حياتي الزوجية والأسرية تتدهور مع المسؤوليات ... شسوي ؟؟

[روحي تحبه]

السلام عليكم ورحمة الله وبركاته ،،

أخواتي البلقيسيات الكريمات ...

عندي شي محيرني في حياتي وبغيت المشورة الصادقة منكم ...
أنا حضرت عدة دورات للناعمة ناعمة ..وأعزم بعدها على التغيير بس ما أدري شلي يصير فيني وأرجع لأسلوبي القديم ...

أخواتي أنا مشكلتي إني ما قاعدة أتعامل مع زوجي وعيالي بأسلوب يناسب شخصياتهم ..
آسفة أحس كلامي ملخبط .. بس أنا مشكلتي إني أبي أعيش حياة أسرية جميلة ... بس المشكلة إني دايما متوترة من كثرة المسؤوليات ...صرت ما أهتم بنفسي وايد .. علاقتي مع زوجي متوترة لنفس السبب ..عيالي أصرخ عليهم حزات وكأن شي قاعد يلحقني ويضغط علي ...

أبي أستمتع معاهم ..أب أكون أنثى بكل ما تعنيه هالكلمة من معنى ..أبي حواري مع زوجي يكون راقي مو بس طلبات أو تذمر أو كلام مباشر ..الحوار فن .. وأب أتقنه ..
شلون أطبق كلام ناعمة اللي سمعته في حوار الكناري وغيرها في حياتي الزوجية بالذات ؟؟؟ من وين أبدأ ...محتااااااااارة والله .. أحس شخصيتي قاعدة تتراجع مع زيادة المسؤوليات وتشعبها وعلاقتي بزوجي تتدهور ...أنقذوني ..

 

[ريــــــــــم]

الله يعينك حبيبتي انتي اعزمي واصري على نفسك انك تتغيري ترا مافيه شي يجي من دون اصرار وعزيمه
بعدين هدي سهله ما يبغالها
بس انتي شكلك مآآآآررره مضغوطه نفسيآ عشان كدا مو قادره
بس حاولي حبيبتي تروووقي وتكووني بنووته كيووت وتسيبي الصراخ عارفه هدا الشي مو بكيفك على حسب جو البيت
يعني على حسب الاضطرابات العائليه
انتي انسي المشاكل ادا كنتي تمرري بمشاكل
وادا كان هدا طبعك حاولي تتغيري للاحسن بس لازم الاصرار والعزيمه
ربي يسعد حياتك ويهدي بالك ياااارب
تقبلي مروري​

 

[سمو الأميرة]

انتي مستصعبه التغيير لأن خلاص تعودتي على أسلوب معين .. و صعب تغيرينه .. و صدقيني التغيير لا يمكن يصير في يوم و ليله .. الموضوع محتاج وقت و صبر ..
أول شي لا تعتبرين المسألة " تغيير " الكلمة الأصح في المعنى هي "تطوير" ..
انتي تسعين لتطوير نفسج ..
اكتبي عندج في دفتر شو أهدافج لتطوير نفسج و شو هي الأشياء اللي تعلمتيها و حابة أنج تطبقينها .. اكتبي بالتفاصيل ..
و جربي كل شي حبه حبه .. يعني باجر طبقي شي واحد .. و كافئي نفسج لأنج سويتيه .. مثلاً .. امسكي أعصابج و كلمي عيالج بأسلوب حلو .. و بعدين المكافأة شي تحبينه ..
و كل يوم طبقي شي و وراه مكافأة .. و هلم جراً .. >> مكافأة بسيطة مثلاً ساعة على النت .. أو مشاهدة برنامج حارمة نفسج منه لأن ما عندج وقت .. أو أيس كريم .. أو جلسة أسترخاء ..
ترا أسلوب المكافأة أفضل طريقة لتثبيت السلوك الجيد .. و اتخذي نفس الأسلوب في تربية الأبناء .. و حاولي تطورين معلوماتج عن كيفية تربية الأطفال عشان تبتعدين عن العصبية معاهم .. لأنها ما تنفع !! خسارة أعصابج بس !!

و الإرادة هي أهم شي .. و صدقيني حياتج بتصير أحلى و أحلى ..

 

[روحي تحبه]

جزاج الله خير اختي ريم ..أنا فعلا مضغوطة نفسيا من كثرة المسؤوليات ومن وجود أشياء وايد حابه أغيرها ,,,

أختي سمو الأميرة ..فعلا كلامج صحيح .. وأنا هذا فعلا اللي بادية أسويه ... فكرت ..لازم أترفق بنفسي (لأني وايد ألومها) .. وأبتدي حبه حبه مثل ما قلتي ..
حاليا بديت أحاول أكظم غيظي وأضبط أعصابي مع الكل ..
الله يعين
دعواتكم ...

 

[الغربه تأكلنى]

حبيبتى انتى متوتره لانك عندك مليون شئ تبي تغيريها في يوم وليله وهذا غلط
اعملى لنفسك جدول
غيري من اسلوبك مع الاولاد الاول وشوفي ايش تحبي تغيريه فيهم معاهم
اجل اذا انصلح حالك معاهم راح تنحل جزء كبير مع زوجك
وبعد ما تخلصى من الاولاد فكرى في زوجك كيف تغيري حالك معاه
وبعدها غيرى من حالك
بهدوء وبراحه ولا تستعجلى التغير
الله خلق الدنيا في 6 ايام وانتى تبي كل شئ مره واحده
لاتضغطى على نفسك بالامور
اعملى كل يوم شئ او اتنين فقط واعطى نفسك اجازه وراحه عقليه يوم في الاسبوع لا تسوى شئ ابدا
اعطى الاولاد لاهلك وقضى يوم مع زوجك فقط ريحى بالك معاه
وبعدها ارجعى كملى المسيره
والله يعينك​

 

[~أغلى الغاليات~]

تعرفين يا اختي انا مريت بنفس هالضغوطات ..بعدين تعلمت اعطي نفسي اجازه من زوجي ومن بنتي ومن كل شي..​

​

وصج صار نشاطي يتجدد ما اقولج صرت مختلفه كلش بس تحسنت بنسبه 70 % ..وهاي بعض اللي اسويه..​

- اخلي يوم لي اهتم فيه بنفسي وادلع نفسي ببانيو كله رغوه ..
وفي صابون من لاش يستخدم للاسترخاء وتهدئة الاعصاب وصج تنقعين في البانيو من هنيه ترقدين بعدها على طول ويطلع رغوه كثيفه ويخلي لون الماي بنفسجي يعني الدلع على اصوله هذي غير الريحه الجذابه..

وهذي بعض من منتجاتهم..وعندهم كريم بريحه الفانيليا عجييييب صج دلع ويخلي الجسم زبده..وكلها مواد طبيعيه والروايح عجيبه..​

- ثاني شي اخصص وقت خاص فيني لمده من 10 دقايق ل 15 دقيقه اقعد فيها بروحي في مكان هادي ما فيه اي ازعاج ويفضل في حديقه البيت او اي مكان فيه طبيعه.. ​

​

واحب اسوي هالحركه في بيت اهلي في حوشهم لانه فيه زرع..اشم هواء نظيف..وصج تحسين نفسيتج تتغير..لاحظي ان احنا دوم نتحرك على هواء المكيفات في البيت في الشغل في السياره..انا عن نفسي احس باختناق ..وهالشي ياثر فينا بدون ما نحس..​

- ثالث شي لما تروحين للسوق دلعي نفسج بكريمات وعطورات خاصه فيج يعني قولي اليوم بشتري لنفسي شي خاطري فيه ​

​

..انا عن نفسي البيجامات والشوزز والشنط هم متعتي..مشكلتنا كل اولوياتنا لازواجنا وعيالنا ..فلان ناقصه وفلانه ناقصها ..واحنا مساكين مالنا نصيب..​

- لما يكون زوجي مشغول وبنتي نايمه ..

اقرا كتاب واستمتع به حتى لو عشر دقايق ..انا عن نفسي احب كتاب لا تحزن ..وفي كتاب بعد ديني هو عن الاستمتاع بالحياه..بين الفتره والثانيه اقرا اقل شي صفحتين..وصج احس براحه..ولا تنسين القرااان يريح النفس ..​

بالنسبه للدلع ولدورات ناعمه ..​

انا قاعده اطبقها بالتدريج ...لان مستحيل تطبقين شي بكل حذافيره من مره وحده..واعرفي ان اذا قدرتي نفسج وخليتيها تتنفس انتي بترتاحين واللي حولج بيحس بهالراحه..وبتقدرين تنظمين وقتج اكثر وبالتدريج بتبدين تطبقين حبه حبه..انتي تبين تطبقين وانتي مضغوطه ..صدقيني ما في اي فايده..انا يوم عطيت نفسي هالاجازات صرت متفهمه واعرف احتوي المشاكل بشكل افضل ..

حتى بنتي تعاملي معاها صار افضل مع اني ماا اضربها او اهاوشها الا نادر بس صرت احاول اتعامل معاها بشكل راقي وافهمها الشي بهداوه وصارت تطيعني اكثر..

وحتى لما اطبق شي اكون مرتاحه ومو متوتره ..حبيبتي عطي نفسج هلاجازات ..وصدقيني بترتاحين..​

 

[عنقود عنب]

عزيزتي


ما تمرين به طبيعي جدا ...اذا مو كل الامهات والزوجات في فترة من فترات حياتهم مروا به ..فالاغلبية مرت بهذه الضغوطات

فلا تخافي ولا تقلقي ...والظاهر انك شخصية قلقة نوعا ما وهذا اللي يزيد من الازمة

واللي يزيد الموضوع اكثر ...ان الواحده منا تبغي كل شي كامل ومثالي

اعملي الاهم ثم المهم ...

عيشي حياتك يا عزيزتي ... فلا اجمل من انك تجلسي جلسات حلوة مع ابناءك و تستمتعي بتربيتهم

ولا احلى من انك تجلسي مع زوجك جلسات رايقة تستمعتوا بها ببعض

الحياة كلها مشاغل ...ولكن الشاطر من يقدر يدير وقته

ربي يوفقك