خطوة قوية مع زوجي 00شوروا علي اش اسوي بعد كذا

  • بادئ الموضوع بادئ الموضوع umm nawaf
  • تاريخ البدء تاريخ البدء
U

umm nawaf

New member
إنضم
2009/09/08
المشاركات
21
السلام عليكم ورحمة الله وبركاته
كل عام وانتن بخير
والله يابلقيسيات احبكم في الله
واستفدت منكم كثييييير:6:

راح ادخل في موضوعي ع طول
قبل فترة ماهي قصيرة كتبت هنا عن مشكلتي وزوجي وضربه واسلوبه معايا
وسبب سكوتي كان اذا كلمت اهلي قالو هذا رجال مايتفاهم ماتبينه جيبي شنطتك ونعالي بدون عيالك
وصراحة ماأخفيكم اخذت رقم استاذة ناعمة على اساس اكلمها بس ماصارت لي فرصة وصرت اقرأ دايما في المنتدى والمشاكل والحلول والنصايح اللي تشورون عليها لبعض
المهم
البارح مد يده علي عشان سبب تافه ( كان على فطور مع اصحابه ودايما انا اللي اسوي كل شي وهم مايجيبون وامس قال لاتكثرين الشوربة فلان بيجيب ولما رجع سألته ماشاءالله كيف الفطور واش جاب فلان معاه ) وبس قامت القيامة عنده وجلس يصرخ ويسب ويشتم ليش تسأليني

ماسكتله زي دايم و وطيت راسي قلتله انا ماسألتك شي حرام واتجادلت معاه اني ماني غلطانه وسؤالي كان طبيعي 0 طبعا مو متعود اني ارد عليه فمد يده علي ( عساها الكسر )
واتصلت على ابوي قاللي الجملة المشهورة تعالي بدون عيالك قلتله هو اتمادى عشان مهو شايف وراي احد لو ماجيت بروح الشرطة
والله يابنات راسي مصدع من اللي شفته يوم جا ابوي
ابوي رجال كبير ومعاه سكر ويادوب طلع الدرج والله العظيم ابوي جالس وهو منسدح 0 اثر فيني منظر ابوي مررررة
اتفاهم معاه ابوي لكن هذا قليل ادب يقوله بنتك غلطت علي عشان كذا ضربتها وكل ماغلطت بضربها

والله العظيم استصغرت نفسي وانقهرت ع حالي قلتله شوف قدام ابوي لومديت يدك مرة ثانية مالي الا الشرطة انت عارف انا ليش جالسه هنا عشان عيالي انت اخرج من البيت ( يمكن تلوموني في طلبي يس الحياة بيننا مستحيلة ) طبعا قال انا ماأخرج من بيتي

انا منهارة بس في نفس الوقت حسيت بانجاز حاسة نفسي صرت قوية و ماسكت عن حقي

انا جاسة الان في حالي لكن لو غلط مرة ثانية ع الشرطة ع طول ماراح اسكت عليه خلاص فاض في وهذا ادمي مريض نفسيايحب يشوف اللي حوله عبيد وهو الملك

بس في شي ماني عارفة كيف اتصرف فيه و محتاجة شورتكم

طبعا هو اسلوبه انه يحرض عيالي الصغار علي و يشوهني قدامهم 0 ويا ويل احد منهم يحبني قدامه لدرجة الملابس يوم اشتريها ويقولوله ماما اشترتلنا يقولهم من فلوسي انا اعطيتها واذا كانت من فلوسي انا يقولهم مي حلوة
ماني عارفة كيف اتصرف مع عيالي 0 اكيد كلكم عارفين قلب الام على عيالها صح انا ماني ممممقصرة معاهم بس اخاف هذا الكلام اللي يقوله ابوهم عني قدامهم يأثر فيهم
شورو علي تكفون محتاجتكم
ولا تنسوني من دعائكم ان الله يفرج همي عاجلا غير اجل انا وجميع نساء المسلمين
 
كم ولد عندك حبيبتي وانتي موضفه ولالا
نفس مشكلة امي صبرت صبرت والحين تتمنى العمر يرجع وتطلق لانها تقول ولا واحد من عيالي طلع فيه فايده ابوهم كان يحرضهم عليها ولما كبرو فادوها شوي مو كثير قوليلي كم عمرك
 
ربي يسخرك لهم وسخرهم لك يارب ويفرج همك يارب ويصلح زوجك ياركريم
اكيد انة يهوش ويضربك قدام عيالك وهم شايفين بعيونهم
بس ابغى اسالك هم كيف يتعاملون معاك بغيابه تحسينهم يحبونك ويخافون عليك
اذا كانوا كذا لو كبرو راح يبقون معاك ويحبونك اكثر من ابوهم لا تخافين وهم ايش يقولون عن ابوهم
قلبك دليلك وتصرفاتهم تحكم حتى لوابوهم حرضهم وسمعو له من خوفهم منة
وربي يبارك لك فيهم يارب ويجعلهم عون وسندك لك يارب
 
ربي يفرج همك اختي

من ناحية العيال اطمئني ان شاء الله انهم ما راح يتأثرون ، هم يشوفون تصرفات أبوهم ، ولكن احرصي انك ما تتعاملين معاه بالمثل ، أقصد لاتذمين ابوهم امامهم ولو حتى شكوة منه ، لأنه فعلا نفسيتهم بتتعب لما يسمعون كل واحد منكم يتطاول على الثاني

عندي قريبة ظروفها نفس ظروفك بالضبط ، هي وزوجها يتبادلون الذم والسب والتحقير امام عيالهم ، والنتيجة انه عيالهم ما يحترمون ابوهم وامهم وهم حاليا كبروا وامهم ما تقدر تمنعهم من الغلط لأنهم ما يطيعونها ويتمردون عليها

بالنسبة لزوجك خير ما عملت انك بينت له انك قوية وما ترضين بالاهانة ، استمري ومالك الا الصبر ، وان شاء الله ربي يفرج همك ويحفظ ابنائك
 
جزاكم الله خير جميع من قرأ معاناتي وحس بوجعي
انا ام ل 6 اطفال
وعمري 39
نعم موظفة واقدر اعيش بدونه واصرف على عيالي لكن المشكلة انه ماراح يعطيني عيالي لو خرجت
اخوي قبل شوي كلمني هو الان بادي في عمارته قاللي خذي دور كامل لك
لكن مشكلتي في هو حسبي الله عليه
بس لو رحت للشرطة اكيد بينصفوني لاني ماراح اسكت وناويه ع المحكمة بس اهلي مايبغون يقولون احنا مالنا في المشاكل والجرجرة في المحاكم انتظري فرج ربي
بالنسبة لعيالي الكبير في الجامعه سلبي مرررة يعني هذي مشاكلكم لاتدخلوني فيها والله العظيم حتى البارح شاف ابوه قدام عينه يضربني سوا نفسه نايم
والباقين صغار اكبرهم رابع ابتدائي
انا اطلب من الله يرزقني برهم وانا وجميع المسلمين الله لا يضيع لنا تعب مع عيالنا
اخواتي يقولون لي قوي قلبك وسيبيهم وهو ذالك فيهم عارف ماراح تسيبينهم
بس والله ماني قادرة 0 ربي يجعل فيهم اللي يعوضني و يشيلني
والله اكتب لكم و دموعي ع خدي من القهر
حسبي الله ونعم الوكيل
 
ابوكي يبي يعمل لك العز وانتي ما تريدين يوم قالك تعالي من دون عيالك يعني يبغا ياذبه ويكسر رقبته لان ما يكسر رقبة الاب الا الاولاد
 
الله يبعد نك اللهم ياااارب بحق هالشهر العظيم ويهدي زوجك ياااااااارب
 
حبيبتي ما عليك من زوجك والتصرف اللي سويتيه عين العقل الله يقويك ويحنن قلبه عليك
وعيالك شايفين كل شي بس حاولي قد ما تقدري تبعديهم عن جو المشاكل وحاولي تتكلمي مع زوجك يمكن ربي يهديه
وعليك بالدعاء له مو عليه وكثري من الاستغفار
وربي ان شاء الله يسخره لك
 
حبيبتي.. مع اني ضد ترك بيت الزوجيه.. و لكن وااااااحد مثل ريلج يهدد بالعيال لأنه عاااااااارف انج ما راح تتركين البيت.. ذالج فيهم.. هذا إذا تركتي البيت بيعرف مقدارج.. يوم بيشوف نفسه حايس في البيت و مب قادر يسوي شي...اتركيهم له فتره خلييه يحس بالتعب.. خاصة الحين في رمضان... اشتري راحتج شوي يا اختي..

و الله اني اعرف وحده زوجها دوووووووووم يضربها مرويها الويل و هي صابره علشان عيالها... آخر مره امها اخذتها على المستشفى و قالت ما بسكت له.. كل مره يضربج و انتي صابره.. و هي تترجا فيها تقول يذبحني... امها تقول ما علي منه.. ما بنتظر لين تموتين و بعدين ادفنج... ودتها المستشفى و سوت تقرير طبي... و طلعت من المستشفى على طووووووووووول على الشرطه و طلبوه الشرطه و شرشحووووووه...

صحيح انه ما زال يزبد و يرعد... بس ما يتجرأ يرفع يده الحمدلله... شي اهون من شي بعد يا اختي..

روحي سوي تقرير طبي على طوووووووووول... و على طووووووووووووووول على الشرطه... و ما عليج من الفضيحه و عوار الراس.. تحملي كل شي.. مقابل انج ترتاحين... لا تنتظرين للمره اليايه.. ولدج الله يسامحه ما يدافع عنج.. شو يضمنج انج ما تموتين تحت يده المره اليايه

 
حبيبتى

عجبتنى فيكى قوتكى

خليكى بهالشكل ولو حاول يظربك عوفه اثار الظرب يبان على جسمك وروحى اشتكى عليه على طول

حاولى تأمنين حالك ماديا
 
شوفي اختي انا اشوف كلاام ابوكي صح انتي روحي بيت اهلك
وقولي لاولادك انك بترجع بس مو الحين وظلك اطمني عليهم من بعيد لبعيد بس زوجك ما يعرف
يمكن زوجك يحس بقيمتك
وظلك ادعي الله يفرج همك​
 
اكثري من الاستغفار وخليه في لسانك دائما وهذا مهما كان ابو اطفالك وانت اكيد ما تقدري تعيشي بلا اطفالك اذا اتطلقت 00 انت سوي اللي عليك وطنشي زوجك 00 والله يكون في عونك 00 ​
 
وضعك ماراح يتغير إذا مااخذتي موقف من اللي بيصير معاك لازم تروحين عند اهلك وخلي عيالك ماعليهم شر عند ابوهم وهالشي اصلاً في مصلحتك ومصلحتهم بدل العقد النفسيه اللي بتجيهم من ضرب ابوهم لك صدقيني بيتعب معهم ويتوهق وماهو متحملهم بس إنتي بتأدبينه واذا فيه اثر للضرب للحين روحي المستشفى واعملي تقرير لاتنتظرين المره الجايه شوفي ولدك الكبير كيف شخصيته سلبيه من اللي شافه طالما اهلك معاك وموافقين يستقبلونك روحي عشان تنصلح الامور وتعيشين بكرامتك لك احترامك وتقديرك
 
طيب يوم كان يظربك رحتي عند اهلك وتركتي عياله عنده
ولا رجعتي الا بشروط ان مايمد يده وان مدهاااا بتشتكين عليه
يعني تبين ابوك يجي عندك وش يسوووي روحي انتي عندهم
ويطلبوون منه اهلك ترجع بس بسرط ماتظرب ان ظربتهاااااااا ماترجع لك وخل عيالك عندك بس تخوويف

والله يسخره لك​
 
والله خواتي حلولكم بردت علي شوي و ان شاءالله اكلم ابوي الحين
ادعولي
والله اني ماني حقت مشاكل لا انا ولا اهلي
بس الحال ماعاد ينسكت عليه واتمادى كثير
الله يكتبلي ويكتبلكم اللي فيه الخير​
 
حبيبتي روحي عند اهلك وخالي لولاد عندو وزوجك وابنك يلبي راح يعرف قيمتك اكثر ابوك معاه حق هو اكيد بيقول لك تعالي لحالك لانو بعرف شو اكثر شي بيكسر راجل الله يااختي اكيد هو مو اول زواج وهو بسوي هيك مابعرف انتو كيف بتفكرو كل هذ المعملة الوقحة وجايبة منو 6 عيال الله يصلح حالك يا اختي
 
عزيزتي أم نواف

صبرت طيلة عشرين سنة أو أكثر وأنجبت ستة أبناء في لحظات لا تخلو من صفاء

قد يكون لزوجك عيب الضرب ومد اليد الذي اعتاد عليه طوال السنين

قد يكون ضربه غير مبرح وإن كان أمام الأبناء فلهذا ما له وإن كنت لا أخفيك أني ألومك قبل أن ألومه

أنت تعرفين طبعه فلما تناقشينه وتردين عليه أمام أبنائك

أوقفي مهزلة الضرب ولكن بخطوات حكيمة مدروسة

لا تضيعي صبر السنين وتهزي نفسيات أولادك أكثر مما هي عليه

لا تتهوري ولا تخرجي من بيتك ولا تدخلي أهلك وأنت لست أصلا بحاجتهم

أحزنني كثيرا الموقف الذي وضعت والدك به أمام زوجك

ليس كل واحدة يجب عليها أن تدخل أهلها وليس كل الأهل قادرين على حل مشاكل بناتهم

أتخيل أني كأمٍ أزوج ابنتي يوما بإذن الله لتستقر وتسعد وأسعد معها

لها حقوق علي ولي عليها ولا شك حق بأن لا تتسبب بغبني وحزني طالما هي قادرة على ذلك

ليس حلا أن تتركي بيتك لتسكني بدور أعطاه لك أخوك

أنت بحاجة لحل جذري سلمي لا إلى حل مؤقت ربما ينسف صبرك وسنوات كفاحك

اصبري وفكري واستخيري وقرري

لا تتخذي قرارا وأنت منفعلة غاضبة

بعض الأخوات هداهن الله عندهن نفس الحل لنفس المشكل دون أخذ العمر والوظيفة والأولاد وحالة الزوج والأهل بعين الاعتبار

حينما تستشيرنا فتاة في مقتبل الحياة الزوجية فإنه لا بأس بأن نشير عليها بالذهاب إلى أهلها وإن كنت ممن لا ينصح بذلك في أغلب الحالات لأنه وكما تكرر دائما أختنا الفاضلة بنوتة بلادي الخروج سهل ولكن الرجوع صعب جدا وهناك الكثيرات اللواتي طرحن مشكلتهن في هذا القسم وكانت بسيطة ولكنها للأسف تحولت لطلاق وفراق ومحاكم

لو كان ولدك البكر بنتا لكنت الآن جدة ولك حفيد أو اثنان

عندما يتقدم بنا العمر فعلينا أن نحسن التصرف ولا نتسرع باتخاذ قراراتنا وأحكامنا

وإن كان لك تساؤل فاطرحيه أو فكرة فناقشيها قبل الإقدام على تنفيذها

ولا تنسي الاستخارة ففيها بإذن الله الخير كله

والله يختار لك الخير ويرضيك به اللهم آمين
 
العبي كاراتيه وتعلميه من النت علشان تدافعين عن نفسك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل