دلوني وين الصح

[الكليوباترا]

يا بلقيسيات انا متزوجه من اثنى عشر سنه ساكنه ويا اهل زوجي عشان هم يريدون ولدهم وياهم ونحن حالنا من الناحيه الماديه وايد زين والحمدالله يعني نقدر نبني قصر ومب مقصرين على اهله ابدا . المهم انا تعبت وايد من تصرفات امه بالذات غريبه وتعبت ارضيها علشان ولدها واللي يموت فيها وفي اهله وانا مقدره واعرف بس ابتديت احس بقلبي مب الاولي اتعب واخاف على عمري وعيالي لاني غبيه ما عرف ارد وجبااااانه ويستغلون هذا فيني وانا ما لي قدر والسبب انا دايما اقول الله وياي والمهم نيتي وعشان ما يزعل زوجي وووو
لكن وصلت مرحله اخاف انفجر فيها والله ما استاهل اللي يستويلي استوى قلبي يعورني وما اقدر انام زين . ولمل اشوف حريم من الاهل ومن سني وكيف عايشين مرتاحات ولهم قدر عند الكل اغاااار:8:
الحين بس اريد اعرف هل كل هذا له اجر عند رب العالمين ؟ يعني لما العبد يكون ضعيف وجبان الله يحبه ولا يأجره على تحمله لاجل الغير وخصوصا الزوج واهله ؟ اتمنى اللي لهم معرفه دينيه يجاوبوني ويفيدوني لان اخاف لا اطول دنيا ولا اخره !