أم غمازه
New member
- إنضم
- 2009/08/01
- المشاركات
- 8
السلام عليكم ورحمـه الله وبركـاته
..
..
شلونكم يا بنات مملكة بلقـيس ان شـاءالله بخيـر ؟
..
..
والله يا بـنات منحرجه منكم وماني عارفـه شقول ! لان هذي اول مشاركة
معاكم :in_love:
انا عندي اسئلة كثيرة ومو عارفـة من وين أبدأ .. بس
بقولكم الي ببالي والي بسأل عنه باختصـار !!
..
..
انا يا بنات ارتبطت عاطفيا مع شخص من 6 سنوات
والحمدلله ببتم عقد القران قريبـا اذا الله سهل الامور
طبعا القصه بيني وبينه طويله ومافي مجال لذكرها بالموضوع
بس اتمنى من البنات ما يحطون بذمتهم شي ولا يفكرون تفكير
بعييييد .. :sadwalk:
يابناااااااااات انا خايفه خايفه خايفه من الزواج لان
بكل المنتديات اقرا عن زوجات تعرضوا للخيانة وطبعا الزوجه تكتب
تفاصيل حياتها مع زوجها والكلام اللي يدور بينهم .. واحداث القصـة كاملة ..
ومن خلال الردود اشوف ان اغلب الزوجات تعرضوا للخيانة ..
والمشكلة ان بعضهم تزوجوا عن حب واقتناع :sadwalk:
كل المواضيع خياة خيانة خيانة خيانة .. شي يقطع القلب
وخوفني من الزواج ،، ومن خيانه الزوج !!
والله اكتب لكم وانا احس فيني هم كبيــــــر وخوف من الزواج ..
اقول في نفسي يمكن انا مخدوعه !! يمكن كلام سي السيد كله كذب
يمكن يمثل بمشاعره .. لما يسوي غلط ويبكي عند راسي يطلب السماح
اقول يمكن تمثيل !!
صرت اخاف .. اخاف اصدق اني عايشه حياه سعيده مع زوج وفي وصادق
وانخدع مثل ما يصير مع البنات !!
اقول في نفسي معقوله انا الوحيدة اللي زوجي مخلص
يمكن يكون مثل غيره اللي خدعوا حريمهم والحريم غافلين
يعتقدون انه حياتهم كامله وفجأة
بنات قولوا لي شلون اتخلص من خوفي ؟
وشلون اعرف شخصية زوجي ؟ لاني اسمع كل البنات
يقولون زوجي جنوبي والثانية تقول شمالي
ويقولون عرفنا نتعامل معاهم عن طريق معرفه شخصياتهم !!
.
.
بنات احس افكاري مو مترابطه يمكن لاني منفعله واكثر
من فكرة تدور براسي .. وماعرفت اوصل الي ابيه
بس ان شاءالله القى منكم الكلام اللي يريحني
تكفون لاتخلوني ..
