رجــيــتـــكــم ومن رجاءبـالله مايخيب

[حناني متعبني]

السلام عليكم ورحمة الله وبركاتة

كيف حالكم غالياتي ..كل عام وانتم بخير وعيدكم سعيد يارب

اليوم تفاجئت من قريبة لي وبنفس الوقت صديقة لي ربي يسعدها

استشارتني بموضوع خاص لها و اول مره احس اني مو قادره اساعدها مو لشئ بس الموضوع شوي حساس وانا ما ابي اقدم لها رائي الا لمن اسمع ارائكم النيره الله يبارك لكم فيها يارب واتمنى انكم ما تبخلون عليها..

السالفه ومافيها ان تقدم لها رجال اكبر منها يعني تقريبا 38 او 39 هالحدود..المهم تقدم لها العام الماضي واهلها رفضو لأسباب قبيليه تافه جدا وهي المشكله انها حبته والاسباب اللي اهلها ذكروها لها ماهي مقنعة وهو انسان مطوع على قولتها لانها شافته.
والحين تقدم لها مره ثانيه وحبت تستشيرني وقلت لها طيب اهلك.؟؟؟؟؟؟؟؟؟؟؟
قالت والله مدري وش الحل معهم بيتم يرفضون الين متى .؟؟ والمشكلة ان امها تقووول لو تزوجتية منتي بنتنا ولا نعرفك؟؟اي قلب هذا حتى لو تهمهم مصلحة بنتهم مايقولون كذا ..
وهي جلست تكلمني تقول انا بحد ذاتي مو عارفة تشتت ابيه وابي اهلي وما ابي اخسرهم كلهم.وبنفس الوقت تقول طيب عمره كبير علي لان فرق العمر بينهم قرابه 14 سنة هل فيه صعوبات في تفكيرهم اذا تزوجو ....تكفووون لا تنسونها من دعواتكم والله انها حزنتني مسكينة تبي تتزوج وترتاح ..

الله يوفق كل وحده دخلت وردت ولو بدعوه .

 

[غروري عاجبني ^^]

الله يكتب لها اللـــي الخيـــر

الاحسن لها ما تخسر اهلهاا ,,,لان الزواج اللي بدون موافقة الاهل ما يكوون فيه بركة و لا خير ..

 

[TOOOOTAH]

لازم موافقة اهلها

والله يعوضها بالصالح من خلقه

 

[دلوعة هانم]

يالغاليه اولا واخيرا الاستخاره الاستخاره وربنا لو كاتب لها نصيب معه لازم تتاكد انها بتاخذو ولو مو نصيبها ربنا راح يعوضها ان شاء الله
والزواج بمشاكل ورفض صعب
هي صغيره والحياة قدامها ان شاء الله راح الله يعوضها باالحسن منه لو ماتم موضوعها
بس الافضل الاستخاره ربنا لو لها نصيب راح يسهل الامور
الله يكتب لها الخير

 

[e-style]

فارق العمر كبير أولا
ثانيا ما في شي اسمه حب في هالمرحلة هي مجرد عرفت اخبار عن الرجل و سمعت عنه لا عرفته و لا عاشت معاه شلون حبت شخص ما تعرف عنه غير الظاهر؟؟؟ على اي اساس انبنى هالحب؟
ثالثا المجازفة كبيرة أنا مو سعودية و ما عندي فكرة عن موضوع القبايل و غيره بس صعب جدا انه البنت تفصل نفسها عن عادات و تقاليد مجتمعها و ان كانت تراها غير مقنعة لكن مو هي الشخص المخول بتغييرها يعني لو البنت اصرت على هالرجال أول شي أهلها راح يغضبون عليها راح تسمع كلام جارح ما راح تتهنى لا في خطوبة ولا في زواج بسبب الضغط النفسي هل هي مستعدة تواجه هذا كله علشان شخص ما تعرفه؟؟؟
رابعا لو لا سمح الله ما حصل التوفيق في هالزواج لمن راح تلجأ ؟ و أهلها غضبانين عليها عندها استعداد تستحمل الشماتة و القطيعة؟

من رأيي انها تنتظر النصيب اللي يرضونه أهله
ولو كانت مصرة على الارتباط تسأل عن الرجال بشكل دقيق لحد ما تتطمن و تكون فترة الخطوبة طويلة بحيث تقدر تتعرف عليه بشكل افضل و ما يتم الزواج الا و هي متطمنة من ناحيته 100% على الأقل لما تخسر أهل تربح زوج ما تخسر الطرفين

 

[ابتسامه مهجوره]

لاتخسر اهلها علشان رجال بداله غيره

 

[قرة عين يارب]

اهلها ثم اهلها ثم اهلها رضاهم اهم شى بالدنيا وبعدين ابوها اكيد عايز مصلحت وخليهاتدعى ربنا وتعمل استخارة وان شاءاللة هاتشوف الخير كلة بس خليها ترضى بالى ربنا كاتبة ليها

 

[أطعم بنوتة]

الله يكتب لها مافيه الخير ​

 

[حناني متعبني]

تشكورون حبايبي الله يقويكم والله ماقصرتو

 

[بركان المحبه]

وشو اللي تتزوج وترتاح ... هذا مو تفكير سليم من أول الموضوع بصراحه

بعدين فارق العمر كبير جدا .... 14سنه والله مو هين ... واهلها تخسرهم عشان رجال كبير بالسن لا بيكون من عمرها عشان تحس بشبابها معاه ... بداله ألف شاب يتمناها الله يرزقك يارب الزوج الصالح من باب الرازق الكريم ... لا تخسر أهلها عشان رجال ...​

 

[السر المكنون)~]

اهلك لاتبلين بعدين عيالك وتحطمين مستقبلهم بسبب حب لا اساس له وتخلين اللي يسوى ولي مايسوى يقلل من شائنهم