دلوني زعلت زوجي

[الدنيا دنيئة]

السلام عليكم
يابنات باستشيركم في موضوع واحد قال لزوجي يبحث له عن زوجه ثانيه لان زوجته ماتنجب الله يكرمها
وزوجي قالي على الهرجه
وزعلت وتعاطفت مع زوجته وزوجي يتكلم عاااادي وقمت قلتله فيني شعوروباصرح به
احس اني اكرهك
وزعل وقالي يعني شعور ساعه ساعتين ويزعل تقولينه وجمدني
انا غلطانه ولاقولولي​

 

[انوا رة الرياض]

وليش تزعلين يمكن الحرمه راضيه والمفروض تناقشتي وفهمتي الموضوع وزوجك وش دخله تقلين اكرهك ورجال مهم زين عطفيين لا يفكرون في انفسهم لاكن لاتخربين على نفسك وتاسفي لزوجك وحاولي تقنعيه انه يخلي اهل صديقه يزوجه وهو ماله دخل بلطف لان الرجال ما يجي معهم بالقوه بالاقناع والله يوفقك

 

[ريشة حنان]

مادام مو هو اللي بيتزوج ليه تسوين مشكلة

روحي اعتذري منه وراضيه

ترى الرجال نادر ما يراضون حرميهم

 

[دلوعةزوجي]

الله المستعان صاحب زوجك بيتزوج وش دخل زوجك تزعلينه حتى لو متعاطفه مع الحرمه وش دخل زوجك تكرهينه
ترى هالكلمه قوووووويه لو زوجك قالها بوقت زعل وغضب بالله عليك بتزعلين والا بتقولين معصب ومن غير قصد
يا ماما خليك عاقله ترى الحياة الزوجيه مو تعاطف مع فلانه وعلانه الحياة الزوجيه موده ورحمه لزوجك فقط مو للعالم الخارجي

 

[لااارا]

تقولين انا اكرهك ,,,,,,,,,, وجايه تقولين انا غلطانه ولا لا ؟؟؟؟؟؟؟؟؟ مايبي لها تفكير

 

[خوووخاا]

يعني لو كان زوجك اللي يبي يتزوج
وش بتقولين؟؟

 

[مهاالجنوب]

انت غلطانه ومندفعه وبقوه يحق له يزعل ويمكن يدور وحده ثانيه خليك حكيمه وهاديه ولاتدخلين حياتك الخاصه مع حياه الناس

 

[والنعم فيني]

الله يهديك بس
لا تحاتي وروحي راضيه وتدلعيله وقوليله اطلعت بالغلط وبس تعاطفا منك لها مثل ما هو متعاطف مع ربيعه
وحبي راسي ووقفي فوق راسه لين ما يرضى واذا قالك قومي او روحي قوليلة ما بروح لين ما ترضى ياتاج راسي وهيك:37:

والله يحنن قلبه ويبعد عنكم كل عين حاسدة

 

[نعومتي انوثتي]

اكيد غلطانه فكري في كلام احلى