د0موزه ساعديني اطفالي والنوم بغرفه منفرده

[فاقده الغاليه]

السلام عليكم ارجو من د0 موزه حفظها الله او اي وحده عندها الخبره تساعدني
ولدي الكبير عمره 3سنوات و9 شهور وبنتي عمرها سنه و5شهور
تعبت معهم كثير طول الليل نتخانق انا وياهم 00
في البدايه خليته ينام بلحاله مع اخته بالصاله وقلتله بفتح النور وباب غرفتي واذا احتجت شي تعال عندي وقولي لو سمحت ماما ابغى كذا ومشيت على هالمنوال 3 ايام وبعدها صار يقولي تعالي نامي عندي صرت انام عنده وبعدين انسحب يس المشكله اذا قام بوسط الليل ولاحصلوني يرفع صوته ويصيح ويدخل علينا ويفزعنا 000بعدين صرت ارغبه واقوله خلاص حبيبي رح نم بغرفتك واعطيك هديه بكرى بس يروح واذا نمت لقيته نايم بطرف سريرنا اقومه واقوله رح فرفتك وعلى هالمنوال واذا صحيت الصبخ الاقيه جنبي واخته اذا صحت ولاحصلته جنبها صاحت وجت عندي 000 وطول الليل اتردد ع غرفتهم مارتاح بنومي وابوهم يقول خليهم ينامون عندنا ف الارض بس انا اقول ش الفايده اجل
والله تعبببببببببببببببببببببببببببببببببببببببببببببببببببببببببببببببببببببببببببت:tears:

 

[للآخـِر]

نفس المعاناة

وفوقها اطفالي في كل مكان يلحقوني كأنهم خايفين اضيع عنهم! الله يعزكم حتى اذا دخلت دورة المياة يجلسون عند الباب يستنوني وطول ما انا داخل يكلمونييبغون يسمعون صوتي

اتمنى د. موزة تقدر تساعدنا

 

[amshama]

عزيزاتي ارجوا ان تتقبلوا مشاركتي انا عندي طفلتين (ست سنوات وسنتين)ولا يخلو الموضوع من تعب فانا كنت اضع ابنتي في غرفتها المجاورة لغرفتي واشغل القرآن عندها(بصوت خافض) وعندما تستيقظ ولا تجدني تناديني فاسمعها واقوم لها واظل معها الى ان تنام فارجع الى غرفتي وكنت اقول لها ان لا تاتي الي انا ساتي اليك وان لا تخاف لان الله معنا يحمينا وان تقول بسم الله وتنام والقرآن يشتغل طبعا . وتعودت ان تناديني بدون ان تآتي الي وانا اذهب اليها (طبعا اكون تعبانة واريد انام لكن ما باليد حيلة :dunno وصارت بعدها تناديني واقول لها وانا في غرفتي نعم شو تريدين فتقول تعالي فارد بعد شوي سآتي فترجع تنام ومرات تننظرني وانجبر اروح لها :no: وعندما انجبت ابنتي الثانية وضعتها مع اختها وانا في الاربعين وكل شوي اطل عليهم (للرضاعة ولتبديل البامبرز) طبعا البكاء مستمر من الطفلة وزجي يقول لي لماذا تتعبي نفسك احضري الطفلة عندنا وانا مصرة ان تظل مع اختها ,والحمد لله نظمت رضاعتي وموعد الرضاعة اذهب اليها والان كبرت وهي مع اختها (لكن في ايام تبكي الصغيرة وتناديني فاذهب اليها ويوم انا مرتاحة وكم يوم تعبانة) والحمدلله تعودت على الاقل غرفتي نظيفة وفراشي نظيف ومعطر لا يأثر على بناتي.:clap:​

 

[فاقده الغاليه]

وكمان اضيف عليكم مثل ماقالت الاخت للاخر يلحقوني بكل مكان ف المطبخ ودورة المياه اذا دخلت يبكون عند الباب حتى اطلع حتى اذا بغو يلعبون بحوش البيت يقولي الولد نعالي اجلسي عندنا وانا ماعندي شغاله بس ارفض واروح اشنغل

 

[أرجوان الشووق]

الله يعينكم انا ولدي 5 سنوات ولسه ماخصصت له غرفه لحاله الين ماانقل لبيت اكبر
وان شاء الله استفيد منكم في هذه البدايه

 

[فاقده الغاليه]

اب000استغفر الله والخمد لله والله اكبر ولا اله الا الله

 

[شباصه ورديه]

السلام عليكم
هذا شي لابد منه واللي عندها الحل ان اطفالها ينامون بروحهم ياليت تفيدنا لان بكل صراحه كل شي جربناه
لكن نص ايام الاسبوع يكونون معاي بالسرير انا واطفالي الاثنين وزوجي كاننا لاجئين واحيانا اقعد بين سريرهم عشان مايصير انام عند وحده واترك الثانية والطفل الصغير اذا بكى اضطر اطنشه عشان الهوانم ينامون
ماكو حل ماكو فايده
تعبنا من العيال نبي كل شي مثالي الله يصبرنا يارب
مع تحياتي

 

[Ad^LaDy]

لازم تتحملوا صياحهم اشوي اصبروا
ولدي وعمره سنه وانا انومه لوحده..واخوه الصغير بس كمل تسع شهور ووديته يلحق اخوه قبل يتعودوا على النوم عندي..
الكبير في الليل خاصه بالفجر مادري فيه الا منخش بيني وبين ابوه...اخليه لين ينام واوديه غرفته وخلاص الحمدلله قلت هالعاده وااااايد..
ادخلي معاهم الغرفه لين يناموا وشغلي القرآن بصوت خفيف..واذا في اضاءه بس تكون خفييييييفه لاتعودوهم على الاضاءه الزايده...ومن تتأكدي من نومهم اطلعي منهم...اذا قاموا ردي معاهم الغرفه لين يردوا يناموا وهكذا..المهم لاتعطيهم فرصه يناموا عندج لان تعوديهم ويعرفوا انج تستلمي وتسمحيلهم بالنوم عندج..صح بتتعبين رايحه جايه يمكن شهور

السالفه بس يبالها طولة بال وصبر شديييييييييد ..بس صدقوني النتيجه بترضيكم
بس اي طفل صغير عودوه على النوم لوحده قبل السنه عشان مايتعبكم