دلوووني على الصواب

[ام القمريـن]

السلام عليكم
موضوعي يالغاليات
حياتي الزوجيه تفتقد للاستقرار بسبب نفسية زوجي
وضع زوجي جدا ممتاز لكنه من كم سنه لم يعد يجد اللذه في الحياة كلهالا في البيت والعلاقات مع الشباب وعلاقته معي كذا مره اسوي له حفله ليله مميزه يقوم يزعل ويقول انتي وين انا وين المهم قرر اننا ننقل من المنطقه اللي احنا فيها لانها سبب نكده ولكن المشكله امه رفضت النقل معنا وزوجي هو ابنها الوحيد من بين اخوته اللي تحمل مسؤليتها منذ زمن ولم يبقى امامنا عائق سوى هذه الام الارمله التخلي عنها ابناءها
سوا لها زوجي بيت مستقل ووفر لها كل شئ لكن ما استوعبنا نقلنا بدونها مع انها قويه وذات شخصيه وعلاقاتها ممتازه في هذه القريه مع اهلها وصديقاتها
.........
قالت لزوجي انقل وانا راضيه عنك ومقده انك غير مرتاح في هذا المكان
وانا باجيكم كم شهر وباتنقل عند اخوانك واذا مليت رجعت بيتي
انا الان ودي اشجع زوجي ونتمم نقلنا لكن اخاف من الذنب مع اني باضحي بقرب اهلي وبعلاقاتي لكن يشهد الله انه مقابل راحة زوجي النفسيه لاني مليت مليت واللي شجعني انه ااذا خرجنا من المنطقه يرتاح ويحب الناس من جديد ومره نفسيته معنا جدا حلوه ويحب اللبس والطلعه والونس غير تمام عن وضعنا في هذا المكااان
.........
احترنا
واتمنى اني انهي هذا الموضوع بما يرضي الجميع
.............
والنقطه الثانيه
انا يا اخواتي اذا شفت اهانات من اهله او خالاته ولا زعلوني ولا اي شئ تعرفون كيف اهل الزوج الا من رحم الله اضطر اشكي له وافضفض ومن ناحيه علشان يعذرني اذا رفضت لقاءه في اي وقت وعلشان يعرف االوضع اللي انا عليه
هذا الشئ مره ينرفزه وكل مره اقول هذي اخر مره اقول مسكين فوق نفسيته ووضعه اجي احمله معي
بس ما قدرت ما قدرت امسك نفسي كيف اتخلص من هالحركه ..
ولكــــــــــــم جزيل الشكر​

 

[زوجي دنياي]

حبيبتي الزوج مايحب زوجته تكون كثيرة شكوه لاتشكين له ابد
كذا بيحس انك نكديه وتنكدين عليه ودام عنده ضغوط اذا جاك وفريله الراحه بقدر ماتستطيعين
وانتي اعرفي نمط زوجك وراح تعرفين كيف تتعاملي معه
الله ييسر اامرك

 

[نغم~]

سأعطيك حديث سيد المرسلين محمد صلى الله عليه وسلم
اذا نظر اليها سرته واذا امرها اطاعته واذا غاب عنها حفظته .....

 

[hadifa]

الله يفرج همك ويسخر لك زوجك ويكتب اللي فيه الخير​

 

[سمرء غير]

حبيبتي ترى الرجل يزعل اذا قولتي اي شي او اشتكيت من اهلو اسمعي مني اذا اضياقتي من اهلو خليكي عادي ولاكانك سمعتي منهم شي وطنيشهم وخليكي انتي الاحسن والله ياما سمعت وشفت من اهل زوجي لاكن والله ماحركو فيا شعرة والحمدلله دحين يحبوني اكثر وحدة من سلافتي ليش لانو مهما قالو ومهما يسوى عادي ولا اقول لزوجي واشيكلو تصدقي بعض الاحيان هم يقولولو على اللي صار ويجي يقولي ليش ماقلتيلي اقولو عادي مافي شي يستاهل اقولو دام زوجك طيب لاتخلي هذي الامور تاثر على حياتكم الله يسسر امرك

 

[نســـرين]

الله يكون بعونك ماحبيت اطلع وما ادعيلك

 

[دانة الشام]

عزيزتي استخيري الله في أمر انتقالكم لمدينة أخرى واذا أمه موافقة وماعندها مانع فالخيرة دائما فيما اختاره الله وبإذن الله تكون فاتحة خير على زوجك من كل النواحي...الامر الثاني إنتي قلتي حله لوحدك توقفي عن نقل مايحصل معك وماتسمعينه من أهله الرجال يكرهون الثرثرة عموما وخااااااااصة فيما يتعلق بأهلهم...ترفعي عن هذه الامور واذا شعرتي بالازعاج الشديد والقهر منهم تحدثي لأختك أو صديقة مقربة ولكن والله نصيحة من أخت لأختها اذا سمعتي كلمة أزعجتكي أو تعليق استفزكي اطلقي لسانك فورا بالاستغفار صدقيني ماء بارد ينزل ويبرد قلبك فلا تأخذين ذنوبهم ولاتعطينهم حسانتك ...الله يهنيكي ويسعدك بحياتك..

 

[ام القمريـن]

الله يجزاكم خير لا تتخيلون اني سيئه لا بالعكس مع اهله الحمد لله الكل يشهد لي بالخير حتى اهله نفسهم مهم قادرين يمسكون علي شئ ابد والكل يقول كيف تتحملينهم لان حمواتي كلهم صار بينهم اللي ما يصير
لكن اللي ابغاه اني امسك لساني عند زوجي ادعولي لاني احس هذا ضعف مني لكن الله يصبرني ويقويني
....................
الله يكتب اجركم ماقصرتوا مره ارتحت لمن شاركتوني همي
سمرء غير
ماشاء الله عليك وش قوة التحمل هذي يارب اصير مثلك ...والله يثبتك
زوجي دنياي حبيبتي والله اني عارفه هالكلام حتى هو يقول تصرفي من نفسك وخذي حقك بادب ما بامنعك بس اانا خليلني بعيد بس ان شاء الله اقددددر ادعيلي والله يخلي لك حبيبك ويوفقكم
نسرين الله يجزاك خير ويحقق لك مناااك
نغم اللهم صلي وسلم على نبينا محمد صدقتي والله لو درسنا سيرته وعرفناها وطبقناها عشنا اسعد الناااس لكن الغفله اعاذنا الله منها ..
hadifa اااامين يارب ولك مثل ذلك جزيتي خيرا
غاليتي دانة الشام
الله يكتب اجررك اعجبتني فكرتك ان شاء الله اجربها وياليتني ما ادقق في كل شئ لو اتغاضى والزم الاستغفار فعلا بتكون حل بس الله يقدرني
.........
مره ثانيه الله يسعدكم ويحقق امانيكم ولا يحرمني منكم
دعواتكم يالغاليات​

 

[تشكرات]

صبّحك الله بالخير أختي أم قمرين ..
أهنئك أختي على احساسك الرحيم تجاه زوجك فأنتي نعم الزوجه
حبيبتي ..بعد الاستخاره والتوكل على الله >>أنتقلي مع زوجك الى
المكان المريح له ولنفسيته . طالما هو متطمن من ناحية أمه
ووضعها وكذلك طالما هي موافقه ولا مانع لديها .
وعمومآ متى ما أرتاح الانسان في حياته >>> أنجز وتفوّق وأصاب.
فتوكلي وربنا معك .
.........................
بالنسبه لأهله وتعاملك معهم ..حبيبتي >>أنتي لا تكتمي في قلبك
كل شئ حتى لا يتراكم في صدرك القهر والضيق .. وكمان لا
تكثري الشكوى باستمرار حتى لا تنفّري زوجك منك ..خليكي
معتدله في كل شئ وخير الامور الوسط ..
لابد لزوجك أن يعرف كل ما يكدرك ويغضبك فهو سندك بعد الله
والمعين وهو الذي يدافع عنك لو تجبروا وتسلطوا .
لكن اذا كانت مشاكلهم بسيطه وعاديه فالاولى لك أن تتجاهليها
حتى لا تكبر المشكله الى ما لا يحمد عقباه .
..............................................................
تمنياتي لك بالراحة والسعاده مع من تحبين .
................................

 

[ام القمريـن]

اختي تشكرات
الله يسعد ايامك ردك اعجبني يالغاليه ورفع معنوياتي المتحطمه
حبيباتي زوجي اليوم جاني بخبر انه سحب اوراق النقل يعني موضوع النقل انتهى وموضوع نفسيته هو اللي بقى جاني متضايق حاولت اهون عليه قلت له بمااننا تركنا هالموضوع وهو سعادتنا من وجهة نظرنا تركناه لله وحده وبرا في هالام فاسال الله ان يعوضنا خير من ذلك ويتولانا لكن قام يحط قوانين في الحياة وما اعتبر كلامي شئ طبعا انا مقدره هالشئ وبحكم نفسيته وقام يقول ما ابغى كلام ولا عاد تتكلمين معي في اي شئ ابغى حياتنا تمشي بدون ما اسمع شئ حتى عن عيالي لا تقولين سوا وفعلوا حتى لو حلو والحمل انسي نجيب غير هالثنين وبيني وبينكم انا اشتقت للخلفه بنتي عمرها 4 سنوات وتوني قبل 3 شهور كنت حامل وتوفى الجنين ولله الحمد راضيه بما اختاره الله لي في كل شئ بس وش اسوي بنفسيته والله احس اني باتدهور نفسيا وراه ما عاد اي شئ يرضيه وهالشئ موترني
دعووواتكم تكفون انا في ابتلاء من الله الله يصبرني ويعوضني خيرا مما فاتني ويسخر لي زوجي ويشفيه ويشفي كل مريض اساله وارجوه انه يتولانا​

 

[ليــــلاس]

اللهم اني اسألك رضاك​

الله يسخر لك زوجك ويهديك يااااارب وييسراموركم ​

سبحانك اللهم وبحمدك اشهد ان لااله الا انت استغفرك واتوب اليــكــ​

 

[ام القمريـن]

الاخت ليلااس
اامين الله يسمع منك ويعننا على هالحياااة

 

[أبله مي]

أختي الحبيبة إقرأي على زوجك سورة البقرة ع الأقل ثلاث ليالي متوالية ولو خفتي يرفض أو يغضب إقرأيها في ماء وأسقيه منه دون أن يعلم عدة أيام وأدعي له بالشفاء "وننزل من القرآن مافيه شفاء "
ولو استطعتي أن تأخذي من أثر من لهم إحتكاك أوعلاقة به وتسقيه منه أو تغسليه به ،،أسأل الله تعالى أن يشفيه ويرفع عنه ويرزقك الصبر ويكتب لك الأجر

 

[ام القمريـن]

ابله مي

الله يرزقك ماتتمنين
انا فكرت كذا بس كنت انتظر احد يشجعني
لانه فعلا تصرفاااته تغيرت كثير وانا بدون ما امدح نفسي والله اني مرضيته والكل يشهد لي بهالشئ ومتحمله حياته واساعده على بره بامه رغم اللي اشوفه منها لكن الحمد لله على كل حال
وحسبي الله ونعم الوكيل على من ظلمني..​