خبيرات الشمالي من تجاربكم بليز

[sole3eya]

هلا خواتي أنا خطيبي شمالي شرقي وحابه تساعدوني عن بعظ الآشيا قريت مواطيع عنه لكن أحس صعب افهم فقلت إتاكد منكم
بالنسبة لما أبغى اطلع مكان كيف استاذن منه هل بصيغه الأمر مثلا حبيبي أريد أروح السوق وإلا. عندي طلب ممكن حبيبي أو عادي أروح المكان الفلاني أنت راظي شو الصح فيهم ؟؟


لما إزعل منه هل أطنشه وإلا أواجهه أقول أنت زعلتني في كذا وكذا؟؟

لما إزعله هل إتاسف له كثير وإلا بس كلمه أنا أسفه وحقك علي وخلاص بدون ما أبرر الموقف ؟؟

هل يحب الهدايا والرومنسيات جربت أكتب له عبارات شعر وأرسله ماحس يتفاعل معاي وشريت العاب رومنسيه لو مايحب شو يحب

 

[[ الملكه ]]

كل شي عادي الا الشمالي الشرقي
اللي انا متأكده منه انه لو تجيبين له الدنيا بكبرها هديه والله ما يعبرك ولا يشوفك

جبت للي عندي مره عطر ب600 ريال وغلفته وتعبت عليه
ويوم عطيته اياه ولا كأني سويت شي قعد على التسريحه 5شهور بتصدقون صدقوا منتوا مصدقين بكيفكم
آخرتها رحت و عطيته اخوي
و مو بس هالموقف المواقف كثير بس اللي فقع كبدي هالموقف

 

[ℓάⓝόό]

ههههههههههه الملكه ضحكتيني والله

طيب انا شريت لزوجي عطر قال ما اعجبني ما احبه وش راايك!!

بس لا يأس مع الحياة كملي الين توصلين لذووقه


صاحبة الموضوع فيه ملفات عن الشمالي ابحثي عنها مرررررررره بتفيدك ان شاء الله

 

[مزيونة وحنونة]

انا عطيت زوجي الصباحية طقم عطر من الديور وقال موحلو
تخيلي في صباحية زواجي ماجامل
ها الشمالي الشرقي مصيييييييبة

 

[Tweeety]

ههههههههه شو سالفته الشمالي مع العطور

 

[..ضباب..]

ههههههههه تصدقين يالملكه نفسي اشتريتله طقم عطر مع الكريم ومزيل العرق من نينا ريتشي وغلفتها وماعجبه
وعطر من سيكي للرجل وماعجبه خلاه للسياره ههههههه
لما تحبي تروحي مشوار خليكي واضحه يعني تبين صالون او مجمع معين
لما تزعلين منه لاتطنشينه لان زعله طويل وعنيد
بس لاتعتذرين على طول لانه يتغلى ويكبر راسه<<ماله حيله
يعني خليه يزعل يوم لاتكثرين ولا بتتعب نفسيتك
المسجات الحلوه يحبها وحتى لو ماعبر بس هو يكون مبسوط فيها
والالعاب الزوجيه انسي لانه جامد ومابحب هالحاجات الا يجاملك بس
الشمالي يحبك حوله لكن ماتزعجينه بالثرثره وتخنقه الرومنسيه الزايده