خطيبي والبنات وانا اول وحده اعرف باخر تطوراته..!!

[شيخه الحريم]

السلام عليكم ورحمه الله وبركاته ..


تاريخ الميلاد ؟
1991
مكان الميلاد ؟
العين
الحاله " مخطوبه – مطلقه – عازبه " ؟
مخطوبة
الدرجه العلميه ؟
ثانوية
درجة الإلتزام بالدين ؟
جيدة
هل انتي مداومه على الصلاة في وقتها ؟
نعم ولله الحمد
المستوى المادي للأسره ؟
ممتاز ولله الحمد
الترتيب بين افراد الأسره ؟
5
عدد الأخوه والأخوات ؟
8اولاد و6بنات
علاقة الوالدين ببعضهم ؟
ممتازة
علاقة صاحبة المشكله ببقية الأسره ؟
ممتازة
هل يوجد زوج ام و زوجة اب ؟
زوجتين لابي غير امي
علاقتك مع زملاء المدرسه / العمل ؟
جيدة
هل تعاني من امراض عضويه او نفسيه ؟
جيدة
الحاله النفسيـه حاليا ً عند كتابة الإستشاره ؟
مشتته..
مدة المشكله منذ بدايتها حتى الآن ؟
منذ فترة ليست بقصير
نقاط ضعفك ؟
خطيبي وعصبيتي
نقاط قــوتك ؟
ثقتي بنفسي..



ما عرف ياخواتي من وين ابداء ..

انا مخطوبه لولد عمي الي اكبر عني ب 3 سنوات نحب بعض من نحن وصغار والكل يعرف ب هالشي والحمد لله انخطبنا قريب لبعض خطبه اهليه يعني مشكلتي ان خطيبي يكلم بنات ب الفون وع المسن بعد وبحكم علاقتنا ويا بعض نحن متعودين ان محد يخبي ع الثاني شي مهما كان غلطان لازم الطرف الثاني يعرف ب هالشي وكان يقولي انه يكلم فلانه طبعا اعصب عليه يقولي لا تستهبلين انتي تعرفين انتي الوحيدة الي ف قلبي وهذول حق مظيعه وقت وتسليه اقوله حتى ولو انا انسانه ولي حقوقي ومن حقي انك تكون ملكي لوحدي كذا مرة ازعل منه علشان يترك هالبنات ومرة قررت اني افسخ الخطوبة مع اني اموت عليه وهو بعد بس تعبت وانا اشوفه يكلم فلانه وعلانه وكل هذا وانا ادري يقول ماقدر اخبي عليج شي ولا انه ما دخل امه واخواتي فالموضوع كان فسخت الخطوبه ..كذا مرة يوعدني انه يتركهن بس فجاءة القاهـ يصارحني ويطلب مني اني ما ازعل ويتاسف ..
مادري شو اسوي وياه بجد تعبت من هالعيشه ..
ولو الموضوع يرد لي لو يلست ويا عيال خالاتي مستحيل يسكر الفوون يتم يتكلم ويااي طوول الوقت يقولي انا اغار يوم تيلسين ويا عيال خالاتج لان كلهم يحبونج ويبون يتزوجونج وانا ما بيج تيلسين وياهم عشان ما اسبب مشاكل وما اعصي كلامه اتجنب اني ايلس ويا عيال خالاتي ..
يقولي اذا ملجناا والله بترك البنات وبمسحهن من بالي يعني لين متى تبيني اكلم بنات هي فترة وبتركهن ماعرف بيووفي بوعده ولا بيكون مثل الوعود الي فاتت!!!!!

ابي نصيحه منكن بلييز ..><

 

[قلب وافي]

هلابك شيخة الحريم وعساك تصيرين شيخة قلبه وتحكمينه مضبوط

لا تستهبلين انتي تعرفين انتي الوحيدة الي ف قلبي وهذول حق مظيعه وقت وتسليه اقوله حتى ولو انا انسانه ولي حقوقي ومن حقي انك تكون ملكي لوحدي كذا مرة ازعل منه علشان يترك هالبنات ومرة قررت اني افسخ الخطوبة مع اني اموت عليه وهو بعد

مدري مين اللي يستهبل على الثاني مع احترامي ..يعرف ان هذالعب وغلط وبعدها يقول لك ان تزوجت بترك هالاشياء

وين الأحترام اللي بينكم ؟ قولي له اذا تحبني فعلآ تبتعد عن أي مصدر يهز ثقتنا ويدمر علاقتنا الحب وحده مايكفي

لازم تضحيه وصدق واحترام وتفاهم وضحي له هالشيء وخلك حازمه معه واوعي تتكلمين بعاطفتك بس عطيه كلام

جامد محترم وخلك حازمه بمواقفك ولاتتنازلين عن حقك .


ترا هذا من أتباع خطوات الشيطان يعني لايامن نفسه مايطيح بيد وحده معهم ويخرب اللي بينكم ذكريه بالله

وياحبيبتي لايضعفك الحب استغليه لصالحك.

يحبك يحترمك ,يحبك يحترم الي بينكم, هذا زواج يانخسر يانربح

وكل واحد يتحمل الثاني ويسعى لأرضائه الزواج مو من طرف واحد ..هذا من اولها ومتعبك


تعرفين يختي بعض الرجال يسمحون لأنفسهم بفعل الغلط والمغازل ويقول لحرمته عادي مجرد لعب وانتي الكل فـ الكل

تصوري انحطاط شبابنا وتفكير عقولهم لقد ايش وووصل .......فلاتستغربي من خطيبك هالكلام الله يهديه


سبحانه الواحد ان صاره اللي يبي ابتلى فيه ....


مختصر كلامي قوي قلبك وخلك حازمه معه بعيدآآآ عن العاطفه وشدي وارخي قليلآ معهـ ولاتتهاونين بحقوقك ومشاعرك .


الله يقويك ويفرجها عليك ماورا هالشوارب الا البلاوي

 

[شيخه الحريم]

والله كلامج صحيح 100بالميه

وياااما كنت حازمة معااه واقووله يا ابيض يا اسوود اما اني اعيش ف خيانه انا اسفة ما ارضى ب هالشي ويحلف ويتحلف انها اخر مرة والي يضعفني يوم اشوف دموعه لاني افكر اتركه والله احبه بس مب قادرة اتاقلم ويا عيشته وان شاء الله بحسم الموضووع قريب وبحاول اكووون اقووى من كل مرررة انا طبعي قوويه بس اقوى واقوى اخر شيي انهاار والدكتور ما نعني من الاشياء الي تضاقيني لانه جاني قبل فترة انهيار عصبي منه بس ما خليت حد يقووله انه هوو السبب والله تعبت من هالانسان ><

الله يعييني

 

[غرام انسانه]

لاحبيبتي انتي غلطانه
لما يقولك انتي تدرين لاتبينين ان صح عليه تدرين وفتره وبعدها تقولين بينتهي الموضوع؟؟
طيب فرضا تعود على هالشي ولاقدر يتركه حتى لو تزوجتو بيقولك انتي من قبل الزواااج تدرين <<ممكن يقولها ليه لا
الي وقت الخطبه يقولك كذا ووقت الخطبه اصلا ولاالملكه الزوج يطلع كللللللل شي زين حق خطيبته

كلميه وفهمييييييييه ان انتي ماتقدرين تشوفنه يسوي كذا وانتي تجلسين على امل بعد الزوااج يتغير
قولي من الحين انا ولا البنات الي تكلمهم...

لأن والله ابدا موووعذر انه يكلم بنات ويقول اضيع وقتي
يقدر يضيع وقته في ايييييي شي
يدخل نادي
يسجل في معاهد
اي شي

بس لاتسمحين له ان يخليك تشوفين الامر عادي
عشان بعد الزواج مايتمادى قولي له انت تحبني ابعد عن الشي الي يضاقني
ولااتوقع انه طلب صعب بما انه يحبك....الي يحب مستعد يضحي بحياااته عشان الي يحبها
ماراح يقدر يترك البنات والمكالمات...؟
طيب فرضا لاسمح الله تعلق في وحده من الي يكلمهم ...؟ ترا الشيطان شاااااااااااطر ولامات...

لالا انتبهي ياعمري والله انتبهي..
وحددي وضعكم..

والله يوفقك يارب ويسخره لك ولايشوف غيرك...

 

[الـهـجـيـر]

وبحكم علاقتنا ويا بعض نحن متعودين ان محد يخبي ع الثاني شي

!!!!!!!!!!!

يعني تتكلمين معه..؟؟؟!!
يوووووووهـ استغرب من الجرأه
حتى لو صآآر خطيبتس هو مايحل لتس حرآآآآآآآآآآمـ بنات
ولد عمتس مثل الأجنبي يحرم عليتس
أنتِ وش يضمن لتس أنتس بتتزوجينه..؟

عشان ما اسبب مشاكل وما اعصي كلامه اتجنب اني ايلس ويا عيال خالاتي ..

ياليتك قلتي عشآن ماأعصي ربي..
حرآآآآم ياشيخة..وقسم حرآآم


نصيحتي انتس تتركينه ماتكلمينه
ولا تجلسين معه تغطططططططططططي عنه

-أول شيء انتس ترضين ربتس
-ثاني شيء تكبرين بعينه (أنتس عفيفه)

صدقين اذا صآآرت علاقتكم ترضي الله ..
بإذن الله يوفقتس

 

[ميمو الشمري]

إذا كنتِ ماتبين تفسخين الخطوبة عليك بالإستغفار وقيام الليل والدعاء
فإن الله إذا اشتاق لصوت عبده ابتلاه لكي يسمعه ...

 

[صمت الحنينـ]

انتي من جدك؟
عادي عندك يكلم غيرك
ماتعرفي تقولي له ياتبطل تكلم بنات ياتنساني واكون لغيررك

صدقيني هذا مايحبك
لو يحبك كان ماكلم غيرك
ولا انتي ماتكفين؟؟؟

انتي الخسرانه بعد الزواج ع فكرره
وحتتذكري كلامي

 

[nanita_nanita]

اختي شيخة الحريم ،
مقدره موقفك ، و حاسه فيكي ، بس لازم تكوني قوية و حازمه مع نفسك قبل ما تكوني حازمه معه
خيريه بينك و بين البنات اللي يعرفهم ، مو من المنطقي انك تسكتي على هالشي
اي انسان طبيعي ما راح يقبل هالاهانه على نفسه
اعذريني اختي على هالكلام اللي بقوله ، هذي مو صراحه ابدا ، هذي وقااااحه منه و اعتذر مره اخرى على الكلمه
اساس كل علاقة زواج ناجحه هو الاحترام
اذا سكتي الحين و قبلتي الوضع ، اكييييد بيستسهل كل شي بعد الزواج
و يقول خلاص اعمل اللي بدي ياه و بالاخر اعتذر لها و هي اكيد بتسامحني و تنسى لانها تحبني
و لو اعترضتي بعد الزواج ، بيقول لك انا كنت هيك قبل الزواج و انتي عارفه هالشي ، يعني ما حدا ضربك ع ايدك ، و كلام زي هيك
اختي كلنا بدنا مصلحتك ، اعملي بنصيحة الاخوات
حطي حد لهالمهزلة ،، اذا ما فرضتي احترامك من الحين عمرك ما راح تخليه يحترمك
عوديه على احترامك ،
كلميه في الموضوع ، بس مو بعواطفك ـ، انسي العواطف ساعتها ، خليكي عقلانيه اكثر

أسأل الله ان يفرجها عليك و يهدي خطيبك
الله يسعدك و يوفقك ياارب

 

[شيخه الحريم]

!!!!!!!!!!!

يعني تتكلمين معه..؟؟؟!!
يوووووووهـ استغرب من الجرأه
حتى لو صآآر خطيبتس هو مايحل لتس حرآآآآآآآآآآمـ بنات
ولد عمتس مثل الأجنبي يحرم عليتس
أنتِ وش يضمن لتس أنتس بتتزوجينه..؟

اممممممممممممم للااسف هذي من عاداتنا نحن بدو وما نتغطي من عيال عمامنا ولا عيال خالاتنا >< عادات اكل الدهر عليها وشرب بس ما نقدر نقول شي ...

 

[شيخه الحريم]

ان شاء الله راح احسم الامر بس مو ب هالوقت لانه العايلة تمر بوضع ما يتحمل اي مشاكل زياده ...

ان شاء الله اذا انحلت المشاكل الي عندنا راح افاتحه فالموضووع ..

 

[قلب وافي]

والدكتور ما نعني من الاشياء الي تضاقيني لانه جاني قبل فترة انهيار عصبي منه بس ما خليت حد يقووله انه هوو السبب والله تعبت من هالانسان ><

الله يعييني

لاحول ولاقوة الابالله اصدق غير مستغرب عليهم هالرجال اللي همهم انفسهم ولايقدرون

فيه دراسه اثبتت ان معظم الأمراض النفسيه لنساء من الرجال فياختي الله يبرد على قلوبنا ونقابلهم بالمثل

ماخذين حياتهم طول وعرض وجميع الجهات وحنا ماكلين تبن بسببهم والله مايسوى

الله يقويك يارب ولاتخذلين نفسك وتكونين الطرف الأقوى بحق وانا وياك ..طمنينا عليك متى مااستتب الأمر

ربي يفرجها عليك ويريح قلبك دوووووم ..

 

[الـهـجـيـر]

اممممممممممممم للااسف هذي من عاداتنا نحن بدو وما نتغطي من عيال عمامنا ولا عيال خالاتنا >< عادات اكل الدهر عليها وشرب بس ما نقدر نقول شي ...

بـــــــــدو بس مسلمين .. مسلمين .. مسلمين

ماأدري إذا كــان في حكم شرعي نازل بخصوص البدو...!
إنه يحل لهم الخلوه..والسفور..!!!!!



وأنتِ فطرتك مسلمه قبل ماتطلعين على حياة البداوه..

أستغرب مافيه أحد عقب على كلآمك ذا...!
الله يهديكِـ..

 

[اميره بحضوري]

الله يكون في عونك وييسر امرك بخصوص الحجاب اتوقع مايضر لو تنزلين غطاء على وجهك عن الغرباء عنك
حتى لو كانوا عيال خالتك وعمتك على قولتك مايعتبرون محارم لك ولايجوز تكشفين وجهك لهم او لغيرهم
الا لمن احل الله ...الله يريح قلبك وانصحك باالاستخااااااااااااااااااره هي الي بتدلك لطريق الصواب الله يريح قلبك ويوفقك بدنياك ودينك وينولك مرادك يااارب موفقـــــــــــــــــــــ ه,,

 

[ورده على الشاطئ]

اللله يكون بعونك حبيبتي

 

[Butterfly~]

شوفي قلبو
لساتك صغيرة
ليه تتحملي كل هالشغلات بدري؟؟
بعدين كلامك معاه حرام لانكم للحين مو مملكين على بعض
وشغلة ثانية ترى ابو طبيع ما ييوز من طبعه
يعني اذا يكلم بنات الحين بيتم يكلمهم حتى لوتزوجتوا

ملاحظة: البدو مسلمين حبيبتي ومفروض تتغطين مو بس نمشي مع العادات ونقلد تقليد اعمى
رضى الله اهم من كل شي

موفقة​