دكتورة ارجو المساعدة؟؟

[حباري]

انا بنت مالكة على واحد من عايلتنا طيب وفية مواصفات حلوة واحسة عندة مستوى الجنس مرتفع عندة(سوري لهالكلام)
ملكت علية كل ماكلمتة احسة مايبي يكلمني كلة يقولي خلينا حق بعد الزواج اسالة ليش يقولي عشان انا ما احب المكالمات قبل الزواج وتدرون شنو طلعت السالفة؟؟؟
يكلم بنات بالتلفون ومايبيني اكشفة ويبيني انسانة جديدة علية؟؟؟لانة عارف انة مارح ياخذ مني شي الا بعد الزواج؟؟؟عشان جذي يضيع وقتة قبل الزواج بالبنات لانة ياخذ منهم الحرام عشان جذي مايبي يكلمني؟؟؟المهم احسة يحبني ومعجب فيني بس مشكلتة هالشغلة؟؟؟المهم انا مسوية نفسي غبية ادق علية انتظارتا لمدة ساعتين وانا بس ياخذ معاي 10 دقايق ويسدة يقولي بنام ويرجع يدق على هالبنات؟؟؟طبعا مسوية نفسي غبية بس مرات اقول ايواااااااااا يالبزنس مان شالانتظارات؟؟ومرة قلتلة ليش اذا دقيت عليك يشتغل معاك هالانتظارات؟؟؟يرد يقولي اغازل طبعا بضحكة وانا اسكت اطنشة؟؟؟المهم امس كلمتة قلتلة سالفة كذبية اني لقيت عند ولد عمي الصغير بجهازة صور قذرة واني خلاص كرهت ولد عمي واني متضايقة منة(قصة عشان اخرعة اني ما احب هالامور بالانسان)طبعا زوجي عصب قالي ليش تفتشين تلفون الولد؟؟؟شاللقافة ومدري ايش صار يدافع عن ولد عمي؟؟؟وبعدين قالي يعني باجر اذا تزوجنا بتفتشين تلفوني قلتلة اي عادي قالي لا موبكيفج؟؟؟قلتلة ليش تلفونك فية صور وسخة ومايخش تلفونة الا الشخص الي فية بلاااااااااا قالي كيفي هذي خصوصيتي وهذا تلفوني ما ارضا احد يمسكة ودامج تعتبرين اني اذا خشيت تلفوني اني وسخ خلاص اعتبريني وسخ؟؟؟قلتلة وانا ما ابي الشخص الوسخ الرجل اذا تزوج خلاص يمسح الصور وينسى هالتفاهات ومدري ايش وطبعا هو قالي كيفي انا مابي اعطيج التلفون؟؟؟صرخت بوجهه وسكرت السماعة؟؟؟بعدها دق علي وصار يحاول لغاية مارفعتة قالي اشفيج معصبة ومن هالكلام الحلو وطاح فيني تبوس لغاية ماطاح راسي غبية وبعد كل هذا قلتلة بس انا للحين مصرة على كلامي قالي خلاص باجر اذا تزوجنا بحط التلفون بحضنج بعد اشتبين قلت اوكي هذا الي ابية؟؟وسكرت السماعة ولما جا اليوم الثاني دقيت علية وانا للحين ضايقة وطبعا مارد ودزيت لة مسج(دقيت عليك عشان اقولك اني مابي اكلمك للابد والزم ما على الانسان كرامتة)وبس للحين مادقيت ولا هو دق؟؟؟
احسة كذاب لما قالي بحط التلفون بحظنك بس يبي يهديني؟؟؟اشلون اخلية انسان سوي اثق فية شنو اسوي يا بنات لا تقولون اني اتطلق انسووو هالشي؟؟؟عندي ظروفي الخاصة؟؟؟

اخاف يخوني بعد الزواج بس احسة مراح يسويها لانة يقولي ابي اتزوجج عشان ابي استقر ولما تهاوشت معاه قالي انتي تتهاوشن عالتلفون ليش الي يسمعج يقول اني خنتك اذا خنتك تكلمي ولك الحق؟؟؟هذا دليل انة مراح يسويها؟؟؟
يا بنات انا محتاااااااااااااااااااااااااااااااااااااااارة دلوني هل اطنشة واسوي نفسي واثقة فية؟؟؟ما اهتم بتلفونة واذا قالي مراح اعطيج تلفوني اقولة انا بعد تلفوني مراح تمسكة وبالتالي هو شخص فضولي حيل موتة يشوف تلفوني

 

[نسائيات]

اختي ما بني على باطل فهو باطل
تذكري كلامي عدل
اذا كنت متاكده ولن اقول شاكه بان زوجك يكلم بنات ويغازل وتتوقعين بعد الزواج راح يترك .........................فانا اقولها لك وبالفم المليان ابو طبيع ما يوز عن طبعه خاصه ان توفرت له الفرص والسبل الى ذلك
يعني لا تطنشين وضعك على الانتظار ولفترات طويله في اوقات تعلمين بانه لن يكلم اصدقاؤه فيها
يعني ممكن يقول انه راح يستقر ويجب يستقر بس الاستقرار مش معناته ما راح يكلم
خاصه الشخص المدمن على العلاقات بتشوفينه يكلم وبظل يكلم
بس بعد هذا يعتمد على الزوجه ومقدار حرصها على الزوج
كما يعتمد على شخصية الزوج نفسه وقدرته وارادته
فهو القادر علىان يخرج نفسه من هذه الدوامه فان قرر اخراج نفسه من هذه الدوامه فسيفعل وان لم يقتنع بان ما يفعله خاطيء فلن يفعل
فهل خطيبك من النوع اللذي يعلم بان المحادثات الهاتفيه جريمه ومن يزني يزنا ولو بجداره وهل هو مقتنع بهذا المبداء
فربما بعد الزواج يتغير وللافضل وربما لو ظلت افكاره كما هي سيخونك ولا يعتبر ما يفعله خيانه

 

[غاليه]

الله يعينك حبيبتي

بس انتي متأكده انه يكلم بنات والا هذا مجرد شك

 

[aldana]

انت محتاجه دروس كيف تخلين زوجك يعشقك ...عشان يتعلق فيك وينسى كل البنات ...
سويله أختبار أنماط الشخصيات ...وسوي لنفسك بعد عشان تعرفين وش يجذبه لك وكيف تقنعيه بشخصيتك ويحبك وبعدها تبرزين أنوثتك له بالطريقه اللي تجذبه ...

وصدقيني يبي ينسى كل شي في الدنيا ويقابل عيونك الحلوين .

 

[ظلال]

انتبهي أختي من قريت مشكلتك وانا أحس إني ابحترق عليك احمدي ربك إنك عرفتيه
قبل تتزوجينه ياأختي شباب اليوم إلا من رحم الله اكثرهم يتزوجون يبون يعطون نفسهم هاله
إجتماعيه إني إنسان متزوج لكن بكيفي أسوي اللي أبي تحت غطاء الزواج ,
ولا راح تحسين بالألم والندم إلا إذا تزوجتيه أنصحك لوجه الله إفسخي العقد من ألحين لاتعتقدين
إنك إذا تزوجتيه راح تسيطرين عليه اللي يبيع دينه وآخرته بشهوة ترى أهون ماعليه إنتي
ومن ترك شيئالله عوضه الله خيرا منه..........الله يوفقك ويرزقك بابن الحلال اللي يستاهلك.

 

[حباري]

يا بنات انا متاكدة مليووووون بالمئة انة يكلم بنات؟؟؟
وشنو اختبار انماط الشخصيات واشلون احصل علية؟؟؟؟
صدقوني صعب افسخ خطوبتي معاه وربي صعب صعب صعب عندي ظروفي الخاصة

 

[&زهور الياسمين&]

عزيزتي أنا أقول لك كما قالت العزيزه حكاوينا فما بني على باطل فهو باطل

نحن لا نقول لك هذا الكلام بأن تنفصلي عن خطيبك أو زوجك ولكن يجب أن تضعي له حدا وهذا قبل الزواج لأن الرجل إن لم يقتنع بأن ما يفعله ليس من حقه لا شرعا ولا عرفا فسيبقى على هذا الحال فأقنعيه بالتي هي أحسن ويجب عليك أن تواجهيه بالحقيقة المرة التي تعرفينها فإن كان بالفعل شاريك ويريدك زوجه له فيجب أن يترك الطريق الذي يمشي فيه وإلا ............. أدخلي بينكم أحد تثقي برأيه وحكميه وليكن شاهد بينكم وخوفيه دائما أنه إذا خان فسوف تكون نتيجة خيانته لك بالمثل فهل يرضى على زوجته أو خطيبته أن تفعل نفس الشيئ ؟!

,اول شيئ عزيزتي عليك بالتوجه لله وأن تصلي إستخارة ,ادعو الله لك أن يكتب لك الخير حيث كان وييسر أمورك
ودمت بخير غاليتي

 

[حباري]

المشكلة انة يسوي نفسة محترم جدامي ودايما ينصحني ومدري ايش وكل نصايحة عن البنات القليلات الادب يقولي اذا شفتي بنت تكلم تلفون اعرفي انها تكلم صبي يعني بشكل مو طبيعي متعقد؟؟؟
بنات علموني اشلون اصارحة وشنو الكام الي اقولة لة وشنو التهديد الي اقولة لة؟؟؟؟

 

[أمل أمه]

حبيبتي في دارسه سووها على مجموعه من النساء المطلقات

فقالو لهم شنو سبب طلاقكم .. كل وحده قالت عيب بزوجها .. قالو لهم انتو كنتو بعلم بهذا العيب .. قالو اي نعلم بس

على بالنا بعد الزواج بنقدر نغيرهم ..

اختي حبارى والله لا ارى مصيرك بعيد عن هذه النهايتين .. اما مطلقه .. او زوجه على الانتظار محترقه الاعصاب ومنهكه الصحه ..

الله يجيرج بمصيبتج ويعوضج خير منها ... اتطلقين الحين لانج بنت وفرص زواج تكون كبيره .. احسن من اتطلقين بعد

الزواج وتقل عليج الفرص ..

والله تعالى اعلم (( وفي السماء رزقكم وماتوعدون ))

 

[النورس الأبيض]

يااختي استخيري على الأنفصال والخيره فيما اختاره الله
واذا ربي قدر لك الانفصال لا تقاومي ....... كوني واثقه من الله .........انه قدرلك الافضل وان الله سوف يعوضك بخير منه من رضي باقضاء الله ارضاه الله

واحمدي ربك انك على البر والله اعرف كثير من الاشكال هذه مستحيل تنعدل وزوجاتهم ثقتهم في انفسهن منهاره وتقريبًا عيشات بلا كرامه وانواع الاحتقار والترقه اليوميه
فهل الوضع الذي انتي فيه الان اصعب من ان تكوني شبح انثى والله ماابالغ
الله يكتباك الي فيه الخير يااختي وطمنينا