دعوة للخبيرآت بالجنوبي الغربي او الموظفآت ..كيف اتعامل مع زوجي مآديا ..؟؟

[إرزقني يارب]

السلام عليكم ورحمة الله وبركآته


أنا من قريب صرت موظفة ومن بداية توظيفي حصلت مشاااكل وخلافات مع زوجي بسبب الراتب ..

آنا مو عارفة اتصرررف مع زوجي ابدا ماديا ..وخاصة انه نمطه جنوبي غربي ..

ورآتبي مايفرق عن راتب زوجي بشيء كثير ..

: من المشاكل اللي حصلت انه كان يبيني ادفع فاتورة جوالي ؟

ولمن أدخل المستوصف يبيني انا احاااسب ..<<مستوووصف مو سوبرماركت ومولات !!!

وووووكثيييير مواقف ...

وصار يقول يعني اني متمسكة بحقوقي وماحب اتنازل عنها

وبديت اشك انه ماخذ فكرة عني اني مادية واحب الفلوس وبخيلة ...!


وانا الحين نفسي بسفرررة ...

لكن هو مايقدر يسفرني ؟؟

كيف اروح واعطيه الفلوس من راتبي عشان نسااافر

أنا بصررراحة قلت من البداية ماتخيل نفسي امد لك ريال ...لأنك بتطيح من عيني وقتها !!!

انا ماعندي مشكلة لو يروح الراتب ع الترفيه في حياتنا بس يكون بمزاااجي ...مو الزااامي منه ..؟

 

[أم نونه]

الله يهديك أنا لو مكانك عادي أساعده في السفر هو مو ملزووم يسفرك ترى بس أتساعدو وأنبسطو
يعني هو مسأول عن الأكل والشرب والسكن <<<هذي واجب عليه هو يوفرها لك
أما الأشياء الكماليه طالما إنك موظفه أدفعيها إنتي أي شيء نفسك فيه أشتريه وسويه وسافري ودللي نفسك بفلوسك مع فلوسه
الله يوفقك

 

[AMR2]

انتي ادرى بزوجك هو يستاهل ولا لا! وعاتي وش فيها لو ساعدتية بس ابقولك حاجة انا هنا بالمنتدى كتبت استشارة عاتي اساعد زوجي الجنوبي ببيع ذهبي , وقالوا وش فيها وهو يقول انا راح اعطيك الشهر الجاي والى يومك ماجاب طاريهن وطبعآ انا اللي قلت ابغي اساعدك , انا الحين مو مانّة علية بس ياليتة يحس اني اقدرة وسوت شئ بيننا ويارب هذا اللي ابية ,وتيب بسألك انتي ناوية وش تسوين براتبك مادام لا صرف عليك فاتورة ولا لبس ولا حاجة؟!

 

[AMR2]

للامانة المبلغ اللي ساعدتة بحدود 2500 او اقل او أكثر بس يعني بنظر الجنوبي ممكن بسيط

 

[دلع ملكة]

حبيبتي مافيها شي المشاركه يعني لو سددتي فاتورة جوالك ايش المشكله
وحتى السفر اقترحي عليه انك تبغي تسافري وراح تشاركي في المصاريف مثلا النص مو كل السفره عليكي
و طالما مااجبرك على الاساسيات فهو مو مادي
بس يمكن حاب انك تساعدي وتخففي عنو شويه

ولا تعطي البطاقه حقتك
والله ييسر امرك

 

[إرزقني يارب]

محتاجة اسمع رآي الخبيرات بالجنوبي

 

[بسكوت بالقشطه]

عادي جدا اختي انا زوجي جنوبي واساعده ومتفقه معاه على الاتي
1- اني ادفع فاتوره جوالي فقط
2- انا تلفون البيت مشتركين في جود بلس بقيمه 400 ريال تقريبا انا ادفع 150وهو يدفع الباقي
3-المستوصف ادفع حسابي بس اما الاولاد عليه
4-اتكفل بمصاريفي الشخصيه فقط الاولاد عليه انتبهي لهاذي النقطه الاولاد خليه هو يتحمل مسؤليتهم
5-اذا كنت بزور وحده من صديقاتي او قريباتي انا اتكفل بالمصاريف مثل هدايا النفاس او الزواج وغيره
اما الباقي خصوصا الاساسيات مثل اجار البيت او السوبر ماركت او زيارات الاهل والاقارب ومصاريف الاولاد والسفر وفواتير الكهرب والماء ....الخ كلها عليه احيانا اساعده تكرما بس مو دايم لاتعوديه خليه هو يتحمل ولاتخليه يعتمد عليك في الاساسيات اما الكماليات انت وماتجود به نفسك ان شاء الله تكوني استفدت صدقيني عن تجربه ارتحت كثير وصار ماعد يطالبني في شيء بالعكس تحسنت علاقتنا وصار يحترمني ويقدرني اكثر واحيانا مايخليني اصرف شي هو يدفع عني خصوصا انه الجنوبي حنون وطيب ويجي بالسياسه مو بالعصبيه يعني تنازلات بسيطه لها الاثر الكبير والله يسعدك ان شاء الله والحمد لله والصلاه والسلام على رسول الله وعلى اله وصحبه اجمعين ااااامين