دكتوره ممكن لحظه من وقتج

[om.saarah]

السلام عليكم

دكتوره انا ودي اطرح لج مشكله بنتي

وياليت اذا عندج حل لي تسعفيني فيه واذا اي حد عنده حل او سبب هالي بنتي تسويه يقول لي

دكتوره بنتي عمرها 4سنوات من قبل كانت تاكل اضافرها وطنشتها لكن الحين صايره تاكل الورق

اي ورقه تطيح في يدها تتم تعض فيها الين انتبه لها واهاوشها للاسف واوخرها منها

وخصوصا لما تكون مندمجه في شي وفي يدها دفتر تتم تعض فيه حتى خوالها يقولون صايره مثل الفار بسم الله عليها

انا اعترف اني اغلب الاوقات عصبيه وياها واحيانا اضربها بس الحين قاعده اشتغل على نفسي

واعدل في نفسي علشانها وعلشان خواتها

والحين لما جبت اختها الثالثه زادت نسبه العناد عندها والاستهبال والصراخ مادري وش صار لها

وفيه شي انا اشوفه طبيعي بس الي حولي يقولون مب طبيعي

هي دووووووم تكلم نفسها وتعيش في عالم خاص فيها خياليه لابعد الحدود وتخلق شخصيات

وتقعد تسولف وياهم وتلعب وياهم والحين اشوف اختها الي اصغر منها عمرها سنتين بدت تقلدها

المشكله في نضره الناس لها لمايشوفونها تضخك وتصارخ وتسولف مع نفسها اتضايق من نضراتهم

فياليت توضحين لي دكتوره هل وضعها طبيعي وشنو تنصحيني اتعامل وياها

خصوصا انها بتبدى تروح الروضه وابي اعرف شنو التصرف الصحيح وياها

وجزاج الله خير

وكل وحده ممكن تساعدني