خياطة الولاده

[كشخة دبي]

السلام عليكم خواتي العزيزات

انا توني مربيه صار لي 20 يوم بظبط
بس الخياطه كانت في بدايه تحرقني وااايد
رحت عند دكتوره عطتني كريم وقمت انا احط مطهر كل ماتغسل +ميبو
ومره كريم وصفتلي ياه وحده
المهم ارتحت من حرقان وكل شي التام الجرح وحمد الله بس

طاحت غرزه وحده وغزتين انفتحو بس بقى العقده
ومن فوق الخياطه داخليه بس يبين الخيط ع برع في غقده الخيوط صارت تنغزني ومارتح لا في نومي
ولا في قعدتي لانها تنغز وهي من نوع الي مايذوب قمت انا ويبت المقص وقصيت الخيط الطويل وبقى خيط صغير طالع لان مثل ماقلتلكم الخياطه داخليه بس عقده برع بغيت اعرف هل الخيوط بطيح ولا راح اتم داخل لانها من نوع الي مايذوب وهل راح اتاذى لاني قصيت الخيوط انا خااايفه بس كانو مزعجيني وانا رتحت لما قصيت الخيط الطويل هل راح يصيرلي شي طول اليوم وانا اسوي بحث عن الخيوط افيدوني قبل مايصير فيني شي:sadwalk:

 

[كشخة دبي]

21 زياره ولا رد

 

[شمعة الإسلام]

السلام عليكم
غاليتي
ألف مبروك ما جبتي
أن شاء الله ما يكون شي
بس ياليت تروحين لطبيبه تشوف الخيوط وترتاحين نفسيا ..

 

[حلا2008]

روحي لطبيبة احسن لك........

 

[جنـــــــان]

فعلا روحي لطبيبه شوف الخياطه وتطمنك عليها سبحان الله يمكن تلتهب او شمم بما انها تنغز
راجعي طبيبه افضل وطمنينا

 

[ياسمين1]

عزيزتي الحمد لله على السلامة اولا و ثانيا اطمني هذه الخيوط تذوب تلقائيا بعضها يأخذ وقت و البعض الاخر لا حس سماكته و نوعيتها و لكنها بالنهاية سوف تذوب انصحك في المرات المقبلة ان تشترطي على دكتورتك ان تستعمل نوعية رفيعة لكي لا تسبب التهابات لديك و حرقة و الم اعتبره بنظري انت في غنى عنه و اعتقد ان الخيط الطويل الذي قصصته لن يضرك شيئا ان شاء الله و لكن ان اردت مراجعة الطبيبة للتاكد فلا باس و سلامات اتمنى اني اكون افدتك

 

[H-m-b]

مرحبا اول شي روحي الطبيب وثاني شي روحي حق العطار واخذي من عنده زعتر واطبخيه في ماي ومع اشوي ملح بعد اخذي الملح من عنده قولي له حق الغسول وحطيه في البانيو واتنقعي فيه !!!!!!!! اصلا لازم تاخذين الملح اللي ينحط في الماي اللي من عند العطار وتتنقعين فيه واصلا الملح اهو اللي راح ايذوب الخيط ويطيح ابسرعه في اسبوعين او اقل والحمد لله على السلامه وما تشوفين شر