رحمي في معدتي !!!!! ماني قادرة استوعب .. ساعدوني بليييز ..

[روتـــانا]

كيفكم بلقيسيات ..

بدخل في الموضوع على طول .. لاني مصدومه بصراحه ومني قادرة اصدق ..


يا بناااات انا في فترة ملكتي طحت على ظهري طيحه جااااامده .. ورحت عملت اشعة والدكتور قلي لو زاد الطيحه حبه كان ظهرك انكسر ... لكن بفضل الله الله قدر ولطف ... وطلعت الاشعه كويسه .. بس كنت بين فترة وفترة اتالم من عظام الكتف اللي في الظهر ... ومع زجمة الزواج نسيت نفسي ... واتزوجت وسافرت ولما رجعت من السفر حسيت انه خلاص مني قادرة اتحمل الالم .. فا رحت لوحده تمرخلي ظهري وجسمي كلو ... وقالتلي رحمك مايل .. قلتلها سوي اللي تششوفيه صح .. وكمان عملتلي كاسات هوا في طهري .. واستمرت معايا 3 ايام .. وقالتلي بعدها بإذن الله هدا الشهر راح تحملي بقدرة الله .. قلت خير وكله بيد الله وحده ...

ومرت الايام وما حملت ..

ودحين صارلي سنتين متزوجه ولا اخد مانع ولا شي .. بس ربي ما كتبلي حمل .. ورحت لـ3 مستشفيات وعلمنا كل التحاليل والحمد لله طلع كل شي ممتاااااز .. ومافي سبب لتأخر الحمل غير ان الله ما اراد ..

وقبل فترة كنت احس بحرااااارة وقت الجماع .. ومن شدته ابكي .. وحتى لما اقوم الحمام بعد الجماع عشان اشطف .. ما اقدر .. احس المويه كانها دبابيس وبس ابكي ... وزوجي مسكين يتربك معايا .. وكنت اشطف بمويه وعسل <<< قالولي مفيد ...

المهم بعدها رحت لدكتورة نساء وولادة والدكتورة ممتازة بشهادة قريباتي اللي يروحولها .. قالتلي ان عندي التهاب واعطتني حبوب اخدها انا وزوجي و تحاميل مهبليه وغسول ليوكريما .. وقالتلي ان رحمي مررررررررررررررررة نااااااااااازل .. وقالتلي لا تلبسي كعب ولا تشيلي تقيل .. ولو تعرفي احد ممتاز يمرخ ويرفعلك هوا ... حيكون الوضع ممتاز ..

واتوكلت على الله ورحت لوحده تانيه تمرخ _ غير اللي مرختلي اول _ وحزروا اش قالتلي :33:؟؟؟!!!!


قالتلي رحمك طالع عند معدتك .. وخلتني احط يدي على معدتي .. وحسيت فيها دقات قلب .. قالتلي هدي دقات الرحم ... لازم تكون هدي الدقات في السره ... يعني لما تحطي يدك في سرتك تحسيها مو معدتك .. وماما كانت معايا وحست هي كمان .. وبعد مامرخت وخلصت _ وكان مدة التمريخ اقل من نص ساعه _ وكان مؤلم الموهم بعد ما خلصت قالتلي يلا حطي يدك دحين .. وحطيتها ماكان في دقات قلب في معدتي ... وحطيتها على سرتي وحسيت الدقات في سرتي .. وربطتلي بطني وقالتلي خليها لبكرا ... وقالتلي بالنسبه للـ ..... في اي وقت تقدر حتى لو اليوم ..



يا بناااااااااااات ... معقوله كلامها صح ؟؟؟؟

الدكتورة بالالتراساون تقول مرررررررررررره نازل !!!

وهدي تقول رحمي في معدتي !!!!

ولما قلتلها ان الدكتورة قالت مرة نازل قالتلي الدكتورة يبغالها احد يعلمها !!!:33:


يابناااات ريحوني في احد صار معاه كدا؟؟؟؟ ...

وهل ممكن ان الرحم يطلع للمعده ؟؟؟

يعني معقوله الرحم كدا يلعب في الجسم كل يوم يروح يتخبى في مكان !!!!!


بليز اللي تعرف اي شي عن الموضوع دا لا تبخل علي ...

 

[مناكير وردي]

اي ياقلبي الرحم غير ثابت بالجسم سبحان الله حاجه ومحطوطه كذا واي مجهود ممكن تتحرك
خليك ع التمريخات مره ورا مره تراها ممتازه ومافيها شي وروحي عند الممرخة الاولى افضل
وحكاية النغزات اللي بعد الجماع هذا بسبب الجماع وعدم نزول لزوجه منك يبيلك مطهرات وتحاميل اكيد الدكتورة عطتك منها او اطلبيها تحاميل للرحم حبة كبيره وقت النوم وتنفجر داخل الرحم وتعطيك طبقة ناعمة وتفرزلك الافرازات الطبيعية وتعطي للرحم من الداخل طبقة ماتحسي بعدها بهالنغزات انا جتلي وخفت لكن التحاميل ريحتني علبه وحده ومن بعدها الحمدلله ماعرفتها
تحطينها وتنامين واول ماتصحين كل الاوساخ والجراثيم تنزل وتغسلينها عادي الظاهر هي عبارة عن كريم
الله معك​

 

[طهر الغيم]

الله يشفيك ويرزقك ونفسي وكل محرومه انا اللي اعرفه انه ينزل او يميل لاكن كل شي وارد انتي استمري عندها لعل الله يجعل فيها الشفاء واعتني بنفسك الله يسخر لك

 

[ورود جورية]

الله يشفيك ياقلبي ويشفيني ويرزقنا الذريه الصالحه
والله مااعرف وش اقولك غير الدعاء

بس ابغاك تقولين لي وين الممرخات الي رحتي لهم

 

[طموحه دلوعه"]

والله ماعندي خبره بهالامور بس انشاء الله ربي يكتب لك وتحملين ويفرح قلبك وقلب زوجك

 

[مذوبه الورد]

ياااحياااتي يا روتاناا حزنت يوم قريت كلامك وبنسبه للرحم اكيد مهووب ثابت يعني انا مره قالت لي الدكتوره
ان رحمي راجع لوراء وخفت ويوم قلت لهاا وش الحل قالت اكيد هوو مو كيس اسمنت ثاابت مايتحرك
طبيعي اذا تحرك من مكاانه


انتي ارجعي عند الدكتوره بعد فتره وقولي لهاا انك رحتي عند ممرخه مثل ماطلبت منك بس لاتقولي لهاالتفاصيل
وشوفي وش تقووول
وما من الالام اللي تعانين منهاا ذي اما التهاب بسيط لاتخاافي او انه من الجمااع لا تخاافي
والحمل يااحياتي لاتفكري كثيرر فيه ادعي ربي دايم وتوكلي على الله بكل اموورك
تخيلي نااس يقولون لهم الدكاتره مستحيل تحملوو وربي قادر على كل شي ويحصل حمل
يعني توكلي على الله وادعيه ربي بكل صلاه
ويارب ياارب بهاالليه يجي يووم واقرا موضوع لك هناا تبشريناا بحملك


سلامي ....

 

[روتـــانا]

اي ياقلبي الرحم غير ثابت بالجسم سبحان الله حاجه ومحطوطه كذا واي مجهود ممكن تتحرك
خليك ع التمريخات مره ورا مره تراها ممتازه ومافيها شي وروحي عند الممرخة الاولى افضل
وحكاية النغزات اللي بعد الجماع هذا بسبب الجماع وعدم نزول لزوجه منك يبيلك مطهرات وتحاميل اكيد الدكتورة عطتك منها او اطلبيها تحاميل للرحم حبة كبيره وقت النوم وتنفجر داخل الرحم وتعطيك طبقة ناعمة وتفرزلك الافرازات الطبيعية وتعطي للرحم من الداخل طبقة ماتحسي بعدها بهالنغزات انا جتلي وخفت لكن التحاميل ريحتني علبه وحده ومن بعدها الحمدلله ماعرفتها
تحطينها وتنامين واول ماتصحين كل الاوساخ والجراثيم تنزل وتغسلينها عادي الظاهر هي عبارة عن كريم
الله معك​

اي انا رحت للدكتورة وكتبتلي حبوب لي انا وزوجي وتحاميل وغسول وكريم..

التحاميل 5 حبات ... بس لظروف ... ما قدرت اخدها 5 ايام متتاليه .. كنت اقطع يوم او يومين ... هل هدا الانقطاع يؤثر عالنتيجه ؟؟؟؟

وبالذات انه اخر حبتين لما كنت احطها .. اول ما احطها احس بحرقاااان ..

ولو تأثر هل ممكن اخد بكت تاني واستخدمو بانتظام ولا ما ينفع .. لازم اروح للدكتورة ؟؟؟

والله يعطيك العافيه اسالتي كثرت .. السموحه ..

 

[روتـــانا]

الله يشفيك ويرزقك ونفسي وكل محرومه انا اللي اعرفه انه ينزل او يميل لاكن كل شي وارد انتي استمري عندها لعل الله يجعل فيها الشفاء واعتني بنفسك الله يسخر لك

هي مرة وحده مرختلي وقالتي خلاص ما تحتاجي تاني ..

ومدة التمريخ كانت اقل من نص ساعه ..

والله يرزقنا ويرزقك ويرزق كا مشتهي يارب ...

 

[روتـــانا]

الله يشفيك ياقلبي ويشفيني ويرزقنا الذريه الصالحه
والله مااعرف وش اقولك غير الدعاء

بس ابغاك تقولين لي وين الممرخات الي رحتي لهم

امين ياااارب ..

الممرخات اللي رحتلهم في جده ..

وحده هي جاتني البيت اسمها ام خالد ..

والتانيه انا رحتلها البيت ( كبيره بالسن) ..

 

[روتـــانا]

والله ماعندي خبره بهالامور بس انشاء الله ربي يكتب لك وتحملين ويفرح قلبك وقلب زوجك

امين يارب الله يسمع منك ..

ويحقلك اللي في بالك يارب ..

 

[روتـــانا]

ياااحياااتي يا روتاناا حزنت يوم قريت كلامك وبنسبه للرحم اكيد مهووب ثابت يعني انا مره قالت لي الدكتوره
ان رحمي راجع لوراء وخفت ويوم قلت لهاا وش الحل قالت اكيد هوو مو كيس اسمنت ثاابت مايتحرك
طبيعي اذا تحرك من مكاانه

يتحرك بس مو ينط ... اش اللي يوصله في معدتي ... وربي قعدت اضحك .. قلت لزوجي لايكون الـ... طوله 60 متر ودفه وصله للمعده ههههههه..

هم يضحك وهم يبكي .. وربي اني محتااااااااااااره اروح لممرخه ولا لدكتورة ولا اطنش ولا اش العمل مني داريه !!!

انتي ارجعي عند الدكتوره بعد فتره وقولي لهاا انك رحتي عند ممرخه مثل ماطلبت منك بس لاتقولي لهاالتفاصيل
وشوفي وش تقووول

شكلي بسوي كدا اسلم حل ..

او اني استنى لو جاتني الدورة بعد ما اخلص اروح للمرخه تانيه ..

وما من الالام اللي تعانين منهاا ذي اما التهاب بسيط لاتخاافي او انه من الجمااع لا تخاافي

والله اهو باخد الادويه وان شاء الله خير ..

والحمل يااحياتي لاتفكري كثيرر فيه ادعي ربي دايم وتوكلي على الله بكل اموورك
تخيلي نااس يقولون لهم الدكاتره مستحيل تحملوو وربي قادر على كل شي ويحصل حمل
يعني توكلي على الله وادعيه ربي بكل صلاه
ويارب ياارب بهاالليه يجي يووم واقرا موضوع لك هناا تبشريناا بحملك




سلامي ....

آآآآآآآآآآآآآآآآآآآآآآآآآآآآآآآآآآآآمين ياااااااااااااااااااااااارب ..

والله نفسي اشوف ردة فعل زوجي وملامحه لما اقوله ..اش بيسوي ..

يارب ارزقني وكل مشتهيه ومحرومه ياااااااااااااارب ..

 

[عاشقة زوجهاA]

السلام عليكم دخلت لعيونك وبقول وش صار مع زوجت أبوي عساني أقدر أفيدك شوفي ياقلبي عليها أربعة عيال أصغرهم عمره 14سنه وكانت الفتره هذي تتشكى من أسفل ظهرها وهذي الفترة راجعة مستشفيات بحث عن الحمل ولكن مافيه مانع يقولون ضعف بالمبايض ومرت السنين وقالت أمها بروح للممرخه تمرخ ظهري تبين تروحين معي وراحت معها زوجت أبوي عشان ظهرها بس وكانت المفاجأة قالت عندك ميلان شديد بالرحم وهذا سبب عدم الحمل ومرختها وحست بألأم شديدة وقالت ثاني دورة تجيني وفعلا جاتها وقالت إنشاء الله تبشريني بحملك والآن حامل بشهرها الثاني بعد 14سنة الله يتمم عليها طبعا تزوجت أبوي وهي صغيره بعد وفاة والدتي الله يرحمها وعمرها41سنه

 

[عاشقة زوجهاA]

أسمها أم سعد بوادي طريب بتثليث خط الجنوب السعوديه رقمها0507924058وحطيته عالعام ليستفيدو الأخوات أتمنى دعوه منك حلوة للي ببالي وفرصه روحي لها بعدين تعالي لنا بأبها شهر عسل وإنشاء الله يكتب ربي لك حمل على يدها

 

[RRFF]

انتي ليه مستغربه ان الرحم يتنطط ترا مو بس هو حتى المعده هاذي الحالات تسير حتى مع الاطفال الصغار من طيحه ومن شي ثقبل ونصيحه صدقيني العجوز صادقه يوم قالتلك ان الدكتوره يبغالها احد يعلمها نزول الرحم وميلانه وتحركه ما يعاجه الا الممرخات ما احد يعرفله فالطب استمري عند الممرخه وراح تعرفين صدق كلام لا تسبين الممرخه وتوفين كلامها فاضي بتلفين وتدورين واخرتها ترجعيلها

 

[روتـــانا]

أسمها أم سعد بوادي طريب بتثليث خط الجنوب السعوديه رقمها0507924058وحطيته عالعام ليستفيدو الأخوات أتمنى دعوه منك حلوة للي ببالي وفرصه روحي لها بعدين تعالي لنا بأبها شهر عسل وإنشاء الله يكتب ربي لك حمل على يدها

الله يسعدك ويحقلك اللي في بالك يااااااااااااارب ويعطيك حتى يرضيك قولي امين ..

والله يتمم على زوجة ابوك يارب .. وعقبال كل مشتهيه ..

بس هدي الممرخه فين ما عرفت ... يعني قريب ابها ؟؟؟ لاني انا بجده ؟؟

وفي امكانيه تجي جده يعني عندها زباين هنا ولا انا اروحلها ؟؟؟

انا سجلت رقمها عندي ومشكورة ماقصرتي..

 

[روتـــانا]

انتي ليه مستغربه ان الرحم يتنطط ترا مو بس هو حتى المعده هاذي الحالات تسير حتى مع الاطفال الصغار من طيحه ومن شي ثقبل ونصيحه صدقيني العجوز صادقه يوم قالتلك ان الدكتوره يبغالها احد يعلمها نزول الرحم وميلانه وتحركه ما يعاجه الا الممرخات ما احد يعرفله فالطب استمري عند الممرخه وراح تعرفين صدق كلام لا تسبين الممرخه وتوفين كلامها فاضي بتلفين وتدورين واخرتها ترجعيلها

انا مستغربه لانه اول مرة اسمع ان الرحم في المعده.. وعاادي خير ياطير معلومة جديدة ومستغربتها

وتانيا / انا ما سبيت الممرخه هي انسانه كبيره وطيبه وتخاف الله وماشفت منها الا كل خير ..

بس انا استغربت التشخيص ..

وبعدبن انا لو مو عاجبينني الممرخات ماكان رحتلهم من الاساس وناويه اورح لممرخه تانيه كمان ..

ولو الدكاترة ما يعرفو ماكان الدكتوره طلبت مني اني اتمرخ !!!


واتمنى اتمنى اتمنى كل وحده قبل لا ترسل ردها تقراه 10 مرات عشان تستوعب الاسلوب اللي كاتبه فيه .. الله يهديك ويصلحك ..

 

[روتـــانا]

يابنات مين صارلها زيي تقولي .. ؟؟؟


وفي شي تاني نسيت اقوله وياريت مناكير وردي كمان ترد علي ..

اني صرت احس بروح الحمام كثيييييييير ومثانتي ما تتحمل .. يعني اوقات ادخل الحمام وبعد 10 دقايق احس اني مني قادرة بدخل تاني ...


ولو حسيت اني ابغى الحمام ما اقدر اكابر وانتظر .. وبالذااات بعد التمريخ الاخير هل له علاقه ...

وربي صرت زي العجايز اشيل هم الخروج والحمام .. الله يكتبلنا الاجر ..


بليز ردووو علي ..

 

[عاشقة زوجهاA]

هي تبعد عن أبها حوالي250 كيلوكأنك مسافره من أبها للرياض وماأتوقع تروح جده بس تمرخ ببيتها أنت دقي عليها وأشرحي لها حالتك وإذا قالت علاجك عندها بعد الله روحي وهي قالت لزوجة أبوي جات عندها حالت أسوء وحملت بعد الله على يدينها أنتي أستخيري وخلي توكلك على الله هوالرازق وبالنسبه لكلام أختي RRFFعادي أتمنى ماتأخذينه بحساسية يكفي دخلت موضوعك وردت الله يطعمك اللي ببالك ويرزقك أنتي وكل محروم ماتتمنون وبالنسبة للحاله اللي معك ممكن سلس البول سوي تحليل وتأكدي لأن هذي أعراضه أمتلاء مثانة حتى لو فرغتيها وعند العطاس أو الكحة يخرج بول قليل يعني ماتقدري تتحكمي بخروجة

 

[روتـــانا]

يعطيك العافيه حبيبتي .. وبالنسبه للاخت RRFF حصل خير وكلنا اخوات بالمنتدى ..

اما للبول .. لا ان شاء الله مو لدي الدرجه بس ماما تقولي مع الالتهابات يصير كدا بس لما تتعالج الالتهابات يخف دا كلو ..

والله يجيب الخير ..

بس بقولك شي تاني .. امس صار (.....) وبعدها منت من الحرقان وصرت ابكي من الحرقان ومني قادرة امشي ولا اشطف ولا اتحرك ... وزوجي اصر الا نروح الطوارئ بس انا مارضيت لان الدكتور بيكون عام ... مع اني اول امس خلصت التحاميل .. 5 حبات .. والله مرة تعبت واعصابي تعبت ومني عارفه اش اسوي ؟؟؟

ممكن يكون هوا عندو الالتهاب ورجع نقلي هوا ؟؟؟


بس هوا ما عندو اعراض التهاب ؟؟؟ هل ممكن يكون عنده ومو حاسس ؟؟؟

 

[روتـــانا]

UP
UP
UP
UP