أنوار الليل
New member
- إنضم
- 2011/01/13
- المشاركات
- 123
:16:مساء الخير أخواتي البلقيسيات ... ممكن تشوروا علي كيف أتصرف في هذا الموقف إلي حصل معي أنا وزوجي ...اليوم الصباح أبو الشباب عنده مشوار شغل لمدينة ثانية وطلع من الصباح ... جهزت له فطوره والأمور كانت تمام .... لما طلع نمت لحد تسعة ونصف وفطرت أولادي ولبستهم ورتبت بيتي وطبعا قبل كل هذا من أول ما وعيت إتصلت فيه أطمأن عليه ومعودتنه على هذا الشي ... المهم سألته كيف هل نجهز الغداء ولا تتغدى مع رايح .. قالي بنتغدى في بيت أهله وأكون على وقت الغداء موجود .... المهم خلصنا أمورنا وإنتظرناها ..... إتصل على الساعة الواحدة يقول روحوا أنت والأولاد تغدوا وأنا أتاأخر وأمر مكان آخر أخلص بعض الأشغال .... طبعا رحنا واتغدينا ورجعنا للبيت الساعة الثانية والنصف .... واتصل وسأل هل أحضرتوا لي غداء ,,,, وحضرتي من ذكائي قلت له ما أحضرت لأنك قلت بتتأخر وفهمت إنك أتمر لأي مطعم وتتغدى ويادوبك توصل العصر يعني ما راح تجوع حالك ..... طبعا هو زعل وقال إنت ما مهتمة فيني أقل شي تتصلي أو ترسلي إذا أنخليلك غداء أو لا ... المهم أختكم حاولت تهدي الموقف وقلت حصل خير يا عيوني لما توصل أيكون غداءك جاهز ( وهو على مسافة ساعة تقريبا من البيت ) ... المهم هو كبر السالفة وقالي أنت ما رومانسية .. بمعنى إنه يتدلع والسالفة ما سالفة غداء .... جهزت الغداء ورسلت له غداءك جاهز يا روحي ... رد على الرسالة ,,, خلاص تغديت ويسلمن يديك وأتعشى به .... طبعا رجع الرابعة والنصف وأخذته بالأحضان ,,, وعامل نفسه ماخذ في خاطره ,,, طبعي ما أحب أشوفه زعلان مني حاولت أناقشه ,,,طبعا لا زال على نفس الموقف السابق ,,, المهم وهو في السرير تعبان يريد ينام ,,, قلت له طيب أنا أروح أزور وحده من الأهل مريضة ... قالي عشان كذا أنت واعية من وقت قلت له أصلا أنا نمت عشان أوعى جالسة أسويلك الغداء ... قال بتمني علي .... المهم تركته في الغرفة وهو يريد ينام وطلعت وقلت له خلاص ما أروح مكان .... ( أروح لحالي بسيارتي عشان أخليه ينام ويرتاح من السفر ) ,,,,, أخواتي صراحة أنا أحس إنه يتدلع ومكبر السالفة والموضوع ما مستاهل وأشعر بأنه يريد يضايقني بس ,,, أنا خلاص ما أريد أراضيه وأذل نفسي أكثر ,,, أرجوكم شوروا علي كيف أتصرف لما يوعى من النوم هل أتجاهله وأسوي نفسي إنه ما حصل شي ,,, ولا أناقشه في السالفة على فكرة هو مستحيل يعترف بخطأه ويقول إنه هو ما حدد موقفه من البداية ... أرجوكم ما تتجاهلوني ) .. كيف أتصرف
