خطيبي..يخونني,,:(

[ريماس الرياض]

بسم الله الرحمن الرحيم..

السلام عليكم ورحمة الله وبركاته..

بنااااات..مستشارات أنقذوني..:8::8:

وربي أنا بورطة ما يعرف فيها إلا اللي خلقني..

أدري أنكم ما راح تقصرون..

أنا إنخطبت وتملكت وأختي قالت لي أدخل المنتدى علشان أعرف أتعامل مع زوجي بعدين..

وسمعت كلامها ودخلت وعرفت بوصلة الشخصية..و عرفت أشياء أفادتني كثير..والشكر موصول لكل اللي بالمنتدى..الله يعطيكم العافية..

المهم أنا مالي أي نوع من الإتصال مع خطيبي..حتى وجهي ما يعرفه طيب..:32:

بطريقة ما..

وصلني إيميله..طبعا..الفضول قادني أني أضيفه..:39:

و تكلمت معه..طبعا لاحظوا هو ما يدري أني خطيبته وزوجته..

بصراحة كلامه ما عجبني..أبدا..:8:

قاط وجهه على البنات..المهم دخلت بروفايله وقريت أشياء إنصدمت منها..

أنا تندمت على الساعة اللي أضفته فيها..

بس لما فكرت ممكن خيرة لي..:33:

علشان أعرف أنا على إيش داخلة..

مو عارفة إذا عادي أحط مشكلتي هنا أو لا..!!

بس وربي بموت من الحرة اللي فيني..

مو عارفة أقول لأحد أو لا..؟؟:21:

أحس أني بنفجر..

الله يعطيكم العافية قولوا لي إيش أزين..؟؟؟:33:

زواجي خلال السنة اللي بتجي..

أقول لأختي..على الأقل أحد يصير معي؟؟

أو أسكت وألعن خامسه بعدين..؟؟



أنتظركم..

​

 

[كنوزالارض]

استخيري

 

[ريماس الرياض]

يا ربي..تدرين اللي فكرت فيه أني مستخيرة كم مرة قبل لا أوافق عليه..
وإرتحت الحمدلله..
بس لما أفكر..أنا بنت عمري 20 سنة حرام أضيع عمري مع واحد إنكشفت أوراقه بقدرة الله قدامي..


مشكورة حبيبتي..​

 

[ام غلاوي2]

طيب هو مسكين لا يكلمك ولا يشوفك معذور والرجال مايستغنى عن شي اسمه انثى ويمكن هو بس يلعب حاسبيه بعد الزواج اذا استمر على هذا الحال

 

[ريماس الرياض]

أم غلاوي..إيش أعذره..وربي لو أنك شايفة اللي شفته ما قلتي هالكلام..

مشكورة حبيبتي..​

 

[مملكة الصبر]

اختي اللة يعينك انا من رايي استخيري مرة ثانية وكانك ارتاحتي هذا نصيبك او كلمي امك هي اقرب الناس لك وخبريه بالموضوع وشوفي رايها وانتي تقولين عمرك عشرين يعني صغيرة والطريق قدامك طويل يعوضك ربي

 

[ريماس الرياض]

مملكة الصبر..الله بعطيك العافية..
إن شاء الله أستخير..وربي أحس كل اللي صار حلم..
أحس صعبة أقول لأمي..ما أدري أخاف أتزوجه وأندم أني فضحته عند أحد..
ادري أني تصرفي تصرف بزر بس مش عارفة إيش أعمل؟؟​

 

[jwairya]

حبيبتي طيب هو ليه مش بيشوفك ؟
مش انتوا عاقدين ؟

رغم انو سؤال يبان انو بعيد عن الموقف
لكن بالنسبالي هو صميم الموضوع؟

 

[وينك ياكلمة لا]

طيب غاليتي اولا احس ان من كلامك انك لما اضفتي زوجك تتوقعتي تشوفي اشياء كثيره صح اقولك المسامح كريم بعد زواج راح يفتح صفحه جديده معاك والله الرجال كلهم عندهم سوابق وانت بعدك صغيره لاتستعجلين في قراراتك وحذفي ايميله من عندك وريحي راسك وبعد الزواج لاحقه تتعرفين عليه لا تدورين ع الماضي ولاتنبشين وراه وانتي مملكه ليه على الاقل تكلمينه على الاقل تتعرفون على بعض ويتعلق فيك واعرف بنات كثير لاشافوا ولا كلموهم بعد الزواج مبسوطين الله يسعدك ويوفقك ويسهل لك موضوع زواجك يالغلا

 

[ندى الريحان]

وااااااااااااااااصح ان نفسك طابت خلاااااااااااااااااص
احسن شي اذا كان زوجك واكيد ما يدري العبي لعبتك صح يعني وهو يتكلم معك قولي له من فلان بن فلان
ومتزوج بنت فلان لا تجيبي اسمك عشان ما يفكر انك متعرفة على شباب
بس اهم شي لو تم زواجك تغيري ايميلك عشان ما يكتشف انه انتي
او من الحين العبي معاه بإيميل ثاني وتكلمي معاه على اساس انك تعرفي اهل زوجته وانك مستغربه منه كيف يكلم وهو خاااااااطب وشوفي ردة فعلة
بس بجد استخيري واذا نفسك عافته هذي ارادة الله والحمدلله انك لسه على البر وخبري احد من اخوانك عاقل وثقة يعني ما يدري احد من وين جاب المعلومات ..
الله يدلك لما فيه الخير يااااااارب ...

 

[أم رهف 6]

من بدايتها كذا الله يعينك
اسمحيلي ريماس المفروض ماسويتي هذا الشي لانك الآن أنتي اللي تتعذبين بسبب فضولك
انصحك انك تعتبرينه ماضي لخطيبك لأنك الى الان مادخلتي حياته صح حتى مكالمات لك معه مافيه
بعدين افرضي هو عمل معك كذا وأنتي شبكتي معه وماتدرين أنه خطيبك كيف بتكون ردت فعلك
عزيزتي خلي حياتك بدايتها فرح وحب ومستقبل حلو بكل المعاني مش بالتجسس والمراقبه من البدايه

 

[كانت حياتي حلوة]

ترى عادي يا قلبي كل الشباب كذا حتى المستقيمين والطيبين ..
النت مو حكم .. النت مو صورة حقيقية للشخص ...
انا اعرف ناس في غاية الادب والخلق ولكن في النت تستغربينهم وكأنك ما تعرفينهم ...
انتي اهم شئ شوفي الحقيقة اللي الناس كلهم يشوفونها .. ابوك واخوانك واهلك .. اذا قالوا يصلي وطيب وابن حلال خلاص النت مو مقياس عشان تقولين انه مو طيب ..

 

[الزين خذته]

حبيبتي انتي اللي تقرري
انتي اللي شفتي والموضوع يخصك
ويحتاج منك وقفه صارمه وقويه
بقولك
انا جاني خبر بس خبر له علاقات نسائيه بحكم العمل
تحريت من الموضوع وشغلت استخباراتي
والحمدالله من فضل ربي سبحانه عرفت وتثبت بنفسي من الموضوع
ورفضته لأنه بأختصار مايسوى بنت شريفه وعفيفه

اقولك الرجل اذا تعود على علاقات نسائيه نادر يتركها
الا من هدى الله

انتي تحري اذا تعرفي حد في الاتصالات الجوال
خليه يجيب لك برنت مكالمات حتى تتيقني مزبوط الموضوع
هو نت ولا اكبر من كذا
حبيبتي انتي
مازلت في بر الامان والادرى بمصلحتك
الله يوفقك وييسر لك كل خير ويصرف عنك كل شر

اذكرك لا تتركي هذا الدعاء اللهم اعطيني خيره واكفني شره
ويسر الخير حيث كان وكيفما شئت​

 

[بنت الأسلام 333]

الله يفرج همك ويسدد خطاكي وأكثري من الدعاء وأسألي الله ان يسدد خطاكي ويكتبلك الخيروالله ماعندي الى هذي النصيحة لك

 

[ريماس الرياض]

jwairya
شوفي هو إنسان غريييب..
ما تعرفين تصرفاته..
إلى الأن ما شافني..ما أدري ليه..
هو ما طلب..
وصعبة أنا أطلب..​

 

[ريماس الرياض]

وينك يا كلمة لا..
تدرين أنا لما اضفته كنت متوقعة أشوف أشياء عادية..بس اللي شفته خلاني أعيفه..

مشكورة على النصيحة..​

 

[ريماس الرياض]

ندى الريحان..قولي أمين الله يسعدك..

أقولك زينت إيميل بس علشان أضيفه..
والله حمستيني..أكمل..
الله يعين بس..
بس تعرفين أنا إلى الأن مو مستوعبة كل السالفة..فلما أقول أتركه..أحس مستحيل..
لأني خلاص عشت الفترة اللي فاتت أنو هو زوجي اللي بعيش معاه..​

 

[القمر الخجول]

أووووووه ياكثر المتزوجين إلا يخوننونهم أزواجهم وهم في حضونهم
كيف إلا بعيدين عنهم لا شافوهم ولا كلموهم !!!!!!!!!!!!!!!!!
إنتي وقناعتك وشورة عقلك وقلبك
لكن إنتي ماعاشرتيه وعرفتيه هل يتفرط فيه بهالسهوولة ولا الأولى تتصبرين أكثر عليه
أصبري أكثر وشوفي بعدين وقرري
وبالنسبة للنت حدث ولا حرج صغار وكبار حريم ورجال
ملتزمين أو منحرفين

إلا من هدى الله

 

[ريماس الرياض]

أم رهف..شفتي كيف..!!
ما تصير أنه يشبك معي..لأني مو النوع هذا أبدا..
والله ودي تبدأ حياتي سعادة..

بس أخاف أندم إذا ما ترك سوالفه وأنا عارفة من البداية..مو..؟؟​

 

[عبرات مكتوبه]

شوفي لازم اتيلسي ويها وتتفهمين عشاااان اتعرفيني ليش هو جي
واتقوووولين حقه لازم اعرف كل شي قبل ما نتزوج لانه بعدين ما اريد اندم واذا كنت تكذب علي
عمرك ما بتشوووف يووم حلو مني

تحيااتي لج