دكتوره ناعمه او حكاوينا لو سمحتن

[ق و ت]

طبعآ انا ابي استشارة الاستشاريه ناعمه لكونها متخصصه وخبيره وذكيه
وان ماحصل لانشغالها
ياليت حكاوينا ترد وجزاكن الله خير
السلام عليكم
انا معجبه جدآ بالاستشاريه ناعمه ونفسي اصير مثلك وان شاء الله اصير ودي ادرس دوره عندك ومدري كيف
المهم هنا ياغاليه الله يجعل هالعمل في موازين حسناتك
ودي اقدر ذاتي؟
زوجي يحب البر مررررره---كتوم---سواء اشطفه او اتعامل معه زين ماتفرق عنده هو يحب اني استقبله زين وادلعه واسال عنه بس اذا قصرت بهالشي ماسال ولابلش---خروجه من البيت كثير مااشك فيه ابد لان دائم افتح جواله وجهازه المحمول ولااجد شي ضده ولله الحمد---وهو يثق فيني بشده
رغبته الجنسيه وسط
يحسن تعامله معي لانه يحسن التعامل مع الجميع لكن بصراحه مااحس انه يحبني ويميزني باعتبار اني خاصه بالنسبه له
احس انه بسرعه يتاقلم اذا انا مني موجوده عنده هذا عادي لكن المزعج اني احس اني صفر على الشمال بحياته ويمكن ان يستغني عني بسهوله
سؤالي ابي اعرف اول اقدر ذاتي وثاني شي اتعامل معه بالاسلوب الامثل اللي يتناسب مع نمطه؟:in_love:
وجزاكن الله خير

 

[نسائيات]

رد : دكتوره ناعمه او حكاوينا لو سمحتن

اختي بالنسبة لطلبج انصحج بالدخول في الدورات وحاليا دورة كوني ملكة شغاله بس ممكن دوره ثانيه بعد العيد انشاء الله

 

[@ بسمة أمل @]

ررررررررررررررررهيبه ياقوت انا معك 100%

انا كنت عايشه بقريه واللحين بالرياض لكن شبه اللي ساكنه بقريه

احيي فيك الطموح وفعلا احييت فيني امل بتغيير نفسي وان اصبح ماريد - مثلك تمام -

والغريب ان 90% من اللي قلتيه عن زوجك بطويل العمر اللي عندي !!!!!!!!!!!!!!!!!!!!!!!!!!

تحياااااااااااااااااتي

 

[نسائيات]

سؤالي ابي اعرف اول اقدر ذاتي وثاني شي اتعامل معه بالاسلوب الامثل اللي يتناسب مع نمطه؟
لماذا دائما تقديرنا لذاتنا ينبع من اراء الاخرين بنا ؟؟؟؟
لماذا لا تكون نظرتنا لنفسنا مستقله لا تحكمها اراء من حولنا
نحن ونحن فقط نستطيع ان نقيم افنسنا بطريقة جيده جدا بل ممتازه
من انا ؟؟؟ما هي مميزاتي ؟؟؟ما هي سلبياتي ؟؟
هل انا مقتنعه بافعالي ؟؟؟
هل كلام الناس المحيطه بي صحيح ؟؟ويجب ان اكون موضوعيه في هذا السؤال ام كلامهم ناجم عن غيره وحسد
اقدر ذاتي بان اعز نفسي
واعرف امكانياتي بطريقة صحيحه ولا اتاثر بكلام من حولي
فتصرفات زوجي نحوي لا اخذها بمحمل شخصي وابرمجها على اساس نقص في
فربما لو كنت مع زوج اخر بطباع مختلفه لاحبني وتصرف معي بطريقة مختلفه
اذا المشكله لا تكمن فيك بل تكمن في المتحدث امامك
انصحك بالدورات خاصه دورة كوني ملكه لانها تساعد على تقدير الذات والبحث عن الهوية والتعرف على النفس عن قرب
بالنسبة لزوجك
صفاته وتصرفاته غريبه
كيف كان زواجكم هل كان تقليدي بحث ؟؟؟
ماذا تعرفين عن حياته السابقه ؟؟هل كانت لديه حبيبه ؟؟
ربما زوجك يعاني من برود مشاعره نتيجه لعوامل كثيره مر بها قبل زواجك
عليك انتي فقط معرفة صفات زوجك وكفية معايشته وكيفيه احياء هذه المشارع فيه مره ثانيه
انا في الوقت الحالي لا اتمتع بقراءة الشخصية من خلال الصور لكن الاستشاريه ناعمه لديها هذه الموهبه
كما يوجد ايضا موضوع للاخت قلب كبير يختص بتحليل الشخصيه بامكانك الاطلاع عليه فهو اكثر من رائع

وفقك الله لما يحب ويرضى

 

[aldana]

عزيزتي اسمحيلي على صراحتي معك ...أخاف أكون جارحه بالكلام معك بس أعذريني المشكله تحتاج حل ...والحل ما يجي بالمجاملات وتنميق الحكي ...خذيها مني بكل وضوح وافهميني زين ...



[frame="2 80"]ودي اقدر ذاتي؟
زوجي يحب البر مررررره---كتوم---سواء اشطفه او اتعامل معه زين ماتفرق عنده هو يحب اني استقبله زين وادلعه واسال عنه بس اذا قصرت بهالشي ماسال ولابلش---خروجه من البيت كثير مااشك فيه ابد لان دائم افتح جواله وجهازه المحمول ولااجد شي ضده ولله الحمد---وهو يثق فيني بشده
رغبته الجنسيه وسط
يحسن تعامله معي لانه يحسن التعامل مع الجميع لكن بصراحه مااحس انه يحبني ويميزني باعتبار اني خاصه بالنسبه له
احس انه بسرعه يتاقلم اذا انا مني موجوده عنده هذا عادي لكن المزعج اني احس اني صفر على الشمال بحياته ويمكن ان يستغني عني بسهوله
سؤالي ابي اعرف اول اقدر ذاتي وثاني شي اتعامل معه بالاسلوب الامثل اللي يتناسب مع نمطه؟
وجزاكن الله خير[/frame]

تقولين أن زوجك ما تفرق معاه ..ووجودك زي عدمه .... حبيبتي لازم تتعلمين دورك وكيف تثبتين وجودك في بيتك وعند زوجك ...ولا هو مارح تفرق معاه ولا راح يناديك يا فلانه تعالي ... تكفين سويلي شي خليني أحس بوجودك ...و لما أبعد عنك أفقدك وأتمناك ترجعين ...

حطي في بالك ...أنك محتاجه لمساعدة نفسك ... وإثبات وجودك ...قبل تقدير ذاتك ...

يالغاليه تقديرنا لذاتنا ... يجي من خلال معرفتنا لواجباتنا ...وقيامنا بأدوارنا .... وبعدين نعرف نقدر ذاتنا ...

عزيزتي ....زوجك يطلع من البيت كثير .... معناها أنه ما حس بشي يربطه في بيته أو على الأقل ما فكر بربع الي تفكرين فيه وشاغله بالك فيه ...

تدرين ليش ؟؟؟

لأنك ما حاولتي تفهميه و تحتويه ...ولا حسستي بالفرق بين حياته معك وحياته في بيت أهله قبل لا يتزوجك ...

وش سويتي ؟ هليتي ورحبتي بدخوله للبيت ؟؟ (كثر خيرك ) ليش لأنه أهملك وغاب عن البيت وتناسى وجودك ؟

بالنسبه لموضوع إثبات وجودك هذا يحتاج منك وقفه مع نفسك ....فكري كيف تحسسيه بأنك سبب سعادته أو على الأقل ابذلي شوية مجهود ... وسوي شي ما سواه له أحد من قبلك ... اهتمي بملابسه ...بخري دولابه ....عوديه على الاحتضان في أوقات معينه مثلاً الصباح قبل لا يطلع للدوام .... وقبل النوم ...

جهزيله منشفه خاصه وعطريها مع بيجامته وحطيهم على طرف السرير ... مع ورده ... حسسيه أن في أنثى تهتم فيه بالبيت ...

خلي سفرتك مميزه وزينيها مثل المطاعم ... يعني سوي أشياء من ابتكارك عشان يعرف انك موجوده ....وفكري وش ممكن أسوي قبل لا أطلع من البين بحيث أخلي لنفسي ذكرى حلوه يفتقدني بسببها ...

وبالنسبه لعدم شكك فيه ...بصراحه موضوع يضحك .... وهل مجرد نظافة جواله يثبتلك أنه ما يخون ؟ وهل هذا دليل أقوى من كثرة خروجه من البيت ؟؟؟

عزيزتي ...أنا ما أقولك شكي فيه ...بس سؤالي ليش ما تشكين فيه ؟

بإمكانه يمسح كل شي أول بأول ....وبإمكانه يطلع بدل الشريحه 10 .... وش يمنعه ؟؟

ويغيب قد ما يغيب عن البيت مين داري عنه ؟؟؟
عيوني لازم كل زوجه يكون عندها لو 10 % شك مجرد تحسباً للخطر ....

وبالنسبه لرغبته الجنسيه الوسط ....بصراحه ما أعرف كيف مفهوم الوسط عندك .... لكن سؤالي هل ممكن أنه يطنشك في يوم حس أنك مهتمه فيه أو راغبه فيه ؟

إذا كانت إجابتك نعم فتأكدي أن رغبته الجنسيه أقل من الوسط .... وهذا يحمل احتمالين ... إما أنه لم يجد فيكي شي جديد يثيره ويحمسه
أو لا سمح الله ممكن يكون يفرغ طاقته في مكان بعيد عنك ...

عزيزتي تحملي شدتي بالكلام والله لمصلحتك ...وشكوكي في زوجك نابعه من حلي لمشكلات كثيره قبلك ...وتبين في النهايه ما أقوله لك بكل صراحه ...فزوجك لا يجلس في البيت وكثير الخروج وهذا بحد ذاته كفيل بوضع دائرة الشك حوله ...

واتمنى لك التوفيق

 

[أماريج]

ياختي مو اي رجال طلعاته كثير يعني شرط يكون خاااااااااين

يمكن يكون من الرجال اللي يحبوا يجتمعوا مع الشباب كثير ...............

 

[aldana]

ياختي مو اي رجال طلعاته كثير يعني شرط يكون خاااااااااين

يمكن يكون من الرجال اللي يحبوا يجتمعوا مع الشباب كثير ...............

صحيح مو شرط أي رجال طلعاته كثير يكون خاين ...ولكن قلنا هذا كفيل بوضع دائرة الشك حوله ... يعني برضو مو شرط يكون ماهو خاين ...

يا عزيزتي وشو في نظرك يسعد الرجل أكثر ... حياة العزوبيه أو حياة الإستقرار والبيت السعيد ؟

إذا فقد الزوج سعادته داخل البيت ... مليون بالميه يبي يبحث عنها خارج البيت ... مو شرط الخيانه ...أبداً

ولكن خروجه من البيت الزايد كفيل بتعريضه لجميع مثيرات الحياة الخارجيه ... وخصوصا أنه فاقد أو غير شاعر بوجود وأهمية زوجته في البيت وهذا اللي هو أساس الزواج .

عموماً يستحيل نعمم ...ولا كل الرجال واحد ... إنما المنطق والعلم يقول لازم نوضع الفرضيات حتى نتوصل للنظريات ...

واضعف الإيمان أننا نفترض ونأخذ بالإعتبار لهذه الإفتراضات ... حتى لا تكون هي منافذ وثغرات تنخر في حياتنا لحد ما تضعفها .

 

[ق و ت]

شكلي اخطات بالتعبير
انا مشكلتي مو بسهوله اكتشف اللي حولي
وبعد ماحاولت اركز
وجدت انه اذا كنت سيئه هو اسوا وذا جيده معاه هو احسن
يحب البر والصيد مره ودائم يكلم خوياه عندي ودائم اشوف فواتيره ورسايله افتحهن قبله لذلك مااشك فيه لانه يخاف الله ولان رغبته الجنسيه وسط
وكان يعشقني وتزوجني
يمكن احساسي خاطيء
بس في اجابه بالفعل خطا مني فادح وهو اني ماحسسته بفرق عن بيت اهله عشاي عادي اهتمامي به عادي
جزى الله خير من لفتت انتباهي لهالنقطه
بس خروجه يؤذيني لان كل الوسط المحيط بي رجالهم قليله طلعاتهم
وجزى الله الجميع خير