خطيبي خاطب ,,, قبل خطبتي

ه

هتان المطر

New member
إنضم
2010/03/11
المشاركات
17
السلام عليكم وحمه الله وبركاته

كيفكم بنااات !!

انا عندي مشكله مدري انا صح والا لا

انا انخطبت قبل شهرين الحمدلله ولما جاء ابوي يفاتحني بالموضوووع اثنى على الرجل ثناء حسنا

بعدين قالي تراه خاطب اختك الصغيره وانا رفضت وكلمني وقال ابي الي اكبر منها


وقلت في قرارت نفسي ان شاااء الله بستخير

بعدين لما قلت لاختي قالت :: وشلون توافقين على واحد ابوي عارضك عليه :33:

انا استغربت طريقه كلامها لان ابوي قالي انه رجع وطلب يدك

وبعد يومين كلمت اختي الثانيه وقالت وش صار على موضوعك قلت للحين مدري قالت لا لاتوافقين بعدين بيجلس يعايرك ويقووول ابوك راميك علي >>>جد حزت بخاطري كثييييييييييييييييير

والي اتضح لي ان ابوووي ماعرضني عليه بس قال فيه وحده قبلها مقدر ازوج الصغيره قبل الكبيره

وقلت بستخير وادعي ربي

والحمدلله تيسر امري وملكت

ولكن للحين ضايق صدري افكر بالموضوووع كثير اخاف يصير مثل ماقالوا خواتي يقول بعدين انا خاطب اختك الصغيره وابوك قال عندي اكبر منها

وربي اني محتاااااااااااااااااااااااااااااره حيل مدري انا صح والا لا ريحوني الله يريحكم
ومن صار له كذا او يعرف احد صار له كذا ؟؟؟؟

ربي يسعدكم طمنوا قلبي
 
ماأدري الصراحة ..

ماأحس أبوك عرضك عليه .. حسيت الرجل شاري العيلة ..

وإذا كان ولد أصل ماراح يعايرك .. كل واحد وأصله ..

بس إنتي إستخيري وفكري
 
يابنت الحلال توكلي على ربك
ولاتضيقين خلقك
تراه من وساوس الشياطين ولو مايبيك كان صرف نظر عنك ودور غيرك
وترى مافيه حد يعلم الغيب يمكن يكون لك نعم الزوج وتعيشي حياتك معاه بكلللل حب وسعادة
وبعدين بسألك هو قريب لكم؟
ويعرف أختك؟أقصد سامع شي عنها؟
وممكن تسألينه لما تكلميه بعد الملكة هل الكلام صدق أو لا؟
*****************************************
الله يتمم لك على خيرياعسوله
 
والله مجدري ويش اقولك المسائله فيه نظر <<

لكن مادام استخرتي الله وانشرح صدرك وملكتي

في ايه قرانيه معنها اذا عزمت فتوكل على الله

يعني انت استخرتي ووافقتي خلاص
توكل على الله ان ربي راح ييسر امورك ويسعدك


لكن اخاف ان هذا الشي يسبب لك عقده بعد زواجك وتصيرين حساسه كثير ومنها بتجي المشاكل
 
ياعمري انتي الله يوفقك ولاتخافي ولا شي نفس الموقف معي
وهذي اختي متزوجه وماعمره قالها كذا بلعكس مافيها شي
واولآواخيرآ الخيره فيما اختاره الله وان شاءالله ربي يوفقكم
 
عفوا اتمني انك ماتسئلين زوجك عن اي شي عن هذا الموضوع لانه مو في صالحك

اذا تبين تتاكدين اسائلي ابوك

والظاهر ممن كلامك انه خطب اختك الصغيرة يعني كان راغب في اختك وقلها ابوك انه قاله فيه اكبر منها

وكثير من الاباء يزوجون البنات بالترتيب حسب السن لما يقدم الصغيرة على الكبير لو كلهم عنسووو


وهو خطيبك كان يقدر ينتظر لين انت تتزوجين ويخطب اختك لكن شكله شاريكم وقال خلاص باخذ اختها


يعني ابوك ماعرضك عليه والله اعلم
 
حبيبتي انتي استخرتي والحمدلله

وثاني شيء بنت خالتي جاها خطيب وجو يخطبونها ونفس الشيء صار

قالت خالتي لا مااقدر اعطيكم البنت الصغيره قبل الكبيره

قالو خلاص اوكـ نبي الكبيره والحمدلله شاف الكبيره وعجبته

واتم الزواج والحين عندها منه ولدين وتبي اتجيب بنت ادعولها الله

يوفقها وييسر امرها

وترى الرجاال مو كذا تفكيرهم ومن الاساس الرجاال ما يعرف اختك الصغيره

يعني هم على السمعه جايين يخطبوون بلا هبل انتي وياهم لا تصغرون تفكيركم

الرجاال يبغى الستر وبس >>> وبعدين اختك ليش يعايرك فيها محد ضربه على يده

وقاله تعال اتزوج وانتي زيك زي اي بنت جاكي مهرك وبتسوين حفله وعرس

يعني الموضوع مو زي ما خواتك يقولون بس اختك يمكن من غيرتها او

لان مقهوره ليه تاخذينه منها والله مدري او يمكن خايفه عليكي

بس انا احب اطمنك دام انك استخرتي الله يوفقك وييسرلك امرك


وصح خليني اقولك الف الف الف مبرووووووووووووووك

وعقبال الذريه الصالحه وطول الوقت ادعي

انه يحبك ويتعلق فيك >>> ترى الدعوات تغير اشياء كثيره


ولا تنسين ربك وصلي وادعي الثلث الاخير من الليل الله ييسر امرك


وعقبالي يارب اتزوج بعدك ادعيلي معاكي خخخخخخخخخخخخ
 
هههههه ع طاري هالسالفه بقولك شي
بس علشان تتأكدين أنو اللي كاتبه الله راح يصير مهما عمل المخلوق
أنا قبل لاأتزوج كان اللي متقدم لي أخو زوجي
بس الوالد وبكلللل أدب رفض لييييش مدري؟ وبالنسبه لي عاااادي أقول بنفسي دائما الوالد أدرى بمصلحتي
وبعده بكم أسبوع تقدم لي أخوه اللي هو زوجي وتمت الموافقه وتزوجته والحين أدعو لأبوي بكل وقت وربي يحفظه لي
وعلى فكره أخوه للأمانه رجل بكل معنى الكلمه وماعليه قاصر وكأنه أخ لي
 
ياحبني لكم والله الله يرزق الي ماتزوجت الزوج الصااالح الي تكون بين عيونه قمر

ويسخر للي متزوجه زوجها ويكون خاتم بيدها

بس اختي مادرت انه خاطبها محد قال لها !!!

وهذولي خواتي اكبر مني

وربي طمنتوا قلبي الله يطمن قلوووبكم
 
والله يانتي موسسسسسسسوسسسه قووة ..ترى ماله داعي الحساسية الزايده ..واهتمي الان بزوجك وشلون تحافظين عليه وهذا انتي ملكتي وخلصتي يعني ماله معنى التراجع والتفكير مو مكانه الان ..لاتفسدين حياتك بواساويس فاضية ..

خليك واثقه من نفسك ..ترى كلام راميني عليه ومدري وشو وتعبرين نفسك كنك مو شي هذا تفكير غلط ..اصلن فكري وقولي من قده وافقت عليه ..طبعا اذ انتي واثقه من نفسك ..
 
استخيري

وبعدين ابوك رفضه وهو طلبك من ابوك من نفسه

وهذا دليل انه شاريكم

ولو يبي اختك كان قال خلاص بصبر لين تتزوج الي اكبر منها

لكن باين عليه انه شاريكم ويبي يناسبكم
 
كن مع الله ولا تبالي الله يوفقك ياقلبي
 
ربي يسعدك ويوفقك
ولو تبين نصيحتي لا تفاتحين زوجك

هذا اللي كاتبه ربك
انه يخطب اختك قبل

الرجال شاريكم
انسي هذا الموضوع ولا تخلين الشيطان يوسوس لك
 
الله يوفقك ويجعلك بعين زوجك أحلى عرووووووووس
يا قلبي لا تفكرين بها الشيء والله هاذي وساوس شيطان المهم إنك استخرتي
خلاص توكلي على الله :32:
 
عاااااااادي حبيبيتي ليش تقولين ابوج عرضج عليه ........
سبحان الله يمكن هذا نصيبج وكلي امرج لله ....من توكل على الله فهو حسبه........ وما عليج من خواتج
والله يوفقج دنيا واخره
 
يابنت الحلال

انا اعرف ناس مثلك يمكن هو مادرى ان في قبلها وحده ولا كان خطبها
وبعدين مبين هو شاري نسبكم لو مايبي كان دوور غيرك
بس مبين شاري نسبكم استخيري وتوكلي على الله
 
مداااااااااااااامك استخرتي ربي ان شاالله يسرلك
لا تسمعين كلام احدددددد
ربي يسعددددددددك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل