورج ان شاء الله ويسعدك مع زوجك يارب لا تنكدين على نفسج الرجال يجي بالسياسه افهمي !! يعني شوي شوي وبهداوه مو غصب وهواش ولوي ذراع
حاولي تراضينه باي طريقه .. اعتذري منه .. موعيب الزوجه تعتذر لزوجها .. وعقب اخذي اللي تبينه بالراحه والاسلوب السنع .. تسحروا برى البيت على يوم .. عيشي اجمل لحظات حياتك مع زوجك وخلى عنك النظره المتشائمه خونه وغير هالكلام
وطمنينا عليك .......موفقه حبيبتي

انااا مع الاخت اوافقها الراي مافي شي يجي بالعناد والغصب السياسه احسن اسلوب:fish:

 

[لا مبالية]

سؤال بسيط وش فيها لو راحو اهله ( امه وخواته ) معك للعمره ؟ وش بيضرك ؟ والخناق والتعصيب ما بيجيب غير تعب القلب ، امه مو مكتوبلها تعتمر معكم عشان كذا جاها المانع من ربي وانت ما استفدت من التعصيب والهواش غير تعب القلب وانك تباني بمنظر الزوجة القطوع النكدية بنظر زوجك ،، وبالنسبة للفطور زي ما قالت الأخت سوي لك شي وانزلي افطري معهم ، وقدمي الخير صدقيني بتلاقي خير ، الين متى واحنا بعقدة أهل الزوج:dunno:

 

[المزن]

اختي سوي فطورك ونزلي فطري معاهم حلوه المه وتصفيه للقلوب

 

[شوق المطر]

اختي اولا عليك بالدعاء


انا مع الاخت صعبه المراسي في كل كلمه وابيك تنتبهي هذه اللحظات اجمل حياتك فلا تفسدي بيدك خليه ع راحتك ولا تعكرين مزاجه ويطفش منك مثل هذي الايام,,, وخذي هذه النصائح وانبهي لعمرك اختي

ووفقك الله

 

[أم الأقمـــــار]

انتي منرفزه نفسك بنفسك

وش فيها لاجيتي بالطيب وسويت لك كم طبق ونزلتوا كلكم مع بعض وافطرتوا

انا مثلك في بيت لوحدي وبعيد لكن اكسب زوجي عن طريق حبي لاهله واحرص اكثر منه على اننا نفطر مع اهله

صدقيني بيحبك زياده

حلاة رمضان جمعه كبيره مو انتي وهو بس لانه هو بيزهق

حاولي تغيرين من اسلوبك شوي معاه

لما ماشفتيه حريص على اخذ خواته هذا اكبر دليل على انه يبيكم لوحدكم وامه لاتحاولين تبررين اسباب لانه لايمكن يرفض طلب امه

تخيلي نفسك بكرى ولدك تقولين له بروح معك عمره انت وزوجتك ويقولك لا ابي بس انا وهي

عامليهم كما تحبي ان تعاملي

واعرفي اي شي تسوينه الحين بينرد لك بكرى لاكبرتي



.
.


والمفروض لما قال لك خالصه لوجهك قلتي تسلم يابعد عمري عساني ماخلا منك

صدقيني بينبسط كثييييييييييييير

حسسيه انك تحبينه وتحبين اهله


.
.

موفقه ان شا الله

 

[دلال الورد]

الله يعينك .. اعزميه انتي عالفطور.. اوطبخي له سحور من الاكل الي يحبه ..خففي من النكد .

 

[تاج الاحزان]

عزيزتي مافي زوج يرضي اي كلام عن اهله ليه وجع الراس انتي الحين ما عليك الا تتحملين اشوي يعني راضيه بتصرفاتك فمثلا سوي طبق وارسليه معاه وقوليله بالعافيه ولاتبين انك زعلانه او مقهوره عادي اضحكي وكأن ما في شي واذا تقدرين اعزميه بره على الفطور وغيري تفكيره عنك ترى كثرة الزن تخرب ابيوت عزيزتي الا امه مهما سوتلك لاتبين انك ماتحبينها وان شاء الله بيحن قلبه عليك وانت وشطارتك لا تخلين الشيطان يدخل بينكم واستغلي الشهر الكريم بالدعاء والدعاء وقيام الليل وبتشوفين اشلون تغير معاك ولا تنسين في العيد تشترين هديه لامه والله مجربتها بتكبرين في عينه

 

[بنوتاتي غيرررر]

فهمتوني غلط

السلام عليكم ورحمه الله وبركاته
بنات انتم ظلمتوني انا مااكرههم والله اني احبهم
واتمنا نرجع زي قبل بس انا عانيت منهم الين
خلاص مااقدر اتحمل ابد
وترا انا ماقطعتهم من نفسي لا ولدهم منعني منهم لانهم بدو يغلطون علي وعليه وقال لي لاتنزلين لهم
مايجي منهم الا المشاكل
والله اني العام كنت افطر معهم يوم عندي ويوم عندهم
بس من الي شافه زوجي قال مابيك تواجبين اهلي
مع ان عيالهم الثانين ماواجبوهم ابد
لاتقولون اي شي مو زين عني وانتم ماتفهمون وش
الي يحصل بيننا
انا عانيت منهم والله ماحد يعلم بالي حصل لي
وانا ابيكم تقولو لي وش اسوي مو تغلطون علي​

 

[ميوسه]

رضيتي تسكنين مع اهله من البدايه كملي معاهم افطري معاهم؟


ولا اطلبي سكن منفصل


وانتي حساسه بزياده المفروض اعتمرتي معاه بدون تجريح



موفقه

 

[زخـــــات المطر]

انا بقول لك شيء اذا مشيتي عليه ماراح تندمين ومن تجربه والله
انا كنت مثلك اقول رايي في اهله بصراحه وما حصلت خير مع انه كان يشوف غلط اهله ويتكلم بس لقيت افضل شيء اني اسكت حتى لو قام يسبهم أو أغير السالفه وشلت سيرتهم من بيتي وارتحت والحمد لله حتى لما نوينا ناخذ عمره قلت تبغاني احجز لامك معانا طالعني وهو متفاجأ لأن علاقتنا في بعض شبه مقطوعه بطلب منه قال لا ما يحتاج أمي ما تقدر على العمره وسكت وكسبتها عنده جميله ربي بيجزيني عليها خير وأيضا زوجي ماراح ينساها لي لان الطيب جاي مني مو منه وصار يدلعني ويحترمني وما يسمع فيني لاني احثه على بر امه فنصيحه طبقي كلامي وبتشوفين كيف حياتك بتنقلب للافضل

 

[لتوفي]

يابنت الحال اتركيه وطنشيه

 

[الأسطـــــورة]

ياعزيزتي
المفروض لمن قاللك العمرة للك انتي تنبسطين وتقولين جزاك الله خير
لان امه لمن تطلب منه طلب تراه الواجب عليه طاعتها غصببن عنه
اما اخواته هو تركهم لانه يشوف ماهو ملزوم فيهم ..... فليش كبرتي المواضيع
لاتحطين راسك براس امه لانك خسرانه
وبعدين على الفطور جزاه الله خير يريحك من الطبخ وعوار الراس
تفرغي للعبادة والصلاة والدعاء وفكري بطريقة افضل

والله يسعدكم