خدآمتي ..

[شباصه]

مساء الخير بنااات

كيف الحال؟

بما اني حامل (ماشاءالله) وفي آخر شهوري خدامتي بتوصل يوم السبت
ودايما أفكر
لأن روتينا انا وزوجي ابد مو منتظم أنآ أنآم الساعه 11 او 12 واصحى الساعه 9 الصبح
وزوجي ينام 3او4 الفجر ويقوم 3 او 5 الظهر
طبعا روتين زوجي ما يتغير لان دوامه ما يسمحله يتغير روتينه لانه شفتات

وخدامتي قبل ما يجي البيبي بتكون أكثر وقتها ما عندها شغل
بس انا ابيها تشتغل وما ترتاح لين وقت راحتها لاني ما بيها تخالط الاندونيسيات اللي هم خدامات حماتي لانه عليهم حركات وصصصصصصصخه وما بيها تتعلم مثلهم عشان كذي ما بيها تروح الغرفه غير وقت النوم
انا عندي صاله وغرفتين مفتوحات في بعض والله يعزكم حمام في الغرفه

وسويت نظام لخدامتي
ابيكم تشوفونه صح والا لاء لان ما اعرف كيف انظم وقتها وتتعود على الروتين
طبعا يوم بيجي البيبي انشاءالله بيخف عليها الشغل شوي وبتتفرغ له معاي و تساعدني عليه

الساعه 6 تقوم
تتسبح
وتتريق
................
تغسل الملابس
وتنشفهم
8 ونص ,تسوي شاي وفطور
تنظف الصاله كنس ومسح وترتيب
كوي
الظهر: تتغدا وترتاح لين 4
4ونص تجمع الملابس
تسوي شاي
ترتب الصاله
تنظف الحجره خم ومسح وترتيب
ترتيب الكبتات
ترتب التسريحه
غسل الحمام
تاخذ الملابس
الساعه9 تروح تتعشا
وتناااام


لاني ما بيها تخالط خدامات حماتي الاندونيسيات فالشغل بشتريلها اغراض خاصه للتنظيف من صابون وبروشات وفوط مسح وغيره وبشتريلها خزانه فيها قفل عشان تحطهم فيها وما تختلط اغراضها باغراضهم وبشتريلها طاولة كوي تتسكر وبخليها داخل الخزانه مع الكوايه وقت الكوي تطلعم وتجيبهم صالتي وتقعد تكوي قدامي وانا قاعده بالصاله


شرايكم

 

[سيره كويتيه]

حبيبتى... بما.. انج ...ابيت... حمولة.. ماراح.. تقدرين.. اتصيطرين.. عليها...بس حاولي... اتحطين.. روتين

غير.. هذا.. اللي حاطتة... لانه نومت... العصارى.. اتشبع.. وماراح.. اتنام.. ابسرعة... بالليل,,والاختلاط لابد منه

موعايشة.... بروحها.. وحطي .. ابالج.. كل ..ممنوع..مرغوب..وحاولي ..اتفهمينها.... اللي ... تبينه... منها..

واللي ..ماتحبين... يطلع ..منها...وعسي.. الله..يكتب.لج كل ...خير

 

[ضحيةالظروف]

لا يا اختي لا تصحينها الساعه 6 الصباح قولي الساعه 7 ونصف................

 

[جمال روحي]

مافي الا تنوميها في مكان ثاني والسوالف لابد منها مع الشغالات

 

[أم الأقمـــــار]

الله يعينك

وبعدين ليش تجيبين اندونيسيه ؟؟

انتبهي ياأختي على رجلك انتبهي قد ماتقدرين لاتقولين حليوه والله مهما كان

خصوصا انك حامل وبعدين فترة النفاس والله راح تستغل هالفتره

وبعدين لاتخلينها تنام العصر علشان ماتسهر بالليل خصوصا ان زوجك ماينام الا متأخر

وانتي وش عندك من شغل غير هالغرفتين يعني لاتدلعينها بالنوم

وغرفتك لاتنظفها وانتي مو معها خلي عينك عليها

.
.
.
.


انتبهي على زوجك وعلى طفلك لاجا

انتبهي انتبهي من الاندونيسيات

 

[فوفا]

تبين رايي لاتنومينها مع الخدامات
وليش تجيبين اندنوسيه بس مادامك جبتيها خلاص نبهيها انها ماتمر وزوجك موجود بالمكان من اول ماتدخل عليك قولي لها بابا(او مستر) يقول انا ابي ارتاح في بيتي ولا ابغى الشغاله تمر عندي وانا اكل او جالس انتي اللي اوقفي معها وهي تمر من عنده نصيحه لكل البنات الخدامات لايمرون من عند ازواجكم حتى لو انهن قبيحات ترى عند الرجال مبداء انه وسيم ومرغوب فيه والشغاله تتمنى تنام معاه حتى لو انه ملتزم هذا تفكير الرجال وعند الرجال معلومه خطاء ان خادمات شرق اسيا اعضاء ازواجهم صغيره وهاذي معلومه خطاء يقولونها الاندوسيات رغبه بالمزيد من المال حسبي الله عليهن وعلى كل واحد تطمع بالرجال مو حلال لها

 

[لحظة شوق]

احس الانداونسيات مايبون الازواج ... حتى لو كان شيبة مكحكح ...عاااادي.. حسبي الله عليهم...

شوفي حبيبتي .. اليش اتقوم الساعة 6 والله متاخر ... احنا خدمنا من الساعة 5 يصلون ويسون الريوق ..

وبعد مانطلع للدوامات ينظفون البيت .. داخل وبرا ..والملابس غسيل وكي ..بعدين الظهر ينامون ساعة بس

ويقعدون العصر ويكلمون شغل .. اوينتي بتيبين بيبي ... لا تكبرين راسها من الحين .. واتأفف واتنافخ عليج .. بعدين

الله يعينج ويوفج ..ويهون عليج ولادة ..​

 

[lovlycat]

اختي انتي بيتك صغيير بلمره كيف بتاخذين راحتك كذا بتصير قدام وجهك
ومهما حطيتي لها شغل الاندونسيات سريعات في شغل انا بيتي فله كبيره فيها 6 حمامات مايجي الظهر الا البيت زي الفله ووانا عندي اطفال ومع ذلك يكون عندها وقت فراغ .......................
اذا ماعندك الا طفل واحد وشلون تبينها كل يوم تغسل ملابس قد إيش ملابس تتوسخ عندكم كل يوم....لا تزعلي مني بس احس انك ماتحتاجين خادمه.....

 

[ام اسامة وابي]

ما احس لها داعي هالخادمة الجاية وراح يكون عندها فراغ والفراغ ابو البلاوي والشيطان شاطر وانت راح تلهين بالبيبي فالله المستعان اقول استخرت ربك قبل لا تجيبيها احسك جايباها كذا ومالها اي داعي الله ييوفقك وييسر لك الخير اين كان

 

[توتي فراولة]

انا بعد من رايي

ماتحتاجين خدامة

واذا احتجتي بعض الوقت اخذي خدامة حماتج

وقت زووجج يكون بالعمل

وريحي راسج من مسؤليتهم

انا عندي 3 اولاد وكبار ماشالله بس

شايلة المسؤلية لاني اخاف اجيب وحدة

وانا في بيتي 4 رياجيل الابو واولاده

وتدرين الشيطان شاطر

الله يسهل عليج ولادتج

 

[*حبيبة*زوجها*]

والله انكم تضحكون ولا تعرفون تشورين على الحرمه

هي تقول وش رايكم بجدولي

ماتقول وش رايكم اجيب خدامه او لا

زوجها يبغى يريحها وقدم لها على وحده

يعني ماشااءلله الله يبارك لك فيها ومبروك غاليتي

جدولك ممتاز مره

بس مره بدري الساعه 6 الا اذا عشان فطور زوجك ممكن عادي



بس اذا بتنام معهم اكيد ميه بالميه راح يسولفون ويتقابلون

لكن انتي خليها مره تهتم في البيبي يعني قولي لها انتي لي انا وضروري تكونين جنبي

ودايم انتي سولفي معها عشان ما تضطر تدور من تسولف معه

وشوفي اكرميها وهي ماراح تقصر معاك

ولا تحرمينها من بنات جنسها

ترى والله الغربه شينه جربوا بانفسكم

بس شوفي دامك انتي مضبطتها ماراح تخرب

متى يخربون اذا قالوا والله هذي ماتديني هذي تعصب عليه هذي كذا

يعني انتي لاتفارقك الابتسامه وخلي قدوتك رسول الله

واذا جات ادعي ان الله يكفيك شرها ويعطيك خيرها

واذا راحت استودعيها الله عشان ماتخرب

وطول ماانتي تدعين الله ماراح يخيب ربي ظنك

وربي يسهل عليك وتولدين بالسلامه

 

[(أم عبودي)]

مادري ياأختي ماله داعي الشغالة البيت صغير وماعندك أطفال وأكيد بيصير أغلب وقتها فاضية الله يعينك عليها ويكفيك شرها

 

[*حبيبة*زوجها*]

شوفي حذاري تشتكين منها بصوت عالي قدامها او تأمرينها بعصيبه قدام احد

ترى هذي تولعهم

يعني هو يشوفون اننا زيكم بس حنا نخدمكم

,,

واطلبيها برفق مو باحتقار

وترى والله تثمر فيهم

 

[رولالان]

والله لو تشغلينها من صباح الله الى الساعه 1 بعد مو العشاء

راح تلاقينها سهرانه معاهم

 

[شباصه]

بنااااات انا اللي بجيبها فلبينيه مو اندونيسية
ومحتاجتها لانه راح يبدا دوامي وابي اتفرغ لزوجي بعد ولادتي يعني اوقات ما اكون مع زوجي والبيبي صاحي كون معها وانا جبتها جليسة اطفال كانت تشتغل في حضانه في بلادها يعني فاهمه في الشغل واختها تشتغل عند حميتي فبيتها خدامه
بس انا بخلي الخدامه تجلس مع البيبي يوم بيجي ويوم بيبدا يفهم تعلمه لانه كل مناهجنا انجليزي حتا الكي جي وبشتريلها كتب اطفال تقراله واشرطه وطبعا بتكون قدامي احس اني بستفيد منها وايد يعني يكون البيبي عندي وقت ما تنظف ويوم تخلص تمسكه وانا اقضي حايتي من اشغالي الخاصه لاني ما برتاح وما عندي حد فالبيت يمسك البيبي لان اخت زوجي صغيره تروح المدرسه وحماتي مريضه وتعبانه

 

[عيالي دنيتي]

والله انا جبت خدامه وانا حامل وتعبانه وعقب ماربيت بسفرها مع ان عندي ماشاء الله عيال بس انا مااحب الخدم واخاف على عيالي منهم وانت لاتخلينها تدخل حجرتج انت نظفيها هذه من خصوصياتج والمفروض ماتدخلها والله يوفقج