رأيكم هل اطلب من زوجي مصروف وماديته ماتسمح في الوقت الحالي !!!

[حورية فاتنة]

السلام عليكم
انا متزوجه من كم شهر
ونفسي يكون لي مصروف خاص لو 200 ريال كل شهر
منها اجمع واوفر وإذا صار فيه مناسبه او شيء إلا انا موفره مبلغ ، وإذا هو انزنق اخر الشهر اعطيه منها​

فكيف اطلب من زوجي ؟!!
وهل احدد المبلغ ؟ وابرره له السبب اني بجمعه واشتري فيه احتياجاتي ... وإذا انت احتجت وماكان عندك اعطيك منه !!​

مع العلم ان وضع زوجي المادي حاليا مو كويس عليه ديون واقساط السيارة والزواج وغيييييييييييييره​

لاني احيان إذا احتجت وماكان عنده
مااضغط عليه ادفع من مالي الخاص (تباريك وهدايا الزواج) وهي الآن شارفت على النهاية :21:
وهو عارف وشايف وياخوفي مايعتبرها تعاون وتضحيه مني اخاف يفهمها انه واجب علي أني مااطلبه وادبر نفسي بنفسي​

هل اطلب ؟ وإلا اسكت ؟
ابغى شيء بسيط اقلها يعتاد على مصروفي لانه حق من حقوقي ​

ايش تنصحوني

بصراحه إذا مااعطاني مااحس بقيمتي كزوجه ​

 

[القنوت]

حبيبتي اقنعيه بانه هالشي مايعتبر انك تضغطي عليه فهميه انه توفير من ناحيه لوجا شهر واحتجتي فيه طلبات فجاءه اوجا ظرف طاري ولازم تدفعين قولي صعب تلبي الاحتياجات دفعه وحده بوقت واحد لكن لما اكون مجمعه مصروف لو200 بس كل شهر يجي وقت احتاج شي مااطلبك دفعه وحده المبلغ 00الا يكون عندي مصروف يغنيك انك تدفعلي وقتها 00وانتي شوفي راتبه كم يبقى منه لما يسددالالتزامات كل شهر كم يصفى منه وشوفي كم ممكن تقدري تاخذي مثلا لويصفى3الاف خذي 350او400اذا اقل خذي200 وهكذا

 

[حورية فاتنة]

مشكورة قنوت حبيبتي
بس وين رأي البقية مانستغني عن خبرتكم
كيف اطلبه <<<<<<<< اثتحي

 

[أم زياد***]

أختي حورية ..

برايي تصبرين كم شهر على ماتتعدل بعض الأوضاع ...

بعدين اطلبي منه مصروفك بدون مبررات ولا تحديد المصرف تقولين له: ودي تعطيني مصروف كل شهر..فقط

وإذا حدد لك مبلغ فوق ماتتوقعين فنعمة وإذا أقل اطلبي منه يزيدك بدلع

وفقك الله