مرحبآ !

من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك

آشتركي معنا الآن !

خايــــــفة من الإيــــــــدز ...

الحالة
مغلق و غير مفتوح للمزيد من الردود.

سر العيون

New member
إنضم
9 فبراير 2008
المشاركات
97
بسم الله الرحمن الرحيم

خواتي أميرات وملكات مملكة بلقيس ..
المشكلة وباختصار ..
أنا في بداية زواجي كنت أعاني من الخيانة بس صار لي فترة 6 شهور ..
غيرت نمط حياتي ,,
تركت ريلي بحاله ما قمت أراقبه ولا قمت أعطيه بال يعني بالمعنى صريح
طنش تعش ...
اللي علي إن أربي يعالي ويكون بيتي نظيف وأهتم بلبسه ووأغراضه فقط لا غير ..
يعني وين راح وين يا ما أساله عن شي .. غير الأشيا الضرورية ..
حطيت إهتمامي بنفسي وعيالي وبيتي .. بس عشان ما أخليه هاجس حياتي وبصراحة إرتحت وااايد
حتى ريلي تغيرت معاملته لي ,,
صار يحترمني وااايد ويحاول يرضيني بأي شي وإحنا جي مرتاحين ,,
بس صار لي إسبوعين تقريبا ما يغمض لي جفن ولا ييني نوم ..
تعبت من السهر ,,
والسالفة إني خايفة من مرض الإيدز ..
خايفة ريلي ينقل لي هــ المرض ..
شفت وااايد قصص واقعة بالنت وشفت صور المصابين بهالمرض ..
صرت أحلم بكوابيس ..
وقمت أجذب على ريلي لما يطلبني ع الفراش وأقول له عندي عذر أو تعبانة صرت األف أي شي ,,
بس هو ما يرضى ومجرد ما يخلص ,,
أيلس أصيح وأتخيل إني مريضة بهالمرض ..
خلاص أحس عمري بستخف ..
أنا قلت بخليه يوديني عند دكتورة نسا وبعدين بجذب عليه وبقول له الدكتورة قالت ما تنام معاي لمدة 6 شهور بس عشان يبعد عني وأرتاح من التفكير بهالمرض ,,
والله العظيم إني خايفة
شو أسوي ؟؟؟ :tears:
 

(مها)

New member
إنضم
4 أغسطس 2007
المشاركات
77
بسم الله عليكي مافيكي الا العافيه ان شاء الله ,,,
بس انتي ليش مره تفكرين بالايدز ,,,, يعني انتي واثقه ان زوجك يخون ويوصلها للفراش مع كثير من البنات؟؟
وش خلاكي تفكري كذا ,,, يعني يمكن شايفه اتصالات او مسجات اللي ماتخليه يوصل لهالدرجه ( الزنا ) ؟؟!!
 

سر العيون

New member
إنضم
9 فبراير 2008
المشاركات
97
يعين ريلي م النوع اللي عادي عنده ينام مع فلانه وعلانه ويكون برضاها ..
يعني إذا وحدة كلمته وقالته إطلع معاي ما يقول لا ..
ريلي عادي عنده يوصل للزنا ,,
أنا متأكدة من هالشي ..
من جي خايفة :sadwalk:
ومن كثر القصص الواقعية اللي أسمعها
خفت أكثر
 
إنضم
17 يناير 2007
المشاركات
587
بصراحه اذا متاكدة انه يزنى انا اقول استشيرى دكتورة واشرحى لها وضعك وخليها تسوي لك فحص للمرض
وقولى لزوجك بما انك كاشفته انك شاكه وتبين تتاكدين وخليه يسوى فحص
اواتفق مع الدكتورة انها تسويله تحليل دم باى عذر ولاتطري له الايدز واكيد بتمنعكم من الجماع 3شهور ليما تطلع التحاليل
هذا اللى عندى والله ييسر امرك
ويفرج لك
 
إنضم
29 يونيو 2008
المشاركات
175
لاحول ولا قوة الا ابلله العلي العظيم
حبيبتي أنا كنت متابعتك من موضوعك الأول
و الله الشاهد أدعي لك من قلبي ربي يحفظك و يصلح زوجك و يصلح عيالك..
بس حبيبتي إنتي قاعدة تعينيه عالمعصية..
انتي طنشتيه و ماعاد تسألينه و تجري وراه و ارتحتي بس هو ما ارتاج هو بعده متذبذب
لازم تجذبينه لكي و تعينيه عالإقلاع عن المعاصي اللي قاعد يسويها حبيبتي دورك مش بس انو تطنشين و خلاص لاااااا رجعيه لحضنك
فين أيام الحب و الغرام
فين البكاء اللي بكيتيه عليه
فين الصياااااااام الي صمتيه عشانه
فين راح هذا كله؟؟؟
اشتركي في دورة استاتيجية التعامل مع الزوج الخائن و لا الحقي على نفسك و روحي على استشارية
مو حال هذا اللي انتو عايشين فييييييييييييييييييه
مين بينفعك لو لا قدر الله بعيدعنك زوجك كان مصاب و نقل لك المرض؟؟
و لو جا يبغا الجماع قوليها في وجهه أنا أخاف من يكون عندك مرض و تنقله لي مييييييين بيربي عيالنا بنخليهم لمين؟؟
يمكن تؤثر هالكلمة فيييييييييييييييييييييه
و الله يريح بالك و يهديه و يؤلف بينكم يااااارب
 

**لين**

New member
إنضم
18 مايو 2008
المشاركات
53
لاحول ولا قوة إلا بالله ...........إذا متأكده من إن زوجك زاني لازم تخوفية من عقاب الله وتوضحي له إن الشخص الذي ينتهك حرمات المسلمين يسلط الله عليه من ينتهك محارمه(فهل يرضاها لك أولبناتك )وإذا طلبك للفراش قولي له بصريح العبارة أنا أخاف تنقل لي الأمراض ،واطلبي منه كشف طبي يثبت سلامته من الأمراض المعدية
وحاولي تتصلي بشيخ وتعطينه رقم موبايل زوجك عشان ينصحه ،هذا والله يهدي زوجك ويبعده عن الحرا ويرده لك رداجميلا
 
إنضم
2 مايو 2008
المشاركات
193
لاحول ولاقوة الا بالله الله يسرامورك يارب وإختي لازم ماتسكتين على الموضوع ابد الساكت عن الحق شيطان اخرس
إختي الله يهديك انتي تشوفين زوجك يغلط وتسكتين لازم تحتوينه وتنصحينه وتفهميه ان هذا الشي حرام ومن طق باب الناس طقو الناس بابه خوفيه بالله وانه فيه عقاب وحساب وارجوك لاتسكتين ابد على الشي هذاوكلمي شيخ علشان يفيدك اكثر ويقدر يساعدك بعد واسأل الله ان يصلح حال زوجك يارب ويسعدك
 
إنضم
1 فبراير 2008
المشاركات
87
شي فضيع اللي يسويه زوجك والافظع منه هو سكوووووووووتك ياختى مشكلتك كبيره والزنا ليس بالامر الهين لابد من ان تتخذي قرار حازم في هذه المشكله اعانك الله
 

ميوسه

New member
إنضم
1 أغسطس 2007
المشاركات
2,966
عزيزتي

ماجصل وطلع فيزا؟؟؟؟؟؟؟؟؟؟؟؟؟؟؟ للسفر

اذا مطلع له فتره قريبه ان شاء اله مافيه شي

لانهم يطلبون تحليل للايدز



وشي ثاني لاتعيشين بجو الرعب سوي لك تحليل

وبعدين اجلسي معاه وقولي له اللي بقلبك عن كمرض الايدز حتى لو بكيتي


موفقه
 

البحر غدار

New member
إنضم
2 يونيو 2008
المشاركات
449
خليه يستخدم الواقى الزكرى احسن شىء لهالامور يعنى ازا كان معه شىء لاسمح الله مابيوصل لك
 
إنضم
9 ديسمبر 2007
المشاركات
230
الله يهديه ويسخره لك ويبعد عنكم بنات الحرام روحي سوي تحاليل عشان تتطمني على نفسك والله يريحلك قلبك

وعلى فكره العزل مايمنع انتقال المرض الله يبعده عنا وعنكم وعن جميع المسلمين يااااااارب
 

لتوفي

New member
إنضم
6 مايو 2008
المشاركات
3,470
شوفي الختي انا عندي فكره وهو نايم جيبي شوي عصير فينتو وقطري شوي على وملابسه الداخليه محل العضو الذكري وهو نايم وبيصحى وبشوفه قولي له سلامتك حبيبي لا يكون انت مريض مرض خطير روح اكشف هذا اكيد مرض جديد فيك الله يعينك اهم شي سلامتك وبدل الرجال رجال
 

ريما1429

New member
إنضم
12 يناير 2008
المشاركات
93
ليه معيشة عمرك بالخوف هذا كله ..انا لو منك والله غير اشيل نفسي وعلى اهلى

وبعدين روحى لطبييبه وكذبي عليه قولى عندى ايز كيف جا وخليه يعيش الرعب الى انتى فيه

ويعض اصابع الندم...
 
إنضم
1 مايو 2008
المشاركات
546
طيب اختي لو صارحتيه وجبتي له صور ناس مصابين بالمرض وكيف ينتقل...هل بيقتنع؟؟؟
انتي طبعا ادرى في زوجك..اذا تحسين انه بيقتنع لاتترددين
واذا تحسين انه مايجي الا بالتلميحات لازم تلمحين له مثلا تقولين عندي التهابات غريبه اول مره تجيني..يمكن يحس....
واهم شي الدعاء والزنا صعب يااختي لاتتهاونين فيه ابد وانتي خوفك في محله الله يحفظك من كل شر ويحميك يارب..طمنيني يالغاليه وقلبي معك واوعدك ماانساك من دعائي
 

الشوق2

New member
إنضم
22 مايو 2008
المشاركات
40
ما شاء الله الاخوات ما قصروا وانا برايي انك لما يطلبك على الفراش صارحيه بمخاوفك يمكن يتاثر ويترك الزنا ولا تنسي الدعاء
 
الحالة
مغلق و غير مفتوح للمزيد من الردود.
أعلى