داخله على الله ثم عليكم عطوني حل

ا

ام ملوحي

New member
إنضم
2008/10/26
المشاركات
4
ابحكي لكم معاناتي القاهرة:icon28:

وارجوا انكم تردوا لي وش الحل داخله على الله ثم عليكم

انا متزوجه من 3 سنوات واثناء العقد حق زواجي ماشرط ابوي بيت لوحدي بسبب انه عارف الرجال ومتاكد منه انه بيسكني شقه بحرية تاامه

وان كنت عارفه انه بيسكني فوق اهله وكنت حاطة ببالي انه الدور الفوقي منعزل تمام عن اهله لانه كان قبل ماجر على ناس

فيوم بغى زوجي واخوه الي اكبر منه يتزوجون قسموا الدور الفوقي شقتين

والباب الي يكون اسفل يدخل على الدور التحتي فتحوه !!! (وكان قبل مسكر عشان المستاجرين) ودايم مفتوح على مصراعيه وهو يصير بقلب بيتهم بوسط جلستهم (بالصاله)

والجدار الي بحوشهم يفصل بينهم وبين المستاجرين هدوه !!


اكيد عرفتوا الحين معاناتي انا وحماتي لانها صديقتي ايضا

وزود على كذا اهل زوجي الاحظهم عندهم حمااااس على الطلعات والتنزه وووو

فتخيلوا شكلي ادخل ومعي اكياس متقضيه ثم ادخل والاقيهم مجتمعين بالحوش :icon1366:

فاضطر احيانا اسلم اذ كان فيه غرباء انا وحوستي واغراضي
ولازم اجاملهم ابتسامات وووو كلمه منا ومنا



وبناتهم دايم بنطلعععععععععععع

حتى المتزوجات !! اذا جوا عند اهلهم هذا كلامهم لان ازواجهن مو مره (مايطلعونهن وهن اصلا كبار)



واحيانا توصل البجاحه يمه يالله نطلع معهم


وش اسوي




تصدقون

والله احيانا يصير لي حاجه ضروريه لازم اطلع فاضطر ائجلها عشان عيونهم

اول كنت ماهتم مره (بس اعصب من مبدا الخصوصيه )

بس

حلمت بالعطله حلم غررريب فسره لي مفسر معروف قالي عليك حسد كثير لازم ترقين نفسك

ماهتميت مره

فبعد فتره

طلع بي ورم حميد(الحمدلله )بصدري وهو الحين يوجعني

وصار عندي تكيسات بارحامي 12 كيس !!!!

وانا الحين اعالج


وزوجي تعبان ماديا مايقدر يطلع الا بعد فوق 3 سنوات على قولته وطمانته لي

والجدار(قضية الشرق الاوسط بيني وبين حماتي ) عجزوا يرجعونه يخافون من امهم

والحين صاروا يقولون مامعنا فلوس ويوعدوننا قريب اذا حصلوا فلوس

وسالفه الجدار من 3 سنوات



الله يفرج عن كل من ترد علي وتعطيني رايها

ياحبي لكم عطوني تجاربكم او فائده بموضوعي

والله اول مره اكتب موضوع بهالمنتدى



لاني خلاص ماعاد اصبر طفشت:icon1366:

صرت اخاف واكره التمشي انا وزوجي واكره شي اسمه طلعه من الباب


وحماتي تستحي وتخاف والا كان ننزل لنا يوم ونحاول بخالتي (ام زوجي) بالطيب والاقناع
مع انه فيه احتمال كبير تفشل المحاوله

وصعبه انا اتجرا لحالي فيكرهوني ولا راح يصير حل



انتظركم​
 
الله يعيينك وعليك بالاوراد صباح ومساء

والجدار تقاطو انتي وحماتك وابنو الجدار،،
 
الله يكون في عونك حبيبتي فعلا معاناه ,,, والله اني حاسه فيك , أنا من وجهة نظري أنك تصبري دام زوجك معك:detective2: ,,,
والشكوه لغير الله مذله
حبيبتي ترى العين حق حتى من أقرب الناس فلا تستهينين بالرقيا ,,حصنى نفسك وذريتك وزوجك وبيتك وأطلعي وأدخلي على كيفك:bleh: وأنت ماتطلعي مع أحد غريب ..خليك واثقه من نفسك ولا يهمك أحد وأن كان على عيونهم أرقي نفسك و وكلي ربك
وأخيرا وليس آخر دعواتى لك بالأستقلاليه التامه عاجلا غيرآجل:bigsmile:
 
صباح الخير
اختي ام ملوحي سالفة الجدار انسيها مؤقت الى ماربج يفرجها
بس سالفة الطلعة والدشة الا ماتسبب غيرة خاصة عن ام الزوج او خواتة بعد اتعرفين هذية ولدهم وحلال ولدهم...
حاولين تاخذين المواضيع بصدر رحب ومرات انتي اقترحي الطلعة واتكون على مزاجج
ولا تنكدين على روحج دام ريلج معاج اوكي اهم شي لانة الريال تكسبينة من محبتج لاهلة ...ربي يوفقج ويهدي بالج
انة اول وحدة صح
 
حبوبه بالنسبه للطلعات اقترحي على زوجج ان يوم في الأسبوع لج انتي وياه ويوم ثاني مع اهله

علشان ما يصير زوجج ضدج بعدين

حسسيه انه مش متضايقه من هله لان صدقيني لو حس انج ضد هله ماراح يكون في صالحج

محد يحب المجاملات بس احيانا تضطرين تجاملين اهل زوجج علشان ما يكونون ضدج ويكوكون ريلج عليج
 
اطرحي الموضوع على حماتك بهدوء و اقنعيها بالمنطق و لا تستعجلي النتيجة
حتى لو رفضت اول مرة بس مرة بعد مرة الا ما توافق
و في نفس الوقت اصبري و لا تحملي نفسك فوق طاقتها و لا تفكري بهالموضوع كثير لانه محتاج صبر
اكثري من الدعاء و الاستغفار و الله كريم
 
كاااااان الله في عونك ياقلبي أنتي وسلفتك
بس أنا أشوف أنو لو لك محبة بقلب (أم زوجك) وكاسبتها بصفك بأذن الله تقدري 90% تقنعيها تسكر الباب وتخليهم يبنون الجدار زي أول
وأنا هنا أقولك أيش يضرك لو تسايري هالعجوز بكلمة حلوة منك وبوسة على الرأس تجذبيها لصفك لأنها والله أعلم هي صاحبة الرأي في البيت وقبل كل شي تكسبي أجر المبادرة الطيبة بس بشرطين
الأول: مايكون فيه أهانه لك وتلزق فيها
والثاني: ماتحسسيها أنك تسوي هذا علشان شي في نفسك خليه طبع لك
وبعده بفترة روحي أطلبي منها اللي تبين وشوفي شو راح تقول!!!!!!!!!!
**************************************

زوجك اللي هو أبنها قولي له هذا الكلام وضحي له مدى الضيق اللي تعانينه وبكل أدب لايحس أنك تبين كذا علشان كره لأمه وأهله بالعكس وضحي له مدى حبك ومودتك لهم بس الخصوصية والأستقلال حلو ولا هو عيب ولا حرام
كرري الطلب له من فترة للثانية في أوقات الروقان بهدؤ وبدون صراخ وزعل

وأسالي ربك يعجل لك بالفرج ويرزقكم بيت مستقل والله على كل شي قدير
 
حاسه بمعاناتك حبيبتي
بس اقول لك صفي انتي وحماتك لاتتكلمين بروحك تراهم بيكرهونك
وبيحبون حماتك اكثر
فخليك معها يد بيد وكلمه بكلمه
ياانكم تكلمون خالتكم مع بعض وباسلوب تقنعونها علشان لاتزعل
او انكم تسوون اظراب مع رجالكم علشان الجدار
فعلا ماسااه الله يكون بعوتك
 
انا عندي فكرة.... انو انتوا تقترحون فكرة بناء الجدار مرة ثانية عشان اهلك واهل عديلتك اذا جاو يزورونكم واازواجكم ما يكونون فيه .... يعني عمك او اخوانك او.... الخ ... يعني تنسقين كم مرة انو اهلكم يجون ولا يكون فيه رجال ممكن يستقبلهم... وهم يبون يشوفونكم وراح يرتاحون اكثر بشقتكم او يبون يشوفون الشقة....او لشي ضروري او طارئ... او احد بيسافر ومستعجل يبغى يسلم عليكم او شي كذا ... بعدين تقترحون الفكرة.... او انو يكون عندك اخو يدرس ويظطر يجي كل يوم يجي تذاكرين له او شي زي كذا ويحتاج خصوصية.... لان احس اذا قلتوا بترجعون الجدار بدون عذر راح تزعل ام زوجك
 
مالك عاد غير الصبر الله يعينك ولو مافيه تحريض عليك وزوجك كويس معاك ولا يهمك عادي
اهم شيئ دام انهم محترمين خلاص

بالتوفيق .
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل