خبراتكم للحوامل المغتربات

[جنة أهلي]

أنا حامل الان , و فيه الشهر الثامن , فحبيت أجهز لنفاسي " يعني اعشاب , و من هالسوالف"
بس المشكله اني مغتربه , و عايشه ببلده قليل فيها العرب , يعني ابدا ما لقيت اي شي يساعدني بفترة النفاس, حتى " التمر " ما فيه عندهم , و لا يعرفونه .
و الشي اللي لقيته " و طبعا كله مش طازج او طبيعي" هو بودرة الزنجبيل , و بودرة الدارسين:thumbdown:

فيا ليت اللي عندها خبره , و تعرف شي يساعد على تخفيف وزن النفساء و الاهم اللي ينظفها , و يخليها بدون التهابات , او غازات , و يكون متوفر بكل الدول و بكل الاسواق تساعدني وتعطيني من خبرتها .

و عندي سؤالين :: أقدر استخدم ملح الاكل العادي الناعم , بالغسول , و لا لازم ملح خشن ؟

و عادي اتبخر بقشر البصل لحاله و لا لازم معاه الاعشاب ؟.

اتمنى تفيدوني و تفيدون كل وحده حامل مغتربه:c016:

 

[Angelic Wings]

ان شاء الله يفيدونج البنات
انا عن نفسي كنت اكل الحبة الحمرا والحلبة بس
والاشياء الحارة مثل الحليب الطازج وغيره

 

[papero0o]

جنة اهلي انتي في اي بلد عشان اساعد لو انتي من سكان استراليا او بريطانيا عندي معلوماااااااات كثيرة عن الدولتين واماكن تواجد المحلات العربية

 

[جنة أهلي]

شكرا على مروركم بيبرو و اجنحه ملاك.

جنة اهلي انتي في اي بلد عشان اساعد لو انتي من سكان استراليا او بريطانيا عندي معلوماااااااات كثيرة عن الدولتين واماكن تواجد المحلات العربية

للاسف انا مو عايشه لا ببريطانيا و لا باستراليا, انا عايشه بكندا , و المشكله بمنطقه صغيره و بعيده عني المناطق اللي فيها عرب .
حتى الغسولات المهبيله اللي انا متعوده عليهم " مثل سيباميد او ببتادين" لما سألت الصيدلانيه عنهم , تقول: ما فيه , و ما نعرفهم , و لا عندهم حتى تحاميل مهبيله , و كل اللي عندهم غسول اسمه " ايفا " .

 

[papero0o]

جنة اهلي .. طيب لية ماتجربين الشحن فية مكاتب زي الطيار يوصلون لك الاغراض الين باب البيت خلي احد من اهلك يحطلك كل الي تبين و يرسلة لك .... عندي ارقام شركات غير مكتب الطيار لو تبين..؟ اعتقد اسمة زين الكيلو ياخذ علية 6 ريال
و ترتاحين.....او وصي اي احد يروح و يجي على كندا لما يكون جاي يعطونة اهلك الاغراض
انا اسوي كذا اذا عرفنا احد في الرياض و بيجي لبريطانيا على طول نعطية الاغراض و زوجي يروح ياخذ الاغراض منة

رديلي ...خبر

 

[جنة أهلي]

حبيبتي بيبرو ,فيه بنات طلبوا بعض الاغراض بالشحن " مره و سكر نبات و قهوة عربيه و نعناع و باقي الاعشاب " بس لما وصل لكندا و فتشوا عليه الجمارك خذوا كل شي ما عدا القهوة.
فانا ما ابي اطلب شي و اعني اهلي و بالاخير ياخذونه الجمارك .
و للاسف ما فيه احد من اهلي او نعرفه بيجي لكندا .

على العموم مشكوره حبيبتي على تجاوبك معاي , و الله ييسر لك و يرزقك الذريه الصالحه.

 

[papero0o]

مشكلة والله انك صادقة انا فية بنات جاهم شحن من امهم اخذو الشوكلاتة رغم ان مافيها شي

الله يعين والله ودي مرررررررررررة اساعدك بس مابيدي حيلة

 

[لا مبالية]

تقدري تسوين شوربة لحم وتكثري عليها الفلفل الأسود ( ينظف الرحم) واعتقد ان عندهم جميع التوابل اذا تعرفي اسماءها بالانجليزي دوري عليها بقسم سبايس بأي محل اسم الشمر عندهم ( fennel ) و اسم المرمية (sage) .. وهذولا مهمات اعتقد لو بتلاقيها بتكفيك ،، الشمر يشد الجسم وأكثر شي وصى فيه جابر القحطاني للحامل لأنه يشد الجسم ويدر الحليب ، والمرمية لتنظيف الأرحام . كمان عند الأجانب شيء اسمه ladys mantle عشبة عباءة السيدة او رجل الأسد صراحة ماادري وين بتلاقيها بس هم يعرفونها ,, معروف أثرها بشد الجسم والمهبل ...
بس ما قلت انت دورت على هالأشياء وما لقيتيها ولا مو دارية وين تدورين أصلا .. والله يعينك .
بالنسبة للأغراض اللي شحنتوها اعتقد اذا كانت من محل غير محل العطارة يعني مغلفة تغليف جيد وعليها تاريخ انتهاء بيدخلونها اعتقد بدليل انهم دخلوا القهوة . جربي والله يسهل لك غربتك ويسهل علينا .

 

[وه بس وه]

مرحبا جنة اهلي انا بعد مغتربه وبكندا بس انتي بأي ولايه انا باتوا وصراحه انا زيك مالقيت عندهم كل شي ووصيت اهلي يرسلولي بالشحن الاغراض النفاس ولما وصلت الجمارك فتشوها ولا اخذوا ولا شي مع انه امي حاطتهم بكياس عاديه بس اهم شي لا يرسلون شي في منتجات الحليب او الاجبان لانه بيدفعونكم عليه غرامه وبس انتي قوليلي انتي بأي ولايه ويمكن اساعدك

 

[جنة أهلي]

اختي " لا مباليه " مشكوره , و الله يعطيك العافيه , صراحه ما كنت اعرف اسميهم بالانجليزي , و الحين ساعديتني كثير , و ان شاء الله بدورعليهم مره ثانيه و ان شاء الله بلقاهم.

شكرا " وه بس وه " صراحه شجعتيني ان اطلبها , و بيني و بينك صراحه ساعات الجمارك يزودون التفتيش , و ياخذون كل اللي ما يعرفونه , و ساعات يطوفونها , بس لما قلت لزوجي نطلبها , قال " خلي عنك سوالف العجايز :busted_red:.
الله يسهل حملكن و ييسر ولادتكن.

 

[يقيني بالله]

أختي لا تخربطي كثير بالأعشاب

وكلام د/ جابر القحطاني بس النفاس تاخذ شمر وقشر قهوة وحلبة بس

طبعا مع العسل والحبة السوداء والتمر

عن نفسي ممكن أشرب زنجبيل ونعناع ومع السلطة زيت زيتون

أسألي عن أسمائها بالإنجليزي ممكن عن طريق النت وأكيد موجوووووودة والله يقومك بالسلامة

 

[ميوسه]

اهلين عزيزتي

انا كنت حامل بالغربه بكندا وولدت الحمدلله من فتره قريبه والامور عدت على خير وكانت احلى تجربه عشتها انا وزوجي باول بيبي لنا

وخليت الوالده ربي يطول بعمرها ترسلي اغراض مالقيتها هنا مثل الملابس الداخليه للبيبي القويه والبياضات والمهاد وتوابعه لان كل اللي لقيته هنا مو بالجوده المطلوبه مع انها حتى ولو تمشي الحال

وحطلتي فيه حلبه و(رشاد=حبه حمرا)وبخور معطر للجو للضيوف بس فتشوها وقلبوا الاغراض فوق تحت بس مااخذو شي بس اهم شي انو مايكون بكميات كبيره والاغراض الجديده تتفكك من الاكياس حقتها

بالنسبه للاعشاب مثل ماقالوا الاخوات يفضل تبتعدين عن الاشياء العميقه قصدي اللي يوصفونها الجدات ماتجيب الا الخراب ماتصلح الخراب صدقيني

الرشاد والحلبه ومغلي الكمون وبعد كلهم بكميات قليله ويفضل الحلبه اول اسبوعين بس ملقعه يوميا بعدين تتركينها والرشاد تبدين تاخذينه اخر 10 ايام والكمون استمري عليه دايم لانه يطلع الالم ويسكن


وبالنسبه للغسول طبيبتي قالت لي لاتستخدمين اي غسول ولا حتى الملح العادي ولا الخاص لانه يزيد الاتهاب والفطريات نصحتني بمويه دافيه بالمغطس الخاص بكرسي الحمام كنت باليوم الواحد اول الايام اول ماحس بالم الخياطه اجلس فيه باليوم تقريبا 5 مرات مره مريح كذا نصحتني

وبرضوا اذا جيتي تجلسي اجلسي على مخده حتى تسندك من تحت ومايكون موقع جلوسك حاجه صلبه

وركزي باكلك على الايدامات والمشروبات الساخنه زي الحليب الحار وكثري من التمر واذا تعرفين تسوين اكلات شعبيه بالدقيق الاسمر وتخزنيها بالبراد او الفريزر يكون افضل

وبرضوا كثري من الالياف بالخبز والفاكهه والخضره والعصيرات وركزي على الاكل الصحي خاصة اول اسبوعين

ودفي نفسك زين

والمتابعه الطبيه بالبيت وبالعياده مع الممرضه مره مريح لك وللبيبي واذا احتجتي اي شي منها لو مجرد سؤال لاتترددي تساليها لانهم مره متعاونين واكبر سند طبي لنا بالغربه وعن تجربه

واستمتعي بالامومه

موفقه يارب ويسهل عليك وعلى جميع الحوامل يارب

 

[جنة أهلي]

مشكورة "يقيني بالله " , و اليوم شفت وصفات الدكتور جابر القحطاني , و عجبني صراحه , ما فيه ابدا تعقيد مو مثل " فيافي " . الله يعطيك العافيه .


ميوسه حبيبتي شكرا على الوصفات , بس هذي اول مره ادري ان "مغلي الكمون " يستخدمونه بالنفاس , لانه كنت استخدمه للبيبي علشان الغازات , و ان شاء الله بستخدمه بنفاسي هذا .

 

[جنة أهلي]

كل اللي ردوا علي مشكورين , و يعطيكن العافيه , و يسهل ولادتكن و ييسرها و يرزقكن الذريه الصالحه.

 

[لا مبالية]

والله أتمنى الموضوع ياخذ منحى مفيد اكثر يعني مثلا اذا أحد يعرف الأجانب اش يستخدموا وقت نفاسهم ، يعني زينا ياخذوا خرابيط ولا لا واذا لا كيف يحافظوا على انفسهم من الالتهاب وعوار الظهر ،، بالنسبة لي اشوف بالمول حريم يمكن توهم ست أيام سبع أيام والدات والوحده لااله الا الله تدك الأرض دك والبيبي معها ، أقول يارب هم ياخذوا منشطات ولا لأن اجسامهم رياضية وقوية واحنا لا ، يارب اش السر ؟ كمان ما اشوف كثير الكروش المتدلية ، يمكن لأن عندهم اندر وير خاص بالحوامل يشد البطن من أول الحمل لآخره نصحتني فيه الدكتورة وانا من أول اشوفه وأقول لا هذا يعور أكيد ويضر .. ماادري اش السر اذا احد يدري يعلمني .