خلونا نستفيد ايش افضل حركه سويتيها وعجبت زوجك؟!واسوأ حركه ماعجبته؟!

[حور1402]

هلا حبيباتي خلونا اليوم نستفيد ونفيدمن خلال تجاربنا -ايش افضل كلمه اوجمله قلتيها اوحركه سويتيها واعجبت ابو الشباب؟!وايش اسوأ كلمه قلتيها او حركه سويتيها وماعجبته:no:؟!
يالله -الله لايحرمنا من بعض- في انتظار سوالفكم:icon26::icon26::icon26:

 

[حور1402]

اف ايلعلم 26وحده تدخل ولا رد واحد خيبتو املي !!

 

[حور1402]

يالله انا بابدا احسن كلمه قلتها وانبسط عليها زوجي هي كلمة انا كلي لك وملكك اثرت فيه كثير:clap:
واسوا حركه سويتها وما عجبته يوم ولعت شموع وعطور زيتيه وحركات وجبت له من ضمن الكلام سيرة
اهله وذكرته بموقف صار لي معاهم قام نام وخلاني انا وشموعي:icon1366::icon1366:
وتعلمت اني مااجيب سيرة احد اذا انا وياه نتكلم في خصوصيتنا فقط وغلطتي اني تكلمت في اهله في وقت غير مناسب او حتى مناسب الرجال اكره ماعليه زوجته تجيب طاري اهله
لكن يالله درس وتعلمنااااااااه:msn-wink:

 

[ورقة ورد]

اسوأ حركة سويتها فيه يوم ضيعت اوراق خاصه فيه خخخخ عطاني اياها عشان احفظها وضيعتها وقعدنا اسبوع ندور عليها وزعل مرة مني واحس اني ماني وجه مسؤليه خخخ >> مستانسه خخخ

واحلى حركة ... كان عندي اختبار .... وماده صعبه وكانت اخته عنده اختبار بنفس تخصصي وميب فاهمه ولا شي وكانت تبكي والله تركت مادتي وقعدت اذاكر لها .... >> اثرت فيه هالحركه مره

 

[وصايف ليل]

اسوأ حركه سويتها اول سنه زواج تهاوشنا وطلع وطنشني وجا وكمان مطنش
رحت كلمت ولد اختي عشان يجي ياخذني من بيتي
لحد الا ن يذكرها
وافضل حركه سويتها:crazy: :crazy: تصدقون مااذكر:icon28:

 

[همس الغرام]

أسوأ حركة سويتها إني مرة عصبت و زعلت و صارخت و بكيت وشافوني أولادي الصغار و بكوا معاي بعدها زعل وايد و مرات يذكر هالموقف وانا ندمانه اني سويته بس بيومها صج فقدت اعصابي منه
وحركة يحبها وايد لما يشوفني مستانسه مع أهله و يحبوني وحبهم وخاصه أمه و خواته لأن يعزهم حيل

 

[Kady]

أسوأ حركه سويتيها في أول شهر قعدت أمدح المطرب اللي أحبه بس حسيت اني غبيه لأني تزوجت صغيره <<<خخخ و أفضل حركه <<< كمان أنا ما أذكر

 

[ام فيفو]

موضوع جميل اذا ذكرت شي بقولك

 

[ليمونة الحلوة]

اسوا حركة سويتها للحين طازجة ... صارت امس قالي لا تلبسين الفستان الفلاني ولبسته

واليوم اكتشفت انه كان حاجز حقي وحق اهلي الفندق الي بتنا فيه ... وما بات معانا

عشان انا واهلي ناخذ راحتنا..وهو بات عند قرايبه.. وغير هاذا اكتشفت انه موصي قريبه الي مسافر ايب لي

شنطة راهية.. يالله كل تصرفاتي الشينه طلعت احين لوووول

واحسن شي سويته ..

مممممم

بعدين برد لكم .. الحين فيني رقاد

تصبحون على خير

 

[حور1402]

مشكورين عالمرور

 

[حور1402]

يالله بنات عاد شدوا الهمه

 

[حور1402]

اسوأ حركة سويتها فيه يوم ضيعت اوراق خاصه فيه خخخخ عطاني اياها عشان احفظها وضيعتها وقعدنا اسبوع ندور عليها وزعل مرة مني واحس اني ماني وجه مسؤليه خخخ >> مستانسه خخخ

واحلى حركة ... كان عندي اختبار .... وماده صعبه وكانت اخته عنده اختبار بنفس تخصصي وميب فاهمه ولا شي وكانت تبكي والله تركت مادتي وقعدت اذاكر لها .... >> اثرت فيه هالحركه مره

صادقه بس عندي فكره حطي جميع اوراقه الخاصه في ملف وخليها بدرج لوحدها والاوراق الثانيه بدرج لوحدها او ملف واكتبي على كل ملف اسم الاوراق المختصه فيه وبكذا ترتاحين وتريحي والله يديم المحبه:a200:

 

[حور1402]

وين التفاعل يابنات خيبتوا املي:no:

 

[سارونه 33]

ماذكر لا اسواء حركه ولا افضل حركه لاكن لما اتذكر رح ارجع اكتبلكم
موضوع حلو مشكورررره

 

[حسنه2000]

اسوى حركه اول شهور زواجنا قلت له انت تخاف من امك وحد الان يذكرها
واحلى حركه اذا سويت حقه بارتي بس على طول ينساه

 

[حسنه2000]

اسوى حركه اول شهور زواجنا قلت له انت تخاف من امك وحد الان يذكرها:no:
واحلى حركه اذا سويت حقه بارتي بس على طول ينساه:blushing:

 

[love4life]

موضوع جميل ومفيد .. اتصدقون فيه نصايح غير مباشرة؟

والله استفدت

لسه ما اتزوجت بس برد لكم ان شاء الله بأشيا حلوة

 

[حور1402]

بنات ليش الانانيه 300 وحده تدخل وبس 10 ردود حرام خلونا نساعد بعض يالله عاد كل وحده تقول تجربتها منتظرينكم

 

[حور المنصوري]

بسم الله الرحمن الرحيم


الصراحة انا حركاتي السيئة ويا زوجي كثيرة .....

لكن اكثر حركة سيئه دوم اكررها ... اصارخ واعصب واصيح كله مع بعض


و الاسبوع الي طاف طنشني والسبب هالحركة ......... ندمت قد شعر راسي ويلست اصيح

حركات الي تعيب ريلي

اذا مر هو ولا احد من اهله في مشكله اترك كل شي وافكر في ايجاد حلول للمشكله الي تواجهه

 

[أم عبيان]

اسوا حركه سويتها يو مدحت اخو عنده لوووووول عصب وصار يغار منه ما يعيبني اطريه

واحلى حركه اثرت فيه مره سويتله بارتي يوم ميلاده وتاخر ولا ياني وانا رتبت سويته وعدلت كنت ابا مفاحئه بس الحظ ما ياني انشغل ياته ضروف شغل

المهم انا شو سويت صورت البارتي والتعديل والعشا والكيك

واليوم الثاني يوم ياه ما خبرته شي بس قلتله كل عام وانت بخير وبعدين يوم جفته فاضي يالس على الشبريه طلعت عنه
وطرشت التصوير له بلوتوث استلمه وهو ما يعرف
وانا خليته يطالع وانا طلعت سرت قعدة عند اخت ريلي برع

ما اجوفه الا وشوي ياه وراي وعيونه كله حزن وزقرني قالي تعالي ورحت وراه الحجره وحضني ويلس يتاسف وهو حليله ما يدري اني بسويله بس حسيت بفرحه جنه حضر البارتي

وقال والله بتم محتفض بهالبلوتوث وتم محتفض فيه

هههههههههه قصه