دلوني الله يسعدكم

[آهة حزن]

كل عام وأنتم بخير وعساكم من عواده يارب

انا ماعندي اطفال وصارت زعلة بينا وقلتله انا مو خدامة عندك انت واهلك و طلقني في رمضان طلقة وحدة وانا رايحة لاهلي زيارة بس رجعت البيت في نفس اليوم ولقيته يغير كوالين الباب عشان مارجع ويقولي ليش رجعتي وانا طنشته مارديت عليه وسار ينام عند اهله مايجي البيت اللي يجيب اكل لي او يغير ملابسه وكلمته آخر رمضان ابغى اتفاهم معاه وقلتله اديني فرصة اخيرة وقالي بعد العيد نتفاهم ويوم العيد اقوله سلم يقولي شوي اجي وهو يتهرب احسه مايبغاني ايش اسوي اختي تقول لا ترمي نفسك عليه هو بايع واهلي مايدرون عن طلاقي الا اخت وحدة دلوني الله يسعدكم ايش اسوي

 

[تلميذة ناعمة]

ابغض الحلال الى الله الطلاق بس يا اختي لاتذلي نفسك أكثر من كذا
الصراحة زوجك تسرع في طلاقك علشان كلام وأنت الحين تساعديه لانه عرف نقطة ضعفك وراح يكون الطلاق العصا الي يهددك فيها أختي رزقك على الي خلقك وخلي عندك كرامة اذا جاء قولي له انا كنت أظنك تسرعت بالطلاق بلحظة غضب وندمان عليه بس الي بان الحين انه ماتبيني خلاص امساك بمعروف او تسريح بأحسان خليه اذا مايبيك ترتاحي منه وربي يخلف عليك اما اذا عاجبك تجلسي ببيته وتاكلي بس فلا تتكلمي وخليه يرجع من نفسه

 

[آهة حزن]

الله يجزاك بالخير

انا قلت لاختي بشوف لين نهاية الشهر ونشوف ايش يصير الله يرده لي ردا جميلا

 

[باقة ورد جوري]

أختي آهة حزن

في البداية كل عام وانتي بألف خير .. والله يتقبل منا ومنك صيام رمضان وقيامه

في البداية لازم تفهمي شي واحد .. المشاكل الزوجية موجودة بكل مكان وبكل بيت .. والشي اللي مريتي فيه شي طبيعي ومروا فيه ملايين غيرك .. يعني لا تحسي انك انسانة غير الناس .. هذا اول شي لازم تفهميه .. يعني لا تشيلي في خاطرك .. وخلي هالوقت وقت استعادة الثقة في النفس وترتيب الاوراق

وثانيا .. أنا أرى أنك تكلمي أحد من الرجال عندكم .. سواءن أخوك الكبير اذا كان لديك أخو كبير .. أو أبوك وتعطيه خبر .. لأن الطلاق صحيح أنه شي يزعل بس لازم تكوني صريحة فيه ويكون أهلك عندهم خبر فيه ... ولازم زوجك يكون أول شخص يدري أن أهلك صاروا يدرون بطلاقك .. وهذي لمصلحتك لمصلحتك

والله يوفقك يا رب وتسمعين أخبار حلوة قريبا

 

[باقة ورد جوري]

عفوا نسيت اكممل ثالثا

وثالثا ..: بعد ما تعطي خبر لأهلك .. تخلي الشخص اللي عنده الخبر يتصل فيه ويقول له أختنا أو بنتنا غالية علينا .. واذا ما شالها بيتك معززة ومكرمة .. ترى بيتنا يشيلها .. أما سالفة تروح تغيير الكوالين .. فهذي مردودة عليك ومحسوبة عليك ومفروض أنها ما تطلع من شخص في عمرك وفي عقلك ..

نبي نعرف أسباب الطلاق الله لا يهينك .. وليش مخلي أختنا عندنا .. واذا لك حق يا طويل العمر عند أختنا راح تاخذه كامل مكمل .. أما سالفة تخليها في البيت .. ترانا ما زوجناها لك علشان تخليها في بيتنا ..

واذا جا قابلوه بوجه حسن وابتسامة وطيبة .. وحلو المشكلة .. وارجع اقولك تراها شي بسيط باذن الله وتصير في اكبر العائلات ..

اتمنى لك حياة سعيدة وروجوع قريب في ظل من تحبين

 

[حور الأثرية]

الله يفرجها عليك وعلى بنات المسلمين

 

[يكفيني دفا حبك]

مع تلميذة ناعمة في كلامها ,,,, نصيحة ياالغلا إحفظي ما بقي من ماء وجهك وكرامتك وروحي لبيت أهلك بعد ما تستخيري ,,,, الله يفرجها عليك ويختار لك الأصلح .
​

 

[آهة حزن]

يعطيكم العافية يارب

انا مابغى اهلي يدرون اذا في مجال انه يرجع

ابغى احل مشاكلي بعيد عن اهلي

بستنى الشهر هذا ونشوف اخرتها معاه

هو يبغاها تجي مني ان اسيبله البيت
نكد علي في العيد الله يسامحه
الله يفرجها علي وعلى غيري

 

[باقة ورد جوري]

يا يكفيني دفى ..

البنت جاية تبي حل .. وانتي تقولي حفظا لماء وجهك روحي لبيت اهلك ..؟؟!!!!!

 

[meraa]

ممكن تواعديه وتقابليه فمكان خارج البيت يكون المكان دا له ذكرى طيبه عندكوا انتوا الاتنين واتكلمى معاه بهدؤ واسمعى منه ولازم تطلعى من كلامك معاه اذا كان لسه شاريكى ولا لا وانك لسه غاليه عنده ولا لا وعلى اساس كدة تحددى اذا كان وجودك فحياته مهم ولا مجرد واجهه اجتماعيه
وحاولى شويا تتحكمى فاعصابك عند الغضب بحيث ماتغلطيش بكلام يكون سبب هدم البيت فثوانى ويارب يفرج همك ويصلح احوالك

 

[آهة حزن]

انا مابغى اتكلم معاه احسه كسرني يوم العيد وانا كنت متفقة معاه بعد العيد نتفاهم

اذا ابغى اطلب منه ارسله رسالة

الله يسعدكم يارب ويجزاكم خير

 

[meraa]

لو فيه بينكوا ذرات حب باقيه هاتنسى الكسر اللى حصل جواكى بمجرد ماتشوفيه وتتكلموا واعذريه برضه عشان الرجل مايحب زوجته تعلى صوتها عليه او تضايقه بكلام ممكن يكون جارح بالنسباله وقد يكون تصرفه معاكى نوع من العقاب حتى تعرفى خطاك فقط وصدقينى لو بيحبك هتكون عنده كبيرة اوى انك انت اللى كلمتيه عشان عايزة تحافظى على بيتكوا وقد تعود المحبه بينكوا اكتر مما سبق

 

[حبيبة كلي طيبة]

لا حول ولاقوة الا بالله الله يفرج لك اختي احسة متكبر شايف نفسة لا ترخصي نفسك له بداله غيرة ربي يعوضك خير منة

 

[meraa]

(لا حول ولاقوة الا بالله الله يفرج لك اختي احسة متكبر شايف نفسة لا ترخصي نفسك له بداله غيرة ربي يعوضك خير منة)
اختى لا تقولى هيك ربنا يديم بينهم الموده وكون انه بعد عنها شويه يبقى عايز يفكر بعقله وبمنتهى الهدوء لو كان عايز يطلقها كان طلقها بمجرد ما قالت كلامها اللى ضايقه ماكانش استنى لحد دلوقتى

 

[الجده الصغيره]

خلك ببيتك ولاااتلااحقينه.........وان شاااااااء الله خييير

 

[آهة حزن]

جزاءكم الله كل خير كل م رد علي

انا صليت اسخارة وشلت عفشي ورحت بيت اهلي

من باعنا بعناه
والحمد لله على كل حال

 

[حبيبت رشيد1]

اختي اكثرى من الاستغفار وقراءة القران

 

[نضوج أنثى]

الكلمه اللي قلتيها مو سهله بصراحه وقويه بحقه وحق اهلها واي رجال بيشوفها غلط ياقلبي لازم تفهمين الزوج مايرضى بأي كلمه ضد اهله حتى لو كانت صح فما بالك لما تجين وتقولين هالكلام كأنك تستحقرينهم عمرها خدمة الزوجه لأهل زوجها ماتقلل من قيمتها وتخليها بمنزلة الشغالات طبعا بحدود المعقول لا ضرر ولا ضرار يعني بدون استغلال انصحك التزمي الاستغفار ولا تطاردين زوجك خليه يفكر بهدوء وبدون ضغط تصرفك ماشاءالله صحيح برجعوك لبيتك الحين اشغلي نفسك بالله واستغفري وادعي وإن شاءالله تنصلح الأمور بينكم .