حياتي انا ونواف __قصة حب تلاشت!!!!!!!

[الدنياسراب]

​

بسم الله الرحمن الرحيم​

سلامي ابعثه لمن شغلن وقتي بماتخطه اناملهن
الرائعه ​

احببتكن وودت مشاركتكن بموضوعي لنغوص ​

معامع حياة​

رنا_نواف))​

سارويها بكل اريحيه وبساطه وماتتخلله حياتهم من مشاكل واخطاء​

وماتحويه من رومنسيه وافراح​

هي قصه واقعيه لفتاة قريبه مني واعرفها​

وطلبي منكم الاتبخلو باسداء المشوره​

والرئي السديدوالتفاعل لشد همتي ​

فحياكم في متصفحي ​

​

 

[ام الريشين]

انتظرك يااختي وان شاء الله ماراح انقصر معك بالمشوره

 

[الدنياسراب]

اشكرك ام الريشين على مرورك
ساوحاول كتابتهاالليله باذن الله​

 

[زوجة الشيخ حمد]

بإنتظارك ياعسولة . . .

 

[سحر اللوتس]

غاليتي ,,

أنصحك أ لاتجزئي قصتهآ
كي لاتفقد روعتها بالانتظآر ................................

 

[حلا شرقي]

بانتظارك وحطيلنا القصه كامله .....

 

[طبعي فريد]

هلا بك اسلوبك مشوووق ننتظرك شكله رهيبه

 

[كحيلتي محيوسه]

وينك ياعسوله اتحفينا
شوقتينا نقراء القصه

 

[الدنياسراب]

اسفه يابنات اعذروني على التاخير ظروفي اجبرتني

 

[الدنياسراب]

​

راح اخليكم مع رنا​

انافتاةجميله وطويله واجتماعيه وواسعت الخيال ​

عشت في اسره ميسورة الحال انااخر وحده تزوجت من ​

بعد خواتي كنت مره انظف المطبخ خلصت​

طلعت عند باب الشارع من السناعه ابي احط الزباله​

عند الباب فتحت الباب وحطيتهاوكان فيه​

صادف نواف بالشارع وشااااااافني​

نواف ولد جيراننا​

رسخت في بال نواف​

​

وانا سكرت الباب وكملت شغلي ومادريت ​

اني لهدرجه اعجبت نواف​

امانواف فقلبت حياته صار مسنتر​

عند بابنااغلب الاوقات يتقرب​

لاهلي كثير اصبح دايماعند ابوي​

ومايرد لابوي أي طلب حتى لو طلبو​

السفر لحاجه سافروجابلنا الي نبغى​

مايقصر مع امي بتنفيذ الي تتطلبه​

كله لعيون رنا​

كان يبي يجذب اهلي لمعاملته​

مرت سنين وهو على هالحال لانه كان اول ماشافني​

كان تقريبا بداية ايام الثنوي​

تتطورتعلقه وصرت كل مافتح بابنا الاقيه​

موقف سيارته حول بيتناوجالس بالسياره​

يامل الاخ اني اطلع ويحظى بنظره ثانيه​

اذكر مره كنت ابطلع انا وخواتي لسوبرماركت​

وحصلناه واقف قدام البيت وكان وقتها اختبارات​

الجامعه ويذاكروهو بالسياره فصادف طلعنا وهو مسنتر​

عند الباب وهاتك خواتي تعليييييق ياحرام​

ومن المواقف كان زوج اختي كثير يشوفه يدور حول بيتنا​

او يوقف سيارته قريب لبيتنافكان يراف بحاله​

وصمم انه يكتب روايه عن عشقه​

وصار زوج اختي(سامي)واسطه بين نواف​

وبيني ​

وصارنواف يحكي لسامي عن رغبته فيني​

وسامي يقول لاختي واختي تقولي​

وصل فيه الامر انه لو ماوافق عليه​

ماراح يتزوج ابد وراح يهاجربعيد​

​

في يوم اتصل على امي الله يحفظها​

وكلمها عن رغبته بالزواج من رنا​

تفاجات امي وحطتها بابوي وقالت والنعم فيك بس​

شف عن ابوهاقال انتي قوليلهاوانا ابقول لابوها​

قال لابوي وابوي حطها بامي وقال مادري عن امها​

رجع لامي وقالها قالت نشوف الحين انت كمل دراستك​

واذاتخرجت يصيرخيركان وقتها هواخر سنوات الجامعه​

اصبح كل مابين فتره وفتره يدق على امي​

يسلم عليها عشان ماتنسى​

اماانا صراحه من يوم دريت عنه​

وهو داخل قلبي وارتحتله وحبيته​

وصرت اترقب اخباره واطالع من عند الباب​

او اجلس اتفرج عليه من دريشة غرفتي​

​

وكان واحد من اخواني كثير يطلبه يخلص له​

اشغال وما كان نواف يرفض لنا طلب ابد​

كانت امي متردده بالموافقه لانها كانت تامل​

لي واحد منصبه عالي وارفع منه​

لكنه عاجبه اخلاقه معاها اكيد لانه مايرد لهاطلب​

وابوي يقول بكيفكم اذاهي تبغاه ونعم الرجل​

اما اخواني فشي ثاااااني​

 

[ملاك هادئ]

متابعه ياقمر **** كملي

^_^

 

[الريم 1]

متابعه

 

[روز الغامدي]

كملي بسرعة

 

[تمنيتك آنآ]

متااااااااااابعه

 

[&همس النسيم&]

<<متابعه..

 

[كحيلتي محيوسه]

يعطيك الف عافيه

 

[مابقى لي اسم]

متابعيين ...........

 

[الدنياسراب]

عندماعلمو اخوتي بخبر خطبته لي عارضووبلاخص اخي الاكبر والصغيروكان اخوي الصغير كل مادخل قام يتطنز فيه ويقول مايصلح لاسباب كثيره كان صادق في بعض بس انا الحب معميني عن سلبياته واقول مافيه انسان كامل​

قام اخوي الثاني يحاول يدورلي الشاب الي يناسبني وكان دايمايقول رنا حلوه والعمر قدامه لاتستعجلون على زواجه مع ان عمري مناسب للزواج تقريبا 4جامعه​

تقدمولي ناس ورحبوفيه اهلي وانا انزويت بغرفتي​

​

واصبحت بين نارين مادري ارضي اخواني او اعارضهم​

واخذ الي حبني من كل قلبه وتحولت نفسيتي زفت​

حاولت خواتي يفهمون اخواني ان نواف مناسب له​

ومافيه شي ينقص دين وهداوه وعلى ابواب التخرج​

وقريب يتوظف​

لكنهم مارضو وكانت نظرتهم لنواف (من عرفك صغير​

حقرك كبير)​

تقدملي ناس ثانين واستقبلوهم اهلي وجو اهله وشافوني​

واعجبتهم وقالو هذا طلب ولدنا​

وبدو يسالون عنه اما انا لازمت غرفتي ودعيت ربي​

يختارلي الي فيه الخير لكن قلبي مع نوااااااف​

كل ماتخيلت اني اباخذغيره بكيت .......​

​

امانواف يوم عرف انه تقدملي واحد انجن واضرب عن الطعام والغريب انه كل مايتقدملي ناس على طول يدري​

مادري مين يقوله​

دخل على ابوي وهو بشدة الغضب ورفع صوته وقال​

انتم قايلين رنا لي كيف عطيتوها واحد​

وطلع وهو منهااااروابوى يحاول يهديه ويقول مابعد​

عطينا من قالك​

وكان اذاضاق صدره يطلع بعيد عن المدينه ويجلس لحاله​

​

ضاقت فيه الدنياوكان انطوائي قليل اصدقاه​

اما انا فكان قلبي معاه وتجيني اخباره لكن مابيدي حيله​

​

 

[الدنياسراب]

شكرا لكل من تفاعلت ونورت متصفحي بكلماتها الناعمه

 

[غسق 42]

مشكوره

كملي جزاك الله خير