خايفه من زوجي

[المغلوبه]

سوالي بسيط جداااااااا:35:
انا يابنات قدمت على وظيفه بس اللي مخوفني زوجي يكون استغلالي لانه دايم يقولي اني ادعي لك انك تتوظفي واذا سالت ليه يقول علشان تشيلي نفسك ونتساعد في الحياه
وهذا الكلام وانا لسى مملكه وزواجي بقي له 3اشهر واللي مخوفني زياده انه قد طلب مني فلوس 3 مرات واعطيته مرتين ومره طلبني بطاقة الصراف ورفضت وبشده وش الحل اذا توظفت وكان استغلالي 4:لان نظرته للزوجه انك انتي ومالك لي بدون نقاش) ؟

 

[دلع قلبه]

هذا الموضوع راح يفيدك كثير

هــنـــا

اقرئيه بتمعن واستفيدي منه بقدر ماتستطيعين..

 

[دمعتي خانتني]

عزيزتي المغلوبه
صدقيني إي رجل يشاهد المرأهـ في وظيفه يطمع في إلي بيدها
والشاهد كثر ماشوف في مجتمعنا
وأنتي عاد أستخيري
ولو توظفتي حاولي تطلبي منه حتى لا ينساك
كوني بخير​

 

[فداك القلب]

غريب زوجك من اولتها يطلب اجل وش بيسوي بعدين لاعاد تكررين غلطك مره ثانيه وتعطينه لانه يمكن يتمادا واحذري يمسك بطاقتك لين اخذها ذاك الوقت لاتلومين الانفسك والله يوفقك يارب

 

[نور زوجها]

مدري ماخبرت الرجل ياخذ من زوجته قبل الزواج

 

[hadifa]

يا شين الزوج الطماع طلب منك المال في فترة الخطوبة وانت لست موظفة وما بالك اذا توظفت

اذا كرر الطلب مرة أخرى ارفضي وشوفي ردة فعله ​

 

[حلمي صعب]

بصراحه ماقد شفت وحده موظفه الا زوجها ياخذ منها او يرغمها تصرف على نفسها والبيت وش الفايده من الوظيفه
اعرف وحده توظفت وراتبها للشغاله ومصاريفها الخاصه ولاولادها وهو مرتاح من المصاريف
والله احسن تجلس في بيتها ويصرف هو عليها وعلى بيتها وعيالها

 

[غااااااايه]

الله يعينك، لاتعطيه اي شي . ومن بداية زواجك اطلبيه،ولاتترددين أبد، يعني عوديه من البدايه انك اللي تاخذي من البدايه ،مب تعطيه. عشان يتحمل المسوؤليه من البدايه.واذا أصر، وتم يفتعلك مشاكل عشان هالشي. قوليله انه عليك التزامات ، ومستسلفه سابقا من اشخاص، والحين اسددلهم بالاقساط . يعني اختلقيله اي اعذار.وأهم حبيبتي لاتعطيه بطاقتك ، حتى لو تحبيه موت. أسأل مجرب ولاتسال طبيب

 

[دلع الحوريه]

حبيبتي وحده من صحباتي معطيه زوجها الصرافه حقتها وربي انه قاعد يصرف عليها من افلوسها ويقولها انا اعطيك وفلوس وانتي ماتشوفين الي اعطيكياها وتقوله هدي كلها افلوسي وافلوسك فين تروح يقولها افلوسي اجمعها لك ولعيالي >>>>الله اعلم فيه يمكن مخطط لشي تاني
اهم شي صرافتك لا يلمسها حتى من اول ماتتوظفي ع طولي خذي قرض اشتري ارض بسمك وبعدين اذا طلب منك افلوس اتحججي باالقرض مثل الرجال لما يتحججو عند حريمهم بلقرض .
ولله يوفقك ويسخر زوجك لك يارب

 

[انوا رة الرياض]

لامن اولهاخليك قويه لاتضعفي ويستغلك وراي من راي دلع الحوريه اشتري ارض فكره حلوه 000000000000

 

[دانة الشام]

ابنك على ماربيتيه وزوجك على ماعوّدتيه ,, من البداية لاتعوّديه يعتمد على راتبك ,, راتبك ملكك وأنت حرة به حتى وإن ساعدتيه يوما فهذا سيكون خيارك وقرارك وليس فرض عين عليكي,,انتبهي كوني صارمة من البداية وحطي النقاط على الحروف وصدقيني مع الايام سيتعود على طريقتك وأسلوبك في التعامل المالي بينك وبينه..ربي يختار لك الخير.

 

[ناصرة المظلوم]

شوفي مافيه شي لما الزوجه تساعد زوجها بعد الزواج يعني تشيل نفسها شوي
لكن يطلب منك فلوس وبطاقتك وقبل الزواج الصراحة هذي قلة أدب مايستحي والله ماأقول إلا الله يعينك زوجك شكلة من النوع الطممممممممماع

 

[معذبني غرامه]

لاتعطينه وجه انا ماتوظفت وكان يقول عندك خير يقصد من اهلي او عشان ذهبي ..فانا الزمممه يصرف غصب...