خطيبي يخوني

[الخطيره]

انا مخطوبه واكتشفت ان خطيبي يخوني ويكلم بنات في المسنجرولمن عرف اني شاكه فيه تغيرت اخلاقه معي تكفوون شوفوا لي حل لمشكلتي

 

[قمرالكونFAS]

السلام عليكم
انتي الان مخطوبه اجلسي معه وتكلمي بالموضوع
مدامك ع البر--

ربنا يوفق

 

[وردة الطائف]

الي كذا اولة ينعاف تالية تاكدى قبل كل شى لاان الخيانة تمشي في دمة واللة يوفقك شكرا

 

[خياليه]

طيب دامك عرفتي ناه يخون وانتوا توكم خاطبين

وش بتسوين لو عرفتي انه يخونك وانتوا خلاص يعني بعد العرس ؟؟


لو انا منك بخليه لان مسلسل الخيانه متواصل

 

[ق و ت]

استخيري ربك
والله يدبرك على الصالح
بس رايي اتركيه الا اذا تاب

 

[مزونة]

الله يعينك حبيبتي بس انت متاكدة انه يخون

 

[الورده الشرقيه]

خطيبك يبغاله درس قاسي يعلمه الادب ودامكم على البر حاولي تتفاهمين معاه
اوتنفصلين عنه وكلام البنات عين العقل والله راح تكون حياتك مسلسل خيانه من اولها لتاليها
والله يوفقك

 

[مزاجي صعب]

حبيبتي 0000000انا بيكون كلامي عكس كلام خواتي 00 فكري بعقلج قبل قلبج حبيبتي الرجال كلهم يخونون والخيانه تسري بدمهم فهمتي علي 00000 حبيبتي انا اكبر دليل عندج زوجي يحبني ولايزعلني بشي وكنت واثقه فيه وايد واكتشفت انه يخوني 00000 انصدمت وايد تمنين الارض تنشق وتبلعني ولا اني اكتشف خيانته 00000 الخيانه صعبه وايد وتعور قلبج وايد بس فكرت بعقلي صار لي ست شهور وانا افكر ايد تخيلي جاتني حاله نفسيه من كثر مافكر 000وفي الاخير اخذت قراري 000 والصراحه قراري جاء من اراء الناس اللي حولي ومن راي استشاريه 000 وقراري كان اني ماعاد اهتم في هذا الموضوع حتي لو كشفته مره ثانيه ماقول شي تدرون ليش ؟؟ لان الرجال يحب غيرت زوجته 000 ونصيحه مني من اختج المجربه لاتبينين غيرتج ابدا عشان مايتزايد بالمغازل 00 انا وم كنت ابين غيرتي كان يستانس وايد 000 وصدقيني راح تندمين اهتمي في نفسج وعطيه كل حقوقه ولا تغارين عليه حتى لو غرتي لاتبينين صدقيني راح يركض وراج 000 بس اذا تبين تبينين له انج زعلانه قولي له انا ماحب الرجال المغازلجي ويطيح من عيني 0000بس بيني له فهمتي علي 000 وفكري في كلامي وايد واستشيري اللي حولج نصيحه (الزوج مايحب المراءه الممله)واسفه اذا طولت عليج ياقلبي 00000 واذا بغيتي اي استفسار او استشاره راسليني على الخاص

 

[أحلى فراشه]

الله يعينك ويهديه بس

 

[مزاجي صعب]

حبيبتي لقيتي لج حل 00000 الصراحه اراء خواتي ماعجبتني
شنو مسلسل الخيانه 00000
اصلا هذي غريزه بكل رجل 0000

 

[مزاجي صعب]

حبيبتي لقيتي لج حل 00000 الصراحه اراء خواتي ماعجبتني
اصلا هذي غريزه بكل رجل 0000

لاتخلونها ياخواتي تتاخذ قرار الانفصال 0000
حبيبتي اذا العيب اللي فيه المغازله 0000 عاادي لانج راح تغيرينه بعد الزواج 0000
مثل ماقلت لج فكري بعقلج قبل قلبج

 

[ذكريات الطفوله]

والله ماادري وش اقول لك يمكن طيش شباب واذا تزوجتو
بتملين عينه وقلبه ويعقل
ويمكن مثل ماقالو الاخوات مسلسل الخيانه بيستمر وهذي غريزه عند كل رجل
بس الاكيد انه ماندم من استخاااااااااار
استخيري وحاولي تقوين علاقته بربه لو تزوجتيه
الله يهديه لنفسه ويجمع بينكم بالخير

 

[love4life]

يا أختي انه يكلم البنات عالمسنجر مش شرط يعني يغازل .. يمكن دراسة يمكن منتدى يمكن ويمكن ..

أنا أخوي عنده بنات كل وحده أحلى من الثانية (ما قلنا له) عالمسنجر بس هن مجرد يدرسون معاه بالغربة بالجامعه وأخوي أشرف منه مافي (صدقوني مش سالفة القرد في عين امه غزال) .. الحمدلله ماشاء الله.. ونيته بيضا وصافيه وبالفعل مثل أخواته

وأعرف وحده ادارية في منتدى وتكلم صاحب الموقع عالمسنجر واتعرف اسمه الحقيقي بس والله ما تتعدى حواراتهم مواضيع إدارة المنتدى


اتأكدي شو يسوي (مو تسأليه) أقري محاوراته (في طريقة سهله) .. بدون ما يدري .. ومرات اسأليه (اذا هو فتح الموضوع) وش اتقول فلانه (بدون ما تبيني له انك غيرانه)

اذا مخطوبين فقط (بدون عقد قران) الحمدلله الدنيا بخير .. وبعد اذا عاقدين لساتك عالبر .. لكن بعد الزواج صعب (خاصة اذا صار في أولاد) ..

اذا يخون ويغازل .. اسمحي لي .. لو استمريتي (وما أنصحك بالانفصال لهالسبب التافه) فالمرأة قادرة على تأديب زوجها وتغييره (بطريقه غير مباشرة) .. لكن اذا المرأة العادية تراقب زوجها (من بعيد ) بمعدل 100% انتي لااااااازم تفتحيم عيونك وتخليكي 987685865865 % بالمي لأن بيكون عنده قابلية .... والله يسعدك ويهنيكي


ومنو من الشباب ما غازل ولا ناظر .. ما بصدق لو حلفتولي بأي شي .. حتى لو بالنظر ..


فلا تفكري بالانفصال لهالسبب .. وامسك مجنونك لا يجيك اللي أجن منه

 

[(مها)]

أضم صوتي للي يقول مافيه رجال ماكلم حريم قبل لايتزوج!!!
مسنجرات ومنتديات و توصل للتليفونات بعد !!
طيش شباب وان شاء الله تقدرين تصلحينه ,,,
اهم شي لايكون مغازلجي يطلع مع البنات والباقي يهون ان شاء الله
انتي حاسبيه الحين وقولي له لايعيدها وخليه يفك المسنجر ويحذف كل البنات اللي عنده
طبعا تقولي له بالسياسه مش بصراخ ويالله احذف !!!
قولي له اغار عليك وبيني له تأثرك بالموضوع بيني الحزن وابكي معاه وتنحل ان شاء الله
موفقيــــــــــن

 

[انا حياته]

 

[om alreem]

انا برايي اختي دامك على البر انك تتركيه!!لان اللي اعرفو ان الخاطب يكون مهووس بخطيبتو بسوهو اذا من الحين متعلق بغيرك فكيف بعد الزواج ؟؟ومعناها انو ما يخاف الله تعالى ومن ترك شيئا لله عوضه الله خير منه ويا اخواتي مو صحيح ان كل الرجال يخونو ،،لان الرجال اللي يراقب الله تعالى مستحيل يفكر بالحرام،،الله يبعد عننا كل حرامالله يسخرلك الخير اختي

 

[دلـــوعـــة]

السلام عليكم

اختي مالج الا الاستخاااااااااااااااره ,, وبإذن الله بتوصلي للقرار الصائب

 

[دمعه حزن]

اعانك الله على ما اصابك وما ابتلاك ...​

 

[غلا جابر]

اختي الخطيره
أعانك الله على ما ابتلاك ... خيانه أثناء الخطوبه أمر صعب تونا في بداية المطاف

والحمدلله اكتشفتي هذا الشي لأن الله يحبك ولازم تحسنين التصرف

عليك بصلاة الإستخاره وبعدها المصارحه التامه الهادفه بدون تجريح او استفزاز

انا أقدر ان صعب عليج تتمالكين اعصابج لكن صدقيني عمر الاعصاب ما حلت المشاكل

انت تحتاجين صراحته وهو بحاجه الى اعادة ثقتك به من جديد
حاولي وكوني انت الرابحه بقلبه

والله الله يوفقج ويسعدج

سأتواصل ووافينا بلأخبار الطيبه

تحياتي

غلا جابر​

 

[daydream]

أنا رايي من راي البنات استخيري والله يكتب لك اللي فيه الخير