همس الغربة
New member
- إنضم
- 2010/12/22
- المشاركات
- 214
مرحبا ...بصراحة مو عارفة كيف ابدا بس ابي مشورتكم احس مو جادرة عالهم بروحي....انا متزوجة من 7شهور من زوج معروف انه حنون وحبوب وقبل ذلك هو شخص مثقف ووسيم وانا الحمدلله وبشهادة الجميع انسانه جميلة ومثقفة تزوجنا زواج اهل بس حبيته وايد وهو بعد وتزوجنا كان عادي وحياتنا ماشية صح هو على كل شي يعصب بس جلت عادي مع مرور الأيام بيتغير ان شاء الله و3شهر من زواجنا شفت مسجات ماعجبتني وناقشته وبررلي ومرت فترة وطبعاً ايام الاعياد رحت بيت اهلي انام معهم يومين اشتجت الهم والسبب ال2 ابي يشتاجلى واشتاجلة المهم رجعت وكنت وايد مشتاجتلة سولفنا وضحكنا اليوم ال2 الصبح كنت ابي ادج لاختى اطمن عنها وشفت تلفوني مافية رصيد جمت واخذت تلفون زوجي ودجيت منه واشوف مسج ورا ال2 خفت جلت اكيد شي صاير ولما شفت المسجات انصعقت الحبيبة مشتاجة وواصلين لمرحلة متقدمة فعلاقتهم صدجوني ياخواتي والله انا مو مجصرة على نفسي ولا علية دوووووم اكشخ فبيتي وميكب وملابس اشكال الوان واسلوبي راقي وكوميدي وما اكبر السوالف ومهتمة فية لابعد حد ملابسة دوم نظيفة مكوية ومبخرة واجدد في حياتي بين فترة وفترة واسويلة مفاجأت واحتفل بمناسباته عشان اكفية وبطاقتي وسيارتي تحت امرة وما احسبة لانه مايبجالة شي من راتبة من كثر الديون لفت فيني الدنيا ونزلت دموعي غصب عني الي جريته ذبح فيني الانثى انتظرته لحد ماصحا وكنت فحال الله وحدة يعلم بيها وواجهتة انكر وجعد يصارخ مالج حج تفتحي تلفوني وجاب مبررات كذب طاح من عيني وماصرت نفس جبل وبعد يومين اكتشفت انه عندة تلفون 2 ولما جيت افتحة كسرة بس انا خذيت الميمري ولجيت بلاوي اكثر ماعرفت شو اسوي حسيت ان القهر بيذبحني تعبت وايد وصار عندي نزيف ولما رحت المستشفى جالولي انك كنتي حامل ونزلتي حمدت رب العالمين على كل شي وجلت بحل مشاكلي بروحي مامر على هالكلام الاكم يوم وزوجي جالي عندي دوام بالليل جلتلة وانا جال معك الله وانتى بخير هذا دلع وبيروح المهم انتظرته جا الصبح وريحتة دخان وحالته لله دخل يسبح وشفت تلفونه يجول لاخوة اذا احد سالك عني جولهم مداوم انا ابي اسهر مو فاضي احد يزعجني جلت حسبي الله ونعم الوكيل المهم طلع وواجهته كذبني وجال انتي مريضة نفسياً ولازم تتعالجي وانا اصريت وجعد يصارخ كرهته من خاطر جلت بطلع مارضا وضربني وساءت صحتي وتعبت ..وصرت كئيبة وكلها ساكته وماودي اشوفه ..مرت الايام ووعدني يتغير بس بوطبيع مايوز عن طبعه هو جد ماصار يراسل بس احس انه مخبي اشياء وايد قيل اسبوع كان يبي يطلع رحلة وحن الا يروح وانا اكون بيت اهلة وافقت بس لما رجعت البيت الحبيب جايب افلام سكس والذي منه تعبت منه تعبت اعدل واعدل مايتعدل ربي يهدية يارب ويبعد عنه ولاد الحرام
شو أسوي؟؟؟؟؟؟؟؟؟
شو أسوي؟؟؟؟؟؟؟؟؟
