بادئ الموضوع تاريخ البدء
  • المشاهدات 867
  • الردود 8
الحالة
مغلق و غير مفتوح للمزيد من الردود.

حبيتك

New member
إنضم
8 مايو 2007
المشاركات
117
مستوى التفاعل
0
النقاط
0
الإقامة
دار الزين
هلا خواتي .......... اخباااااااااااركم؟؟؟؟؟؟؟؟؟

بغيت افضفض اشوي و اطلب شوركن و نصايحكم:blush-anim-cl:

انا ربيت و ربي رزقني ببنوته الله يخليه يارب:blush-anim-cl:........ و اتعرفون لازم اتبهدل اول الايام ...... المهم انا من ربيت و حاسه زوجي طلعاتها كثرت و ما يلس واايد مثل قبل ........و يحسسني اني ما اهتم فيه مثل قبل ...........المهم يوم حاولت .........يعني لازم ايلس اكثر في الحجرة..........شووووووو تتوقعون صاار؟؟؟؟؟؟؟؟؟؟؟؟

عموه دقت حق امي تشتكي:icon28: ..................بنتج ما تيلس ويانا و كله راقده ..... و ما تاكل ............ و احنا ما انشو البنيه ............و لله اعلم تكلمت انه الحجرة معفووووسه .....و امي اهنيه اشتطت بس ما قالت شي ...... و انا كنت عند اهلي فقالتلي ..:icon28:

و انا اهنيه يلست اصيح و عيوني يلسن يومين منتفخات:icon1366: ...... و يلست اقووووووووول مب اكفايه مستحمله المكان اللي ما ايكفي حق شي( الحجرة وايد اصغيره)و لا كلام ريلي انه الحجرة مب امرتبه ولااااااا الغسيل ( بشكارتهم ما تغسل زين و اتأخر ملابسي عنده اكثر من اسبوعين ) و ل ملابس الياهل و لا ... ولا..... بعدين حسيت انه امي عصبت اكثر فسكت:shutup:


و اللحين كل اشوي امي ادقلي .... و اتقول لا اتقوليهم شي ( ريلي و امه ) طبعا ريلي ما اعرف عن الشكوى.....:icon28::icon28::icon28:

و اللحين انا رووووووووحي مخنوقه و يالسه افكر انه اصلا البيت اليديد اللي بيروحوله .... حجرتي هناك اصغر بوايد من الاحجرة اللي انا فيها ألحين :icon1366:و المصيبه غرفت عموه عدال غرفتي:icon28:

و اناااااااااااااااا ملييييييييييييييييييت:icon1366: ............. ربعاتي يبن اين عندي فبيت اهلي و قلتله و مب راضي اسير .............. ايقولي خليهن ايين اهنيه ............. اصلا ما شي إلا ميلس واحد في بيتهم يعني اكيد بيي اخوهم و ياهم ......... يعني بطر ايلسها في الحجرة:icon28: ........ بس مثل ما قلتلكم الحجرة تفشل:icon1366:

سووووووووووووري طولت عليكم:crazy: .......... بس والله حبيت افضفض و بغيت منكم اتساعدوني ..... اخبره عن شكوى امه و لا لا؟؟؟؟؟؟ و كيف ممكن ارجع اهتم فيه مع العلم انه شمالي غربي و انا توني في الاربعين ؟؟؟؟؟؟؟؟؟؟ و كيف.................و كيف...................و كيف........................؟؟؟؟

انصحوني دخيلكم:sadwalk:
 

سنديان

New member
إنضم
25 أغسطس 2007
المشاركات
433
مستوى التفاعل
0
النقاط
0
مبروك البنوته الله يخليها.
بس ليش ماتروحين بيت اهلك في النفاس عند الوالده تهتم فيك وتتغذين عندها ولا يشوف رجلك عفستك؟:icon30:
ليش ماتغيرون هالعاده وتعملون مثلنا في السعوديه:icon30::icon30:
 
إنضم
15 أكتوبر 2007
المشاركات
1,613
مستوى التفاعل
0
النقاط
0
حاولي بالحيلة تروحي بيت أمج
لفترة بيسطة أسبوع
ترتاحي من هالضغط النفسي
و إذا مافي حل
شدي الهمة و الله معاج
و ألف مبروك و عقبالي
 
إنضم
9 يونيو 2008
المشاركات
2
مستوى التفاعل
0
النقاط
0
الإقامة
القصيم
حاولي بطريقة غير مباشرة مثلا قريباتك من ناحية امك بيسيرون عليها ؛؛
او قولي لزوجك ترى نفاسي عند امي احسن ويزين الحرمة ؛؛؛يعني اروح لاهلي عشانك!!
 
إنضم
23 مارس 2008
المشاركات
95
مستوى التفاعل
0
النقاط
0
ذكرتيني سالفتي كنت متغربة عن ديرتي المهم كنت تعبانه حيل بالنفاس شي يطيح وشي محيوس بعض الرجاجيل مايهمه ظروفك حامل والده كل شي يبغونه تمام ولوشافوا عليك شي ماينسونه يظل في الذاكره اذاقال لك كذا قولي بارتاح عنداهلي واذارفض قولي جب خدامة خليها تصير عليه وحاولي بعد هالفترة كل شي يكون مرتب علشان نفسك
 

حبيتك

New member
إنضم
8 مايو 2007
المشاركات
117
مستوى التفاعل
0
النقاط
0
الإقامة
دار الزين
كلمته اني اسير عند اهلي اسبوع بس ما شي فايدة ..................و الله تعبانه حيييييييييل ........................ انزين و سالفت الحجرة شووووووووو اسوي فيها ؟؟؟ و الشكوى الحلوة اخبرهه عليها؟؟؟
 

البحر غدار

New member
إنضم
2 يونيو 2008
المشاركات
449
مستوى التفاعل
1
النقاط
0
زكرتينى بحالى وقت النفاس دائما كنت تعبانة لانوم ولاراحة وطالعة من حمل 9 اشهر بس مافى حدا بيحس بالام قديش بتتعب وبتتعزب والله اسوا ايام حياتى لما بكون بالنفاس والحالة النفسية زفت اسمعى من البنات وروحى كم يوم لعند اهلك غيرى جو
 
إنضم
15 أبريل 2008
المشاركات
70
مستوى التفاعل
0
النقاط
0
الإقامة
الدنيا
لا تخبرين زوجك بالمشكلة وبما انك جالسة في غرفتك اكثر الوقت رتبيها
والله اني في النفاس وعندي شغالة وانا في بيت عمتي ساكنة ما اخلي الشغالة تسويلي اي شي
اغسل الملابس بروحي انظف حجرتي اسبح اعيالي الاربعة الحمدلله بروحي والحمد لله كل شي ماشي
وشكلي لازم يكون مرتب
والله مستغربة من الحريم اللي يبهدلون ويهملون نفسهم اول ما يولدون
الله يكزن في عونكم
 

حبيتك

New member
إنضم
8 مايو 2007
المشاركات
117
مستوى التفاعل
0
النقاط
0
الإقامة
دار الزين
ما ادري و الله .................. بحاول ........... بس والله مب مقتنعه اني ما خبرهه عن شكوتها لانها هذي المره الثانيه تتكرر ........... و اليوم كل اشوي ابوي يدق و مره امي ادق بس عسب يطمنون انه ما في مشاكل و اني ما خبرته............الله يعين يارب و يسر اموري و اموركم ان شاء الله
 
الحالة
مغلق و غير مفتوح للمزيد من الردود.

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى