خلونآ نتشارك / شلون تكونين محبوبه عند ام زوجك وبنآتها

ز

زهرهـ القرنفل

New member
إنضم
2010/04/10
المشاركات
32
السلام عليكم ورحمه الله وبركاته



كيفكم حبيبآت قلبي ؟ لاني حطيت تحدي بيني وبين نفسي جيتكم اليوم

انا من العرايس اللي لاقت صد من اهل زوجها

ام زوجي طيبه معي والله يجزآها الف خير صحيح اني اشوف منها بعض الحركات
بس احاول التمس لها مليون عذر

اخت زوجي / طبعآ صغيره بأولى ثانوي بس عرفتوا كي داخله علي بحرررب
في يوم زواجي دخلت علينا وهي تصيح مدري دموع فرحه والا ماتبيني بس المهم سلمت ع اخوها واعطتني ظهرها ومشت >انا عيوني :eek:

بس ام زوجي الله يجزآها الف خير قآلت لبنتها فلانه ارجعي سلمي ع زوجه اخوك

بس قسسسم موقف يضيق الصدر تضايقت يومها


ابو زوجي / ماكان يبيني انا لولده بس ولده اصر يتزوجني انا / وسمعت من النآس والى الان صايره في قلبي صدق لما اشوفه اسلم واسولف عادي بس مو قادره انسى هالشي ابد



خآله زوجي / اللي هي صديقتي


ومآ ادراك مآ خاله زوجي > اقسسم بالله اني اتعوذ بالله من شرها

هي اصلا من اول لما كنت اسمع ان زوجي يحبني > قبل الزواج كانت تقول قدامي وتتعمد انو فلان يحب بنت عمه ويموت عليها بس عشان تقهرني وتنرفزني بس صدق كنت اصدقها لين خلااص ماصرت افكر بيوم من الايام اتزوجه وكنت ناااسيه الموضوع لما خطبني انصدمت كيف خطبني وهو يحب بنت عمه

وبعد الزواج في وقت مصارحه صارحت زوجي قلت له الموضوع وقال والله انها تقول لي نفس الكلام عنك انك ماتحبيني وتحبين ولد عمك و و و

> كرررهتها قسسسم

وايام الخطوبه كآنت تزورني وتتصل في ولد اختها / اللي هو خطيبي وتسولف معه قدامي وتتميع بكلامها وبعدها تقول اوف اوف وصلت للبوسات لا لا انتبه ع نفسسسك
وقفل الخط بوجهها يعني كآنت تتبلاه تخيلو كل ذا عشان تصير بيننا مشاكل

واتصلت في خطيبي وسألته قال والله انها تتكلم وتجاوب نفسها طول المكالمه ساكت بس هي حيه تعرف شلون تخرب علينا

وبعد الزواج قطعت علاقتها فيني تخيلوا هي صديقتي وخالته ماقالت حياكم ع فنجان قهوه



انا ماعلي منها بس اللي ذابحني انها تأثر ع اخت زوجي بتحريضاتها علي احس كررره اخت زوجي لي بسببها لان اخت زوجي بزر ماتفهم لسى مراهقه

وعلى فكره زوجي ماله الا 3 اخوات اكبر وحده اللي في اولى ثانوي والباقي في الابتدائيه

وانا اول زوجه اخ عندهم






ابي اكسسب حبهم لي وبنفس الوقت ابي يعملون لي قدر ويحفلوني قسسم محد من اهل زوجي تكرم وعزمني ع سهره بعد زواجي

مع العلم انو عاداتنا والمعروف عندنا ان العروسه ماتخلص عزايمها من الناس يعني الناس يعزمونها ع سهرات وعلى عشاء

بس انا العزومات كانت من قريبات اهلي بس





يعني بالمختصر ابي الكل من اهل زوجي يحبني ويحترمني ويعزني ابي الكل يسوي لي قدر قدام الناااااس


قسسسم يا ان زواجي صارت عليه مشاااكل

عمام زوجي زعلو ع زوجي يبونه ياخذ من بناتهم وعماته كمان زعلوا وسمعت كلااام كثيييييير يزعل ويقهر

بس كنت اطنش عشان ما افرحهم بضيقتي ابد

لان الجماعه عندنا مشتغلين حسد وحقد


اعوذ بالله











يالله كل وحده تجي وتكتب لنا طريقه نتعامل فيها مع اهل الازواج ونسسسحر عقولهم بنفس الوقت نخليهم يحترمونا ويهابوننا اكثر



:30:



واللي تدخل وماترد برد يفيدنا ما احبها هع






يالله الهمه يابنات نبي نكون شخصيآت هآمه عند اهل الزوج
 
يا حبيبتي يا"زهرة القرنفل"
اهل الزوج عامليهم بالأحسان وتحملي سؤ خلقهم عشان زوجك
وحاولي انك تكونين ذكيه بتصرفاتك وحذره حتى ماتطيحين بمواقف
العفويه ماتصلح معاهم هم مو مثل أهلك بيعذرونك لاااااا
وانا ماأعمم لا بس هذولا الصنف الي عندك
واهديهم واعزميهم وادعي لهم وخليك بعيده لاتدخلين بأي شي وأذا أحد تكلم فيهم لاتتكلمين معه ابد
حتى ماتقعين في مشاكل
وعليك بالورد حافضي عليه حتى ماتصابين بعين حاسد نسأل الله السلامه والعافيه.
هذا ماجال بخاطري.
 
اختي الغاليه
ارضااااااااااء الناس غايه لا تدرك بس انتي اول شئ ارضيه بعد الله
زوووووووجك احتويه حبيه راعيه قدريه ولا تحطينه بين نارين نار الاهل ونار الزوجه
وثاني شئ خالتك وابو زوجك راعيهم حسسيهم انك تحبينهم خابفه عليهم بس بدون مبالغه
اذا تعب احد منهم راعيه واخدميه واسالي عنه == والهدايا عليك فيها بس بمناسبه ومو علي طول
وبالنسبه لحمواتك عطيهم علي جوهم ولا تقابلينهم كثير وحاولي تكسبينهم بهديه وبخدمه وبكلمه حلوة واذا شفتي ما في فايده لا تياسين
حاولي دايم تكسبينهم سوي لهم عشي حلو مرات -اعزميهم -والله يعينك يالغلا
ويسعدك ويسخرهم لك
 
تعاملي معاهم برسميه
لا تحاولين تختلطين فيهم كثير باستثناء امه
لا تحرمين زوجك من اهله وحثيه على برهم

اقتربي منهم بالهداايا
وانتبهي تردين السيئه بالسيئه
وبالتوفيق​
 
عاملي الناس بما يحتم عليك ضميرك لاتقصرين بحق احد لانه معدنك واهل الزوج لو تنزلين عيونك لهم وتقدمينها على طبق من ذهب
ماراح يعجبهم
غير التررررررررررررررررررررررررررررراب
بس انتي اعملي بأصلك
وكلن له يووووووووووووم
لاحول ولا قوة الا بالله
استغفر الله الذي لا اله الا هو الحي القيوم واتوب اليه
 
حبيبتي انتي بين عليكي ان اخلاقك علياء وهذا بيان بس احب اقولك ام زوجك ثم ام زوجك ثم ام زوجك ثم ام زوجك لوحبتكي ماررررررررراح ترضى عليكي بي شي حتى لو من اختها صدقيني سوي كل شي يرضيها وابو زوجك نفس اشي احب اقولك معلومه ان ابو زوجي ماكان يبغني ذاحين صار ايمووووووووووت فيا الحمدالله وماشاء الله وذا تبغي شي من عيوووووووووووني يا الغلاء
 
توتا تكفيييين عطيني طريقتك بالتعامل مع ابو زوجك

وش سويتي له


ع فكره ابو زوجي مكروه من الناس لانه مكار ودايم يضحك ع الناس ويتدين منهم
ومايرد لهم فلوسهم يتسلف منهم عشان يسافر ويدلع نفسسه

ومررره متشبب يعني يمكن عمره فوق 45 ولو تشوفيه تقولي عمره بالثلاثين


بصراحه اخاف منه لانه قد سوى حركه بزوجه اخوه عشان يطلقها منه

اخاف ياخذني بمكر ويسوي مشكله يخلي زوجي يطلقني


ع فكره

هو متزوج ع امهم بنت كبر عياله
 
ياحبيبتي الله يسخرهم لك ويحببهم فيك ..
اول شي لازم ماتبينين لهم انك ميته عليهم وتدورين رضاهم خلهم هم الي يدورون رضاك
ولاتكثرين زياراتك عليهم يعني بالمعقول ولاتقطعينهم ولاتدخلين عليهم الا وفيدك شي لامه او ابوة اقصد لو غداء او حلو او عشاء
واذ صارت مناسبة ذكريهم بهدية
ومدحي ولدهم قدامهم وكوني ثقيله يعني مش خفيفه حييل
بالنسبة لاخت زوجك لساتها بزر فعامليها على انك الاكبر ولاتدورين رضاها .لكن مايمنع انو من فاي مناسبه مثل عيدميلادها او نجاحها تهدينها شي يكون نفسها فيه .
 
كيف حال الجميع
انا بصرااحه اعامل ام زوجي كأنها ااامي تمام مهما سوت في راضيه
بس بحدود يعني انا ما اطرق نفسي لها عشان لاتتعدى حدودها اما الاخوات فبحاول قدر الامكان اكسبهم للصفي واخليهم مثل اخواتي بس اااكيد بحدود وشي معقول وزوجي مهما صار ما اكلمه عن اهله ...
امه اجبلها هدايا في الاعياد
كل جمعه ارسلها رساله ..والرسايل بعض الاحياان تتسم بالظرافه ... احاول احسسها بحب ولدها لها الكبير حتى ولو ابين انو هوا يحبها اكثر مني <<< اتقاء للمشاكل
وكمان اسئلها دايما عن طبايعو وعادتو وابينلها انها تفهم في ولدها اكثر مني واسعى انو زوجي يروحلها دايما ويكون قريب ولا يبعد عنها فترة طويله ومهما صار فهو ولدها الي مايخرج عن طورها ابدا <<افهمها كذا >>>بس الوضــع غير ..
وما احط منزلتي زي منزلتها هي غير
هي امه وانا زوجته اصلا مايصير نساويها ببعض ..
اما الاخوات احاول اسئل عنهم بين فتره وفتره وقعدتنا لازم تكون ضحك ووناسه .. اجيب العاب حلوه وقت جمعاتنا ومكسرات وتسالي تحلي الجمعه .....
 
الدعاء يااخوات
ادعي لهم بالخير والهداية
وعامليهم بالطيب والابتسامة
اللهم ملكني قلب من احوجتنا اليه
وما الى ذلك من ادعية
​
 
الله يسعدكم ياحبيبات قلبي

غصن البآن / rozeee / السحر الحلال


ويالله بلقيسيات انتظر منكم ردود
 
شوفي حبيبتي عاملي أهل زوجك بحب واحترام وتذكري دائما أنهم أهل عيالك. وأنا ضد اللي تقول عامليهم برسمية. ياختي ليش موب أنتي أخيتي ولدهم يعني صرتي وحدة منهم. وإذا كنتي تقدرين زوجك قدري أهله وأحترميهم وتأكدي عزيزتي أن الدنيا سلف ودين. ودائما تذكري أنه أنتي لازم تحببينهم فيك ولاتنتظرين منهم شي. لأنك أنت بحاجة لهم هم موب بحاجة يطلبون ودك. غاليتي الدنيا تبغى صبر واحتساب واللي ربي رازقها زوج صالح ومحترم. تحمد ربها وتحط أهل زوجها فوق راسها. وتأكدي أنك أنتي الكسبانة في النهاية. والله دايم بنات الحمائل والأصول يحترمون أهل أزواجهم. واللي أمها ماتحترم أهل زوجها تصير مثل أمها للأسف. وأعتذر للإطاله. وبالتوفيق أخيتي.
 
عاشقه الاطلال

فديتك ياقلبي


نورتي موضوعي


بنآت خلونآ نفكر بأشياء نقدر نهديهآ للحمآه >> ام الزوج
 
انا رح اقول لك طريقة تعاملي مع أم زوجي وخواته

انا ساكنة في مدينة غير المدينة اللي هم ساكنين فيها وزياراتنا لهم قليلة بسبب دوام زوجي وانشغاله لكن خواته دايم يجوني في بيتي

بالنسبة لأم زوجي فهي للأمانة مرة طيبة وأنا اتصل فيها اسبوعيا اسلم عليها ومااطول تقريبا دقيقتين ومااخبر زوجي اني كلمت أمه بس هي الله يجزاها خير تخبره وتقول الله يعافي زوجتك والله بنت اصول دايم تتصل علي وزوجي مرة مرة مبسووط وكمان كل ماأزورها أعطيها فلوس وأقول هذي كسوة العيد أو والله ياخالتي موب عارفة ايش نفسك فيه وكيف ذوقك فاشتري هديتك على مودك طبعا اللي الفلوس اللي اعطيها تكون من راتبي أنا ما أقول لزوجي عطني رح اعطي أمك وأصلا ما أخبره اني اعطي أمه لكنه يدري لأنها تخبره بكل شي

نيجي لخواته اللي مرة مرة غيرانات مع ان بعضهن متزوجات لأن زوجي يموت فيني ويوضح هالشي عندهن وكمان أمهن دايم تمدحني

أقابلهن بابتسامة وأضيفهن عادي بكل أريحية وسوالف في مواضيع عامة يعني ما أخبرهن عن طلعاتي عن أسواقي الخاصة أذكر دايم تسألني وحدة منهم من وين تشترين لبسك فيكون ردي والله ما لي سوق معين جدتي الله يرحمها كانت تقول لنا مثل ( مدري ترفع قدري )
اذا شفت شي يعجبني اشتريه لأن المسألة مسألة ذوق يعني لو اشتري من باريس أو من منفوحة رح يكون لبسي حلو

واذا جاء وقت النتائج اشتريت هدايا متواضعة لأطفالهن


وبالنسبة لأخت زوجك المراهقة اكسبيها من خلال انك تفتحين مواضيع تناسب هالعمر واعرفي هي ووش تحب واهديها في المناسبات كالأعياد و النجاح فقط

قبل ما أختم أذكر بالثقة في النفس واحترامها كوني محترمة تفرضين احترامك عليهم يعني لا تمونين بزيادة عليهن
 
يازهره انا جنوبيه أكثر وشويا غربيه وزوجي واهله الا أمه شماليين شرقيين والله اني تعبت منهم ومن ولدهم مع اني طيبه كثير معهم بس ابغى اقول لك بعض المواقف الي تحضرني 1_له اخت اكبر بعده على طول حقود ونفس الوقت اعوذببالله حسود ونمامه وا اول ما دخلت عليهم وانا عروس سببت لي مشاكل حتى كرهني ابوها وصار يهزء زوجي على شاني وهن اكثيرات الله يهديهن تزوجت فطلعن بوحده ثانيه ومشاكل غير 2_بعدخيانت زوجي بدل ما يقومن سلوك اخوهن تعاضدن معه ضدي (الله لايحللهن ويذوقهن ما ذقت) 3_وحده منهن لي افضال كثيره عليها كانت عندي وتكلمنا عن وحده وقلت ترى فيها كيت وكيت لان زوجي دائم يمدحها من قرايبهم وقلت ترى حتى انتي قويه ممكن تسوين مثلها فقامت واقفه ونفضت يدها بوجهي وقلت عادمن سنعك انت وفلانه فيها وقيها ليتني مثلها وزوجي جالس ولا تكلم اذا كنت اخطيت على قولتها فهي عند اخوها ما هي مثلي عند زوجها تنسب مع اني طيبه معها مره ولي مواقف معها لكن الطيب ما ينفع مع ها الاشكال خلاص توبه ان لم تكن ذئب اكلتك الذئاب
 
من جد عنوان الموضوع ماراق لي بصراحه ومن دون زعل
اركض ورى رضا زوجي معليش رضينا
لكن ورى خواته واهله
ليه لايكون عمري في يدينهم
لو كان عنوانه كيف تكوني مميزه يكون افضل
اسمحو ي بس:20:
 
تكسبين ودهم بالحب والعطاء والصبر وتكسبين حبه -اقصد زوجك- الدائم لك بكسب قلب والديه وتحصلين على حب والده بالطاعة والاحترام مهما اساؤو لك قابليهم بصبر واستغفري ربك وادعيه ان يحبب فيك خلقه .هذا هو الزواج صبر وتضحية ..وستنجحين بإذن الله فقط لا تردي الاساءة بالاساءة اما باقي العائلة لا تهتمي لهم سيتقبلوك رغما عنهم المهم ان زوجك يحبك ولان اسرته جزء لا يتجزء منه عليك بالعمل جاهدة لتنجحي في مهمتك والله الموفق​
 
موضوعك ياعزيزتي حساس اولا امه على عيني مع انها تحرض دائما زوجي علي بحكم انها ربت ولدها وتعبت عليه ولابد يحدث منها الغيره بالذات اذا كا ولدها الكبير ويناظر رضاهااما ابو الزوج فهو لايتدخل بالامور الدقيقه والمشاكل اهم شي قدريه سويه اكلاته المفضله بمعنى احشميه وبالمناسيات اهديهم بس بالاعيادولا تكثر الهدايا حتى مايخرب طعمهاانا بالنسبه لابو زوجي يحبني وحاطني على راسه اما امه وده تموتني بس ربك مايضيع احد والبنات اهم شي احترميهم ولما تولد وحده منهم اهديهاوسولفي معاهم بس لاترفعينهم فوق خلك عاديه لان البنات عموما هم اللي يحرضون امهاتهم على حريم العيال مهما كانت العلاقه إلا مارحم ربي وزيارتك لهم مره كل اسبوع اواسبوعين حتى ماتكثر المشاكل وما يملو منك والله يوفقك ويسخرهم لك
 
انا ياعزيزتي لو افتح لك اسطوانه ام زوجي وبناتها يوجعك راسك رغم ان ام زوجي تقول لحريم عيالها احب وحده عنده انا والناس اذا ما شافوني يسالون عني مو مديحه لتربيتي بس الحمدلله
انا ماقصرت معاهم بس في النهايه تعبت وسحبت عنهم
انا سويت اللي يرضي ضميري ولا علي من الكلام اللي يقال عني
 
رضى الناس غاااااااايه لاتدرك انتي احسني المعامله واهم شي لايلاقو عليكي شي من قول اوفعل وصفي نيتك وسوي الي بينك وبين الله معهم ولاتحاولي تتلقطي زلالتهم معك راح تتعبين طنشي لانك مهما كنتي راح التلاقي كلام واهم شي امه وابوه احترميهم اذاكنتي تحبين زوجك وشوري عليك لادخلي زوجك بينك وبينهم نصيحه
اسال الله ان يعوضني ويفرج همك اااااااااامين يارب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل