دروس من حياتي ...أنا وقليل الحيلة

احصائياتى
الردود
0
المشاهدات
543

راجيه الرضا

مراقبة و متميزة أقسام نسوة
معلومات راجيه الرضا
إنضم
18 فبراير 2017
المشاركات
14,538
مستوى التفاعل
9,650
النقاط
113
دروس من حياتي ...أنا وقليل الحيلة
اشتغل معايا بياع من حوالي ١٥ سنة في فرع من فروعي
كان عندي فرعين في نفس العمارة
فرع أحذية مع شركائي وفرع ملابس لوحدي
شركائي كانوا بيتحايلوا عليا أخد الموظف ده في المحل بتاعي وأريحهم منه
لا هم قادرين يقطعوا عيشه ولا هم شايفين منه فايده
هادي وقليل الحيلة وقليل المواهب
بس أخ ملتزم الالتزام اللي بجد
طيبه شديده وأدب جم
اخدته في الفرع بتاعي ومسك مدير الفرع
وبعد مدة غلط غلطه عادية بس أنا كنت في مرحلة الطغيان والاعتداد بالرأي والانفراد بالقرار والغباء الإداري
صممت إنه يمشي
الدنيا كلها تشفعت له دون جدوى
مشي
قليل الحيله
ضعيف المواهب
صفر في الامكانيات الماليه

بعد ثلاث سنوات
عرفت قدرا إنه أصبح عنده ٦ محلات ملابس
واشترى سيارة
واصبح من مشاهير المجال واسمه جنيه ذهب

دلوقتي بس فهمت انا ليه مشيته
ماكانش فيه اي سبب اني أصر انه يمشي
كنت بستغرب من اصراري على انه يمشي ويسيب الشغل
رغم ان فيه ناس غيره عملت جرايم وانا مامشتهمش
ورغم انه كان امين ومهذب وكان فيه بينا محبة وثقة متبادلة

اصراري كان رغما عني
ربنا عز وجل كان أعد له مسار تاني وكان جه وقته فكان لازم يمشي
دي مش نهاية القصه
ودا مش أعجب ما فيها
.
الأعجب إنه أصبح تاجر حريف شاطر جدا ولعيب كمان
والأعجب إني احتجت له فوقف جنبي وماخذلنيش
والأعجب إنه لم يذكرني بما فعلته معه ولا عاتبني ولا لمح ولو بتغيير في نبرة صوته

اللي أعجب من كل ده انه حتى الآن بيعاملني كأنني مازلت صاحب المحل الذي يعمل هو فيه
.

والأعجب إنه لم يفقد ذرة من التزامه وتدينه
كفايه أقول لكم إن أهم شهر في حياة تاجر الملابس والأحذيه هو شهر رمضان
شهر بالسنه كلها
وأهم عشر أيام في رمضان بالنسبة لنا كتجار ملابس وأحذيه العشرة الأخيره
في العشر أيام دول التليفون مابيتشالش من على ودننا
تركيز رهيب
وقلوب معلقة كل ساعة بالمبيعات
صاحبنا ده بقى بيقفل تليفونه في العشره الأواخر ويروح يعمل عمره
دخوله ع الواتس قليل
مالوش فيس تقريبا
.
ارسلت له رسالة عن حالة واحد غلبان من قريه في محافظته
طلبت منه يستوثق من الحالة
لو أي حد تاني كان طنش أو احتاج مني اتصالين تلاتة
انما صاحبنا لقيته تاني يوم الصبح بيكلمني من عند الراجل
.
التزام بتكبيرة الإحرام
ساعة مابيسمع الأذان بيتنفض من مكانه

اتعلمت منه أكبر درس في حياتي

أعرف ناس كتير كانت بداية الفتوحات في حياتها انها فقدت شغلها أو تعرضت لمحنة كبيرة وكانت تظن انها النهاية فكانت البداية والفتح العظيم

وعسى أن تكرهوا شيئا ويجعل الله فيه خيرا كثيرا
والله يعلم وأنتم لا تعلمون

دروس من حياتي
--

منقول
 

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه