بادئ الموضوع تاريخ البدء
  • المشاهدات 4,108
  • الردود 40

أمل أمه

New member
إنضم
5 ديسمبر 2006
المشاركات
548
مستوى التفاعل
0
النقاط
0
السلام عليكم ورحمة الله وبركاته



حبيت اسالكم بنات ومتزوجات شلون تقضون يومكم؟؟؟



انا عندي وقت فرااااااااااااااااغ كبيرررررررررر واحس بملل وروتين


كلما افكر اسوي شي تنصك البيبان بويهي انا متزوجه وعندي بنت وحده



مخلصه الجامعه وانتظر الوظيفه .. زوجي مشغول بشغله في الصبح ومن المغرب لين اخر الليل في الديوانيه


اتواعد مع صديقاتي في مكان وافرح اني بغير جو الاقي الكل يعتذر بنفس اليوم بعد مافرحت عشان اطلع من الروتين


اعزم الاقارب والصديقات البعض يزورني والبعض الاخر يعتذر بالدوام والاطفال


قلت اكمل دراستي ادرس ماجستير لسؤ حظي تخصصي للحين مافتحو فيه دراسات العليا الدراسه متاحه بالدول المجاوره


ولسؤ الحظ ثاني مره ممنوع الانتساب لازم سفر واستقر باحدى هذي الدول..


بتقولون مارسي هوايات انا هوايتي القراءه وهذاني اقرى بالنت كل ماتكتبون واقرى بعض الكتب


احب الطبخ اطبخ لزوجي واشكله وصرت اطبخ للجيران والاقارب وارسلهم وينحرجون مني يقولون ترى ماناكل


ومن هالكلام... منحرجين مايقدرون يردون بالمثل ..


درست قرآن والحين راحت علي لانه لازم انتظم بالصف بالتدريج لين نختم لمده سنتين .. بس انا طلعت عشان ولادتي

والحين راجعه لهم عرض قالو طافج اجزاء كثيره ..


مافي دوره ماادخلها ودايم اتابع الجرايد عشان ادور محاظرات دورات ووظايف اي شي ترى زهقت من حياتي الملله


عندكم اقتراحات اسويها مع اني سويت كل شي حتى الايتام اقول لزوجي خلنا نزورهم مابقى الا اروح مستشفى

الامراض العقليه


احس عندي رغبه في مجال التغليف والتزيين بسوي وررشه اصغيره في البيت

اذا عندكم مجموعه كتب تعلمني في هالمجال !!

او اي اقتراحات
 

محمد الزعابي

عضوة مخالفة لقوانين المنتدى
إنضم
13 نوفمبر 2006
المشاركات
106
مستوى التفاعل
0
النقاط
0
الموقع الالكتروني
🔗
بالتوفيق اختي ....................ومشروع التغليف وايد حلو ...............مشالله عليج عندج همه عالية في الانجاز واستغلال الوقت واشوف وقتك اكثر من 24 ساعة

بالتوفيق ان شالله والاخوات ما بقصرون

محمد الزعابي
 
إنضم
15 ديسمبر 2006
المشاركات
2,387
مستوى التفاعل
1
النقاط
0
الإقامة
قطر
ماشاء الله عليكي الله ينور دربك
ويوفقك دنيا ودين
 

أمل أمه

New member
إنضم
5 ديسمبر 2006
المشاركات
548
مستوى التفاعل
0
النقاط
0
مشكورين على الدعاوي الحلوه ..



بس سؤال >> بريء :a115: انتو شتسوون في البيت ؟؟


يعني انا مع التلفزيون عداوه قديمه لانه شي سلبي ويقتل الحوار والنقاش الاسري


عشان جذيه مااحب افتحه اذا زوجي موجود ..


واذا فكرت اطلع وين اروح ..؟؟ احس مافيه مكان مفيد ويستاهل


الله يخليكم ادعولي اني اسافر

وبعدها ينادوني عالوظيفه

احس فعلا خانقتني العبره من الملل :tears: والله لايطعم حد باللي احسه الحين
 
إنضم
15 نوفمبر 2006
المشاركات
1,106
مستوى التفاعل
0
النقاط
0
حبيبتي و الله حاسة فيج
الروتين والملل بيقتلوني وكل هذا ليش ؟؟؟ عشان انطر الوظيفة
على فكرة أنا للحين طالبة وهذا آخر كورس لي بالجامعة
الله يكون بعونج

إذا صج إنتي تحبين التغليف و توابعه افتحي المنتديات وروحي أقسام الديكورات وطلعي أشياء بسيطة
تقدرين اتسوينها واتزينين فيها بيتج أنا عن نفسي مطلعة أشياء واااااااايد مثلا ستار السرير أو لوحات تتعلق بالحائط
أشياء وايد ممكن تبتكرينها وأنتي اتشوفيني اقسام الديكورات أهم شي ابتدي من هاللحظة دوري لج شي وعلى
طول روحي اشتري أغراضه ولا تشترين من أول محل تدخلينه لفي المنطقة عندكم كلها عشان تلقين الأحسن
ومنها أضيعين وقتج
وربي يوفقج ويبعد عنج الملل

أوووووووه نسيت
تقدرين بعد اتسوين شغلات حق بنوتج الصغيرة وغرفتها
 
إنضم
14 سبتمبر 2006
المشاركات
251
مستوى التفاعل
0
النقاط
0
الإقامة
الكويت
الموقع الالكتروني
🔗
أختي تقدرين تتطوعين في جمعيات النفع العام مثل الهلال الأحمر أو اللجان الخيرية لأن حسب علمي يحتاجون كوادر عاملة وتكونين قضيتي وقت فراغك بشي يفيد المجتمع لحين وصول الوظيفة

الله يوفقج
 
إنضم
2 يناير 2007
المشاركات
50
مستوى التفاعل
0
النقاط
0
الإقامة
UAE
انا وضعي مثلج عزيزتي ..

اتخرجت من الجامعه وفي انتظار الوظيفه .. طول اليوم في البيت ..

أحب القراءة .. وقرأت كتب كثيره اغلبها في علم النفس ... وعني اهتمام بالكمبيوتر ..

وبديت مشروع بسيط وهو عباره عن طباعة الخطط المدرسية والتحضير للمدرسات على الكمبيوتر مقابل سعر رمزي ..

لكن بعد أحس بالملل ..

والحين قررت بعد انتهاء اجازة الربيع .. التطوع في عمل يخدم تخصصي .. منها استفيد وما انسى اللي درسته .. ومن ناحية ثانيه أخذ شهادة خبرة ممكن اتفيدني في المستقبل .. وبعد أفيد المجتمع وأكسر الروتين ...

واتمنى انج تلاقين شي مفيد اتسوينه .. وفكرة الجمعيات الخيريه جميله جدا ...

اتمنى لج التوفيق :)
 

هدأة الغسق

New member
إنضم
1 ديسمبر 2006
المشاركات
540
مستوى التفاعل
0
النقاط
0
الإقامة
بعيدة عن مكة
سبحان الله أنا عندي عشرين شغلة وشغلة .

أول شي ماعندي شغالة وعندي اطفال مايساعدوا بس يقربعوا .

ومشرفة في منتديين إلى الآن.

متبرعة من الدرجة الأولى في المركز الإسلامي وكثير من الأنشطة أنا مسؤولة عنها.

متبرعة في المدرسة الإسلامية ووظيفتي مو بس معلمة كمان إدارية وباحثة .. والأصعب لازم أكتب مناهج معينة.

بصراحة أنا ماتبرعت من فراغي لكني مضطرة .. مافي غيري يسوي هذه الوظائف .

أمس أتصلت علي وحدة تطلب دروس خصوصية لبنتها شوية أبكي لها على التلفون .

الله يوفقك أختي ويشغل وقتك في طاعته.

سمعت عن برامج دعوية كثيرة على الإنترنت تحتاج متبرعين .
 

أمل أمه

New member
إنضم
5 ديسمبر 2006
المشاركات
548
مستوى التفاعل
0
النقاط
0

احب اشكر محمد الزعابي

درة الاكوان

دانة بعين بحاره

الى جنه الفردوس

اسيرة الماضي

حمرة الورود


اخواني مشكورين على الدعاوي الحلوه .... والافكار الجميله


انا من زمان مقتنعه بموضوع التطوع بس الدوام اليومي يبيله صرف


وانا مابي احرج زوجي


والكل يقول مايسوى عليج دوام وتعب وبدون راتب ومن هالكلام

اللي يحبط

بس ببدى ادخل اقسام الديكور واتسلى


جزاكم الله الجنه وحسن الخاتمه
 

أ. باسمه الكوس

مشرف سابق
إنضم
18 أكتوبر 2006
المشاركات
305
مستوى التفاعل
9
النقاط
0
العمر
50
الإقامة
الكويت
أهلا وسهلا بصاحبة الحياة المملة

انا عندي افكاااااااار وحركاااااات وبركاااااااات

حق اصحاب الفراغات

مبين عليج كويتيه صح؟

اش رايج انا اساعدج على كسر الملل؟؟

نسوي برنامج خاااص لتطوير الذات

واكتساب المعلومات

ويعتمد على وجودج بالبيت؟؟

موافقه

؟؟؟؟؟؟
 

أمل أمه

New member
إنضم
5 ديسمبر 2006
المشاركات
548
مستوى التفاعل
0
النقاط
0
ياهلا وغلا بالزوجه الحكيمه


موافقه الا موافقه ونص


انا رهن اشارتج


انتي فصلي وانا البس هههههههههههههه


لا والله مو كويتيه قطريه كلنا سيم سيم



اي صح تطوير الذات ماعندنا حد يطرح هالدورات



في الامارات عندهم ناعمه الهاشمي والسعوديه ماشاء عندهم واايد



بس احنا ماعندنا حد وننتظر حد يحن علينا ويتكرم يسوي دورات مثل صلاح الراشد وغيره



(( من فرج عن مؤمن كربه فرج الله عنه كربة من كرب يوم القيامه ))


الله يفرج عنج دنيا وآخره
 

أ. باسمه الكوس

مشرف سابق
إنضم
18 أكتوبر 2006
المشاركات
305
مستوى التفاعل
9
النقاط
0
العمر
50
الإقامة
الكويت
أخ

قطرية ؟؟

هلا فيج

انا كنت مسوية برنامج لو انتي كويتيه تشاركين فيه

لأن أنا عندي شهادات في نظرية( العلاج بالواقع)

وأسوي دورات تدريبية في

1- تطوير الذات

2- الحياة الزوجية والتوافق الزواجي

فكنت ناوية ابعث لج عشان تشاركين عندي

بس تدرين

ودي اجي عندكم مدام( عندكم نقص)

راح احط هذا بخطتي السنوية بإذن الله

المهم يا الغاليه

ما راح اتركج بدون فائده

خليج معاي :



اولا : قرري ماذا تريدين من نفسك بعد 10 سنوات؟؟

ثانيا : ما الأمور التي يجب ان تعمليها الأن لتحقق أهدافك ؟؟

ثالثا : إعملي لنفسك جلسه

احضري دفتر واقسميه اربع اقسام

1- قسم التنمية الجسدية
2- قسم التنمية الروحية
3- قسم التنمية النفسية
4- قسم التنمية الماليه



في كل قسم اكتبي ماذا تريدين ان تفعلي وكيف تنمي هذا الجانب

اهم شئ في خطتك ان تكتبي اشياء ( بسيطه-متحكم فيها من قبلك-فعاله)

بعد ذلك اعملي مخطط يومي لتنفيذ هذه الخطط

وصدقي بالله راح تتمنين ان اليوم يصير ( 30 ساعه ) لأن مخططات بتصير اكثر من 24 ساعه يوميا

ايضا مارأيك ان تحددي اسماء كتب قوية في تطوير الذات

وتبدأي في قراءتها

انا عندي كتب د. بشير الرشيدي قوية وممتازة

يمكن لأني تدربت عليها وادرب عليها

اذا غير موجودة

في قطر

انصحك بكتب دكتورة جيل لندنفيلد رااااااائعه

وهي من مبيعات مكتبة جرير

تقريبا 9 او 10 مؤلفات تمت ترجمتها حتى الأن

انصحك فيها

- بالنسبة للجانب المالي

فكري بأي مشروع بسيط لا يزيد رأس ماله على ( 500 درهم)

وابدأي بالعمل فيه

مثلا مشروع عمل علب للهدايا

وتكون مفتوحه

يعني اللي يشتريها مغلفه وجاهزة ومفتوحه ممكن الهدية تنحط داخلها

وشغلي مخج عدللل وسوي افكار غريبه

ومربحه

يالله ابدي بالتطبيق انتي واختي الماضي الأليم

واي خدمه انا حاضره
 

أمل أمه

New member
إنضم
5 ديسمبر 2006
المشاركات
548
مستوى التفاعل
0
النقاط
0
الله يبارك فيج وبجهودج اختي الزوجه الحكيمه :flex:


شوفي عندنا ثلاث مراكز مناسبه انج تطرحين فيها دورات بقطر



مركز ابداع الفتاة ... مركز قمم .. ومركز الأستشارات العائليه .. انا اتابعهم احيانا بس مااشوف عندهم دورات مجرد

محاضرات..


بالنسبة ايش ابي اكون بعد عشر سنوات انا احب مجال الدعوة في الله



اخذت دورة تاهيل الداعيات وعلى طول ترشحت بعدها للوظيفه كداعيه بفضل من الله ومنه بس الموضوع وقف صارله 7 شهور


واخوي يبيني اشتغل عندهم في مجال البترول


يعني شسوي .. اهيئ نفسي لمجال الدعوه بحفظ القران والاحاديث واستماع المحاظرات عشان اتعلم من اساليب المشايخ


والا اروح اتعلم لغه انجليزيه واطور نفسي من جانب الاداره واعمال السكرتاريه


لان الواحد لازم يستعد وتكون عنده خلفيه عن مجال عمله حتى قبل الدوام نفسه


:idea: ((عشان جذيه ابي اي شي في مجال تطوير الذات لانه راح ايفيدني في اي مكان )):icon30:



بالنسبه للمشروع



انا من زمان عندي فكره مشروع تصميم ازياء الاطفال والحمدلله عندي الرغبه وابدع في هالمجال بس راس المال راح

يكون بين 30 الى 50 الف من

خياطين وادوات وايجار وخلق ومواد خام


:idea: ((عشان جذيه حولت من مجال التصميم الى مجال الرسم واليوم بروح اخذ الاغراض الازمه )):clap:



اما بالنسبه للكتب اللي ذكرتيها مااعتقد بلاقيها


ماتعرفين اسماء كتب لصلاح الراشد وطارق سويدان لاني اثق فيهم بشده واحب اسلوبهم


ويارب اتشرفينا بقطر انتي والدكتورة ناعمه عشان احضر لج ..



ترى مافيه مشكله لو انتي اتصلتي وعرضتي عليهم انج اتسوين دورات باسعار مخفضه واذا نجحتي



صدقيني كل شهرين وانتي عندنا



لان الدوله اصغيره وبتطلبج الشركات والمؤسسات ..


هاه اشرايج باللي قلته الاسطر اللي عندها ليت
 

أ. باسمه الكوس

مشرف سابق
إنضم
18 أكتوبر 2006
المشاركات
305
مستوى التفاعل
9
النقاط
0
العمر
50
الإقامة
الكويت
الله افكارج حلوة وقوية

خلينا مع بعض نتناقش

شللون تأهلين نفسج للدعوة

-------

ما قلتي لي عندكم مكتبة جرير؟؟

او تقدرين تطلبين ممن الانترنت؟؟

عشان نتفق انا معاج على كتب من مكتبة جرير ندرس كل اسبوع كتااااب
 

أمل أمه

New member
إنضم
5 ديسمبر 2006
المشاركات
548
مستوى التفاعل
0
النقاط
0
يابعد قلبي يالقلب الكبير

تعبتج وياي ..


واختي الزوجه الحكيمه .. مشكوره عل هالاهتمام

كيف اطور من نفسي في مجال الدعوة ؟؟؟

انا وصيت صديقاتي اللي يشتغلون في ادارة الدعوة اي دورة تنطرح يبلغوني عنها لانهم في قلب الحدث

وبااحاول ارجع لحلقات القرآن مااعتقد باقدر بس مجرد محاولة .. وبقرى مجموعه كتب واستمع للمحاضرات من النت

اثناء الرسم

اي عندنا مكتبه جرير ..

مدامنا اول الاسبوع عطيني اسم كتاب واذا في كرسات تمارين بعد يكون احسن اختي ..

الله يوفقج ويسخر لج زوجج ويبارك في عيالج
 
إنضم
13 سبتمبر 2006
المشاركات
2,309
مستوى التفاعل
1
النقاط
0
الإقامة
في عالمي .. عالم الأنثى
الموقع الالكتروني
🔗
الله يعافيكم اي شي فيه دراسه اسمحولي ارز ويهي معاكم هههههه
انا بدخل وياكم
اعشق الدراسه .. و احب اتعلم
الزوجة الحكيمة انا معاج بالكويت .. ما انفع ؟ هههههههه
ودي ان نفتح قسم بالمنتدى فقط لدراسه كتب تطوير الذات و مناقشتها مع بعض
اشرايكم ؟
اذا وافقتوا راح اخبر الادارة بذالك
عندي دافع قوي لذلك
 

أ. باسمه الكوس

مشرف سابق
إنضم
18 أكتوبر 2006
المشاركات
305
مستوى التفاعل
9
النقاط
0
العمر
50
الإقامة
الكويت
اناكنت مسوية دورة عن القراءة

كان من توصياتها نسوي مجموعه( جروب) للقراءة

اش رايكم بنات؟؟

انا الزوجه الحكيمة + امل امه + القلبالكبير + اسيرة الماضي

نتفق على كتاب واحد اسبوعيا

نتناقش فيه

وندرسه

وخلال شهر 4 كتب

وخلال سنه 48 كتااااااااااااااااب يا سلام شئ رااائع جدااا
 

أمل أمه

New member
إنضم
5 ديسمبر 2006
المشاركات
548
مستوى التفاعل
0
النقاط
0
ماشاء الله عليج يالزوجه الحكيمه


اي هذي الافكار الروعه . والابلاش .:icon30:



والقلب الكبير فكرة منتدى الدراسه حلو بس لازم نحط تخصصات

مثل جروب اللغه الانجليزيه ولها مستويات

وجروب تعلم الطبخ

وجروب تطوير الذات (فديتنا يعني احنا مع ابلتنا الزوجة الحكيمه )

وجروب حلقات القرآن وله مستويات

وجروب تعلم برامج الكمبيوتر

وجروب لتعلم الرياضيات او الحساب

بس بشرط يكون عدد الجروب مايتجاوز 8

ويبدا الاشتراك من بدايه الاسبوع

مثلا جروبنا العزيز بدىء يقرى في كتاب معين وجات اخت يوم الثلاثاء وقالت انتظروني بشترك

بنقول اسمحيلنا مانقدر تعالي السبت الياي بنعرض الكتاب اليديد تعالي اقريه معانا واقري الكتاب اللي طافج

معاه بنفس الاسبوع عشان تقدر تناقش ويانا الكتابين ..


واذا زاد العدد اللي يبي نفس التخصص نقدر نفتح جروب ثاني لهم ويبدى التنافس عاد يااااااسلام

والله ذكرتوني بايام الابتدائيه << شدخل

يالله القلب الكبير افتحي القسم واحنا وياج والاترى بنخونج انا والزوجه الحكيمه واسيرة الماضي ونقرى كتب من وراااج

لاتتاخرين مادامنا اول الاسبوع >> شفيها اشتطت :clap:
 

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى