خطيبي ماسمع كلامي ابد :(

فتاه بريئه

فتاه بريئه

New member
إنضم
2010/12/31
المشاركات
376
السلام عليكم ...

بأختصار عندي مشكله اهي يمكن بالنسبه لكم صغيرهـ

بس انا كثير افكر فيها.. السالفه ومافيها انو خطيبي

مايسمع كلامي مع انه يحبني وانا اكيد احبه وعلاقتي

فيه والحمدلله حــلوهـ.. بس كلامي ماسمعه

مثلا زواجتا الحين قرب في اشياء لازم يستشيرني

فيها اوكي في البدايه يسئلني يقولي وش رايك

اسوي كذا اقوله ايه يقول لا انا مايعجبني

ماراح اسوي ... واذا راح بيتهم تسولف

معه اخته .. اسم مقربه له واهو بعظمة

لسانه قالي هذي اختي نفس خواتي الباقي

طبعا اهي متزوجه واشوفها تدق عليه

تعال ابغى اسولف وياك وتعال بروحك

تلمح يعني لاتجيبها معك :*.*:

المهم نرجع لسالفتنا راح البيت وقالت

له على الشيئ الي انا ابيه والا يبونه

اهي وباقي خواته وتوه من شوي داق

علي تغيرت فكرته من ناحية الموضوع

قلت له البارح اقولك تقول لا والحين

تغير كلامك خلاص لاتشاورني في شي

اذا بغيت شي اسئلهم وسو الي يبون

سكت وبعدين قال انشاء الله بسوي

الي يبون شوي وقال مع السلامه

وربي بعد ماسكر طاحت دمعتي حسيت

روحي ولا شي بالنسبه له وطبعا مو اول مره

يصير هاالشي ربي يعطيكم العافيه عطوني حل

كيف اثبت وجودي عنده مع اني والله مهمه بالنسبه له

بس اهله لهم تأثير عليه وربي عاادي وبلعكس

اقوله اشتر لهم وسو لهم هذول اهلك مالهم غيرك

بس يبديهم علي وانا الاساس هذا زواجنا انا وياه

مو زواج خواته اوكي لهم الحق يفرحون لانه اخوهم

بس انا بعد لي رايي الخاص والمفروض يحترمه لو شوي

بليز ساعدوني :( اختكم فتاه:(
 
الصراحة معك حق حتى ماسمح نفسك وهو يكلمك لما قلتي له خذ رايهم وسو الي يبون المفروض يراعي مشاعرك ويقولك كلمة طيبة
الصراحة انت ماغلطت اثقلي اذا ماجربت غلاك الحين متى بتشوفينه لاتكلميه خليه لما يتصل بك
أنا زوجي كذا اول زواجي اقوله نجي نروح لا لا بس اذا قالت امه يمشي الكلام
زعلت وقلت له قعد يصارخ ويقول هذي امي
قلت له امك على عيني لو ماتبر فيها أنا أول من يقف بوجهك
بس أنا مالي قيمة عندك ماني شريكة حياتك.. شوي شوي بدا يتعدل
 
مشكوره حبيبتي تلميذه

الحمدلله في احد حس فيني

واكيد ماراح ادق عليه الا

لما يدق علي ويعطيك العافيه

:)

 
انا في البداية كان كذا
بس حبه حبه وصار يسمع كلامي دحين..

اولا هو اللحين عايش مع اهله .. وولاؤه لهم.. وفضلهم عليه..وكمان يمكن يخجل منهم.. ويمكن علشان لايقولوا زوجته مشيته..

لكن بعد مايتزوج ويكون ببيت مستقل يتغير كثير ويسهل عليك التعامل معه..
اهم شي:
الاسلوب الحلو.. الثقل.. الاصرار وعدم التنازل بدلللللللللع ونعومه وابتسامه.. عدم ذكر أهله الابكل خير..

وبالتوفيق ياعروسه.
 
يعطيك العافيه اختي ( دانتيلا)

وانا دائما مااتكلم على اهله

الا بالزين .....

بس والله اتضايق اذا شاورني

ولا سمع كلامي .. واظن كلامك صحيح

انه مايبيهم يقولو زوجته امشيته وانا بصبر

وانشاء الله بعد الزواج يتغير ومشكورهـ على

ردك الحلو *_*
 
انتبهي تقولي ليه اي شي عنهم لايحس انك تنقهرين منهم تعرفي الرجال كيف تفكيرهم على طول يفكر انك تكرهيهم وتبغين تبعدينه عنهم
اذا طلبتي شي من وقتها اصري عليه بدلع لين يوافق اذا اخذتي منه كلمه مرح يقدر يغيرها واذا قلتي له شي ورفضه ورجع وافق وحسيتي انهم هم اقنعوه ارفضيه نهائي
اللله يعينك رح تتعبي لين يتعدل
​
 
/


آنتي فكري معي آشوي
شخص عآيش مع آخوآته كل آلعمر ويعرفهم ويعرف ذوقهم عز المعرفه
وآنتي مآعرفك الا فترة الخطوبه كيف تبيه يتآقلم معك بهالسرعه ؟
الشغله عزيزتي تعووود
آنآ عانيت مثلك في الخطووبه بس الحمد لله في الزواج قدرت آغير هالشي
حبيبتي لازم تحطي في بالك انه متعود ع بيئته وآهله مراح يتآقلم بسسسرعه معكـ
مثلك انتي مثلن مراح تتآقلمي مع بيئته بيوم وليله اكيد في شغلات راح تزعجك ..!

آتمنى تصبري وشغلات الزواج ع آهل الزوج آنتي عليك تجهزي نفسك وتجي وتقدري تغيري
بعد الزواج ..!

وآكيد فرحآآن علشان كذا يسمع كلام خواته كثير ويثق في كلامهم قآيم قآعد مهم من نعومه
آظآفرررره ..!

آنتبهي عزيزتي لاتشدي من الحين راح تتسهل بعد الزواج لم تكوني في بيتك تقدري تخليه
يعتمد عليك في كل كبيره وصغيره تنازلي عن بعض الامور الحيين ..!​
 
ازعلي عليه .. واصري على موقفكي والكلام اللي تبينه انتي مو اهله

و خلي علاقتك مع اهل زوجك رسيمه يعني زوريهم بس مو كثير

وانتببببهي تكون شقتك عندهم

والله يوفقك ويصلح لك زوجك ..
 
طبيعي هذه الفترة يثق برأي أخواته أكثر عشان معتاد عليهم وطول حياته عايش معاهم
وأنت مع الوقت راح يعتاد عليك ويثق بطريقة تفكريك أن شاء الله
بس نصيحة لا تجعلي نفسك بمقارنه مع أخواته من الحين أو تنتقدي علاقة معاهم أو ثقته بكلامهم عشان لا يحط هذا الشي براسه ويفضل يقارن بعد الزواج

لكن بعد الزواج حبه حبة راح يتعود عليك ويبتعد عنهم بحكم أنه راح يكون عايش معاك أنت ماهو معاهم وهذا شي طبيعي فلا تستعجلي الأمور وتسببي مشكلة من البداية
 
/

حبيبتي تخلصي من شعور السيطرة هذا زوجك مو طفلك عشان تقولين ابيه يسمع كلامي

بس اذا تكلم مع خواته في الامور اللي تخصه وتخصهم لاتتدخلين فيها نصيحه

بس لو شي خاص فيك او في حياتكم مع بعض لا والف لا حطي حدود

ودايم نبهيه من باب ان صديقتك تعاني من زوجها واخته اللي تتدخل في كل شي وانك عن نفسك تكرهين الرجال اللي يصير امعه مع اخواته ويتحكمون فيه وووو

وبيني له ان الحياة المفروض تصير خاصه بين الزوجين
ويشاورون بعض وكل واحد يثق في الثاني ومايخلون احد يدخل بينهم ​
 
يابنت
اذا من البدايه كذا اجل كيف بعدين
استغرب من البنات المخطوبات ويشوفون الخطيب يعاملهم بهالبرود وعادي
المفروض هالفتره طلباتك اوامر
ايش اقول بس
الله يقلعهم هالرجال
 
اختي طبيعه الريال انه مايحب يحس انه ياخذ اوامر او تعال سو الشي هذا
كله يفكر وش بقولون عني اسمع كلام زوجتي وامشي وراها
الريال تاخذينه بالسياسه
خصوصا اذا كان عنييييد ويحب يسوي الي براسه
يعني لو قال انا بصبغ الغرفه باللون الاخضر وانتي تبينهاازرق
مو تقولين لااا مايصير ويع ماحب اللون الاخضر
غرفتي انا وبعيش فيها
مو على كيفك لازم تاخذ رايي
هذا الكلام يخليه يعاند اكثر
قولي لي له وقت يكون فيه رااايق حبيبي شفت بالمجله هذا اللون بهذا التدرج وااو احس بتصير غرفتنا حلوه خصوصا لو تحط اضافاتك عليها وافكارك
يعني من هالكلام
لاتقولين له لااااا مباااشره
تخييلي انا لما كنت حامل اصر يسمي اسم الكل كان يقوله لا مو حلو وهو يقول الااااااااااا اسميه
انا تميت ساكته 9 اشهر لغايه ماولدت يه قالي وش تبين نسميه قلت له 3 خيارات وانت اختار وذا صج خاطرك في الاسم الي في بالك صدقني مابعارض
اخرتها سمى اسم من الاسامي الي اخترتهم انا
لكن لو حطيت عنادي وتهاوشت معاه وناحامل على الاسم راح يحط عناده ويسمي على كيفه
 
اذا كذا من البدايه فالله يعينك ويعظم اجرك

يعلم الله لو كنت ادري ان الوضع مع زوجي واخواته بيكون كذا ماتزوجت

تحكم وسيطره ومنقع عندهم 24 ساعه شي لا يطااااااااااااااااق

ماقدر انصحك صراحه بس الله يعينك
 
يعطيكم الف الف عافيه وفي كثير

من الردود عجبتني ....


والشي الي مريحني انو اذا تزوجنا

راح نبتعد عن اهله في منطقه

ثانيه ومشكورين حبيباتي :)
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل