راح انجن

المحتااارة

المحتااارة

New member
إنضم
2010/10/28
المشاركات
190
انا المحتااارة اكيد ذكرتوني من كثر ماغثيتكم بس معليش تحملوني شوي :20::20:
السالفه ومافيها إن زوجي يقولي أمس انتي المفروض تجيني وتساعديني اني أتركه مو تروحين وتخليني قلت انا صبرت عندك فالبيت وعطيتك فرص بس انت اللي فرطت فيني لكن هالمرة بصبر عند أهلي قالي لا اذا بتجين وتاقفين معي زين اما اذا بتركه لحالي ما ابغاك ولا ترجعين واصلا انا اللي ببيعك. ولا راح نتظر سنه لانك ماوقفتي معي ..
دلوني
 
شوفي اختي

دام ان زوجك طيب معك و مو مقصر معك بشي..ما عدا هذا
 
شوفي اختي

دام ان زوجك طيب معك و مو مقصر معك بشي..ما عدا هذا العيب اللي فيه

فانا اقول لك لا تخربي بيتك ..خاصة ان بينكم طفل على ما اعتقد

هو في سن طيش و شباب ...وان شاء الله مع صبرك عليه ...راح يتركة

انت حطي عليه شروط صعبة

قولي له ...ما ابغي هذا الشي يدخل بيتي ابدا

يوم اللي تكون شارب فيه...تنام برة غرفة النوم

واذا حسيت انك شارب.اسبوع كامل لا اكلمك ولا تكلمني ...والا تبغيني اخذك بالحضن وانت شارب واطبطب عليك ؟؟؟؟؟

لكن تركك لبيت و طلب الطلاق هذا مو حل

صدقيني ...هي ان شاء الله فترة طيش شباب وتعدي

وربي يهدي زوجك..لا تنسين الالحاح بالدعاء ان ربي يهدية

وربي يسعدكم
 
والله حبيبتي مااعرف قصتك بس ادعو من الله ان يهديه ويدلك على اللى فيه الخير والصلاح يارب
 
ايه بس أختي بالاول ماكان يدخل بيتي ولاادري عنه بعدين قالي وشافني مارحت عن البيت وصار يجي يشرب عندي وانا ساكته بس اذا صحا ما احاكيه ولا أكلمه وجيت يومين عندأهلي وجاءعلى طووول ووعد أبوي وبعد اسبوعين رجع له بعدين جلست ماطلعت من البيت وشرب ثانيه وخلاص ما عاد اتحمل لو انه يشرب برى ويجي بس ينام اهون من اني اكون على اعصابي انا وبنتي بس نقفل على انفسنا نخاف يصير فينا شي .... وهو عمرة 30 اي مرحلة شباب ... بس الحين هو يحط اللوم علي انا اني ما وقفت معاه مع العلم انه من شكله انه كان يشرب قبل الزواج بس ما احد يدري لان الشراب مايطيح فيه بيوم وليله
 
شوفي اختي

مثل ما قلت لك

انت اذا اتصل عليك ...قولي له شروطك ... وقولي له هذه اخر فرصة لك

اذا انت متسك بي ...فيجب انك تنفذي طلبي

وما اعتقد ان طلبي صعب

ولا تحملي ذنبك ...مو انا اللي قلت لك اشرب

انا تحملتك ومستعدة اتحمل ...ولكن ابغي اشوف منك انت بعد محاولات صادقة

مو وعود وبعدين تخلف بوعدك

استخيري كثيراً

مثل ما قلت لك...اذا كان الرجل طيب معك من كل النواحي

ان شاء الله مع الوقت اذا شافك خايفة على حياتكم ...ان شاء الله ربي يهدية
 
والله أنا قلت له هالكلام وهو عارف اني متمسكه بحياتي كثير بس يقولي ان فكرت أتركه بروحي ماراح أرجعك لازم انتي تساعديني ... وأنا جلست سنتين ماعلمت أحد على بالي اني قادرة أحل المشكله بروحي بس حسيت انه صار كل ثلاث اسابيع يشرب يعني تمادى ورجعت جلست عند أهلي اربع شهور وجاء وعد أبوي وعماني مع العلم أن أبوي من المشائخ اللي يستشارون بهالموضوع ورافض فكرة الرجوع بس الكل اقنعه انها الفرصه الاخيرة ورجعت له بالعيد وجلست بس اسبوعين وجيت أزور واستغفلني وراح يشرب يعني ليش يكذب من البدايه وانا قايله له انها الفرصه الاخيرة يعني كنت معه ايش اللي خلاه يشرب مارحت وخليته علشان يقول انه فاقدني ولو انه صابر على الاقل 6 شهور سنه كان غفرتها له بس مامداني اروح الا باول زيارة وهو شارب
 
ياقلبي يشرب اتركيه اجلسي عند اهلك اذا يبغاك يعرف انتي ايش تبغين ويتغير ويجيك يزحف يدور رضاك انتي ماقصرتي تحملتيه كثير الباقي عليه يا يعدل نفسه ياكل وحده يروح ف طريق و الله من حرتي تكلمت قهرني زوجك يبغاك تجين تساعدينه يتركه اذا ماساعد نفسه مستحيل احد يساعده لا زم تكون عنده عزيمه يتركه مو كلام
الله يوفقك ويسعدك ويتعدل زوجك ويفارق الشرب
 
الله يسعدك يام تركي والله حتى امي تقولي هالكلام تقول زوجك مو صغير اكبر منك بتسع سنوات مفروض هو اللي يحميك مو انتي اللي تحمينه ....
خخخخخخخخ ياحليلك يااهات مكتومه والله اني اضحك وانا حدي ضايق صدري انا زوجي ابغاه يترك شرب الخمر وهو موراضي الا لما ارجع له علشان اساعده
 
طيب وش انت خسرانه لو جربتي الرجعه؟....وش بيتغير؟...بالعكس عشان ماتلومين نفسك بعدين وتقولين ليتني سويت...وبصراحه احس ان ودك ترجعين..شكلك حانه عليه...استخيري وجربي والتجربه خير برهان..
 
حبيبتي من توكل على الله كفاءة الاستخاره افضل شئ وبعدين مادري كيف ابوك رجعك له المره الاولي تري هذا خمر الله يكفينامودخان الحل الجئ لربي واكثري الدعاء والاستغفاروبعدين حبيبتي كيف يعني بتساعدينه تدرين الي يترك الخمر اش يحصله في اول تركه يكون عصبي ويكسرالدنياوالله ماراح تقدرين فيه وبما ان ابوكي رجال يخاف الله فانا اقول خليكي في بيت ابوك وحاولي تكلمين اخوانه يعالجونه تري ماراح ينساء جميلك اذا تعالج واذا تاب وتركك فمن ترك شئ لله عوضه الله بخير منه فانتي تركتيه علشان يتوب والله اني خفت عليكي من كثر مانسمع قصص اللي يشربون الخمر حبييبتي خذي الموضوع بعقلك موبقلبك
الله يسخره لك ويرجعلك تايب
 
باختي وووووووش تبين فيه
يشرب ام الكبائر الخمرر ويجي لمك وهو بدون عقله خطر يسوي فيكم شي
وغير كذا ليش انتي مو حازمه من البدايه وقد كلمتك
انتي قلتي له هذي الفرصه ألأخيره والحين محتاره بالرجعه له
وانا من رأيي تتركينه ويعوضك ربك خير منه اووووووو
ترجعين بشروط ويصير موقع في المحكمه انه ينفذ شروطك ولااااا يشرب
ولاااااااا تهاونين ترى الشرب مو سهل خطرر يجي يوم ويذبحكم وهوبدون عقله وانا ماخوفك بس هذي الحقيقه ووش تتوقعين من واحد وهوسكران
الله يفرج همك ويوفقك
 
لا انا من جد حازمه ومقررة عدم الرجعه نهائي بس هو كل يوم والثاني يدق علي ويقول انه منك انتي اللي علقتي قلبي واخاف اشيل ذنبه ومرة ارد ومرة ما ارد .. وعموما المرأة عاطفيه إذا فكرت بقلبي أكيد ودي أرجع له علشاني وعلشان بنتي لكن أنا فكرت بالمنطق والعقل حتى أبوي اليوم قالي ااذا بترجعين بكيفك بس ماراح يهنا لي بال حتى لو ماشرب الابالسنه مرة ...وعلشان كذا قرر بكرة بروح وأجيب باقي أغراضي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل