حياتي مع زوجي شبه طلاق و بنتي في النص

[نعمة الله1421]

السلام عليكم ورحمة الله وبركاته
كنت خايفه اكتب القصه و القى كلام يوجع قلبي اكثر ..بس لما قرات المواضيع في المنتدى تشجعت اكتب
انا بنت من عائله فقيره اتيتمنا واحنا اطفال ..وربتنا امي برعاية خالي ماديا ..
مابتكلم عن معاناة الفقر والذل و الوضع النفسي بعائلتي بمقدار الوجع القوي الي تلقيته نتيجة خطوبتي ..
كنت احب ولد خالتي ومابينا اي سلام او كلام كنت اتبهدل لما يمر جنبي ..بس انا انسانه واعيه وفاهمه و لله الحمد متدينه ..
الولد عمره ماشافني الا صدفه و مثل ماقلت حتى سلام مابينا ..بس احبه حب بجنون مجنونه فيه مو طبيعي حالي لما ينذكر اسمه ..
المهم خليت هالشي بقلبي و اخته الصغيره كشفت مشاعري اتجاهي ..
لما وصل عمري 18 بدأ الخطاب يجوني ..و كنت مصره اني اتزوج رجل متدين حتى لايصير اي خلافات بيني وبينه ويزهق مني ..خاصه اني شيئا ما متشدده واتضايق من الاستهتار بإرتكاب المعاصي ..
وخطبني ولد خالي بس مو خالي الي اتكفل فينا الثاني الي اكبر منه ..و صار وضعي لا احسد عليه دموع وبكا اتعذبت ..رفضته من اول ماقالو لي فلان ..لأنه صديق الي احبه الروح بالروح ..رفضت هابشي قلت بتحكم بمشاعري مع رجل غريب بس مع صديقه احسها خيانه حتى لو كان الشي بقلبي ماحد يدريه ..و اهلي مصرين اوافق وخالي الي اتكفلنا خمسة اشهر رايح جاي يقنعني واتعذبت عذاب دمعتي مانشفت من خدي و اخوي الكبير قال لخواتي بتم الملجه غصب عني ..انا جنيت من الخوف اعترفت الى امي ظنيتها بتستوعب مشاعري رغم قلت لها ولد خالتي صحيح احبه بس مايناسب عقليتي ولا هو متدين ..لاهذا ابيه ولاهذا ابيه ..
وامي للاسف ماحفظت سري وافشته الى اخوتي وكانو حيقتلوني من سمعو الخبر و استمر التهزيء منهم لي سنتين ثلاث وهم كل كلمه لو هذي وافقت على فلان كنا ارتحنا من همها ..
زاد العذاب علي بقوه اتقدم لخطبتي شاب ثاني اخته الكبيره وهو موافقين علي ومعجبين فيني بس خواته الصغار ماتقبلوني ورفضوني وهذا الولد متدين ..
بعد قصته انا ضعفت ..
و ولد خالتي الي احبه خطب بعد اربع سنوات محاوله من اهله يتزوج ..
بالاول الخبر كان عندي عادي وفرحت اصلا كنت ادعي له بصلاتي يتزوج والله يهديه ..
وخطبني بعدها زوجي وهذا يصير ولد عمتي ..و اهلي من جديد لانه قريبي صار الكل ضدي اني ارفضه ..وهو مو متدين و كان وضعنا المادي جدا سيء وقتها ..لدرجة انو كنا يادوب ناكل مكرونه مسلوقه باليوم ..
بالاول حاولت اقنعهم اني مابي الا متدين حتى لايتعب وياي ..بس صارو يقنعوني فيه ..انه كريم وطيب وحنون و الى آخره و لما جا اخوي يسالني موافقه قلت اذا انت تشوفه اهل بالموافقه اني موافقه عليه و بكدا بدت مرحلة العذاب ويا انسان حقييير حقييير بكل ماللكلمه من معنا ..
راح اكمل القصه بالجزء الثاني ?
...
دعواتكم لي ربي يفرجها معي ويحفظ لي بنتي

 

[نارمين]

الله يفرج همك وهمي وكل المسلمين والمسلمات

 

[العنوووددد]

الله يفرج همك ننتظرك

 

[Sara1211]

الله يفرج همك وهمي وهم جميع المسلمين

 

[يا رب فرجك]

الله يفرج همك

 

[نعمة الله1421]

لكم مثل ماتتمنون لي
بس كتبت باقي القصه و طلع لي تعليق انه مثل هالمواضيع ممنوعه بالكنتدى مادري ليش

 

[نعمة الله1421]

لكم مثل ماتتمنون لي بالدعاء ..?
اكمل القصه ..
من اول ماقالت امي ان ولد عمتي خطبني قلت لها ما ابيه ..امي قالت لي اذا ماتوافقي عليه انا مو امك ولا اعرفك بتبرا منك ..
انا خفت موت لأنه امي اسائت معاملتي بسبب رفضي ولد اخوها وتلقيت كلام جارح طول المده الي فاتت ..قبل خطبتي لزوجي
قلت لها اذا رجال يستحق بفكر فيه ..وهي عيت الا اوافق قالت لي الي اتحبيه خطب و بعيش حياته سعيد وانتي ترفضي الرجال عشانه ..
وانا اساسا مارفضت الا صديقه ..
الجمله جرحتني و رشت ملح فوق جرحي ..
خلتني بضغط نفسي كبير وماوثقت في اهلي كلمت ناس من خارج العائله يسألو عن ولد عمتي للأسف الكذب اشتغل ..بالاخص عرفو اني متدينه صار الكل يمدحه و هو يتيم الوالدين امه وابوه متوفين ..
صرت بحيره وخوف شديده لدرجة حطيت قصة الطول بالنص حتى تكون عذر واهلي يحسو بمعاناتي
وليلة الي اتفقو فيها على مهري و كل شي انا جلست اصيح قلت اقصر مني مابيه ..
هو بالحقيقه اطول مني باربعه سم ..لكن ادعيت هالشي وظليت ابكي مابيه ..وصار الكل يجي يهديني و يكذب من جديد انه طوله واخوتي اطول مني وقفوني جنبهم وقالو الرجال طولنا شوفي كيف احنا اطول منك ..واقناعات مستمره كلها كذب ..
بالأخير استسلمت للأمر الواقع لاشكله مقتنعه فيه ولا لأنه اساسا له سوابق بعلاقات غير شرعيه تحت ادعائهم انه ماطول بهالطريق وتاب عنه بسرعه ..
تمت الخطوبه واول الايام لاحظته عنيد جددددا جدددا مهما اطلب منه امور تافهه يرفض ينفذها رغم تونا ببداية الطريق ومفروض يدلعني ..
كان يدلعني بس بالكلام ويطلب مني اقول له كلام حلو ..وانا عقليتي مختلفه ..ابي اول نتعرف على بعض و ان اتفقنا وارتحنا لبعض نتكلم بكلام الحب بس هو نيته غير ..
المهم انا بليلة العقد اعترفت له عندي متلازمة pcos واتكلمت له عن مشاكلها ..واني ما احمل الا بالعلاج
و المشاكل الي عندي نتيجة المتلازمه خفيفه
وربي رزقني قدر من الجمال جعل عائلتي تمجذب لي وتمدح جمالي واخلاقي و سلوكي وكان حتى الآباء يتمنوني لأولادهم
ولد عمتي لما قلت له عندي المتلازمه ..ماعارض ولا تازمت نفسيته وتقبل الموضوع برحابة صدر و انا عطيته الاذن اذا مو متقبل هالشي تقدر تفك من الليله
بس اصر انكمل ..فرحت انه يفكر بهالشكل ..انه هالشي بيد الله ومو بيدنا و كيف اظمن اتزوج وحده طبيعيه وتجيب لي اولاد ..و صار يهدأ نفسيتي ويبعد عني الخوف ..حبيته جد ..
بعد شهرين من خطوبتنا اصر يكون فيه بينا علاقه حميمه حتى يرتاح صار يقول لي انك جميله وماتحمل و اضطر كدا كدا وانا مابي اسوي حتى هالشي طالما اتزوجت
واحنا كنا لازلنا بفترة الخطوبه ..
مع الصراع المستمر و اقناع اقاربي لي انه هالشي عادي يصير بالخطوبه بدون مايدخل علي ..اقتنعت ..بعد شهر بس دخل علي ..و هنا بدأ ينكشف
صار يتكلم لي عن علاقاته الغير شرعيه ويقول لي اسماء البنات الي عاشرها وشكل اجسامهم ..وانا جسمي وسط و بشرتي بيضاء ومافيها عيوب ..اي رجال يفهم بال*** و اجسام الحريم يفضل المرأه الممتلأه مثلي مايفضل الرشيقه عشان مافيها بطن ابد
ومتناسق جسمي مافيه ثنية شحم ابد ..
استأت منه و صرت ابين له اني متضايقه وهذا ماضي انا مو فيه ليش يقوله لي ..و بعدين بلسانه يعترف انه هذولاك يسوو عمليات تجميل لأجسامهم ..طيب انا في جسمي كل شي طبيعي ماعدا بطني شيء ما بارز وهالشي مايعيب شكلي ابد ..
و يصدمني اطلع معاه الكرنيش و يكلم واحد من الشباب مسافر بلاد الخراب رايح للحرام ويقول له قدامي سلم على فلانه و قولها لها اني اتزوجت بس ابي رقمها اتواصل معاها ..
انا انفجعت و صرخت عليه لاشعوريا قلت احد قاعد مع زوجته حلاله يبي يكلم***..
هنا انا بديت اتقفل نفسيتي عليه ..
بدأ يضغط دايما على بطني و يقول لي يييع و لما اوقف عند المرايه يقول لي ولا ملكة جمال ..شوي شوي حسيته بس يجي يعاشرني و يطلع مايكلمني ولايقول اي شي يوميا كدا بس يعاشرني ويطلع
اتأزمت نفسيتي بالاخص اهلي عقليتهم متحجره و مابوقفو معاي بالعكس بيضغطون علي حتى استمر وياه
و حاولت اني بالعقل اتفاهم معاه واخذ منه وعد مايتكلم عن ماضيه الي وصل فيه اعترف لي انه اعتدى على وحده من صديقات الطفوله من صديقاتي ..كنت اقول له بروح السوق معها واعترف لي بهالشي واعترف انه اتحرش ببنات اخته و مارس معهم ال*** انفجعت وربي ..وكرهته وظليت ابكي مو عارفه كيف اواجهه لو قلت انه قال هالشي الكل بكذبني وقتها مافيه جوالات مطوره اسجل عليه الي قاله ولاكان عندي ..
صبرت و استمريت اقرأ القرآن وادعي ربي يخلصني ..يمكن بس متأثر من ماضيه ويبي يعالجه حاولت اقنع نفسي بهالشي ..
و بيوم نسى جواله عندي كان داك اليوم رومنسي وياي و ماخذ عليه وعود انه يعقل هالتصرفات والماضي ماينذكر ..
و اكتشفت انه يكلم بنت ..باليوم الثاني واجهته ..واعترف انه يحبها و كان يبي يخطبها واهله ماقبلو فيها ..انا قلت لنفسي بس لهنا وكفايه ..
صرت ازن عليه لاتخرب حياتك وياي سعادتك وياها خلي انفك برجع لك كل شي وروح تزوجها ..
و هو مصر يكمل وياي ..و انه بيحذف الرقم ومابعيدها ..
طبعا كرر هالشي من ورا ظهري وصار يلعب علي اخذ لي شريحة جوال و عطتني قريبتي جوالها ماتحتاجه وصار يرسل لي الرسايل الي ترسله له حتى ياخذ مني رسايل ويرسلها لها وقتها رسائل نصيه ..
وعن اساس رومنسيه و ماخذني للمطعم ومجلسني بحضنه قال لي الرسايل الي ترسليها حلوه حبيتها
و انا الغبيه صدقت صرت ارسل له ..واكثر العيار ظنيت لأجلي طلع كل الرسايل يرسلها لها وهي الغبيه اتظن من تأليفه ويجلس يغازلها ..
قلت فكه مسكتها عليه ..
ولميت كل شي عندي منه ورسلت له رساله احنا انتهت قصتنا وتعال خذ كل شي وطلقني وانت بطريق واني بطريق ..وظليت اسبوعين ماكلمه وهو رايح جاي البيت ما ارضا اتقابل معاه وماقلت لاهلي لأني متوقعه بيوقفو معاه ..
بالأخير جا يتوسل امي يقابلني و جت امي واجبرتني اكلمه طلعت معاه الكرنيش وقال لي انتي لو تشوفي البنيه تضحكي علي اعيفك انتي بهالجمال واتزوج وحده سودا ..وصار يعيب عليها انها قبيحه ..وبس يكلمها يبي يشوف لوين بتوصل
وحلف لي حتى على القرآن الكريم ما بكلمها من جديد
وللاسف عطيته فرصه و رجعت اكتشفت انه يكلمها ..
انا حفظت رقمها و كلمتها وهي من دوله ثانيه ..وقلت لها قصتي وياه كامله وقلت لها اذا تبيه مصره تتزوجيه فكيني منه ..مابي اظل عذول في النص بين اثنين يحبو بعض ..
البنت اعتذرت مني وقالت ماراح اكلمه ولو اعترف لي انه خطب ماكنت بخرب حياته ..
مع الكلام فهمت البنيه لاعبه عليه وعلى الف غيره ولافي حب ولاهم يحزنون ..
وطنشته قلت ان شاء الله تاخذ عقله وتخليه يفك مني وارتاح منه
وهو تغير صار يعاملني افضل و ارتحنا من المشاكل الى بعد زواجي باربعة اشهر والله كنت حاسه نفسي سعيده وياه ..
ورجعت اكتشفت انه يكلمها و كلمت البنت وانا مغتاضه ..لوين بوصل الحال ..
و واجهته و انا مفجوعه و قلت انها القاضيه وبرجع بيت اهلي وصرت احاول باهلي انه يطلقوني منه ومابيه و هو مهددني اني لو قلت فضايحه بيفضحني وبشهر فيني المشكله انه قال لي كلام عن اهله مايقوله انسان عادي اتهم اخته وبنت اخوه بال*** ..بالاول قلت يمكن صحيح كلامه طيش مراهقه وسووها ..
بعد ماتعرفت على عائلته وعليه وثقت تماما انه يكذب عليهم ...
طبعا اهلي وقفو وياه بصف رغم عرفو انه يكلم بنت رغم انهم سمعوه يسيء لي باكثر من موقف ولافيه فايده ..مصرين اكمل وياه ..
وانا مصره اطلق مابيه مايناسبني ..
وجا خالي يقنعني ارجع له سمعني كلام عذبني ليومي
قال لي انتي خطبك ولد خالك وادلعتي عليه قلتي ماتبيه هذي حوبته ..و خطبك فلان وفلان واحنا رفضناهم
متخيلين من خطبني
ولد خالتي الي احبه خطبني وماقالو لي ورفضوه دون علمي
بس قال لي كدا خالي انفجعت وقفت الدنيا عندي ..ولد خالتي مدلع زوجته آخر دلع ومايرضا عليها حتى خواته صارو يغارو منها ..وغير كدا اكتشف انه الحب بينا كان متبادل و الولد خطبني و ينرفض دون علمي ..

 

[نعمة الله1421]

كانت اقوى صدمه من الي اعانيه ويا زوجي ..
بعدها بالإنكسار الي فيني واصرار اهلي ارجع له ..رجعت وانا داخلي احس اني ذليله ..وماعندي احد اسند ظهري له ..وبالفعل زوجي كبر راسه علي وصار يأمرني اجيب له الشاي واجيبه و ينتقذه وياخذه هو بالصينيه يضربه بالجدار و اوامر ماتنتهي كأني عبده عنده سوي كدا لاتسوي كدا يصارخ علي اسكر باب المطبخ وغرفة النوم يشكل هستيري مايستدعي يصارخ علي اساسا الشقه جدا صغيره ..
و استمر يسيء لي ويسبني ويجرحني و اتمادى وياي صار حتى الضرب يضربني ..و حاولت من جديد اطلق منه ونفس ابشي اهلي وقفو وياه ورجعوني له
و استسلمت صرت احاول ارضيه وادلعه و اكلمه بحب لعل وعسى يشعر فيني اني انسانه عنده ولافي امل على كل شي يقول وش هالبلوه المبتلي فيها ..مو كفايه لاعبين علي اهلك مريضه ماتجيبي اولاد ..
يقولها لاني نسيت الباب مفتوح ولاني ماضبط الغذا و لامور تافههه وسخيفه ماعنده سبب ينتقذني عليه ..

 

[نعمة الله1421]

ادهورت صحتي بسببه وانا احاول فيه بلا فايده ..
استمر العذاب اربع سنوات وياه و كتبت قصتي باحد المنتديات وقرأتها اختي الكبيره و هاوشت اهلي و صارت اتصيح على الظلم الي انظلمته وكيف راضين علي كدا ..اخيرا اهلي حسو فيني و بكو لاني عانيت كل هالمعاناه ..
ورحت عنه بيت اهلي على امل اطلق وارتاح ..وابد شهرين في بيت اهلي لا انا متزوجه ولامطلقه ولاعندي من ينفق علي اتعذبت ..ومثل ماقلت الفقر كان له دور بزواجي و نفس الوضع كان مستمر كان اخوتي كل يوم يهاوشو امي على اكل البيت و الفواتير ماعندهم يدفعو لها والوضع مأساوي ..وقتها مافيه وظايف نسائيه مثل الآن ولافيه ظمان اجتماعي للمطلقه ..و تعبت نفسيتي اكثر وانا اشوف امي اتعاني ماعندها تصرف علي ..ولجأت لشي**خ من منطقتنا وخبرته قصتي ويا زوجي ..وقتها زوجي يحاول يرجعني ويكلمني ..و اخذ عليه الشي*خ عهد يهتم فيني ومايظلمني و رجعت له بعد اربعة اشهر ..
جا اخوي وقال لامي خلاص خليها ترجع له اذا تبي ترجع ولبست عباتي وعطتني المفتاح لشقتي قطته بالارض قالت انتي استجنيتي مثل ابوك
ابوي كان يعاني من مرض نفسي الهلوسه نتيجة صدمه بالراس ..
طنشت كلامها واخذت المفتاح من الارض لاني مو قادره اتحمل العذاب الي كل يوم اعيشه في بيت اهلي بالصراخ لاجل فلوس ..
كان زوجي نايم لما رجعت ودخلت الفراش اغازله وانا داخلي اموت وبكى بكاء لما شافني وحسيت انه متندم بجد ..
واتحسنت معاملته لي بالفعل ..
وسنتين ثانيه وانا وياه ولاهو راضي يعالجني حتى احمل ..و دخل النت الشقه و صار مدمن فيس بوك وكل يوم يدور ويبحث عن طرق حتى يصادق بنات ..
ورجعت المشاكل ليومي ..
اكمل القصه لاحقه ..
وارجو معذرتي على الاطاله

 

[العروس الصغيرة]

عليكي بسهام الليل 
ادعي ربنا وصلي 
وشوفي كيف راح ترتاحي 
الامل بالله وحده وبس 
خلي املكي كبير
واستغفري كثير والله كريم 
وربنا ينصرك 
وادعي دايما وقولي
اللهم من اراد بي سوء فاجعل كيده في نحره

 

[Jolie femmme]

صباح الخير حبيبتي
انا قريت نص قصتك واللي اقدر أقولك ياه إنّو هالشخص ارتكب زنا وفاحشة وكلم بنات قدامك واعترف بان زنا مع محارمه يعني زنا المحارم
بس بدّي أسالك سؤال?
انتي كيف تأمنيه على اولادك؟
كيف قدرتي تخليه يلمسك وهو بالخقارة?
H ووين حابا توصلي معاه?

 

[Jolie femmme]

انا عارفا ان الأهل احيانا يكونو سبب المنا لكن انتي القرار بيدك وحدك
حابا تكملي مع هذا الشخص ?اذن تحملي اللي راح يصير
اللي مايخاف ربه في بنات اخواتو راح يخاف على بناتو?
بدّي بي تعرفي انك تخاطري بحياتك بصحتك بأطفالك
مع واحد أصلا ماتحبيه ولا ينحب
لاهو زوج ولآخر أب صالح

 

[نعمة الله1421]

انا عارفا ان الأهل احيانا يكونو سبب المنا لكن انتي القرار بيدك وحدك
حابا تكملي مع هذا الشخص ?اذن تحملي اللي راح يصير
اللي مايخاف ربه في بنات اخواتو راح يخاف على بناتو?
بدّي بي تعرفي انك تخاطري بحياتك بصحتك بأطفالك
مع واحد أصلا ماتحبيه ولا ينحب
لاهو زوج ولآخر أب صالح

حاولت بذلت جهدي حتى اطلق منه بس يزين نفسه للكل و كل هالامور ماحد يعرفها غيري و لاعندي اثبات عليه ..و مثل ماقلتي اهلي السبب مشجعينه ..و الآن خايفه على بنتي
لأنه مو بس يكلم بنات على مواقع التواصل الا انه مصر يسافر دوني ..و هو سوا هالشي بحملي فيها واعترف لي انه الي راح معاه كان رايح للفنادق والدعاره ..ومنها لليوم وانا حرب ابي اطلق منه ..و صلت قضيتي لجمعية العنف ضد المرأه بس الكل يطالبني بشهود واثبات على كلامي ..
وهو جاب لي صديقه رجل دارس الدين حتى يصلح بينا استغليت الوضع وشكيت كل خبائثه اله والرجال اتأكد من صحة كلامي بعد اشهر و الرجال ينصح فيه اعترف لي صديقه انه يبي يسافر للنسوان حتى قال لي الحل الوحيد اني اتركه يسافر واقدر ارفع عليه قضيه ..
طبعا مشكلتي حضانة بنتي الي خايفه جدا عليها منه ..
و ماحد راضي يوقف بصفي حتى اطلق منه
المشكله انه يدعي اني ماجيب ولاد ويبي يتزوج علي باي طريقه ..
وانا الحمد لله من اول علاج حملت باربع توائم يعني انا مو عقيم لهالدرجه المساله ابر وحبوب وانتهت القضيه واسقطت التوائم بسبب اهماله لي اتسخنت و مارضي ياخذني للمستشفى و ظليت اعاني من الحراره ليوم ثاني و لما رحت المستشفى كنت اصرخ من وجع راسي و استفرغ من قوة الألم ولما سوو لي السونار وقف نبض قلبهم
رجعت احاول يطلقني ونفس الدمار مع اهلي ..
و اتعالجت من جديد و حملت ببنتي ..كان بنظري انه سوالف النت ماراح توصل للقائات ..لانه اساسا سيء خلق وكنت اراقبه واشوف ولاوحده تتحمل تسولف معاه ..لين هون عن العرب وصار يدور بالروسيات وغيرهم و كلهم دعاره ..و الحين اكتشفت انه متبادل مع وحده من طاجكستان صورة جوازهم وعنده رقمها و غير كدا ماعندي اي اثبات ثاني يدينه ..
مو قادره امسك عليه شي والي قدر ياخذ منه الحق والباطل مو راضي يشهد ضده ..
و هو مستمر يمثل قدام الكل انه يحبني واني اتوهم واشك فيه بس وهذي بنات مايكلمها بس يتابعها ..
طبعا وقفت تواصل مع جمعية العنف ضد ابمرأه لأني بعد ماشكيته لهم قالو لي فكري ببنتك ..
وخلي شي**خ يكلمه يحاول فيه يصلحه وياخذ عليه عهد مايأذيك
هالشي صار مع شي*خ من منطقتنا و للاسف اتوفا الشي*خ قبل لايكمل معي قضيتي وياه وهو مايحترم رجال الدين ابدا ..
ومن محاولاتي السابقه اني جبت رجال للبيت يطلقني منه و نفس الشي جلس يكذب انه يحبني و انه هذي صداقات عابره وسوالف عاديه وماعنده علاقه فيهم ..

 

[راجيه الرضا]

بصي يا اختي اللي بيسافر بره للنساء من الممكن أن يرجع لك باخطر الامراض واقرئي قصه رائعه الايدز لناعمه الهاشمي ثانيا نقطه ضعفك المال لو اشتغلتي وأصبح لك مصدر نفقه هتقدري تقفي وحدك ولا احد يجبرك علي شئ لانهم ما يحبون التخلص منك تقريبا الا لانهم لا يستطيعون تحمل نفقتك وهم اصلا يدبرون انفسهم بالكاد حاولي تكوني بنفسك تشتغلي اي شئ ساعتها هتحسينك قادره تقفي علي رجلك وتقرري هتعملي ايه دون ضغط من اي شخص

 

[Jolie femmme]

شوفي حبيبتي الرجل الخائن بالفطرة واللي يصل به الحال الى زنا المحارم لا حياة معه
ممكن عندك أمل يستقيم لكن هذا قليل جدا وافرحي انك صبرتي وفِي الأخير لأقدر الله حملتي الإيدز منو انتي وبنتك مين السبب?
طبعا انتي
فكري منيح
انت وبنتك الخاسر الوحيد وقتها حتى اهلك اللي مصرين تطلي معاه راح يبعدو عنك ويتركوكي للشارع
اذن قفي على رجليكي وتخلصي من هذا الرجل الفاسق الزاني الذي لايؤمنون حتى على بنته
عندك ميت طريقة تثبيت فيها كلامى سجلي او صوري مواقع يدخل لها
او اَي طريقة

اياكي ...أياكي ان تنجبي طفلا آخر معه
سرحطمين اطفالك ونفسك

 

[Rama 1234]

الله يفرج همك ويشرح صدرك ويسرلك الي في خير ألك ولبنتك?

 

[نعمة الله1421]

بصي يا اختي اللي بيسافر بره للنساء من الممكن أن يرجع لك باخطر الامراض واقرئي قصه رائعه الايدز لناعمه الهاشمي ثانيا نقطه ضعفك المال لو اشتغلتي وأصبح لك مصدر نفقه هتقدري تقفي وحدك ولا احد يجبرك علي شئ لانهم ما يحبون التخلص منك تقريبا الا لانهم لا يستطيعون تحمل نفقتك وهم اصلا يدبرون انفسهم بالكاد حاولي تكوني بنفسك تشتغلي اي شئ ساعتها هتحسينك قادره تقفي علي رجلك وتقرري هتعملي ايه دون ضغط من اي شخص

هذا الي اسعى له ..صار لي اشهر اكلم شي*وخ واراسلهم لاني اهم شي عندي حضانتها و لازلت احاول اصيد عليه شي ..يدينه حتى اكسب القضيه لما ارفعها عليه ..لانه ابد مو راضي يطلقني و سواها لي قبل لا احمل ببنتي يخليني معلقه بدون طلاق ..
وصابره ومتحمله طول هالفتره مع متابعة صديقه لكل شي وجالسه اصور محادثاتي مع صاحبه واجمع كل شي حتى لا اخسر بنتي ..
بنتي اتاثرت بصراخه والحالات الهستيريه الي اتصيبه ويجي يكسر الاثاث فيها ..صارت بنتي ماتتكلم وتتصرف بشكل مو طبيعي ..حولوها لعيادة السلوك ..
وابوها يتمنو يصيدوه لما شرحت لهم حالته قالو لي دا يحتاج علاج المفروض ماسكت عنه
وطلبو مني المستشفى اخلي احد يقنعه يروح يتعالج بس الكل اخذ عني نظره سيئه بسبب هالشي وماحد اتقبل يقنعه يروح او يساعدني وياخذه للطب النفسي

 

[نعمة الله1421]

شوفي حبيبتي الرجل الخائن بالفطرة واللي يصل به الحال الى زنا المحارم لا حياة معه
ممكن عندك أمل يستقيم لكن هذا قليل جدا وافرحي انك صبرتي وفِي الأخير لأقدر الله حملتي الإيدز منو انتي وبنتك مين السبب?
طبعا انتي
فكري منيح
انت وبنتك الخاسر الوحيد وقتها حتى اهلك اللي مصرين تطلي معاه راح يبعدو عنك ويتركوكي للشارع
اذن قفي على رجليكي وتخلصي من هذا الرجل الفاسق الزاني الذي لايؤمنون حتى على بنته
عندك ميت طريقة تثبيت فيها كلامى سجلي او صوري مواقع يدخل لها
او اَي طريقة

اياكي ...أياكي ان تنجبي طفلا آخر معه
سرحطمين اطفالك ونفسك

بحاول اسجل صوته او فيديو بس ماخذ حذره تمام
وكل شي يحذفه سواء اتصالات او صور او رسايل مو قادره امسك عليه اي شي ..
مستخدمه الحيله مع صاحبه الي خلاني اكلمه حتى يقنعني اخليه يسافر ويصلح بينا ..
اما زوجي للاسف مو قادره امسك عليه شي
بالاخير صاحبه قال لي خليه يسافر و ارفعي القضيه عليه بتهمة الافساد في الارض واهمال رعيته
انا خايفه يكون صاحبه متفق معاه على كل شي رغم صاحبه ينصحه و يهزاه قدامي حتى يعاملني بما يرضي الله ..وغيران وحاسدنه علي ..
بس زوجي لاحياه لمن تنادي

 

[راجيه الرضا]

سواء مسكتي عليه ام لا لابد لك من مصدر دخل حتي تستطيعي أن تاخذي قرارك دوان أن يمنعك احد لانه حتي وان تم الطلاق ستعودين مثلا الي بيت اهلك من سينفق عليك ام سيرجعون الي معاملتك بما لا تحبين

 

[سهام سالم]

خذي حذرك من صديقه واقطعي الاتصال معه واطلبي العون من اخوالك او اولادهم .فرج الله همك ،وابحثي عن عمل حتى لو بسيط مثل خياطه .