ذبحنـي الشك والسبب بنت أختي

[ربي افرجلي همي]

المشكله ياطويلين العمر ببنت اختي وراح ارمزلها ب؟ـ أ بيني وبينها تقريبا سنه واكثر هي طبعا اكبر مني وانا يالخاله الصغيره عمرها 21 سنه

أ تعتبر توام روحي وهي بعد مانت تعتبرني توام روحها مانخبي شيء عن بعض كل سوالفنا لبعض عمرنا ماصرنا متفككين ابدا

يوم من الايام بنت اختي خلوها مراقبه على موقع وكان الموقع قليل اعضائه ..

أ صرات تعلن عن الموقع ماتشوف قروب الا تعطيه هالموقع وتسوي كل شيء عشان يكبر ...

ومره دخلت موقع قيمرز للاعاب البلياردو كانكم تعرفونه وعرفتلها واحد واعطته عنوان الموقع هو طلب منها انها تسويله توقيع عشان يدخله
و\لب ايميلها وهيك شيء بما انه ماتعرف فطلبت مني اسويله سويتله وعطيته هو سجل بالموقع وصار كبير فيه ...

هي دايم تضيف رجال لاكن علاقتها كانت اخوه بس ..وكانت تخليني اقعد عندها واشوف شتسوي ..

وعقب مده أ ققرت تسويلها قروب للمسنجر باسم الموقع مايتواجدون فيه الا اعضاء المنتدى ...

صار بذا القروب واحد غثيث يثعد يتغزل ببنت اختي .. وطبعا انا كنت من ضمن القروب ...انقهرت منه أ ومادريت الا ناط ابو توقيع وقعد يهاوش بذا الرجال اللي يتغزل ... ارسلتلي بالمسن قالت شرايك فيه سكته صح ..وقلتلها هو شدخله انتي عندك لسان قالت بس امانه ماسكته اتحداه لو يقرب صوبي .. انا سكتت على السالفه وماشكيت ابدا بشيء ...

عقب هاللي صار تقريبا باقل من شهر صارتلنا ظروف توفى اخو أ بحادث الله يرحمه ويغفرله تقريبا برمضان اللي فات مو رمضان هالسنه ..
طبعا تعبنا نفسيا وخاصه أ فصارت بس تفتح لاب توبها وتطقطق عليه مره من المرات كنت عندهم ببيتهم وطبعا اهي كانت حاطه وتكلم اللي طلب منها توقيع ذاك وقاعد يقولها انا تصدقت عن اخوك وانا وانا

نسيت اقولكم بنت اختي هذي مدينه مدينه لابعد درجه الغناء والشعر تسترحمهم الافلام وكل شيء والغيبه وهيك اشياء كانت جدا ملتزمه

طبعا بما اني مو بنفس مدينتها فنادرا ماكلم عليها ونادرا ماشوفها ...

المهم مابي اطول حكي لاني متوتره وحتى الكلام يالله يطلع من حلقي ويالله اكتب

اكتشفت ان أ كانت تكلم ابو توقيع ذا وتطورت العلاقه انهم يكلمون بعض بالجوال مو بس كذا البنت لاجتنا وقعدت عندنا جوالها بيدها وبس تضغط لدرجه جاها التعاب باصابعها عند الاظفر امها قالت باوديها للمستشفى بس هي رفضت تخيلوا اصابعها متنفخه من كثر ماتكلمها بالجوال بالانترنت وجاها التهاب برقبتها تعبت منه مره ..انا واختها تفاجانا فيها مره البنت متغيره حتى اذا كلمت بالتلفون وقلت عطوني فلانه يقولون نايمه اذا دقيت عليها الجوال ماترفعه علي واذا رفعت نفسها بخشمها
قررت اني افتحها ايميلها وكنت اعرف كلمه المرور انصدمت لما شفت الرساله كان يتغزل فيها وتتغزل فيه بطريقه وقحه جدا

درت اختها الكبيره بالموضوع وبيني وبينها وقررنا مانعلم احد اختها الكبيره هاوشتها سحبت منها الجوال والاب توب تقول اختها اني رحمتها هالكبر وتبكي عندي وتقسم ان مالها دخل وانه هو اخذ رقم جوالها من ايميلها لان رقمها السري رقم جوالها وتقول دق علي وهددني اذا ماكلته انه يعرف وين منطقتي من برج الجوال نفسه تقول كلمته مغصوبه عليه وتقول اني عارفه مسويه غلط بس تقول كله منه

كلمت اختها وقلت يمكن تكذب لان البنت هي اللي طايحه فيه غزل وهيام لاني انا معاها واشوف رايها فيه

طبعا البنت تابتت وزعلت عليها لاكنها ارسلتلس رساله تتاسف وهيك شيء قررنا نرجع لبعض وننسى كل شيء صار

بعد السالفه ب3 شهور ققرنا نخيم بما انه ربيع واهمه توهم واصلين للمخيم وكان جوالها معاي جتها رساله وفتحتها بدون ماسالها لقيت رقم غريب ومكتوب وصلتوا بالسلامه طمنيني عنك وحشتيني كثير قلتلها أ الرساله من منو قالت لي اهاا هذي صديقتي فلانه اهي تحب تتطمن وانا قايله انا بنمشي قلبي عورني بس سكتت قلت يمكن انا ظالمتها والشك هذا لازم ابعده

بالمخيم كان قسم منا ينام بالبت وقسم بالخيمه وانا بالبيت وهي تنام بالخيمه

يوم من الايام لقيتها مررررررررره بعيد وكنت توني نازله من السياره وجتني بنت اختي الصيره قالت لقوا حيه وش طولها قلت وين اختك قالت هناك تدور الحيه وتككلم بالجوال قلت مين تكلم قالت مادري

رحت لها وكانت معطيتني ظهري والمسافه عنها بعيده لمى التفتت وشافتني وخرت يدها وباين انها تلم جوال قلت لها وش تسوين قالت ادق على الاتصالات باشوف رصيدي مادري وش كان عذرها بالظبط ..قلت اهااا اوكي

سكتنا وراحت السنين وصار رمضان هالسنه البنت ماخلت ادماناها على الاب توب كل ماروح لهم ببيتهم لاب توبها بيدها ..طبعا هي ماتكلم ابو توقيع ولا ادري عنها ولا صارت تهتم بالجوال والتلفون لاكن اللي طايحه فيه انها مسجلخ بقروب ومعجبه بعقليه واحد بالقروب هذا والادهى والامر انها سجلت بمنتدى ومدير المنتدى اخذ ايميلها وتكلمه عادي وبما انه بيعطيها منصب عالي اهي تعلمني كل شيء يصير الا الاشياء الصغيره مادري احس خاشه عني اشياء وماكانت الانسانه اللي عرفتها ماتثق فيني ماتحبني تضحك بوجهي والله العالم من ورى وجهي شنو تقول مع اني خالتها تربينا سوا وكبرنا سواء وقلوبنا على بعض...

قلتلها يابنت لاتضيفين رجال قالت يوه منك وش فيك والله لو انهم بياكلوني وهذولي اخواني وتعرفين مصالح بيعطوني مناصب

قلت طيب ابو منتدى وخري ايميله لاني حاسه انه نذل قالت يحول منك

تكرهني اقولها نصيحه

وانا بعد ماحب اكلمها بهيك اشياء لاني اصر منها وطبيعي بتضايق لمى اكلمها كذا قلت لاختي الكبيره قالت قوليلها هذا موضوع ماينسكت عنه

نسيت اقولكم البنت هذي من يومها صغيره وهي راعيه مغازل كنت اتذكرها تدق تلفون وتذي خلق الله

مع ان اللي يوشفها يوقل مدينه وربي ماتخلي فرض تصوم وتصلي ماكانت تسمع اغاني والحين شوي شوي ماتحب تسع لهن لاكنها اذا سمعت ماتغض عنهن تصوم الست وتصوم الخميس

مادري انصحها واقولها والا اسكت انا حاسها انها واقعه في رام احد وهي من النوع اللي الرومنسي مررررررره وتحب الحركات كذا

مادري شسوي انصحوني تكفوووووووووووووون انا ماقدر اقول لابوها ولا اخوانها ولا اخواني لانهم على طول يذبحون ماعندهم تفاهم واذا جاء البنت شيء فهو على راسي ماقدر اقول لامها لو درت مادري شبيصير فيها لانها توها طالعه من هموم ويالله فكتها الهموم


وبعد نسيت اقولكم ان بنت اختي هذي متحمله هموم العايله كلهم فوق راسها كل شيء فوق راسها نفسه امها ونفسيه ابوها واخوانها ويمرون بتفره مراهقه كل شيء اهي تتحمله بما انها البنت الكبيره بالعايله ...


انصحوني الله يوفقكم حاسه اني بانفجر

 

[وهج الامواج]

والله موضوعك مؤثر جدا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ومادري وش اقولك لاني مصدومه
..................................؟؟؟؟؟؟

 

[ملكه حدي]

قربي منها اكثر واكثر ولاتنفرينها منك

خليها تفتح قلبها لك يعني ارخي الحبل معاها وبهالطريقه تقدرين توجهينها للصح لاتكوني حازمه معاها
صدقيني اهي محتاجه لاحد تفضفض له

عالاقل تكوني بالصوره معاها

الله يهدي القلوب

 

[تحيه لوطني]

حبيبتي لاتسكتين تراك كذا تضرينها ادركيها قبل مايقع الفاس بالراس كامي امها وخلها تراقبها

 

[ربي افرجلي همي]

قربي منها اكثر واكثر ولاتنفرينها منك

خليها تفتح قلبها لك يعني ارخي الحبل معاها وبهالطريقه تقدرين توجهينها للصح لاتكوني حازمه معاها
صدقيني اهي محتاجه لاحد تفضفض له

عالاقل تكوني بالصوره معاها

الله يهدي القلوب

كلمتها وفضفضت لها وعطيتها وسويتلها وقلت لها اذا بخاطرك شيء قوليه

ايه ماتبيني اعرف عنها شيء وهي حطت حواجز تكلمني واكلمها بس مستحيل احسها مو نفس قبل

اهي ماتعطيني وجه وااذا قلتلها فضفي ماتطلع اللي بقلبها حتى لو اسحبها بالكلام تسكت

مو قصه تبي احد تفضفض له اهي تبي قلب يحبها وهي تحبه مشكلتها متاثره بالروايات وعايشه نفسها سندريلا

قربت منها حيل واسيتها وعطيتها قلبي وربي بس مادري
​

 

[امي كل الغلا]

والله ذا شي ماينسكت عليه طالما انها من النوع

اللي بسرعة تتاثر باللي يكلموها كملي نصايحك

او غيري رمز اميلها اواذ تقدري تاخذي رقم جوال

اللي تكلمه وتهزئيه عن جد مدري وش اقولك

الله يعينك ويفرج همك

 

[ربي افرجلي همي]

بليــــــــــز ساعدوني قولولي شسوي انا صغيره بعمري بحياتي ماتحملت مسولليه

انا ماعرف شسوي ولا ادري وش اقول وهالموليه اللي فوق راسي ممكن تودي لضياع وشرف وموت لاسمح الله

بليز علموني انا ماقدر اخذ جوالها ولا اقدر اسوي شيء

والله لتسويلي فضايح تنتحر تذبح نفسها ماستصعبها عليها

تزعل علي ممكن ماتكلمني طول العمر

وغير هذا هي مدينه موب مدينتي

انا ضعيفه وربي ماقدر اكلم امي ولا امها ولااقدر اسوي شيء

ومو هاين علي اشوفها بحفره الضياع واسكت الله يوفقكم لاتطنشوني وربكم ماعاد انام لااليل ولانهار

فرجولي كربتي الله يفرج كربكم


​