دكتورة ناعمة ساعديني الله يوفقك .... يارب اللي تساعدني الله يسخر لها زوجها آآآآمين

[ام الريم27]

السلام علــــــيكم ورحمة الله وبركاته
دكتورتي الفاضله ....
د. ناعمه
:icon26:خواتي وحبيبات قلبي :icon26:.... ارجوكم ساعدوني
قبل ما أبدأ بقول اني ماأعرف زوجي شرقي او غربي
وهالسوالف .....
قصتي ....
زوجي يقربلي .. وشافني بالغلط .. وبعدين خطبني وتملكت وبعد شهرين صار الزواج
حبينا بعض حب جنوني :icon26::icon26:
والصراحه هو كان يحبني اكثر لدرجة انه كان يحتفظ بالمناديل اللي كنت امسح فيها دموعي (والله صدق)
المهم زوجي من دوله وانا من دوله ثانيه
وللأسف ماأعرف احد في دولة زوجي غير اهله وقرايبه
المهم
ام زوجي على خلاف مع كل قرايبهم وما حد يطيقها
مو هنا المشكله المشكله ياحبيباتي انها تأمرني من اول يوم جيته على اشياء مااقدر اسويها مثل
اني أعبس في وجههم ومااتكلم معهم ولا اضحك

وغير كذا كان عمري 18 وبعد شهرين من زواجي نزلتني المطبخ واستلمت المطبخ لمدة شهرين
وعلى فكره (خوات زوجي من عمري وماعمرهم دخلوا المطبخ )
بعد الشهرين رفضت لسببين
الاول ان زوجي مسافر يدرس بره باقي له سنتين ومايجينا الا كل 3 شهور اسبوع
والثاني قلت لخالتي خلي يوم علي ويوم على البنات (مع ان الخدامات يطبخون طول عمرهم في البيت ) المهم خالتي زعلت وقالت
بناتي ما يدخلون بناتي بنات عــــــــــــــز
:sad_1:مررررة زعلت منها وقلت لها وانا بنت عز
وبعدها رفضت ادخل
ودقيت ع زوجي وقلت له انا ماأبغى اطبخ قال على راحتك المهم
خربت علاقتي مع بنات خالتي من كثر المشاكل مع امهم ...
وصرنا مانتكلم :tears::tears:
وبعدين صرت ماأكثر كلام مع خالتي ...
احسها تدور عل المشاكل
المهم صرت ساكته طول اليوم
رجع زوجي بالسلامه حملت :blush-anim-cl:
بس الحمدلله طاح
وحملت ثاني مرره :blush-anim-cl:
بس مات الولد :tears:
وبعدين جبت طفلين وفرحت فيهم ربي يحفظهم :c016:
بس اكتشفت 3 مرات في كل حمل ان زوجي يخونني مع وحده واجهته مرتين وانكر والثالثه وبكل وقاحه قال ايواااا
انا أطلع معاها وسوي اللي تبينه
خليته فتره يحاسب نفسه وقلت له انا مو طالعه من البيت ولا بطلب الطلاق
بس فكر وقالي انا بقلع البنت للأبد
وللأسف صدقته
لأن اذا صارت بيننا مشكلة بسيطة يضخم الموضوع ويزعل ويعصب واكتشف انه رجعلها مع اني اعرف ومتأكده انه مايحبها بس كذا يسمع كلام حلو
لأني واااايد مقصره في حقه
الحين لنا 6 سنوات وماأحس اني سعيده ومتأكده انه ما يحبني
وزوجي جدا شديد علي
ما يمشينا ولا اقدر اتسوق الا في العيد
ماأروح عند الناس بروحي لازم مع امه وغير كذا هو كل يوم طالع وخارج وبحر وسفر وتمشيات على كيف كيفك
وذا قلت له طلعني يقول يوم افضى بطلعك :frown:..
واهلي بعيدين عني
ومشكلتي الثانيه العويصه
خالتي(ام زوجي) متحكمه فيني لدرجه اننا اذا رحنا عند ناس تأمرني اشيل واحد من اطفالي عشان ماتربي
كنت اوافق
ومرره صار ظرف وماقدرت خالتي تروح عند ناس ورحت بدالها وشليتهم اثنينهم
ويوم رجعت حبستلي عند البابوبكل صوتها تقول من سمحلك تشليهم
قلت لها تحاسبيني ليش شليت عيالي؟؟؟؟
وتخاصمنا انا وهي والصراحه رديت عليها الكلمه بالكلمه من القهر اللي فيني
وتصير سوالف زي كذا وطبعا طول فترة حملي ماأخرج ابدا:frown:
وكنت دايما متضايقه(هذا قرار خالتي اني ما أخرج ) وزوجي يشوف هذا الصح وهو بيني وبينكم ماصدق
والحين تطور الموضوع وتعبت خالتي يوم تشوفني قويه وماقدرت علي ترجع لزوجي وتشكيله
وزوجي مايقصر فيني ....
الحين انا تعبت ماأدري اش اسوي
خالتي تتدخل في كل صغيره وكبيره في حياتي وزوجي يشوف هذا صح
حتى غرفتي تدخل وتشوفها مرتبه ولا لا
واذا مو نظيفه تجيب زوجي وتهزئني قدامه عشان ماأرد عليها
الحين احاول احبب زوجي فيني
اقرا من النت من هنا وهنا
بس احسه ما يهتم اغير في اساليب الجماع احسه يفرح بس مايعبر ابدا
غير كذا والله زوجي ما يطالع فيني الا اذا قلت له اش رايك في هاللبس او السلس
مع اني ولله الحمد جميله بس مايشوف ولا يمدح
وانا ذابحني الشك .... والوحده:e052: ....
ساعدوني
دكتوره ناعمة الله يرحم والدينك ساعديني
:a200:شكرا لكم خواتي وحبيبات روحي
واسفه عل اطاااااااااااااااااااااااااااااااااااااااااالة
واي استفسارات انا حاضره
جزاكم الله خير​

 

[وردة الصحاري]

ياليتيك ماواجهتيه لانه مايعود يداريك ويصير وقح رظيتي ولامارظيتي

حبيبتي الجئي الى ربك لانه راح يمهد لك الطريق الصح ويسخر لك الي حولك

اوغيرهم لحل مشكلتك على قولت المصريين ارمي حمولك على الله

تظرعي بصدق واتمنى ان البنات يفيدوك

 

[ام الريم27]

مشكوره حبيبتي على ردك
بس ماأقدر اشوفه يخونني واسكت
والله بموت من القهر
يعني بعيده عن اهلي و وحيده في بيت مليان وزوجي مع وحده ثانيه
آآآآآآآآآآآه ياربي رحمتك ....
مشكورة ياروحي
مالي غير الله ثم دعواتكم ..
استنى ردود البنات

 

[ام الريم27]

دكتـــــــــــــــــــورتي الفاضله (د. ناعمـــــــه )
وينك ؟؟؟
حبيباتي اترياكم ؟؟

 

[نبض أبوي]

هلا ياقلبي

من واقع تقريبا نفس قصتك لوحدة قريبة لي

اولا ... اكثري الاستغفار و سورة البقرة وصلاه الليل

ودعي ربك يحبب خلقه فيك

اهم شي مهما صاااار لاتقولي اي كلمة شينه ولاتردي لو شد الكلام بينكم اسكتي ولاتردي احتسبي لله

سؤالي انتي اش تبين؟

اعطيك الاحتملات تخربي بيتك.... تجعلي زوجك قاسي على امه ... تعيش حياة سعيده فيها الحب يعم الجميع

فكري ماذا تريدي ؟ وماالاجر الذي يترتب على كل منه

كم عمرك تقريبا 20 يمكن 30 سنه ونفارق الحياة اترك لك ذكرى جميلة

اكسبي حبها (كلمة حلوة - ابتسامة - هدية )<< ملكتي قلب ام زوجك

اجل راح تمدحك ام زوجك قدام زوجك ويرتفع قدرك امام

......................

مساله الخيانة حسب طبيعة زوجك

لكن المواجهه اسوى شي لانه راح يزول الخوف منه

ابحثي عن مواضيع الخيانة وكثير منهم ماواجهه ازواجهم لكن ربوهم ومن ضمنها قصة اعجبتني لوحده

الله يوفقها يارب وللجميع

شوفي حكمتها في تصرف المشاكل في موضوعها

http://www.niswh.com/vb/showthread.php?t=200759

اخيرا موفقه يارب وعسى حياتك خالية من الهم والكدر لكن لاتنسي قوله

(ومن اعرض عن ذكري فان له معيشة ضنكــ)

 

[وردة الصحاري]

قلبي معك والله الخيانه ناررررررررررر ماتنطفي

موسهله الواحد يتقبله مالك الا الصلاة والدعاء

والله قلبي معك بس ماتقدرين تكلمي اهلك وتروحين لهم ترناحين

وتفكرين بعيد عنه يمكن تتوصلين لحل

والله هازمن مادري وش صار فيه صحيح ابليس مامات

الله يكفنا شر طاعت انفسنا والشيطان

اللهيعينك وييسر امرك ويسخر لك
ويهدي سرك ويفقك لما يحبه ويرضاه
ويسخر لك زوجكويهديه

ااااااااااااامين

 

[محبة مكة]

الله يسخر لك زوجك ويبعد عنه البنات
ويؤلف بينك وبين خالتك

 

[متزوجه ولكن]

الله يفرج لك

 

[ياسمين محمد]

حبيبتي انتي بنفسك قلتي انك مقصره من ناحية الكلام الحلو
اشبعي زوجك وتعلمي اساليب جديده للدلع والجمـاع وهنا المنتدى مليان قصص تعلمك وشلون تجذبين زوجك لك
واتجهي لربك وادعيه وصلي وابكي عشان يفرج همك ويمسح على قلبك
ومـاراح يردك ..

 

[دلــ الورد ــع]

حبيبتي مثل ماقالوا الكلام الحلو

اعرف واحد متزوج قريبة له بس مااشبعته من الدلع والكلام الحب وعنده اطفال

تزوج بنت وقال لها انا ابي كلام حلو لاني فاقده هذا سبب زواجي

تعلمي كيف تبهرينه بدلعك وكلامك وكل ماطلع خلي ثقتك بالله استودعية لما يطلع

وتجاهلي خيانتة كانك ماعرفتي وبدائي تعلمي كل الحركات الجنسية
وبهرية باللبس والاجواء الرومنسية

وخالتك حاولي تكسبيها بالحنان قتشي عن عيوبها وستغليه
امدحيها قدام الناس خلها تفرح لما تطلعين معها قولي الله لايحرمني خالتي مافيه مثلها

وجربي اهديها هدايا والبنات بعد حاولي تكسبينهم

امدحي ذوقهم باللبس ومكياجهم
جربي اطلبي منهم يسون لك ميك ابد لو مو حلو بس كذا تكسبينهم

والله يعينك..
إذا تبي منى مساعده أنا تحت أمرك..

دمتِ بود..

 

[دمعه بلمعه]

الله يفرج كربك يــــــــــــــــــــــــــــــــــــــــــارب

 

[عنووودالصيد]

ارجعي لربك واكثري من الدعاء والاستغفار لين الله يفرج لك وحاولي تبحثين عن عيوبك قبل لا تبحثين عن عيوب زوجك لانك اذا عالجتي عيوبك صدقيني امور كثيره بتتصلح بأذن واحد احد

الله يفرج همك ويسخر لك عباده اجمعين

 

[راحةالقلوب2]

الله المستعان

 

[ام الريم27]

أشكركم حبيباتي
الله لا يحرمني منكم ومن ردودكم
ويوفق كل وحده ردت علي ويرزقها ما تتمنى
اااااااااااامين
بالنسبه لزوجي الله العالم اني ابذل مجهود كبير
عشان ارضيه ونرجع زي زمان
وبتحمل اي شي منه عشان نعيش مرتاحـــــــــــــــــــــــــين
بس خالتي
حاليا وضعنا شبه مستقر
بس يوم تشوفني اضحك واسولف معها
تتقوى علي وتتحكم في حياتي وانا نفسيا اتضايق
والله العظيم وربي شاهد ان امي الله يسعدها ماعمرها قالت لي
سوي كذا ولا لا تشيلي عيالك
دايما تقولي كيفك
حتى اذا شافتني متضايقه تقولي حلي مشاكلك انت وزوجك بروحكم لاتدخلون احد فيها
خواتي
نبض ابوي
وردة الصحاري
محبة مكة
متزوجة ولكن
ياسمين محمد
دلع الورد
دمعه بلمعه
عنود الصيد
راحة القلوب2
جزاكم الله خير
والله يجمعني بكم في دار الخلود

 

[مس مي]

حبيبتي اقري هذا الدعاء وانشالله ربي يفرج همك(اللهم يا مالك الملك ملكني قلب من ملكته امري,اللهم اصلحه لي واجعله قرة عيني ولا يرى احد غيري.اللهم اصلح بيننا ولاتجعل بأسنا فيما بيننا واجعل بأسك على عدوك وعدونا.اللهم استر عنه عيوبي واستر عني عيوبه,واظهر له محاسني واظهر لي محاسنه ورضني بما قسمت لي وبارك لي فيه.اللهم ارزقني حبه ورضاه وصدق حديثه وان غضب فألجم فاه بكلمة لا اله الا الله واسكن غضبه بلا حول ولا قوة الا بالله.اللهم ارزقني حنان الزوج والولد) وانشاء الله ربي حيكون معك ووالله نحن غافلين عن قيام الليل يعني حتى لوقمتي الليل وقلتي هذا الدعاء ربي بيسرلك امورك انشاء الله واعذريني ان طولت عليكي:blush-anim-cl:

 

[بسمه مجروحه]

ربي يعينك...ويرجع حبكم بجنووون..ياااااارب..
ويعينك باقلبي

 

[عبق الحروف]

الله يصبرك ويسخر زوجك لك مادري وش أقولك مالك الا تستشيرين وحده حكيمه
فاهمه وحسني علآقتك في ام زوجك واجلسي معها إسئليها هي ليش تسوي كذا
وتودديلها ومن هالطريق رح تكسبين زوجك والله يصلح حالكم دعواتك ياعمري
ودي ومودتي