ربي لاتحرم من ترد علي جنةالفردوس ورحمتك، تعبت هل العيب في شخصيتي؟

ف

فراوله وتوت

New member
إنضم
2008/09/15
المشاركات
24
السلام عليكم،
استاذاتي، أخواتي،
اسألكن بالله من عندها حل لمشكلتي بعد الله تجووود بها علي فأنا ماعدت أحتمل،

أنامتزوجه عمري عندي بنوته وولد،جنوبيه غ وزوجي وأهله شمالييين

شخصيتي ضعيفه ! لاأدافع عن نفسي بقوه بل أكتفي ببعض المحاولات وبالدموووع والألم النفسي،
أحب التميز،
وانتقي من الأشياء اجملها..لذلك فطلتي ماشاءالله دائمآ متميزه،

عندي ثقه في نفسي، ولكنها تتزعزع بين فتره وأخرى،
أحب التأنق و الظهورفي المناسبات ولكني لست اجتماعيه وأحس لايرتاح لي الكل وهذا الشيء يؤلمني بل يحطمني،لاأعرف لماذا!
أي كلمه تجرحني، وبالذات من جهةحمولتي
هم متسلطين وعلاقتهم بمن حولهم متوتره ولايهمهم شيء<<يابختهم

كانت معاملتهم جيده معي،بس الآن أنواااع النغزات والكلام فجأه والله العضيم أنا عسل معاهم

ومع غيرهم،
ولاعمري جرحت أحد، أحترم الكل على حساب نفسي،

ابتسم واجامل بس فجأه فجأه والله

بين يوم وليله من مناسبه كبيره حظرتهامعهم وهم متغيرين

وزوجي شمالي طبعآمايشوف خطأ أهله نهائيا ف منشان كذافضلت السكوت! مع العلم أنا موساكنه معاهم،

أناأكتب وأناابكي وربي من البارح أبكي على نفسي،سمعت كلام منهم

وتلميحات أني غيرمرغوبه ومن لحظتها وأناأمشي زي المخدره

تخيلووو أشتغل وأنامصدوومه والعبره فيني!متأثره وأقول في نفسي أناماضريتهم!وش جاهم مني؟أحس الدنيا كلها فوق راسي!

ياااااعالم يااااناس أبي أتغير مابي هالضعف هذا فيني ماراح أمشي بالحياة وانا كذا،
ماراح أقدرأتحمل شوروا علي انصحوني والله تعبت، والله!

ابي اصير زي قوتهم مايهمني شي ولاأتأثر بكلام بشر،
أحس انهم يشوفوني ضعيفه جدآ رغم اني أحاول ماابين بس فيني خوف نفسي وبس تتوتر علاقتي معهم أحس بتهديد فضيييع
لأنهم عائله تحب التعدد للأسف،

الله يوفقها اللي ترد علي وتشور على أختها اللي فعلآ محتاجه كلام تسمعه لأني الأفكار عندي متضااااربه وموقادره افكر،

بأنتظـــــــــاركم،
فراوله،
(سبـــــــــحانك اللهم وبحمدك أشهـــــــــد ان لااله الا انت استغـــــــــفرك واتـــــــوب اليك)
 
هوني على نفسك اختي

انت قلتي انك حضرتي معهم مناسبة كبيرة ومن بعدها تغيروا عليك

يمكن احد موصل لهم كلام عنك ؟؟؟

عزيزتي ...السكون مو حل ...شوفي وحده من خوات زوجك اللي تكون قريبة منك و كلميها

قولي لها انا ملاحظة انكم متغيرين علي ...هل سمعتوا شي يضايقكم مني ؟؟؟

خليك واثقة من نفسك عزيزتي ...وتقربي من اهل زوجك و اكسبيهم

وبهذه الطريقة راح تكسبين زوجك في صفك

وربي معك
 
عزيزتي دلك سهل اكيد تعرفين شي اسمه تطنيش طنشي ولا يهمونك انسيهم ولا كانهم موجودين خلي علاقتك فيهم رسميه سلام وعليكم السلام واللي تسمعينه منهم لاتهتمين به خلي اذن من طيم واذن من عجين .. الله يكفيك شرهم
 
الله يعينك والله يقويكي على مابلاكي​
 
ياعيني يافراوله وتوت يم يم يا اختي بالعكس انتي مفروض تستانسين وتعيدين بعد ههههههههههه

اهل زوجج الغيره عاميتهم ودام انج متميزه وشكل جنان ورزه يالله من فضلك بس بعد وصلتي خير ليش

مدوخه نفسج ومدوختنا معاج ؟؟ اهم شي معاملتج لهم والرسول عليه الصلاة والسلام قال الدين المعامله

ولا تعبين نفسج ولا تتكلفين خلاص خلج على سجيتج تعاملي بكل اريحيه وبنفس الصفه اللي فيج

ولا تقولين عن نفسج ضعيفه ليش ما تقولين انج من عايله هاديه وماتحب المشاكل ولا عمرها دخلت نفسها

بمشاكل انتي نفسج قلتي اهل زوجي متشكلين مع اللي حولهم ولا همهم بكيفهم ولا لج دخل فيهم

الحين سؤالي لج منو المهم بهالموضوع هذا كله؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انتي وزوجج دام انج ببيت لحالكم الحمدلله تعلمي فنون كسب زوجج واهله السلام عليكم عليكم السلام

لا تتدخلين فيهم دام انهم مشكلجيين ويتهيأ لي في احد مادحج حييييييييييييييييييييل بعد العزيمه اللي

رحتي فيها مع اهل زوجج من جذي قلبوا عليج ههههههههههههههههههههه

حريم سبحان الله الله يفكج شرهم واذاهم المهم عليج بالدعاء لج ولزوجج والزمي الاستغفار في هالايام

الفضيلهوتقبلي مروري
 
حبيبتي هدي من نفسك لاتحملين نفسك فوق طاقتها
انت تعبانه وحالتك حاله وهم مرتاحين وما فكروا فيك ليه تعذبين
نفسك عشانهم ماعليك من احد اهم شي عندك زوجك اهتمي فيه
اما عن الناس فرضا الناس غايه لاتدرك ...وعشان ترتاحين من التفكير
في سبب تغيرهم زي ما قالت وحده من الاخوات كلمي وحده منهم تكون قريبه منك شوي واسئليها
عن سبب تغيرهم وان شفتي ان مافيه شي يستاهل عطيهم طنااااااااااااش
يعني تكون العلاقه رسميه شويه بدون مايصدر منك شي غلط بحقهم وقت اللزوم لاتقصرين معاهم
بس لاتبالغين مره ..ولاتخلين زوجك يقصر معاهم مهما كان هم اهله ..وزي ماقلت لك لاتعبين نفسيتك
عشان الناس عيشي حياتك وانشغلي عنهم بماينفعك في دينك ودنياك
والله يفرج همي وهمك ويرزقنا الجنه
 
يا حبيبتي يمكن انت تثيرين غيرتهم بتصرفاتك
ترا اهل الزوج ما يبون يحسون ان ولدهم مهتم في زوجته ومطنشهم
ويمكن انت تقولين لهم اشترا لي وجاب لي ووداني
وبنفس الوقت هو يمكن مو مهتم فيهم
واذا كذا يحق لهم لو انقهروا
 
نبع الحنين قال:
عزيزتي دلك سهل اكيد تعرفين شي اسمه تطنيش طنشي ولا يهمونك انسيهم ولا كانهم موجودين خلي علاقتك فيهم رسميه سلام وعليكم السلام واللي تسمعينه منهم لاتهتمين به خلي اذن من طيم واذن من عجين .. الله يكفيك شرهم
أنقر للتوسيع...

مثل ما قالت لك الاخت طنشي
ولو قطو عليك كلام نظريهم وابسمي صدقيني وعن تجربه
راح تحيرينهم وما يعرفون وش وراك من الابتسامه

عيشي حياتك حاولي تبرمجي نفسك ان كلام الناس مايأثر فيك
ولاتحاولين تكسبينهم مثل ما قالو البنات وتتعبين نفسك معاهم

بحياتي ماشفت وحده حاولت تكسب حمولتها واكسبتهم
بالعكس تلاقينها هي وياهم كل يوم على حال
الطيب راح يبان الطيب فيه
والي مفارقه الطيب راح يفسر الطيب شي ثاني

عامليهم بأحترام من باب انك انسانه محترمه وخوفك من الله
مو من باب كسبهم

انا اول زواجي كانت علاقتي باهل زوجي متوتره حاسه انهم مو مرتاحين لي
وكثير يلمحون لي وقطون علي كلام ويمدحون كثير حريم عيالهم الثانين عندي
وانا اسوي نفسي غبيه ما افهم مره ابتسم ومره اناظرهم نضره والف كاني ما سمعت
والحين الحمد لله علاقاتنا حلوه وحاسه باعجابهم بشخصيتي مره
 
الثقة بالنفس هي إحساس الشخص بقيمة نفسه بين من حوله فتترجم هذه الثقة كل حركة من حركاته وسكناته ويتصرف الإنسان بشكل طبيعي دون قلق أو رهبة فتصرفاته هو من يحكمها وليس غيره .... هي نابعة من ذاته لا شأن لها بالأشخاص المحيطين به وبعكس ذلك هي انعدام الثقة التي تجعل الشخص يتصرف وكأنه مراقب ممن حوله فتصبح تحركاته وتصرفاته بل وآراءه في بعض الأحياء مخالفة لطبيعته ويصبح القلق حليفه الأول في كل اجتماع أو اتخاذ قرار .
 
<P><FONT color=blue>بعد التحيه والسلام </FONT></P>
<P><FONT color=blue></FONT> </P>
<P><FONT color=blue>اختي خلي ذكر الله دايم على باللك </FONT></P>
<P><FONT color=blue>وتعوذي من الشيطان دايم</FONT></P>
<P><FONT color=blue>وحاولي قد ما تقدرين تطنشين لان الشيطان يكبر السالفه في بالك</FONT></P>
<P><FONT color=blue>اعوذ بالله من الشيطان </FONT></P>
<P><FONT color=blue>ومثل ما قالت اختي واجههيهم وخليك قويه</FONT></P>
<P><FONT color=blue>واثقه من نفسك وصدقيني هالخطوه بتخليك قويه دايم</FONT></P>
<P><FONT color=blue>والله يوفقك يارب والمسلمين اجمعين</FONT></P>
 
أفاااااااااااااااااااااااااا يالجنوبية الغربية
كذا تضعفين قدام الشماليين <<<<<<<<< بتولع الحرب خخخخخخخ

شوفي يالطيبة وش محرق دمك الله يصلحك إذا إحنا قابلين فيك معنا ماعليك منهم <<<< الثقة زينة
<<<<< فيه أحد بينطرد ههههههههه ((((( أمزح ))) بس حبيت أفرفشك شوي

يالغالية لا تزعلين إلا إذا كنتي أخطيتي وحتى لو كنتي أخطيتي فيه إختراع إسمه الإعتذار
ومادامك ما سويتي شي وش مزعلك

يا أختي يعني إذا انا قريت لك رد وما عجبني وهاجمتك وش بتسوين ؟؟؟

أدري بتقولين حمولتي !!!!!!!! ما قلنا شي

بس هم مشتهين الزعل تقولين ليش يشتهون الزعل ؟؟؟؟

مو مهم أهم شي ما جاهم شي منك إذا يبون يزعلون إلى بكرا ولا يرضون

يا أختي الشي عند رب العالمين مو عند الناس

يعني من زرع حصد وش انتي متضايقة منه؟؟؟
يعني زرعتي تفاح وتخافين ينبت لك صبار؟

تعوذي من الشيطان هذا الشيطان يوسوس لك بالشر مو كل من يزعل علينا يكون من سببنا لا وأنا اختك

إذا أدمغتهم مقلوبه مو مسؤوليتنا تعديلها الواحد عساه يعدل نفسه

<<<<<<<<<مو كني تفلسفت شوي

يا أختي لأني أحس بمعاناتك وعشتها في فترة من حياتي
علشان كذا اقوللك لا تلتفتين وراك
اللي يزعل يزعل واللي يرضى يرضى أهم شي ما يرضي رب العالمين والباقي ييسره علام الغيوب

تحياااااااااااااااااااااااااتي
 
باختصار هما شيفين حالك بخير يبغون ينكدواعليكي والله لانهم عارفين انك انسانه طيبه واكيدهما بيهم مشاكل
ماتعطيهم الفرصه هما حتي مايستهلون التفكيرمنك
 
أختي في الله
أنصحك تفكرين بنفسك وبس كيف تحسين بذاتك وإنك جوهرة وقلبك طيب ومو كل أحد يستاهل طيبتك بالعكس فيه ناس إذا شافوا الطيب يحسونه ضعيف وذولا هم ضعاف النفوس انتي واثقة من نفسك بس يبغالك تدريب على إنك تحبين نفسك أكثر وتعيشين لها ولزوجك ولبيتك ولا تضيعين وقتك برضا أهله وانتي واثقة من تصرفاتك وماقصرتي بحقهم..
أهل زوجك ناس ماعرفوا قيمتك للحين وماأظنهم بيعرفونها دام هذا تفكيرهم

والله يوفقك
 
مثل ما قالت احد الاخوات (اكييييييييد احد مدحك وماتوا قهررررررررر)
صدقيني اكثراسباب الحقد والحسد يجي من مدح الناس لك عند اقاربك
سمعتي الدعاء (اللهم عليك بأصدقائي اما اعدائي فانا كفيل بهم )
والاصدقاء يشمل الاهل والاقارب هم اللي يعرفون كل شي عنك وعيشتك ومعاملة زوجك لك واهتمامك بنفسك
والنعمة اللي انتي فيها
فنصيحتي لك ريحي نفسك على الاخر وعامليهم كما يعاملوك عطوك وجه انتي عطيهم وجه
سووا حركات ولوو بوزهم وريهم الوجه الاخر
ثقي اختي اذا كنتي قوية وصادقة حطي عينك في اكبر رأس فيهم ولا يهمك >>>>>>> وحدة مجربة
اما المواجهة احذري احذري ما راح الا يقهروك زيادة وبذلك تتعب نفسيتك اكثر
اذا انتي متأكدة ما غلطتي في حقهم خليهم نار وتاكل في نفسها والحقران يقطع المصران
 
الله يعينك ويصبرك يا اختي على ما اعطاكى وانتي ادعيى لله سبحانة وتعالي ...
 
افضل شىء المعاملة الرسمية مع هؤلاء النوع من الناس وانتي عودي نفسك انك تطنشيهم ولاتفكري فيهم ولافي تلميحاتهم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل