راعي المعنى يستعنى

[سندريلا زوجي]

يا حريم عيب والله عيب استحوا على عماركم ايش هذا أسرار الفراش سادحاتنها هنا بدون خجل ولا مستحى إيش هذا الذوق؟
تتكلمن عن مواضيع مفيدة ما قلنا شيء بس وحدي تقول انا قلت كذا لزوجي وهو قالي كذا وتسأل بكل وقاحة انتي شو تقولا لزوجك خلال الجماع ...................:33:

عيب والله عيب.................يعني شيء خاص بينك وبين زوجك ايش الداعي تعلمي الدنيا كله عنه؟ what's the point? شو العبرة المرجوة؟

:19:


بدون هجوم علي


انا اقصد راعي المعنى وراعي المعنى يستعنى


واختشوا شوي


والا اللي اختشوا ماتو!!!!


:11:​

 

[القهر اسود]

شوفي انا ما احب اكتب مشاركه فهالمولضيع بس ما اقدر اقول لك اني انتقدهم لأنهم حرين والمنتدى نسائي متخصص انه يقرب الازواج لبعض وهالامور مهمه وكل وحده يمكن تبغى تحسن من وضعها وتتقرب لزوجها اكثر
الله يسخر لكل وحده قلب زوجها

 

[غربه؟]

عادي حبيبيتي يتعلمون .. ما فيها شي .. لو تدرون في حريم ما يعرفن كيف يتخيرون الكلام يعني بالمعنى دفاشه وقلة ذوق .. خليهم يتعلمون الاساليب الحلوه اللي تقربهم من ازواجهم .. يعني للجاهله معلومات ببلاش .

 

[سندريلا زوجي]

أنا ما أعترضت على المواضيع المفيدة أبدا إعتراضي على أن كل وحدة تجلس تطلع أسرارها وتقول انا كذا اسوي مع زوجي والا زوجي كذا سوى معي ...........فاهمين شو أقصد؟

مو مسألة منتدى نسائي ...المصيبة أسرار زوجية منهيين نطلعها!!

إذا وحدة حابة تفيد تطرحه يا اخي بأسلوب راقي مو أسلوب العوالم هذا اللي مغطي عالمنتدى بشكل مقرف ...........

 

[وهج الامواج]

صح عليج المفروض اسرار الخاصه جدا ماتطلع لحد حتى الرسول صل الله عليه وسلم ذكر حديث عن اسرار الزوج وزوجته بسسسسسسس ماني متذكرته حيل بس فيما معناه ان الرجل يفشي سره لزوجته وهي تفشيه للناس وهذا مايجوز والله عيب وحرام

 

[احلىحلاوه]

والله معاك حق

 

[لباب]

والله معاك حق والا تبغى تفيد تقول مثلا تقول كذا وكذا كانوع من الاقتراح مو تقول انا قلت وزوجي قلي

 

[قطرة في بحر]

معاك حق
وأصلاً حرااااااام إفشاء الأسرار الزوجية وللي تبي تفيد تقدر بدون ما تقول أنا وزوجي
بعض الردود أحسها تعدت الذوق والأدب ومراعاة الأخرين ومافيها أي فايدة فقط حب للتحدث بهالأمور الله لا يبلانا
واللي تقول مافيها شي هذا منتدى نسائي غلطانة المنتدى هذا يدخلوه الرجال والمراهقات وصغار السن
أتذكر قبل فترة قرأت واحدة مو متزوجة كاتبة مشكلتها هنا في المنتدى في قسم الإستشارات البناتية ملخصها أنها دخلت في قسمنا هنا وقرأت مواضيع المتزوجات وأثيرت ومارست العادة السرية وضميرها مأنبها شفتوا فين وصل أثر كلامكم
يعني أتخيلوا لو بنتكم دخلت بالصدفة هنا وقرأت كلامكم وتأثرت ترضوا هالشي لها ؟
اللي ما ترضوا لبناتكم لا ترضوه لبنات الناس
المنتدى هذا جداً مفيد وراقي لكن ياليت الإدارة تحط خطوط حمرا ما حد يقر يتعداها عشان نحافظ على رقيه

 

[سندريلا زوجي]

تسلموا والله هذي الناس الفاهمة والعارفة عن شو انا اتكلم............................صدق الموضوع صاير مخجل وتعدى حدود الأدب....كوني أفيد مو معناه أكون قليلة حياء واتحدث عن خصوصياتي ....وأكيد بعد هذله اللي ما يستحن لو يدروا ازواجهن بهالتصرف بيطيحن من عيونهم ....والا شو الراي.؟