مرحبآ !

من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك

آشتركي معنا الآن !

خواتي لا تخلوني محتااااجة لنصايحكم

سهم الغلا

New member
إنضم
7 أكتوبر 2008
المشاركات
14
مساكم الله وصبحكم بالخير جميعاً

بادخل في الموضوع ع طول
لي خمس سنوات متزوجة وعندي طفل لكني مو مرتاااحة
مع زوجي أكثر أيامي بكا ودموع وتعب نفسي
زوجي صحيح كريم وما يحرمني من أهلي
لكنه أناااااااااااااني من الدرجة الاولى
عمله وقته طوييييييل جدا ويرد للبيت وينام
يعني ما نجتمع وياه الا ع العشاء هذا اذا تعشى بالبيت
وكمان عمله فيه انتدابات وسفرات كل شهر يروح ويتركني
ويقول سفر عمل ما اوديك معاي
نهاية الاسبوع مع الربع استراحات وسهر وما يطلعنا
ابد إلا بطلوع الروح وساعة ثم يرد لربعه
يكره القعدة بالبيت ويكره انا نطلع نتمشى سوا
يحب السفر برا مع ربعه وسنويا يسافر وياهم ويصرف مباااااالغ
باهظة ع سفراته معهم
وانا يسافر معي يومين داخل الديرة وحتى مكة ما سافر بي لها
مع كثرة طلبي للعمرة
ناقشته في هالمواضيع بس ماوصلت معه لحل
يقلب الكلام علي ويطلعني انا الغلطانة
وانه هو أحسن زوج بالدنيا
وفوق هذا كله دايما يسولف بالتعدد و يهدد بالزواج بالثانية
مع اني الحمدلله احاول ادلعه وارضيه واخاف ربي فيه
خواتي سااااااعدوني تعبت من أنانيته هو يستمتع بحياته
وانا ما اهمه اكثر وقته برا وانا لوحدي
مليييييييت منه ومن أسلوبه
ساعدوني والله تعبت من التفكييييييير
وحياتي مو مستقرة
كل وحدة تقرأ موضوعي لا تبخل علي ولو بدعوة**​
 
إنضم
15 سبتمبر 2011
المشاركات
310
اولا اصلحي ما بينك وبين الله ينصلح ما بينك وبين خلقه
نصيحتي شوفي شو نمطه اطنه شمالي غربي لكن انتي ادرى شوفي شو نمطه وتعلمي
الله يسخرلك زوجك
 

حيرتونا

New member
إنضم
23 نوفمبر 2011
المشاركات
207
:22:خذي الحياة بروح حلوه ما في داعي تعبي نفسك على اشياء مالها معنى

تقربي من الله والله بيصلح لك حالك
 

لين0

New member
إنضم
14 نوفمبر 2011
المشاركات
424
ادعيلو كثير بجوف الليل .. ان شاء الله ربي يصلحو ليكي ..
 

سهم الغلا

New member
إنضم
7 أكتوبر 2008
المشاركات
14
الغالياتالخايفة من اللهمسك الليلحيرتونالينمشكوراااااااات ع االرد وجزااااكم الله خيربالنسبة لنمطه صح عليك شمالي غربيوحفظت عندي ملف الانماط لكن زوجي حالته مستعصيةيعني لاحياة لمن تناديخواتي والله محتاااااااااجة لكم نوروني انصحونيخااااااايفة ادفن نفسي ويروح شبابي مع شخصما همه الا نفسه والله انا طبيعتي متفاااااااائلة بقوة لكن من ارتبطت بزوجياحس احلامي تحطمت ع جبل من حديد**
 

سهم الغلا

New member
إنضم
7 أكتوبر 2008
المشاركات
14
الغاليات الخايفة من الله /مسك الليل /حيرتونا /لين /مشكوراااااااات ع االرد وجزااااكم الله خيربالنسبة لنمطه صح عليك شمالي غربي وحفظت عندي ملف كامل عن الانماط لكن زوجي حالته مستعصية يعني لاحياة لمن تنادي خواتي والله محتاااااااااجة لكم نوروني انصحوني خااااااايفة ادفن نفسي ويروح شبابي مع شخص ما همه الا نفسه والله انا طبيعتي متفاااااااائلة بقوة لكن من ارتبطت بزوجي احس احلامي تحطمت ع جبل من حديد والحمد لله انا ملتزمة بديني وأعامل زوجي باللي يرضي ربي**
 
إنضم
1 مارس 2011
المشاركات
1,131
اذا رافض يطلع معكم خليه يطلعك لاهلك وصحبا تك وشغلي وقت مثل ادرسي او توضفي لاتعيش حياتك كذا ويضيع عمرك وتندمين خليه يحس انك تقدري تستغنين عنه
 

معلمة متألمة

~◦ღ( مميزة قسم الإستشارات الزوجية )ღ◦
إنضم
14 أبريل 2011
المشاركات
1,003

لي خمس سنوات متزوجة وعندي طفل لكني مو مرتاااحة
مع زوجي أكثر أيامي بكا ودموع وتعب نفسي
زوجي صحيح كريم وما يحرمني من أهلي :
هذي نعمه ياغاليه كثير من النساء محروم منها... نساء كثير تعاني من بخل زوجها عليها وعلى اولادها بخل لدرجه الحاجه والبعض تضطر الى ان تأخذ من ماله وهو لا يعلم... ف احمدي الله واشكريه وادعي له بالهدايه والتسخير لج و لإبنه.. وبعد فيه حريم ما تشوف اهلها الا بالشهر وبالشهور وبعضهم سنويا.... ف هذي ايضا نعمه محروم منها الكثير ياغاليه واحمدي الله عليها..
لكنه أناااااااااااااني من الدرجة الاولى
عمله وقته طوييييييل جدا ويرد للبيت وينام
يعني ما نجتمع وياه الا ع العشاء هذا اذا تعشى بالبيت:

يشتعغل زوجج لتأمين لقمة العيش لكم جميعا ... وكل شي بحسابه دوامه طويل ف المقابل يأمن لج كل شي تبينه وكريم معاج لان كل شي بقيمته.. ولو دوامه اقصر فـ راح يكون بالمقابل اشياء سلبيه.. وبما انكم ماتجتمعون الا على العشا اجعلي من هذه الوجبه راحه لكم جميعا ومتنفس لأشواقكم جميعا انتي وهو و ولدكم... وخليه يحس في هذا الوقت باللي هو يحتاجه منكم لانكم اقرب ناس له..
وكمان عمله فيه انتدابات وسفرات كل شهر يروح ويتركني
ويقول سفر عمل ما اوديك معاي
نهاية الاسبوع مع الربع استراحات وسهر وما يطلعنا
ابد إلا بطلوع الروح وساعة ثم يرد لربعه:
مع ربعه اغلب رجالنا على الوضع ولازم الرجال يشوف ربعه ولاتنسين طول وقت دوامه وضغوطات الشغل ترى تتعبه ..واكيد بيحتاج يقعد مع بعه.. وبخصوص السهر انتي بطريقتج تقدرين تقولين له او تحسسيتنه بأهمية وجوده... عندج بالليل انتي و ولده... ( انا حسيت من كلامج عنه او خمنت والله العالم ان شخصيته شمالي.. ويحبج من كلامج عنه انا فهمت هالشي ويمكن هالشي غايب عنج او مو متأكده منه.. شوفي شخصية زوجج شنهي واذا حددتي نمط شخصيته اقري عنها .... لان الشخصيه لها دور كبير في طريقة التعامل معاها.... النفسيات تختلف والاصابع مو سوى..)
اذا عرفتي وشو شخصيته هالشي واجد بيسهـّل عليج اشياء كثير ومتاعب اكثر..لأن واجد حريم كانوا يتعاملون مع ازواجهم بطريقه ماتناسبهم والمشاكل ماتخلص معاهم لين ماعرفوا شلون يتعاملون مع ازواجهم وهالشي خلاهم يتفادون مصاعب كثير..

يكره القعدة بالبيت ويكره انا نطلع نتمشى سوا
يحب السفر برا مع ربعه وسنويا يسافر وياهم ويصرف مباااااالغ
باهظة ع سفراته معهم :
دام هو يصرف عليج وما يقصر وكريم معاج لا تسوين مشاكل معاه بخصوص ربعه .. ( اعرفي وشو شخصيته عشان تعرفين ش تسوين..)
وانا يسافر معي يومين داخل الديرة وحتى مكة ما سافر بي لها
مع كثرة طلبي للعمرة
ناقشته في هالمواضيع بس ماوصلت معه لحل
يقلب الكلام علي ويطلعني انا الغلطانة
وانه هو أحسن زوج بالدنيا : ( احس انه شمالي من اللي تقولينه عن صفاته)
وفوق هذا كله دايما يسولف بالتعدد و يهدد بالزواج بالثانية : هالشي حطي ب بطنج بطيخ صيفي .. ماراح يصير الا اللي الله كاتبه .... خليج قريب من ربي وماراح يصير الا اللي يرضيج .. ارضي ربي لان ربي اذا رضى ماراح تشكين اي هم.. )
مع اني الحمدلله احاول ادلعه وارضيه واخاف ربي فيه : ( الزوجه السنعه تسوي اللي سويتيه ياغاليه... خليج على اهتمامج فيه وفي روحج و ولدج ولاتهلين روحج ولا بيتج والجأي لربي بالدعاء والاستغفار والله بيهونها عليج.... بس اكثري من الاستغفار..)
خواتي سااااااعدوني تعبت من أنانيته هو يستمتع بحياته ( ارجع و اقول لج احس انه شمالي .... ترى اذا عرفتي وشو شخصيته واجد بيسهل عليج ..)
وانا ما اهمه اكثر وقته برا وانا لوحدي
مليييييييت منه ومن أسلوبه
ساعدوني والله تعبت من التفكييييييير
وحياتي مو مستقرة :
تعوذي من ابليس وابعدي وساوسه عنج ومن هالكلام .. انا ما الومج انا معاج بس لاتحطين هالشي في بالج مليت منه ترى اغلب تفكيرنا السلبي بمن حولنا خصوصا ازوجنا هو من الشيطان... هذا زوجج وانتي عارفه انه مايقصر معاج ولو مايحبج ترى مستحيل يكون معاج بهالطريقه.. وسعادتنا الزوجيه لاتأتينا على طبق من ذهب سعادتنا لاتأتي بالتهرب من مشكلاتنا بل تأتي بالتغلب عليها ولزوم قرب المولى عز وجل..... سوي لج ورد يومي من القرآن لو صفحه وحده بس لا تتركينه .. بعدين بقولج شي انا كنت استخدمه لما كنت متزوجه.... وانصح فيه كل متزوجه.. لما تزعلين على زوجج وتشوفين اي تصرف منه مايعجبج لا تزعلين وتحطين ب خاطرج عليه ... روحي على طول على رصيده الايجابي ف قلبج شوفي مميزاته الزينه معاج وتصرفاته اللي يسويها عشانج وعشان يرضيج.... وعقب بيروح الزعل... لان الزواج مستحيل تعيشين فيه مع اي نمط كان زوجج بسعااااده ... وبدون زواج نفس الشي كل انسان من أمة محمد لازم يفهم .... (ما قلت يعرف.. لأن الكل عارف) لازم يفهم ويستوعب ان هذي دار مجبوله على كل مايكدّر النفس ..وانتي كمتزوجه لازم تفهمين بعد ان الشيطان مستحيل يقصر ف التخريب بين الزوجين ... كم واحد مطلق ويبكي دم على زوجته .. بس لانها طاوع شياطين الانس والجن ف حياته وطاعهم وخرب حياته والقهر ان الكل يبتعد عنه .... انتي انسانه متزوجه ف لازم تتحلين بالصبر ياغاليه...الصبر ثم الصبر ثم الصبر......
بليس يخليج تشوفين سلبياته مهما صغرت ويكبرها بعينج ... ومايخليج تهتمين ب ايجابياته مهما عظمت ويصغرها بعينج.. انتبهي ياغاليه..... والله اني ناصحه لج من كل قلبي.... الزمي قرب المولى كي تهدأ نفسج وترتاحين فلن يفرج همج الا هو سبحانه .. وليس بينج وبينه الا سجده....

كل وحدة تقرأ موضوعي لا تبخل علي ولو بدعوة**

اسأل من جل في علاه ومن تفرّد بكونه لا ند له ولا اشباه ومن خضعت لعظمته الرقاب والجباه .. ان يسخر لك زوجك تسخير العبد لسيّده وأن يسخرك لزوجك وأن يسخركم الله له عز وجل وأن يسعدكم بسعاده لايتلوها شقاء ويفرحكم فرح لايتلوه حزن ... وان يحفظكم من شياطين الانس والجن.....

اللهم اني استودعتك اختي وزوجها وابنها من كل شر....

فقط الزمي قربه جل وعلا ولن تشكي اي هم....
 
إنضم
22 نوفمبر 2011
المشاركات
21
حبيبتي اول شي أسال الله العلي العظيم يوفقج ويسخرلج زوجج.. من كلامج عنه حسيته شمالي وشمالي غربي بعد بس نصيحتي لج عشان لاتتشتت افكارج اعرفي نمط زوجج بالاول (اقرأي ملف الانماط)وساعتها بيكون بايدج المفتاح للتعامل معاه وابداي اقرأي عن نمطه وافهميه وساعتها صدقيني اذا اشتغلتي على نفسج صح بتجيبين راسه خخخخخخخخخ
 

سهم الغلا

New member
إنضم
7 أكتوبر 2008
المشاركات
14
سوسو / نوارة الرياض /عشقي شمالي مشكورات ع الرد وجزاكم الله خير معلمة متألمة ردك أثلج صدري ومشكورة ع الدعوات انا بحثت بالانماط من فترة طويلة ولقيته شمالي غربي وحاولت استخدم الاسلوب المناسب معه لكن احس ما فيه تحسن واضح والله أتعبني بتفكيره كل شي بالدنيا حلال عليه وحرام علي خواتي لا زلت محتااااجة لنصايحكم ساعدوووووني
 

رازيا

~◦ღ( مميزة في قسم الإستشارات الزوجية )ღ◦
إنضم
5 أغسطس 2010
المشاركات
11,180
اسمعي كلام معلمة
ما قصرت
 

سهم الغلا

New member
إنضم
7 أكتوبر 2008
المشاركات
14
متفائلة
رازيا
وردية
المسلمة
شكررررررراً لرددودكم جزيتوا خيراً
انتظر المزيد من نصايحكم حبيباتي
 
إنضم
26 أكتوبر 2011
المشاركات
30
السلام عليكم ورحمة الله وبركاته اختي الغاليه عليك بالدعاء قولي .ربنا هب لنا من ازواجنا وذرياتنا قرة اعين واجعلنا للمتقين اماما"تراوانا اختك مافيه بيت يخلاااااااا من المشاكل وانتي يمكن احسن من غيرك من الحريم بكثير اجذبي زوجك لك بالمعامله الحلوه والكلام الحلو ورسايل بعدولا تكثيرن عليه بالشكوى لان الرجال يكرهون الحرمه الشكايه انا زوجي زي زوجك بس شمالي غربي شمالي شرقي...الله يسخرهم لنا ويهيدهم ياااااااااااارب ..ز
:31:
 

سهم الغلا

New member
إنضم
7 أكتوبر 2008
المشاركات
14
احلام بريئةشاااااكرة لك ردكدايما ارسل له رساايل حلوة لكن ما يرد علي وما يرسل لي الا نادراًوع فكرة انا جنوبية شرقية احب الاستمتاع بالحياة وهو يحب الكفاح لا زلت بحاحة لنصايحكم ساااااعدوني
 
أعلى