خالي ....صدمني ...!!!

[بلسم مجروح]

خواتي ابغاكم تساعدوني وتقولولي انا غلطانه ولا لا ...

عندي خالي بامريكا عايش طبعا بين فتره وفتره يتصل يكلمني واحيانا ع المسن

وهو اقرب واحد لامي وهو مستودع اسرارها ...الله يخليهم لبعض

المهم انا كنت ماره مضايقه وكان هو ع المسن قلتله ع اللي بقلبي لاني بصراحه احبه

وارتاحله كثير وانا ماني متعوده اقول لاحد اسراري الخاصه بس بحكم اني كنت محتاجه

افضفض قلتله كل شي وقلتله يوعدني مايقول لاحد كنت اعتبره ثقه ...هو متزوج

وكبير ماهو صغير بس يموت فيني ويعتبرني بغلاوة بناته ...

المهم سكرت الماسن بعد ماقلت كل شي ...

تاني يوم اتصلت علي اختي قالتلي انتي قلت لاحد اسرارك قلت ليش؟؟؟

قالت خالي اتصل ع امي وقالها كل شي قولتيله هو وكمان كان قايل لاخوي اللي اكبر مني

كل اسراي يعني فضحني .....

واخويا هو كمان عايش معه بامريكا وخالي واخوي راحوا فضحوني عند اهلي ..


وبس اختي قالتلي انا انجنيت كيف وانا كنت اعتبره ثقه مره صدمني

ارسلت له رساله ع الايميل وقلتله اني اتضايقت لانك قلت لاهلي اللي قلتلك هو

ووووو كلام كثير .....وبالاخير كتبتله لاني احبك ماحبيت اخبي اللي ضايقني منك

ومشكلتي صريحه جدا بمشاعري ...

وهو تاني يوم بعد مارسلت مارد علي اتصل ع امي وقالها بنتك رسلت كده

وهي زعلانه وانتم ليش تقولولها اني اتكلمت عنها !!!!ودحين ماهتثق فيني ...

وزعل من امي .....وامي دحين اتضايقت مني وقالتي لاعاد تجي عندنا البيت

لاني زعلتي اخويا مني !!!!!!!!!!!!!! وكيف هو اللي فضح اسراري انا وش ذنبي ....انا اخدت

حقي بس لاني ماحب احد يستغلني

ايش اسوي دحين والله جالسه ابكي من القهر امي كده سوت فيني

وهي تدري انه اخوها الغلطان ومااحافظ ع سر بنتها ...وانا وثقت فيها

قولولي ايش الحل الله يخليكم ..وانا ماقلت لزوجي ومايدري عن الموضوع

ايش رايكم.................

 

[noufawy]

الحل انك تقولين لخالك انك مسامحته ويقول لامك هالشي

لان بالاخير زين قال لاهلك ماقال لأحد غريب

ومره ثانية لاتثقين فيه خلاص

بس اهم شي ترجع الامور زي اول

 

[هند بنت عتبة]

حبيبتي الدنيا ما تستاهل الزعل لو هو غلطان صيري احسن واتصلي منه واعتذري وقولي له خل يتصالح مع امك وترجع المياه الى مجاريها ومن هالكلام الحلو

وكلمي امج بعد واستسمحي منها وقولي لها انج اعتذرتي منه

ومرة ثانية لاتثقين باحد ابدا ​

 

[رمآدآ]

طيب يعني ممكن هالاسرارا لو وصلت لزوجك تخرب عليك وهذا خوفك

او مشكلتك لما امك ازعلت عليك
اذا على زعل لام بسرع هترضى مافي اغلى من اعيالها كلمي خالك وقولي له
انت فضحتني وفوق كل هذا سببت لي مشكله وقطاعه عن اهلي
شوف لي حل كلم امي وخليه هو يكلمها ويشوف وش بتقول لها
بعدها بيوم روحي استسحمي منها حتى لو انك ماغلطتي هاذي امك وان شاء الله بترضى

 

[سهول تهامة]

اولا..زوجك خليه برا الموضوع نهائيا,,ثانيا مساله خالك يمكن كان قصده خير ونيته طيبه..المهم اللي حصل لك مثل الزوبعه في الفنجان ..وراح تنتهي المشكله باذن الله..لكن انتي هدي الامور مع اهلك وكان ما صار شي..وياما يصير بين الاهل وترجع كل شي طبيعي..اساليني انا مجربه...وبالتوفيق

 

[الزوجه الاولى]

حبيبتي ان شاء الله شده وتزول بس نصيحه مني لا تثقين في احد حتى اقرب الاقربين الدنيا مافيها امان الله يعينج ويسر امرج

 

[وصية رسول الله]

الله يصلح بينكم

 

[بركان المحبه]

ههههههههههههههههههههههههههههه ..... حياتي صارت لي مره قلت لأخوي أسراري وهو بأبها وانا بالخبر عن طريق التلفون ... راح قال لامي ماقصر ... وقاموا أهلي وعصبوا علي ليه أخوك بيكون أقرب منا لك وووووووو إلخ من هالكلام .... بعدها والله صرت ماأثق حتى بزوجي أقوله أسراري سري على قولتهم صار في بطني محد يدري عنه غير الله ... وأحيانا وحده من صديقاتي البعيدات عن محيط بيتنا .. معاي بالدوام ... لا وماأقولها كل شي بعد ... سرك خليه بينك وبين الله والله أحسن لك الشكوى لغير الله مذله ... والله يعين​

 

[ضمة طفل]

ماني عارفه ايش اقولك بس حسيت انهم غلطوا في حقك وفي الاخير قلبوا الطاولة عليك وانا ماودي انصحك انك تقاطعينهم بس بقولك لو انا مكانك راح اطنش خالي وازعل منه لانه مو قد الثقه حتى يعتذر لان الخطأ بدأ منه وامي راح ازورها واواصلها حتى لو زعلانه لانه مهما كان ماتشيل في قلبها على اولادها ويمكن اتكلمت في وقت زعل وابوس راسها واصالحها وابين لها سبب زعلي من خالي واقولها اني اخذت في خاطري منه لانه طلبت مايقول لاحد وفي الاخير الاقي انه ماخلى احد واقولها حطي نفسك في مكاني ماتزعلي.اخيرا لازم تحرصي على نفسك مو اي احد تقوليله عن اسرارك اوقات الاخت مالهل امان فكيف بالخال والله يصلح مابينكم.